লৰ্ড ভ'লডেমৰ্ট

অসমীয়া ৱিকিপিডিয়াৰ পৰা
লৰ্ড ভ’লডেমৰ্ট
হেৰী পটাৰ-ৰ চৰিত্ৰ
Lordvoldemort.jpg
লৰ্ড ভ’লডেমৰ্টৰ চৰিত্ৰত ৰাল্ফ ফিয়েনছ
হেৰী পটাৰ এণ্ড দ্য ডেডলী হ’ল’জ-ভাগ-১
প্ৰথম আৱিৰ্ভাৱ হেৰী পটাৰ এণ্ড দ্য ফিল’ছ’ফাৰ্ছ ষ্ট’ন
শেষ আৱিৰ্ভাৱ হেৰী পটাৰ এণ্ড দ্য ডেডলী হ’ল’জ
স্ৰষ্টা জে কে ৰাউলিং
গৃহ শ্লিদেৰিণ

লৰ্ড ভ’লডেমৰ্ট (pron.: /ˈvldəmɔr/)[1][2] (জন্মনাম টম মাৰভোলো ৰিডল) হ’ল এক কাল্পনিক চৰিত্ৰ আৰু জে কে ৰাউলিঙৰ “হেৰী পটাৰ ” শৃংখলাৰ প্ৰধান বিৰোধী চৰিত্ৰ। ১৯৯৭ চনত প্ৰকাশ হোৱা ‘’হেৰী পটাৰ এণ্ড দ্য ফিল’ছ’ফাৰ্ছ ষ্ট’ন’’ত ভ’লডেমৰ্টে আত্মপ্ৰকাশ কৰে । তৃতীয় উপন্যাস ‘’হেৰী পটাৰ এণ্ড দ্য প্ৰিজনাৰ অৱ আজকাবান’’ৰ বাহিৰে বাকী সকলো কেইখন কিতাপ বা চলচ্চিত্ৰ অভিযোজনতে ভ’লডেমৰ্ট হয়তো শাৰীৰিক ভাৱে নহয়তো স্মৃতি ৰোমন্থনৰ জৰিয়তে উপস্থিত আছে।

শৃংখলাটিত ভ’লডেমৰ্ট হেৰী পটাৰৰ প্ৰধান শত্ৰু কাৰণ এক ভৱিষ্যকথন অনুসৰি হেৰীৰ “অন্ধকাৰৰ ৰজাক পৰাভূত কৰিব পৰা শক্তি” আছে। প্ৰায় কোনো যাদুকৰ বা যাদুকৰীয়ে তেওঁৰ নাম ল’বলৈ সাহস নকৰে আৰু নামৰ সলনি “তুমি-জানা-কোন”,”তেওঁ-যাৰ-নাম-ল’ব-নাপায়”,”অন্ধকাৰৰ ৰজা” আদি বিশেষণেৰে সম্বোধন কৰে । যাদুবিশ্বৰ মাগোল(যাদু নজনা লোক) সকলৰ অস্তিত্ব বিলোপ কৰি মাগোলজগত আৰু যাদুজগত উভয়কে নিজৰ অধীনলৈ আনি বিশুদ্ধ তেজৰ এক সাম্ৰাজ্য স্থাপন কৰাই ভ’লডেমৰ্টৰ প্ৰধান লক্ষ্য। মাকৰ ফালৰ পৰা তেওঁ হগৱাৰ্ট্ছ যাদু আৰু তন্ত্ৰ বিদ্যালয়ৰ চাৰিজন প্ৰতিস্থাতাৰ ভিতৰত অন্যতম ছালাজাৰ শ্লিদেৰিণৰ শেষ বংশধৰ।[3] যাদুবিশ্বৰ মাগোল সকলক নাশ কৰি ভ’লডেমৰ্টক সৰ্বেসৰ্বা শাসনকৰ্তা হিচাপে প্ৰতিস্থা কৰিবলৈ গঠিত ডেথ্ ইটাৰ সকল দলৰ তেওঁ দলপতি।

