বীৰেন্দ্ৰ কুমাৰ ভট্টাচাৰ্য

অসমীয়া ৱিকিপিডিয়াৰ পৰা
ড°বীৰেন্দ্ৰ কুমাৰ ভট্টাচাৰ্য
জন্ম ১৪ অক্টোবৰ, ১৯২৪ চন
চফ্ৰাই চাহবাগিচা, অসম
মৃত্যু ৬ আগষ্ট, ১৯৯৭
পেচা সহিত্যিক, শিক্ষাবিদ, সাংবাদিক
ভাষা অসমীয়া
ৰাষ্ট্ৰীয়তা ভাৰতীয়
নাগৰিকত্ব ভাৰত
উল্লেখনীয় কৰ্মৰাজী মৃত্যুঞ্জয়, ইয়াৰুইঙ্গম
উল্লেখযোগ্য বঁটা সাহিত্য একাডেমী বঁটা (১৯৬০)
জ্ঞানপীঠ বঁটা (১৯৭৯)

ড° বীৰেন্দ্ৰ কুমাৰ ভট্টাচাৰ্য (১৪ অক্টোবৰ,১৯২৪-৬ আগষ্ট,১৯৯৭) অসমীয়া ভাষাৰ এজন গল্পকাৰ, ঔপন্যাসিক, কবি, নিবন্ধকাৰ আৰু সাংবাদিক ৷ তেওঁ ১৯৭৯ চনত "মৃত্যুঞ্জয়" উপন্যাসৰ বাবে ভাৰতীয় জ্ঞানপীঠ বঁটা লাভ কৰা প্ৰথম অসমীয়া লেখক আছিল [1]৷ তেওঁ ১৯৬১ চনত "ইয়াৰুইংগম" গ্ৰন্থৰ বাবে সাহিত্য একাডেমী বঁটাও লাভ কৰিছিল [2]। ২০০৫ চনত Love in the Time of Insurgency নামেৰে এই গ্ৰন্থৰ ইংৰাজী অনুবাদ প্ৰকাশ পায় [3]। ১৯৮৩-১৯৮৫ বৰ্ষৰ বাবে অসম সাহিত্য সভাৰ সভাপতি হিচাপেও তেওঁ কাৰ্য্যনিৰ্বাহ কৰিছিল ৷

চমু জীৱনী[সম্পাদনা কৰক]

জন্ম[সম্পাদনা কৰক]

১৯২৪ চনৰ ১৮ অক্টোবৰত চফ্ৰাই চাহবাগিচাত বীৰেন্দ্ৰ কুমাৰ ভট্টাচাৰ্যৰ জন্ম হয় ৷

শিক্ষা[সম্পাদনা কৰক]

চফ্ৰাই প্ৰাইমাৰী স্কুল, কাকজান এম ই স্কুল, যোৰহাট হাইস্কুলৰ পৰা মেট্ৰিকুলেচন পাছ, কটন মহাবিদ্যালয়ৰ পৰা বিজ্ঞান শাখাত ক্ৰমে ১৯৪৩ চনত উচ্চতৰ মাধ্যমিক আৰু ১৯৪৫ চনত স্নাতক ডিগ্ৰী লাভ ৷ ১৯৫১ চনত বি এ ৷ গুৱাহাটী বিশ্ববিদ্যালয়ৰৰ পৰা অসমীয়াত স্নাতকোত্তৰ ১৯৫৩ চনত৷ ১৯৭৭ চনত ডক্টৰেট ডিগ্ৰী লাভ ৷

কৰ্মজীৱন[সম্পাদনা কৰক]

মৃত্যু[সম্পাদনা কৰক]

১৯৯৭ চনৰ ৬ আগষ্টত ৭৩ বছৰ বয়সত তেখেতৰ মৃত্যু ঘটে ৷

সাহিত্য কৰ্ম[সম্পাদনা কৰক]

ঈয়াৰুইঙ্গম

উপন্যাস

  • ৰাজপথে ৰিঙিয়াই (১৯৫৬)
  • আই (১৯৬০)
  • ঈয়াৰুইঙ্গম (১৯৬১)
  • প্ৰতিপদ
  • শতঘ্নী (১৯৬৪)
  • মৃত্যুঞ্জয় (১৯৭০)
  • চিনাকি সুঁতি (১৯৭১)
  • বল্লৰী (১৯৭৩)
  • ডাইনী (১৯৭৬)
  • ৰঙা মেঘ (১৯৭৬)
  • মুনিচুনিৰ পোহৰৰ (১৯৭৯)
  • কবৰ আৰু ফুল (১৯৭২)
  • বুঢ়ী আইতাৰ পুৰাণ (১৯৯৩)


গল্পপুথি

  • কলং আজিও বয় (১৯৬২)
  • সাতসৰী (১৯৬৩)
  • খিৰিকী কাষৰ আসন (১৯৯৪)


কবিতাপুথি

  • সান্ধ্যস্বৰ (১৯৯০)


