ফৰিষ্টা

অসমীয়া ৱিকিপিডিয়াৰ পৰা

ফৰিষ্টা (আৰবীক: ملائكة , Malāʾikah; (singular) ملاك Malāk) ইছলামী ধৰ্মাম্বলম্বীসকলৰ বিশ্বাসমতে স্বৰ্গীয় দূত। ফৰিষ্টাৰ বিশ্বাস ইছলাম ধৰ্ম বিশ্বাসৰ এটা মূল নীতি। খ্ৰীষ্টান , ইহুদী আনকি হিন্দু ধৰ্মতো ফৰিষ্টা তথা স্বৰ্গীয় দূতসকলৰ অস্তিত্ত্বৰ কথা কোৱা হৈছে। ফৰিষ্টাসকল মানুহৰ ন্যায় আল্লাহৰ আৰু এক সৃষ্টি। সিহঁতে নভোমণ্ডল আৰু ভূমণ্ডলৰ মাজত যোগাযোগ ৰক্ষা কৰে। ফৰিষ্টাত তেওঁলোকৰ সংখ্যা অগণন। ইছলামত তেওঁলোকৰ কোনো শ্ৰেণীবিন্যাস কৰা নহলেও চাৰিজন ফৰিষ্টাক প্ৰাধান্য দিয়া হৈছে: সেই কেইজন হল-

  1. হজৰত জিবৰাইল (আঃ)
  2. হজৰত মিকাইল (আঃ)
  3. হজৰত ইছৰাফিল (আঃ)
  4. হজৰত আজৰাইল (আঃ)

হজৰত জিবৰাইল (আঃ)[সম্পাদনা কৰক]

হজৰত জিবৰাইল (আঃ) – এওঁ আল্লাহৰ দূত আৰু সৰ্বশ্ৰেষ্ঠ ফৰিষ্টা। এই ফৰিষ্টাৰ নাম তিনিবাৰ কোৰান শ্বৰীফত উল্লেখ কৰা হৈছে (সূৰা ২:৯৭; ৯৮, ৬৬:৪)। সূৰা ১৬:১০২ আয়াতে জিবৰাইল ফৰিষ্টাকে পাকৰূহবা ৰুহুল কুদ্দুস বোলা হৈছে। আল্লাহৰ আদেশ-নিষেধ আৰু সংবাদ আদান-প্ৰদান যিবোৰ ফৰিষ্টাৰ দায়িত্ব, জিব্ৰাইল তেওঁলোকৰ প্ৰধান। জিব্ৰাইল-ই আল্লাহৰ নবীসকলৰ কাষত গমনাগমন কৰে।

হজৰত মিকাইল (আঃ)[সম্পাদনা কৰক]

হজৰত মিকাইল (আঃ) – কোৰানৰ ২:৯৭ আয়াতত এই ফৰিষ্টাৰ নাম উল্লেখ কৰা হৈছে। এওঁ বৃষ্টি আৰু খাদ্য উৎপাদনৰ দায়িত্বপ্ৰাপ্ত।

হজৰত ইছৰাফিল (আঃ)[সম্পাদনা কৰক]

হজৰত ইছৰাফিল (আঃ) – এই ফেৰেস্তা কিয়ামত বা মহাপ্ৰলয় ঘোষণা কৰিব। তেওঁৰ কথা কোৰান শ্বৰীফত নাথাকিলেও হাদিসত উল্লেখ কৰা হৈছে।

হজৰত আজৰাইল (আঃ)[সম্পাদনা কৰক]

হজৰত আজৰাইল (আঃ) বা মালাক আল-মাউত –এওঁ মৃত্যুৰ ফৰিষ্টা আৰু প্ৰাণ হৰণ কৰে।

আন্যান্য ফৰিষ্টা সকল[সম্পাদনা কৰক]

  • দুজন ফৰিষ্টা কিৰামুন আৰু কাতিবুনে প্ৰতিজন মানুহৰ ভাল বেয়া কামৰ হিচাব ৰাখে।
  • কবৰত মুনকিৰ আৰু নাকিৰ নামৰ দুজন ফৰিষ্টাই মানুহক সিহতৰ কৃতকৰ্মবোৰৰ খতিয়ান লয়।
  • মালিক নামৰ ফৰিষ্টাই জহন্নাম বা নৰকৰ ৰক্ষণাবেক্ষণ কৰে আৰু ৰিদওয়ান নামৰ আৰু এজন ফৰিষ্টাই জান্নাত বা স্বৰ্গৰ চোৱাচিতা কৰে।

তথ্যসূত্ৰ[সম্পাদনা কৰক]