চাৰিত্ৰিক বিকাশ[সম্পাদনা কৰক]

২০১১ চনৰ এক সাক্ষাত্কাৰত ৰাউলিঙে কয় যে ভ’লডেমৰ্টক হেৰী পটাৰৰ প্ৰধান শত্ৰু হিচাপে অংকিত কৰিলেও প্ৰথমাৱস্থাত তেওঁৰ জীৱন কাহিনীৰ কথা ভবা নাছিল। "প্ৰধান ধাৰণাটো আছিল এনেকুৱা যে হেৰীয়ে নিজে গম পোৱা নাছিল যে সি এক যাদুকৰ [...] আৰু তাৰ পৰা মই ওভোটাকৈ সেই পৰিস্থিতিৰ কথা ভাবিবলৈ ধৰিলো যিয়ে তাক নিজৰ পৰিচয়ৰ কথা নজনাকৈ ৰাখিলে। [...] যেতিয়া সি এবছৰীয়া আছিল শতিকাৰ আটাইতকৈ ভয়ংকৰ যাদুকৰজনে তাক হত্যা কৰিব খুজিলে। তেওঁ হেৰীৰ মাতা-পিতাক হত্যা কৰি তাকো শাপ দি মাৰিবলৈ চেষ্টা কৰিলে।[...] ইয়াৰ কাৰণ আমি জানিবলৈ পোৱাৰ আগতে নিশ্চয় হেৰীয়ে জানিব লাগিব। আৰু কোনো এক ৰহস্যময় কাৰণৰ বাবে হেৰীৰ মৃত্যু নহ’ল কিন্তু তাৰ কপালত বিজুলীৰ দৰে দাগ এটা ৰৈ গ’ল আৰু সেই শাপ ওলোটাকৈ ভ’লডেমৰ্টৰ গাত লাগিল যিয়ে তেতিয়াৰে পৰা আত্মগোপন কৰি আছে।[4]

দ্বিতীয় কিতাপ খনত ৰাউলিঙে প্ৰকাশ কৰে যে ভ’লডেমৰ্টনিজেই অৰ্ধতেজ জাত। ২০০০ চনত ৰাউলিঙে কয় যে ভ’লডেমৰ্ট প্ৰকৃততে “এক অত্যাচাৰী তথা মানসিক ভাৱে অসূস্থ ব্যক্তি যিয়ে অন্য মানুহৰ দুখ-যন্ত্ৰণাক গুৰুত্ব নিদিয়ে”।.[5] ২০০৪ চনত ৰাউলিঙে এয়া প্ৰকাশ কৰে যে ভ’লডেমৰ্ট কোনো বাস্তৱ চৰিত্ৰৰ ওপৰত আধাৰিত নহয়।[6] ২০০৬ চনত ৰাউলিঙে কয় যে আন ভয় নাথাকিলেও ভ’লডেমৰ্টৰ আন মানুহৰ দৰে মৃত্যু ভয় নিশ্চয় আছে।[7]

