ছিৰাজ মিনৱালা

অসমীয়া ৱিকিপিডিয়াৰ পৰা
ছিৰাজ নৱল মিনৱালা

হাৱাৰ্ড বিশ্ববিদ্যালয়ত ছিৰাজ মিনৱালা
জন্ম ১৯৭৩
মুম্বাই, মহাৰাষ্ট্ৰ, ভাৰত
বাসস্থান ভাৰত
নাগৰিকত্ব ভাৰতীয়
ক্ষেত্ৰ ৰজ্জু তত্ব (ইংৰাজী:String Theory), তাত্বিক পদাৰ্থবিজ্ঞান
প্ৰতিষ্ঠান টাটা মৌলিক গৱেষণা প্ৰতিস্থান, হাৱাৰ্ড বিশ্ববিদ্যালয়
শিক্ষানুষ্ঠান ভাৰতীয় প্ৰযুক্তিবিদ্যা প্ৰতিস্থান, কানপুৰ (স্নাতকোত্তৰ), প্ৰিন্সটন বিশ্ববিদ্যালয় (ডক্টৰেট)
ডক্তৰেল পৰামৰ্শদাতা Nathan Seiberg
উল্লেখনীয় বঁটা শান্তিস্বৰূপ ভাটনাগৰ বঁটা, আই চি টি পি বঁটা, New Horizons in Physics Prize, ইনফ'চিচ পুৰস্কাৰ

ছিৰাজ মিনৱালা (মাৰাঠী: शिराझ मिन्वाल्ला) এগৰাকী ভাৰতীয় তাত্বিক পদাৰ্থবিজ্ঞানী। তেওঁ ৰজ্জু তত্ব সম্পৰ্কীয় মৌলিক গৱেষণাৰ বাবে প্ৰখ্যাত। [1] তেওঁ বৰ্তমান মুম্বাইৰ টাটা মৌলিক গৱেষণা প্ৰতিস্থানৰ তাত্বিক পদাৰ্থবিজ্ঞান বিভাগৰ অধ্যাপক। [2] ইয়াৰ আগেয়ে তেওঁ হাৱাৰ্ড বিশ্ববিদ্যালয়ত হাৱাৰ্ড চছাইটি ফেল' আৰু তাৰ পৰৱৰ্তী সময়ত সেই বিশ্ববিদ্যালয়ৰে সহকাৰী অধ্যাপক হিচাপে কৰ্মৰত আছিল।[3][4]

ছিৰাজ মিনৱালাৰ জন্ম হৈছিল ১৯৭৩ চনত মহাৰাষ্ট্ৰমুম্বাই মহানগৰত এটা জড়োপাসক(ইংৰাজী: Zoroastrian) পৰিয়ালত। মিনৱালাই ১৯৯৫ চনত ভাৰতীয় প্ৰযুক্তিবিদ্যা প্ৰতিস্থান, কানপুৰৰ পৰা স্নাতক ডিগ্ৰী লাভ কৰিছিল আৰু তেওঁ শ্ৰেণীৰ শীৰ্ষ ছাত্ৰ হিচাপে ৰাষ্ট্ৰপতিৰ সোণৰ পদক লাভ কৰিছিল। ইয়াৰ পিছত তেওঁ প্ৰিন্সটন বিশ্ববিদ্যালয়ৰ পৰা Nathan Seiberg-ৰ অধীনত গৱেষণা কৰি ডক্টৰেট ডিগ্ৰী লাভ কৰিছিল। তেওঁ ভাৰত চৰকাৰৰ বিজ্ঞান আৰু প্ৰযুক্তিবিদ্যা বিভাগ(ইংৰাজী:Department of Science & Technology)ৰ পৰা ২০০৫-০৬ চনত স্বৰ্ণজয়ন্তী বৃত্তি(ইংৰাজী:Swarnajayanti Fellowship) লাভ কৰিছিল।

২০১০ চনত তেওঁ আই চি টি পি পুৰস্কাৰ(ইংৰাজী:ICTP Prize) লাভ কৰাৰ লগতে ২০১১ চনত ভাৰতৰ সৰ্বোচ্চ বিজ্ঞান সন্মান শান্তি স্বৰূপ ভাটনাগৰ বঁটা পদাৰ্থ বিজ্ঞান বিভাগত লাভ কৰিছিল। [5] ২০১৩ চনত ইনফ'চিচ চায়েন্স ফাউণ্ডেচনৰ দ্বাৰা প্ৰদান কৰা ইনফ'চিচ পুৰস্কাৰ পদাৰ্থবিজ্ঞান শাখাত ছিৰাজ মিনৱালাই লাভ কৰে। [6][7]

মিনৱালাক ২০১৪ চনৰ Fundamental Physics Prize-ৰ দ্বাৰা New Horizons in Physics Prize প্ৰদান কৰা হৈছে। এই পুৰস্কাৰৰ প্ৰদানৰ প্ৰশস্তিত এইদৰে কোৱা হৈছে “his pioneering contributions to the study of string theory and quantum field theory; and in particular his work on the connection between the equations of fluid dynamics and Albert Einstein’s equations of general relativity.”[8][9][7]

পদাৰ্থবিজ্ঞানৰ ক্ষেত্ৰলৈ উল্লেখনীয় বৰঙণি[সম্পাদনা কৰক]

  • Analysis of primary operators on AdS4 and AdS7
  • Three-point functions in N=4 supersymmetric Yang-Mills theory and AdS/CFT
  • Noncommutative perturbative dynamics (with Nathan Seiberg and Mark Van Raamsdonk)
  • Noncommutative solitons (with Andrew Strominger and Rajesh Gopakumar)
  • OM-theory (with Nathan Seiberg, Andrew Strominger and Rajesh Gopakumar)
  • Stringy interactions in pp-waves
  • Some insights about tachyon condensation

তথ্যসূত্ৰ[সম্পাদনা কৰক]

  1. "Physicist makes string theory look simple". Tufts Institute of Cosmology. 26 April 2004. http://cosmos.phy.tufts.edu/mhonarc/physicstheorynet/pdfIFdNoA3qIP.pdf। আহৰণ কৰা হৈছে: 6 February 2010. 
  2. "Members of the Department of Theoretical Physics". Tata Institute of Fundamental Research. http://theory.tifr.res.in/members.php। আহৰণ কৰা হৈছে: 6 February 2010. 
  3. "Sultans of String". The Indian Express. 27 February 2005. http://www.indianexpress.com/storyOld.php?storyId=65362। আহৰণ কৰা হৈছে: 6 February 2010. 
  4. "The Telegraph - Calcutta : Metro". The Telegraph. 4 November 2004. http://www.telegraphindia.com/1041104/asp/calcutta/story_3964447.asp। আহৰণ কৰা হৈছে: 6 February 2010. 
  5. "11 scientists selected for Shanti Swarup Bhatnagar award" ibn live, September 26, 2011. [1]
  6. Nayanjot Lahiri, 6 others win Infosys Foundation awards
  7. 7.0 7.1 Vasudevan Mukunth (14 November 2013). "'Research in India happens in a few elite institutions'". The Hindu. http://www.thehindu.com/opinion/interview/research-in-india-happens-in-a-few-elite-institutions/article5347654.ece?homepage=true। আহৰণ কৰা হৈছে: 14 November 2013. 
  8. https://fundamentalphysicsprize.org/news7
  9. http://www.icts.res.in/news/details/142/

বাহ্যিক সংযোগ[সম্পাদনা কৰক]