বিধান চন্দ্ৰ ৰয়

অসমীয়া ৱিকিপিডিয়াৰ পৰা
বিধান চন্দ্ৰ ৰয়
বিধান চন্দ্ৰ ৰয়

দপ্তৰৰ কাৰ্যকাল
১৪ জানুৱাৰী ১৯৪৮ – ১ জুলাই ১৯৬২
পূৰ্বসূৰী প্ৰফুল্ল চন্দ্ৰ ঘোচ
উত্তৰসূৰী প্ৰফুল্ল চন্দ্ৰ সেন

জন্ম জুলাই ১, ১৮৮২
বঙ্কিপুৰ, পাটনা, বিহাৰ
মৃত্যু জুলাই ১, ১৯৬২ (৮০ বছৰ)
কলকাতা, পশ্চিমবঙ্গ
জাতীয়তা ভাৰতীয়
ৰাজনৈতিক দল ভাৰতীয় জাতীয় কংগ্ৰেছ
দাম্পত্য সঙ্গী অবিবাহিত
বাসস্থান কলকাতা, পশ্চিমবঙ্গ, ভাৰত
অধ্যয়নকৃত শিক্ষা প্ৰতিষ্ঠান প্ৰেছিডেঞ্চি কলেজ, কলিকতা
পাটনা কলেজ
এম.আৰ.চি.পি.
এফ.আৰ.চি.এচ.
পেছা ভেষজ বিদ
স্বাধীনতা যুঁজাৰু
ৰাজনীতিবিদ
ধৰ্ম ব্ৰহ্ম সমাজ

বিধান চন্দ্ৰ ৰয়(ইংৰাজী: Bidhan Chandra Roy) (১৮৮২-১৯৬২) ১৯৬১ চনৰ ভাৰত-ৰত্ন বঁটা বিজয়ী আছিল। ১৯৪৮ চনৰ পৰা তেওঁ পশ্চিম বংগৰ মুখ্যমন্ত্ৰী হিচাপে কাৰ্য়নিৰ্বাহ কৰিছিল। পেচাত এগৰাকী চিকিত্সক হৈয়ো তেওঁ আইন অমান্য আন্দোলনত অংশ গ্ৰহণ কৰিছিল।[1]

জন্ম আৰু পৰিয়াল[সম্পাদনা কৰক]

বিধান চন্দ্ৰ ৰয়ৰ জন্ম হয় ১৮৮২ চনৰ ১ জুলাইত, বিহাৰপাটনাত। তেওঁৰ পিতাকৰ নাম আছিল শ্ৰীপ্ৰকাশ চন্দ্ৰ ৰয় আৰু মাতৃ হৈছে অঘোৰ কামিনী দেৱী। বংগ দেশৰ সম্ৰাট মহাৰাজ প্ৰতাপাদিত্যৰ তেওঁলোক বংশধৰ আছিল। সৰুকালছোৱাতে তেওঁ আৰ্থিক অনাটনৰ সন্মুখীন হৱ লগা হৈছিল, তাৰোপৰি তেওঁ অধ্যয়নৰ বাবে ছাত্ৰ বৃত্তিৰ ধনৰ ওপৰতো নিৰ্ভৰ কৰিবলগীয়া হৈছিল। তেওঁ সাংসাৰিক জীৱনৰ প্ৰতি আগ্ৰহি নহৈ আজীৱন অবিবাহিত হৈয়ে থাকিল।[1]

শিক্ষা জীৱন[সম্পাদনা কৰক]