গোটেই শৃংখলাটোতেই ৰাউলিঙে ভ’লডেমৰ্টক ইমানেই ভয়ানক যাদুকৰ হিচাপে উপস্থাপন কৰিছে যে তেওঁৰ নাম লোৱাটোৱেই বিপদজনক বুলি ভবা হয়। উপন্যাসৰ বেছিভাগচৰিত্ৰই ভ’লডেমৰ্টৰ নাম ডাঙৰকৈ কোৱাৰ সলনি “তুমি-জানা-কোন”,”তেওঁ-যাৰ-নাম-ল’ব-নাপায়”আদি নামেৰে তেওঁক বুজাই। হেৰী পটাৰএণ্ড দ্য ডেডলী হ’ল’জত ভ’লডেমৰ্টৰ নামত এক যাদু স্থাপন কৰা হয় আৰু তেওঁৰনাম কোৱাৰ লগে লগে ভ’লডেমৰ্টৰ সেৱক সকলে হেৰী আৰু বন্ধুসকলৰ অৱস্থান নিৰ্ণয় কৰি সিহঁতক ধৰা পেলায়। ৰাউলিঙৰ মতে ভ’লডেমৰ্টৰ নামটি এক আৱিস্কৃত নাম।[8] অৱশ্যে ফিলিপ নেলৰ মতে ভ’লডেমৰ্টৰ নামটি ফৰাচী ভাষাত “মৃত্যুৰ উৰণ” বুজোৱা শব্দৰ পৰা আহিছে।[9] আৰু নিলছেন এণ্ড নিলছেনৰ মতে ফৰাচী “মৰ্ট”(“মৃত্যু”) আৰু লেটিন শব্দ “মৰ্ছ”ৰ লগত ইয়াৰ কিছু সম্পৰ্ক থকা বাবে নামটোৰ পৰা পাঠকে এক “অজীব অনুভৱ” পায়।[10]

আবিৰ্ভাৱ[সম্পাদনা কৰক]

হেৰী পটাৰ এণ্ড দ্য ফিল’ছ’ফাৰ্ছ ষ্ট’ন[সম্পাদনা কৰক]

চিত্ৰ:Voldemort in Movie 1.jpg
হেৰী পটাৰ এণ্ড দ্য ফিল'ছ'ফার্ছ ষ্ট'নত কুইৰেলৰ মূৰৰ পিছফালে লর্ড ভ'লডেমৰ্ট

হেৰী পটাৰ এণ্ড দ্য ফিল'ছ'ফার্ছ ষ্ট'নত ভ'লডেমর্টৰ প্রথম আৱির্ভাৱ ঘটে। এই কাহিনীত ৰাউলিঙে ভ'লডেমর্টক "ডার্ক লর্ড" হিচাপে পৰিচয় কৰায় যিয়ে হেৰীৰ মাতা-পিতা লিলি পটাৰ আৰু জেমছ পটাৰক হত্যা কৰে আৰু হেৰীকো তত্‍ক্ষণমৰণ শাপেৰে মাৰিবলৈ যাঁওতে হেৰীৰ মাতৃৰ প্রেম আৰু হেৰীৰ বাবে নিজৰ প্রাণ উত্‍সর্গা কৰা প্রৱণতাই হেৰীক এক ঢাল হিচাপে ৰক্ষা কৰে। ফলত ভ'লডেমর্টে নিজৰ শৰীৰ হেৰুৱাই পেলাই আৰু হেৰীৰ কপালত ৰৈ যায় বিজুলীৰ দৰে এক ৰহস্যময় দাগ। কিতাপখনত ভ'লডেমর্টে ফিল'ছ'ফার্ছ ষ্ট'ন বা পৰশ পাথৰটি চুৰি কৰি হেৰোৱা শৰীৰটো পুনৰূদ্ধাৰৰ বিফল চেষ্টা চলাই। ইয়াৰ বাবে ভ'লডেমর্টে প্রফেছৰ কুইৰেলৰ সহায় বিচাৰে আৰু কুইৰেলৰ মূৰৰ পিছফালে আশ্রয় লয়। অৱশ্যে শেষত পৰশ পাথৰটি চুৰি কৰাত হেৰীয়ে ভ'লডেমর্টক বাধা দিবলৈ সক্ষম হয়।

হেৰী পটাৰ এণ্ড দ্য চেম্বাৰ অৱ ছিক্ৰেটছ[সম্পাদনা কৰক]

