মহম্মদ শ্বামি

**মহম্মদ শ্বামি**
ব্যক্তিগত তথ্য
সম্পূৰ্ণ নাম	মহম্মদ শ্বামি আহমেদ
জন্ম	৩ ছেপ্টেম্বৰ, ১৯৯০ (৩৩ বছৰ); চাহচপুৰ অমৰোহা, পশ্চিম উত্তৰ প্ৰদেশ, ভাৰত
উচ্চতা	5 ফুট 10 ইঞ্চি (1.8 মিটাৰ)
বেটিং শৈলী	সোঁহতীয়া
বলিং শৈলী	সোঁহতীয়া মধ্যমবেগী
ভূমিকা	বলাৰ
আন্তঃৰাষ্ট্ৰীয় তথ্য
জাতীয় দল	ভাৰত
টেষ্ট অভিষেক (মুঠ খেল ২৭৯)	৬ নৱেম্বৰ ২০১৩ বনাম ৱেষ্ট ইণ্ডিজ
ODI অভিষেক (মুঠ খেল ১৯৫)	৬ জানুৱাৰী ২০১৩ বনাম পাকিস্তান
ODI shirt no.	১১
ঘৰুৱা দলৰ তথ্য
২০১০/১১–বৰ্তমান	বংগ
২০১২–২০১৩	কলকাতা নাইট ৰাইডাৰ্ছ
২০১৪–বৰ্তমান	দেল্হি ডে'ৰডেভিল্‌ছ
কেৰিয়াৰ পৰিসংখ্যা
	উৎস: ESPN Cricinfo, ৬ March ২০১৫

মহম্মদ শ্বামি আহমেদ (জন্ম: ৩ ছেপ্টেম্বৰ ১৯৯০) এজন ভাৰতীয় আন্তৰ্জাতিক ক্ৰিকেটাৰ আৰু তেওঁ ঘৰুৱা ক্ৰিকেটত বংগক প্ৰতিনিধিত্ব কৰে। তেওঁ এজন সোঁহতীয়া বেগী-মধ্যমবেগী ছুইং আৰু ছীম বলাৰ আৰু তেওঁ একেৰাহে ১৪০ কি.মি. প্ৰতি ঘণ্টা বেগত বলিং কৰিব পাৰে।^[1]^[2]^[3] এজন 'ৰিভাৰ্ছ ছুইং বিশেষজ্ঞ' হিচাপেও তেওঁ জনাজাত।^[4] ২০১৩ চনৰ জানুৱাৰী মাহত পাকিস্তানৰ বিপক্ষে এদিনীয়াত আত্মপ্ৰকাশ কৰে আৰু সেইখন খেলত তেওঁ অভিলেখসংখ্যক চাৰি অ'ভাৰ মেইডেন কৰে। একে বছৰৰে নৱেম্বৰ মাহত ৱেষ্ট ইণ্ডিজৰ বিৰুদ্ধে টেষ্ট অভিষেকত তেওঁ ৫ উইকেট দখল কৰে।

প্ৰাৰম্ভিক জীৱন[সম্পাদনা কৰক]

শ্বামিৰ জন্ম হয় উত্তৰ প্ৰদেশৰ মোৰাদাবাদৰ চাহচপুৰ গাঁৱত। তেওঁৰ দেউতাক তৌচিফ আলি এজন খেতিয়ক আৰু ডেকা বয়সত তেৱোঁ এজন বেগী বলাৰ আছিল। শ্বামিৰ এগৰাকী ভগ্নী আৰু তিনিজন ককাই-ভাই আছে। গোটেইকেইজন ককাই-ভায়েই বেগী বলাৰ আশা পুহিছিল।^[5] ২০০৫ চনত দেউতাকে শ্বামিৰ প্ৰতিভাৰ উমান পাই গাঁৱৰপৰা ২২ কি.মি. নিলগৰ মোৰাদাবাদত থকা এজন প্ৰশিক্ষক বদৰুদ্দিন ছিদ্দিকিৰ ওচৰলৈ লৈ যায়। তাতে প্ৰশিক্ষণ লৈ থকা শ্বামিয়ে উত্তৰ প্ৰদেশ অনূৰ্ধ্ব-১৯ দলত স্থান নোপোৱাত ছিদ্দিকিয়ে তেওঁক কলকাতালৈ পঠায় আৰু তাতে তেওঁ 'ডেলহাউচি এথলেটিক ক্লাব'ত খেলিবলৈ লয় আৰু তাৰপৰাই তেওঁ লাহে লাহে বংগ অনূৰ্ধ্ব-২২ দলত স্থান পায়।^[6]

টেষ্টৰ এক ইনিংছত ৫ উইকেট[সম্পাদনা কৰক]

মহম্মদ শ্বামিৰ টেষ্টত ৫-উইকেট দখলসমূহ
নং	প্ৰদৰ্শন	খেল	অ'ভাৰ	মেইডেন	বিপক্ষ	H/A	স্থান	চন	ফলাফল
১	৫-৪৭	১	১৩.১	০	ৱেষ্ট ইণ্ডিজ	ঘৰুৱা	ইডেন গাৰ্ডেন, কলকাতা, ভাৰত	২০১৩	বিজয়ী
২	৫-১১২	১২	২৮.৩	৩	অষ্ট্ৰেলিয়া	বিদেশ	ছিডনী ক্ৰিকেট গ্ৰাউণ্ড, ছিডনী, অষ্ট্ৰেলিয়া	২০১৫	ড্ৰ

পুৰস্কাৰ[সম্পাদনা কৰক]

এদিনীয়া মেন অৱ দ্য মেচ[সম্পাদনা কৰক]

নং	বিপক্ষ	স্থান	তাৰিখ	প্ৰদৰ্শন	ফলাফল
১	ৱেষ্ট ইণ্ডিজ	ফিৰোজ শ্বাহ কোটলা গ্ৰাউণ্ড, দিল্লী, ভাৰত	১১ অক্টোবৰ ২০১৪	৯.৩ অ'ভাৰ, ৩৬ ৰাণ, ৪ উইকেট	বিজয়ী ^[7]
২	ৱেষ্ট ইণ্ডিজ	WACA গ্ৰাউণ্ড, পাৰ্থ, অষ্ট্ৰেলিয়া	৬ মাৰ্চ ২০১৫	৮ অ'ভাৰ, ৩৫ ৰাণ, ৩ উইকেট	বিজয়ী^[8]