অন্যান্য গ্ৰন্থ

  • ডেৰশ বছৰৰ অসমীয়া সংস্কৃতিত এভুমুকি
  • সংবাদ সাহিত্য
  • অসমীয়া সাহিত্যত হাস্যৰস
  • চীনত কি দেখিলোঁ
  • বাহিয়া যাত্ৰা

ড° ভট্টাচাৰ্যৰ সাহিত্যৰ সমালোচনা[সম্পাদনা কৰক]

তেওঁৰ একমাত্ৰ কবিতাপুথি সান্ধ্যস্বৰত সন্নিৱিষ্ট কবিতাসমূহত সমাজ সচেতনতাৰ চিত্ৰ সুন্দৰভাবে প্ৰতিফলিত হোৱা দেখা যায়৷ বিষ্ণু ৰাভা এতিয়া কিমান ৰাতি, ক্ৰুছৰ বন্ধুলৈ আদি কবিতাত প্ৰতিবাদী কণ্ঠস্বৰ সবলভাৱে চিত্ৰিত হৈছে ৷ বলিষ্ঠ শব্দ আৰু স্পষ্ট উপস্থাপন শৈলী তেওঁৰ কবিতাসমূহৰ যোগাত্মক দিশ ৷ তেওঁৰ গল্পক্ষেত্ৰত ক’ব পাৰি যে তেওঁৰ গল্পসমূহত মানবীয়তা আৰু জৈৱিক তাড়না আবেদনশীল ৰূপত প্ৰকাশ পাইছে ৷ তেওঁৰ গল্পসমূহত মানব পূজাকে সৰ্বোচ্চ বুলি দেখুওৱা হৈছে ৷ তেওঁৰ আটাইবোৰ গল্পতে গভীৰ মানৱতাবোধ বিভিন্নধৰণে প্ৰতিভাত হৈ উঠিছে ৷ ড° বীৰেন্দ্ৰ কুমাৰ ভট্টাচাৰ্যৰ উপন্যাসমূহ সমাজবাদী দৃষ্টিভংগী, মানবতাবোধ, নাৰীৰ প্ৰতি সহানুভূতি, সংকটপূৰ্ণ মুহুৰ্তত চৰিত্ৰৰ পৰিষ্ফুৰণ, জীৱনৰ স্থায়ী সনাতন প্ৰমূল্যৰ প্ৰতি আকৰ্ষণ অতুলনীয়ভাৱে ফুটি উঠিছে ৷ সামাজিক পৰিৱৰ্তন আৰু গতিশীল জীৱনক প্ৰতিফলিত কৰিবলৈ তেওঁ বিপ্লৱৰ, সত্যাগ্ৰহ আদিৰ জৰিয়তে ভাঙোনমুখী সমাজৰ চিত্ৰ সুন্দৰভাবে চিত্ৰিত কৰিছে ৷ তেওঁৰ মৃত্যুঞ্জয়, আই আদি উপন্যাসত অসমীয়া সমাজ জীৱনক সুন্দৰভাবে উপস্থাপন কৰিছে [4][5]

স্বীকৃতি আৰু সন্মান[সম্পাদনা কৰক]

তথ্য সংগ্ৰহ[সম্পাদনা কৰক]

  1. "Jnanpith Laureates Official listings". Jnanpith Website. http://jnanpith.net/laureates/index.html. 
  2. George K. M., Masterpieces of Indian literature, (Vol.1), 1997, National Book Trust, page=19
  3. "Life beyond violence, vendetta". The Hindu. July 15, 2005. http://www.hinduonnet.com/2005/07/15/stories/2005071502370200.htm. 
  4. সঞ্চয়ন- ড০ মহেশ্বৰ নেওগ (পৃষ্ঠা নং- ৪৫০)
  5. অসমীয়া সাহিত্যৰ সমীক্ষাত্মক ইতিবৃত্ত -ড০ সত্যেন্দ্ৰ নাথ শৰ্মা (পৃষ্ঠা- ৪০৪)
  6. "সাহিত্য অকাডেমি বঁটা বিজয়ী অসমীয়াসকলৰ তথ্য". সাহিত্য অকাডেমি. http://sahitya-akademi.gov.in/sahitya-akademi/showSearchAwardsResult.jsp?year=&author=&awards=AA&language=ASSAMESE। আহৰণ কৰা হৈছে: নৱেম্বৰ ১৬, ২০১২. 
  7. ১৯১৭ চনৰ পৰা অসম সাহিত্য সভাৰ সভাপতিসকলৰ তালিকা অসম সাহিত্য সভাৰ ৱেবছাইট, আহৰণ: ১৮ নৱেম্বৰ, ২০১২।

বাহ্যিক সংযোগ[সম্পাদনা কৰক]

  • worldcat.org ৱেবছাইটত বীৰেন্দ্ৰ কুমাৰ ভট্টাচাৰ্যৰ কেইখনমান গ্ৰন্থ