হেৰী পটাৰ এণ্ড দ্য চেম্বাৰ অৱ ছিক্রেটছত ৰাউলিঙে জিনি ৱিজলীয়ে বিচাৰি পোৱা ডায়েৰী এটাৰ মাজত লুকাই থকা কিশোৰ ভলডেমর্টৰ এক সত্ত্বা টম মাৰভ'ল' ৰিডলক চিনাকি কৰোৱাই। এই কিতাপখনত জিনিক হেৰীৰ প্রতি আকর্ষিত এক লাজকুৰীয়া যুৱতী হিচাপে বর্ণনা কৰা হৈছে।[11] উত্‍কন্ঠিত আৰু অকলশৰীয়া অনুভৱ কৰি জিনিয়ে ডায়েৰীটোত লিখিবলৈ আৰম্ভ কৰে আৰু সহানুভূতিশীল টমৰ লগত নিজৰ গভীৰতম ভয়সমূহ আলোচনা কৰিবলৈ লয়।[11] ছবিখনৰ শেষৰ ফালে যেতিয়া টম মাৰভ'ল' ৰিডলে নামৰ আখৰ কেইটা সলনি কৰি ময়েই লড ভলডেম'র্ট বুলি প্রকাশ কৰে তেতিয়াহে এইটো ওলাই পৰে যে টম প্রকৃততে ভলডেম'র্টৰ এক মায়াবী ৰূপ। ৰিডলে কয় যে জিনিৰ ভয়বোৰ গ্রাস কৰি সি শক্তিশালী হৈ পৰিছে আৰু জিনিৰ অন্তৰাত্মা দখল কৰি লৈছে। সি জিনিক ব্যৱহাৰ কৰি গোপন কোঠাৰ দুৱাৰ খোলে যাৰ পৰা বাচিলিস্ক নামৰ দৈত্যাকৃতিৰ সাপ এডাল ওলাই হগৱার্টছৰ বহুতো বিদ্যার্থীক জড়ভৰত কৰি পেলায়। হেৰীয়ে শেষত বাচিলিস্ক আৰু ডায়েৰীৰ ৰিডল উভয়কে পৰাস্ত কৰে।[11] হেৰী পটাৰ এণ্ড দ্য হাফ ব্লাড প্রিন্সত , এলবাচ ডাম্বলড'ৰে হেৰীক কয় যে সেই ডায়েৰীটো প্রকৃততে ভলডেম'র্টৰ এটা হ’ৰক্ৰাক্স(ভলডেম'র্টৰ খণ্ডিত আত্মাৰ এটা অংশ ধাৰণ কৰা এক পাত্র) আছিল।

হেৰী পটাৰ এণ্ড দ্য প্ৰিজনাৰ অৱ আজকাবান[সম্পাদনা কৰক]

তৃতীয় গ্রন্থ হেৰী পটাৰ এণ্ড দ্য প্রিজনাৰ অৱ আজকাবানত ভলডেম'র্ট নিজে বা আন কোনো ৰূপেৰেও উপস্থিত নাথাকে। হেৰীক যেতিয়া ডিমেনটৰে আক্রমণ কৰে তেতিয়াহে ভলডেম'র্টৰ মাত শুনা যায়। কাহিনীৰ শেষৰফালে জ্যোতিষ বিদ্যাৰ শিক্ষক ছিবিল ট্রেলোনীয়ে এক ভৱিষ্যদ্বাণী কৰে: অন্ধকাৰৰ ৰজা অকলশৰীয়া আৰু বন্ধুত্বহীন হৈ আছে, অনুগামীসকলেও তেওঁক পৰিত্যাগ কৰিছে। এই বাৰ বছৰে তেওঁৰ সেৱক বন্দী হৈ আছিল। আজি মাজৰাতিৰ আগেয়ে সেৱক মুক্ত হব আৰু তাৰ প্রভুক লগ পাবলৈ যাত্রা কৰিব। সেৱকৰ সহায়ত অন্ধকাৰৰ ৰজা আগতকৈ বহুগুণে শক্তিশালী আৰু ভয়ানক হৈ পুনৰ জাগি উঠিব। আজিয়েই...মাজৰাতিৰ আগেয়েই... সেই সেৱক...তাৰ প্রভুক লগ পাবলৈ... যাত্রা কৰিব...[12] প্রথমতে যদিও এই সেৱকজন ছিৰিয়াছ ব্লেক বুলি ভবা হয় পিছলৈ গম পোৱা যায় যে তাত পিটাৰ পেটিগ্রিউৰ কথা কোৱা হৈছে যিয়ে ভলডেম'র্টৰ পতনৰপৰা ইমানদিনে ৰণৰ এন্দুৰ স্কেবার্জৰ ৰূপ লৈ আছিল।

