পাঠশালা

পাঠশালা
—  নগৰ  —
পাঠশালা পাঠশালাৰ অৱস্থান Assam
স্থানাঙ্ক	26.499382° N 91.179271° E
দেশ	ভাৰত
ৰাজ্য	Assam
জিলা	বৰপেটা
জনসংখ্যা	9,652 (2001)
সময়াঞ্চল	ভাৰতীয় মান সময় (গ্ৰী.মা.স. ০৫:৩০)
ক'ড • পিনক'ড • ৭৮১৩২৫ • ফোন • +৯১-৩৬৬৬

পাঠশালা ভাৰত ৰ অসম ৰাজ্যৰ বৰপেটা জিলাৰ অন্তৰ্গত এখন নগৰ । ই বৰপেটা জিলাৰ বজালী মহকুমাৰ সদৰ ঠাইও ।

জনগাঁঠনি

২০০১ চনৰ লোকপিয়ল মতে পাঠশালাৰ মুঠ জনসংখ্যা ৯৬৫২জন । ইয়াৰে প্ৰায় ৫৩% পুৰুষ আৰু ৪৭% মহিলা । পাঠশালাৰ মুঠ সাক্ষৰতাৰ হাৰ প্ৰায় ৬৮%, উল্লেখ্য যে এই হাৰ ৰাজ্যৰ সাক্ষৰতাৰ হাৰ (৫৯.৫%)তকৈ বেছি । পুৰুষৰ সাক্ষৰতাৰ হাৰ ৭২% আৰু মহিলাৰ ৬১%, মুঠ জনসংখ্যাৰ প্ৰায় ৪৭% লোকৰ বয়স ৬ বছৰতকৈ কম । পাঠশালাৰ প্ৰায় ৯০% লোকেই অসমীয়া লোক; বাকীখিনি প্ৰধানতঃ বঙালী আৰু মাৰোৱাৰী সম্প্ৰদায়ৰ।

শিক্ষানুষ্ঠান, কাৰ্য্যালয় ইত্যাদি

বৰপেটা জিলাৰ শিক্ষাৰ অন্যতম কেন্দ্ৰস্থল পাঠশালা । ইয়াত কেইবাখনো প্ৰাথমিক আৰু মজলীয়া বিদ্যালয় আৰু মহাবিদ্যালয় আছে । বিদ্যালয়সমূহৰ ভিতৰত পাঠশালা মজলীয়া বিদ্যালয়, বজালী উচ্চতৰ মাধ্যমিক বিদ্যালয় আদি উল্লেখযোগ্য । ইয়াৰে পাঠশালা মজলীয়া বিদ্যালয় এখন শতবৰ্ষ গৰকা বিদ্যালয় আৰু অতীজৰে পৰা দূৰ দূৰণিৰ ছাত্ৰ ছাত্ৰীৰ অধ্যয়নৰ কেন্দ্ৰবিন্দু হিচাপে পৰিগণিত হৈ আহিছে । ইয়াত থকা মহাবিদ্যালয় দুখন হ'ল - বজালী মহাবিদ্যালয় আৰু পাঠশালা মহাবিদ্যালয় । দুয়োখনেই বিভিন্ন ক্ষেত্ৰত পাঠশালাৰ নাম উজলাবলৈ সক্ষম হৈছে। বৰ্তমান পাঠশালাত কেইবাখনো ব্যক্তিগত পৰ্য্যায়ৰ বিদ্যালয় আৰু কনিষ্ঠ মহাবিদ্যালয় গঢ় লৈ উঠিছে । ইয়াৰ ভিতৰত বজালী একাডেমী অব একচিলেঞ্চ, আনন্দৰাম বৰুৱা একাডেমী আৰু কৃষ্ণকান্ত সন্দিকৈ জুনিয়ৰ কলেজেই উল্লেখযোগ্য ।

তাৰোপৰি পাঠশালাত কেইবাটাও চৰকাৰী কাৰ্য্যালয়, আৰক্ষী চকী আদি আছে ।

মঠ-মন্দিৰ

পাঠশালাৰ পৰা ৩ কিঃমিঃ নিলগত অৱষ্ঠিত পৰিহৰেশ্বৰ দেৱালয় । জনবিশ্বাস মতে, গা‍ই এজনীয়ে ঘৰত গাখীৰ খিৰাবলৈ নিদিয়ে । এদিন গৃহস্থই দেখিলে যে ওচৰৰে ঘাহনি এডৰাত তাইৰ ওহাৰৰ পৰা আপোনা-আপুনি গাখীৰ ওলায় আৰু এইটো লক্ষ্য কৰি গৃহস্থই এদিন তাত খান্দি চোৱাত তাত শিৱ মূৰ্ত্তি এটা পায় আৰু তাতেই এই মন্দিৰ প্ৰতিষ্ঠা কৰে । মন্দিৰটোৰ আন এটা বৈশিষ্ট হ'ল ওচৰৰে প্ৰায় ৩ কঠা মাটি আৱৰি থকা কেতেকী বাৰীখন ।

কলা-কৃষ্টি

পাঠশালা অসমৰ ভ্ৰাম্যমান থিয়েটাৰৰ জন্মস্থান। অচ্যুত লহকৰৰ প্ৰচেষ্টাত ১৯৬২ চনত নটৰাজ থিয়েটাৰ নামেৰে প্ৰথমটো ভ্ৰাম্যমান থিয়েটাৰ দলৰ জন্ম হৈছিল। বৰ্তমান পাঠশালাত কহিনুৰ থিয়েটাৰ, আৱাহন থিয়েটাৰকে ধৰি কেইবাটাও ভ্ৰাম্যমান নাট্যদল আছে।

উল্লেখযোগ্য ব্যক্তি

• নীলিম কুমাৰ, এগৰাকী কবি তথা ঔপন্যাসিক|