জিজিয়া

অসমীয়া ৱিকিপিডিয়াৰ পৰা


জিজিয়া হৈছে মুছলমান শাসকসকলে অমুছলমানসকলৰ ওপৰত ধাৰ্য কৰা জনমুৰি ধৰ্মীয় কৰ। মধ্যপ্ৰাচ্যত মুছলমান শাসকসকলে ইহুদি আৰু খ্ৰীষ্টানসকলৰ পৰা এই কৰ আদায় কৰিছিল। ৭১২ খ্ৰীষ্টাব্দত আৰব নেতা মহম্মদ বিন কাচিমে ভাৰতৰ সিন্ধু প্ৰদশ জয় কৰি তাত জিজিয়া কৰৰ প্ৰৱৰ্তন কৰে। ভাৰতত মুছলমান শাসন সম্প্ৰসাৰিত হোৱাৰ লগে লগে সমগ্ৰ ভাৰততে হিন্দুসকলৰ পৰা এই কৰ আদায় কৰা প্ৰথা আৰম্ভ হয়। প্ৰথম অৱস্থাত ব্ৰাহ্মণসকলে এই কৰ দিব নালাগিছিল। কিন্তু টোগলক বংশীয় তৃতীয় চুলতান ফিৰোজ শ্বাহ টোগলকৰ শাসন কালত (১৩৫১-৮৮) ব্ৰাহ্মণসকলেও এই কৰ দিবলৈ বাধ্য হয়। ১৫০৪ খ্ৰীষ্টাব্দত মোগল সম্ৰাট আকবৰে এই কৰ উঠাই দি হিন্দুসকলৰ শুভেচ্ছা-সমৰ্থন লাভ কৰে। কিন্তু পৰৱৰ্তী সম্ৰাট ঔৰংজেৱে ১৬৭৯ খ্ৰীষ্টাব্দত পুনৰ এই কৰ প্ৰৱৰ্তন কৰাত হিন্দুসকলৰ মাজত ক্ষোভৰ সৃষ্টি হয়; ৰাজপুতসকলৰ লগত মোগলৰ দীৰ্ঘস্থায়ী সংঘৰ্ষৰ সূচনা হয়।