হেৰী পটাৰ এণ্ড দ্য গব্লেট অৱ ফায়াৰ[সম্পাদনা কৰক]

চতুৰ্থ উপন্যাস ‘’হেৰী পটাৰ এণ্ড দ্য গব্লেট অৱ ফায়াৰ’’ৰ আৰম্ভণি আৰু সামৰণিত ভ’লডেমৰ্টক দেখা যায়। শেষত এয়া প্ৰকাশ হয় যে ভ’লডেমৰ্টৰ সেৱক বাৰ্টী ক্ৰাউচ কণিষ্ঠই হগৱাৰ্ট্ছৰ শিক্ষক মেড আই মূডীৰ ৰূপ লৈ যাদুৰ ত্ৰিকোণীয় প্ৰতিযোগিতাত হেৰীক জয়ী হোৱাত সহায় কৰে। আচলতে ভ’লডেমৰ্টৰ লক্ষ্য আছিল হেৰীক ডাম্বলড’ৰৰ নজৰৰ পৰা আঁতৰাই ৰিডল পৰিয়ালক সমাধিস্থ কৰা লিটল হেংগলটন কবৰস্থানলৈ আঁতৰাই নিয়া।[13] তাত হেৰী বন্দী হৈ পৰে আৰু পিটাৰ পেটিগ্ৰিউৱে হেৰীৰ তেজ ব্যৱহাৰ কৰি কিছুমান যাদু কৰাৰ পিছত ভ’লডেমৰ্টে নিজৰ শৰীৰ পুনৰ লাভ কৰে আৰু পূৰ্ণ শক্তিৰে জাগি উঠে।[14] শৃংখলাটিত প্ৰথমবাৰৰ বাবে ৰাউলিঙে ভ’লডেমৰ্টৰ শৰীৰৰ বৰ্ণনা কৰে: "ওখ আৰু হাড়ে-ছালে লগা", "নৰমুণ্ডতকৈও বগা,বহল ভয়ানক তেজৰঙা চকু আৰু নাকৰ পৰিৱৰ্তে সাপৰ দৰে বিন্ধা থকা” এখন মুখ”।[13] ৰাউলিঙে লিখিছে যে তেওঁৰat his "হাতবোৰ শেতাপৰা মকৰাৰ দৰে; তেওঁৰ দীঘল বগা আঙুলিবোৰেৰে তেওঁ নিজৰে বুকুখন পিহি আছিল,তেওঁৰ বাহু,মুখ;মেকুৰীৰ দৰে ৰঙা চকুযুৰি ৰাতিৰ আন্ধাৰত আৰু অধিক শেতা হৈ জিলিকিছিল"।[13] পেটিগ্ৰিউৰ সহায়ত ভ’লডেমৰ্টে প্ৰথমতে এক দূৰ্বল,ভ্ৰমণ আৰু যাদু প্ৰয়োগ কৰিব পৰা এক শৰীৰ সৃষ্টি কৰি লয় আৰু হেৰীক বন্দী কৰি সম্পূৰ্ণ শৰীৰ উদ্ধাৰৰ পৰিকল্পনা কৰাত ব্যস্ত হৈ পৰে। ফ্ৰেংক ব্ৰাইছ নামৰ এক মালীয়ে এই পৰিকল্পনা শুনে আৰু ভ’লডেমৰ্টে তাক মাৰি পেলাই।[15] কবৰস্থানত সম্পূৰ্ণ শক্তিসম্পন্ন শৰীৰ আহৰণ কৰাৰ পিছত ভ’লডেমৰ্টে অন্য ডেথ ইটাৰ সকলক মাতে আৰু হেৰীক এক যাদুযুদ্ধৰ প্ৰত্যাহ্বান জনায়। কিন্তু দুয়োৰে যাদুদণ্ড দুডাল একেটা ফিনিক্স পখীৰ পাখীৰে নিৰ্মিত বাবে যুদ্ধৰ সময়ত দণ্ডদুডাল সংযুক্ত হৈ পৰে আৰু হেৰীৰ মাতা-পিতাকেধৰি ভ’লডেমৰ্টৰ হত্যাৰ বলি হোৱা সকলৰ আত্মাবোৰ আহি ভ’লডেমৰ্টৰ মনোযোগ ভ্ৰষ্ট কৰে আৰু হেৰীক পিটাৰ পেটিগ্ৰিৱে হত্যা কৰা সতীৰ্থ ছেদ্ৰিক ডিগৰীৰ শৰীৰটোৰে সৈতে গুপ্তমাৰ্গেৰে পলাই সাৰিবলৈ সুবিধা কৰি দিয়ে। [16]

