ছামুৰাই

অসমীয়া ৱিকিপিডিয়াৰ পৰা

ছামুৰাই (ইংৰাজী: Samurai) সকল প্ৰাচীন জাপানৰ এটা যোদ্ধা জাতি৷ জাপানী ভাষাত ছামুৰাই শব্দৰ অৰ্থ হ'ল "যি কতৰ্ব্য পালন কৰে"৷ ইতিহাসবিদসকলৰ মতে ছামুৰাই হ'ল মূলত: 'বুচি' বা 'বুচিয়ান' নামৰ যুদ্ধপ্ৰিয় এটা দল৷ তেওঁলোক অৱশ্যে সকলো সময়তে যুদ্ধক লৈ ব্যস্ত নাথাকে৷ আন সময়ত খেতি-বাতিও কৰে৷[1]

১৮৬০ দশকত অংকন কৰা ছামুৰাইৰ এখন চিত্ৰ

বিশেষত্ব[সম্পাদনা কৰক]

এজন ছামুৰাই পুত্ৰ,জন্মসূত্ৰেই ছামুৰাই হ'ব নোৱাৰে৷ প্ৰকৃত ছামুৰাইৰ কিছুমান বিশেষত্ব থাকে৷ সেই বিশেষ গুণ আৰু ক্ষমতা অৰ্জন কৰিব পাৰিলেহে তেওঁক ছামুৰাই বুলি কোৱা হয়৷ছামুৰাইসকলে তৰোৱাল চালনা,জুডো আৰু ধনুবিৰ্দ্যাক সমৰকলাৰ অন্তৰ্ভুক্ত কৰি লৈছিল৷ তেওঁলোক কিন্তু হিংসুক নাছিল৷ কাৰণ তেওঁলোকৰ বাণী আছিল - "এশবাৰ যুদ্ধ কৰা বা জয় কৰা ডাঙৰ কথা নহয়,বিনাযুদ্ধে শত্ৰুক বশ কৰাহে প্ৰকৃত লক্ষ্য হোৱা উচিত"৷ এজন প্ৰকৃত ছামুৰাই সমৰকলাত পাৰ্গত হোৱাৰ উপৰিও প্ৰত্যুৎপন্নমতি গুণসম্পন্ন আৰু গভীৰ চিন্তা কৰিব পৰাও হ'ব লাগে৷ প্ৰাচীন কিছুসংখ্যক জাপানী গ্ৰন্থত ছামুৰাইসকলৰ যুদ্ধকৌশলৰ উল্লেখ আছে৷ তেনে এখন গ্ৰন্থ হ'ল - "বুকে চো হাত্তো"৷ ছামুৰাইসকলে বিশ্বাস কৰে যে সাহসেই জীৱন৷[1]

ইতিহাস[সম্পাদনা কৰক]

Iron helmet and armor with gilt bronze decoration, Kofun era, 5th century. Tokyo National Museum.

ইতিহাসত,৯৩০ খ্ৰিষ্টাব্দৰ শেষৰ ফালে জাপানত সৰ্বপ্ৰথম এটি বিশেষ যোদ্ধা জাতিৰ উল্লেখ পোৱা যায়৷ অৱশ্যে তাৰো আগেয়ে চতুৰ্থ আৰু সপ্তম শতাব্দীৰ জাপানৰ কিছু কিছু অঞ্চলত তেওঁলোকৰ সন্ধান পোৱা গৈছিল৷ ৯৩০ খ্ৰিষ্টাব্দমানত এটা ক্ষমতাশালী যোদ্ধা জাতি হিচাপে ছামুৰাইসকলে নিজৰ অস্তিত্ব ঘোষণা কৰে।[1]

সমৰকলাৰ প্ৰকাৰ[সম্পাদনা কৰক]

শ্ৰেষ্ঠ ছামুৰাই যোদ্ধাসকলে অনেক চিন্তা আৰু পৰিশ্ৰমৰ যোগেদি জাপানৰ সমৰকলাক উন্নত আৰু পৰিশীলিত কৰিছিল৷ তেওঁলোকে সমৰকলাক তিনিটা শ্ৰেণীত ভাগ কৰিছিল -

  1. হত্যাৰ মাধ্যমত আক্ৰমণ-প্ৰতিৰোধ
  2. আঘাতৰ মাধ্যমত আক্ৰমণ-প্ৰতিৰোধ
  3. হত্যা বা আঘাত অবিহনেই আক্ৰমণ-প্ৰতিৰোধ

প্ৰচাৰ[সম্পাদনা কৰক]

আগ্নেয়াস্ত্ৰৰ ব্যৱহাৰ বাঢ়ি অহাৰ পাছত ছামুৰাইসকলৰ সামৰিক কলা-কৌশল অপ্ৰাসংগিক হৈ পৰিল৷ ছামুৰাইসকলক প্ৰথমে বিশ্ববিখ্যাত কৰি তোলে জাপানৰ চিত্ৰ পৰিচালক আকিৰা কুৰোছাৱাৰ "ছেভেন ছামুৰাই" নামৰ ছবিখনে৷ তাৰ পাছতো কুৰোছাৱাই "কাগেমুছা" নামৰ এখন ছবিত ছামুৰাইক প্ৰতিষ্ঠা কৰিছিল৷ ছামুৰাই সম্পৰ্কীয় আন এখন ছবি হ'ল "ৰেড ছান"৷[1]

চিত্ৰভঁৰাল[সম্পাদনা কৰক]


তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 "জ্ঞানাঞ্জন". প্ৰান্তিক খণ্ড ৩৩শ বছৰ (১ম সংখ্যা): পৃষ্ঠা ৬৪. ১ - ১৫ ডিছেম্বৰ ২০১৩. 

লগতে পঢ়ক[সম্পাদনা কৰক]

বাহ্যিক সংযোগ[সম্পাদনা কৰক]