১৯০১ চনত বিধান চন্দ্ৰ ৰয় পাটনাৰ বাঁকীপুৰ কলেজৰ পৰা স্নাতক ডিগ্ৰী লাভ কৰিছিল। স্নাতক পৰীক্ষাত উত্তীৰ্ণ হোৱাৰ পিছত তেওঁ কলিকতা চিকিত্সা মহাবিদ্যালয়ত পঢ়িবলৈ লৈছিল। মাত্ৰ ২৯ বছৰ বয়সতে তেওঁ চিকিত্সা বিদ্যাত অসাধাৰণ খ্যাতি আৰ্জিবলৈ সক্ষম হৈছিল।তেওঁ চিকিত্সা বিজ্ঞানৰ উচ্চ শিক্ষাৰ বাবে লণ্ডনলৈ যায়। লণ্ডনৰ বাৰ্থোলোমিঅ হাস্পিতালৰ মুখ্য ডাক্তৰ ডাঃ শ্বোৰে তেওঁক ভৰ্তি কৰিবলৈ ইচ্ছা কৰা নাছিল। কিন্তু ডাঃ শ্বোৰ আৰু চেণ্ট বাৰ্থোলোমিঅৰ শিক্ষাৰ্থী বাছনি কমিটীৰ সভাপতি ডাঃ এডিচনক তেওঁ নিজৰ একাগ্ৰতাৰ কথা এনেকৈ প্ৰকাশ কৰি দেখুৱালে যে শেষত তেওঁলোকে ভৰ্তি কৰিবলৈ বাধ্য হল।[1]

কৰ্ম জীৱন[সম্পাদনা কৰক]

বিধান চন্দ্ৰ ৰয়ৰ কৰ্মজীৱন চিকিত্সক হিচাপে আৰম্ভ হোৱাৰ লগে লগে, তেওঁ ৰাজনীতিৰ মঞ্চখনলৈও আকৰ্ষিত হয়। ১৯২৩ চনত তেওঁ নিৰ্বাচন খেলি, বংগ বিধান সভালৈ নিৰ্বাচিত হৈছিল। ১৯৩১ চনৰ আইন অমান্য আন্দোলনত যোগদান দি, কিছুদিনৰ বাবে তেওঁ কাৰাবাস খাটিছিল। তেওঁ বংগৰ উন্নতিৰ বাবে কঠোৰ পৰিশ্ৰম কৰিছিল। কলিকতা কৰ্পোৰেচনৰ এণ্ডাৰ মেন আৰু মেয়ৰ, কলিকতা বিশ্ববিদ্যালয়ৰ ফেলো, বোৰ্ড অব একাউণ্টছৰ সভাপতি, চিণ্ডিকেটৰ সদস্য আৰু উপ-সভাপতি হিচাপে কাৰ্যনিৰ্বাহ কৰিছিল। ১৯৪৮ চনৰ পৰা তেওঁ পশ্চিম বংগৰ মুখ্যমন্ত্ৰী পদত অধিষ্ঠিত হৈছিল। মুখ্যমন্ত্ৰী পদত থাকিও তেওঁ সমানেই চিকিত্সা সেৱাও আগবঢ়াই গৈছিল।[1]

মৃত্যু[সম্পাদনা কৰক]

সংসাৰৰ সকলোকে পলকতে আপোন কৰি লৱ পৰা এই বিশাল হৃদয়ৰ ব্যক্তি গৰাকীৰ ১৯৬২ চনত পৰলোকপ্ৰাপ্তি হয়।

পুৰস্কাৰ প্ৰাপ্ত বঁটা[সম্পাদনা কৰক]

  • ভাৰত-ৰত্ন বঁটা, (১৯৬১)

তথ্য সংগ্ৰহ[সম্পাদনা কৰক]

  1. 1.0 1.1 1.2 1.3 সমীন কলিতা. ভাৰত-ৰত্ন. অজয় কুমাৰ দত্ত, ষ্টুডেণ্টচ্ ষ্ট'ৰচ্. পৃষ্ঠা. ৩৪,৩৫. 
ৰাজনৈতিক কাৰ্যালয়সমূহ
পূৰ্বৱৰ্তী
Prafulla Chandra Ghosh
Chief Minister of West Bengal
1948–1962
পৰৱৰ্তী
Prafulla Chandra Sen