পেৰিছৰ ময়ূৰী

অসমীয়া ৱিকিপিডিয়াৰ পৰা
পেৰিছৰ ময়ূৰী (Paris Peacock)
জীৱবৈজ্ঞানিক শ্ৰেণীবিভাজন
জগৎ/ৰাজ্য: Animalia
পৰ্ব: Arthropoda
শ্ৰেণী: Insecta
বৰ্গ: Lepidoptera
পৰিয়াল: Papilionidae
গণ: Papilio
প্ৰজাতি: P. paris
বৈজ্ঞানিক নাম
Papilio paris
Linnaeus, 1758

পেৰিছৰ ময়ূৰী (ইংৰাজী: Paris Peacock,বৈজ্ঞানিক নাম-Papilio paris) দক্ষিণ-পূব এছিয়াত দেখা পোৱা এবিধ চাতকনেজীয়া পখিলাৰ প্ৰজাতি৷

বিৱৰণ[সম্পাদনা কৰক]

মতা পেৰিছৰ ময়ূৰী পখিলাৰ পাখিৰ ওপৰ অংশ (Upperwings) ক'লা বৰণৰ আৰু পাখিত গাঢ় সেউজীয়া বৰণৰ আঁচ (scales) থাকে৷ এই আঁচবোৰে এটা ঠেক বক্ৰৰেখা গঠন কৰে৷ ইয়াৰ পিছফালৰ পাখি ( hindwing) তো এনে গাঢ় সেউজীয়া আঁচ দেখা যায় যদিও ই কাষ (margin) নাপায়গৈ৷ পাখিৰ দুয়োকাষে সেই অংশতে দুটা বহল ফোঁট (postdiscal area)ৰ দৰে এলেকা থাকে৷ এই ফোঁট দুটাৰ কাষতে সেউজীয়া আঁচবোৰ মিলি পৰে৷

The underside of the wings

ইয়াৰ পাখিৰ তলৰফালে গাঢ় ক'লা বৰণীয়া৷ ইয়াৰ মাজে মাজে আগ আৰু পাছফালৰ পাখিত কিছুমান হালধীয়া আঁচ থকা দেখা যায়৷ [1]

মাইকী পেৰিছৰ ময়ূৰী পখিলা দেখাত মতা পখিলাৰ সৈতে প্ৰায় একে যদিও ইয়াৰ বৰণ কিছু শেঁতা হয়৷ ইয়াৰ আগফালৰ পাখিৰ ওপৰৰ অংশত সেউজীয়া ফোঁট থাকে কিন্তু এই ফোঁটটো মতা পখিলাটোতকৈ অসম্পূৰ্ণকৈ থকা দেখা যায়৷ ইয়াৰ পাখিৰ তলৰফালটোও মতা পখিলাটোৰ দৰেই ক'লা বৰণীয়া কিন্তু অন্যান্য দাগবোৰ ধূসৰ হয়৷[1]

এই পখিলাবিধৰ পাখিৰ দৈৰ্ঘ্য প্ৰাব ১০৬-১৩২ মিমি হয়৷

বিতৰণ[সম্পাদনা কৰক]

পেৰিছৰ ময়ূৰী হিমালয়ৰ কুমায়ুনৰ পৰা ছিক্কিম, নেপাল, ভূটান , অসমৰ পৰ্বতীয়া অম্চল, বাৰ্মালৈকৈ দেখা পোৱা যায়৷ তাৰোপৰি ই চীন, মালয়েছিয়া আদি দেশতো বিস্তৃত হৈ আছে৷ [1] ইয়াক দাক্ষিণাত্যৰ কিছু কিছু অঞ্চলতো দেখিবলৈ পোৱা যায়৷

Paris peacock in Namdapha Tiger Reserve

তথ্যসুত্ৰ[সম্পাদনা কৰক]

  1. 1.0 1.1 1.2 Bingham, C. T (1907) Fauna of British India. Vol. 2.

লগতে চাওক[সম্পাদনা কৰক]

  • Erich Bauer and Thomas Frankenbach, 1998 Schmetterlinge der Erde, Butterflies of the world Part I (1), Papilionidae Papilionidae I: Papilio, Subgenus Achillides, Bhutanitis, Teinopalpus. Edited by Erich Bauer and Thomas Frankenbach. Keltern : Goecke & Evers ; Canterbury : Hillside Books ISBN 9783931374624