হেৰী পটাৰ এণ্ড দ্য অৰ্ডাৰ অৱ দ্য ফিনিক্স[সম্পাদনা কৰক]

পুনৰ এক ষড়যন্ত্রৰ সৈতে পঞ্চম গ্রন্থ হেৰী পটাৰ এণ্ড দ্য অর্ডাৰ অৱ দ্য ফিনিক্সৰ শেষভাগত ভ'লডেমর্টৰ আৱির্ভাৱ হয়।[17] এই কিতাপখনত হেৰীয়ে অত্যন্ত মানসিক চাপৰ মাজেৰে সময় কটাব লগীয়া হয় আৰু ৰাউলিঙৰ মতে অনুভূতিশীল হোৱা হেতুকে মানৱত্ব গুণ থকা হেৰী আৰু অমানৱীয় ভাবে কোনো আবেগ নথকা ভ'লডেমর্টৰ মাজত পার্থক্য বিচাৰ কৰিবলৈ ই খুবেই জৰুৰী: "হেৰী এক মানৱীয় গুণসমৃদ্ধ নায়ক আৰু তাৰ তথা মানৱত্বহীন ভ'লডেমর্টৰ মাজত পার্থক্য থকাটো খুবেই জৰুৰী […] আৰু সেয়েহে হেৰীয়ে এনে এক পৰিস্থিতিত উপনীত হোৱা দৰকাৰ য'ত সি সম্পূর্ণৰূপে ভাগি পৰিব।"[18] ইয়াত ভ'লডেমর্টে বেলাট্রিক্স লেষ্ট্রেঞ্জ আদিকে ধৰি ভালেমান ডেথ ইটাৰক আজকাবানৰ পৰা মুকলি কৰি দিয়ে আৰু যাদু মন্ত্রালয়ৰ ৰহস্যময়ী বিভাগত হেৰী আৰু ভ'লডেমর্ট সম্বন্ধীয় এক ভৱিষ্যকথন চুৰি কৰাৰ পৰিকল্পনা কৰে। তেওঁ ডেথ ইটাৰৰ এটা দলক ৰহস্যময়ী বিভাগলৈ পঠিয়াই যত অর্ডাৰ অৱ ফিনিক্সৰ লগত তেওঁলোকৰ যুদ্ধ লাগে। বেলাট্রিক্সৰ বাহিৰে বাকী সকলো ধৰা পৰে আৰু ডাম্বলড'ৰৰ লগত ভ'লডেমর্টৰ তয়াময়া ৰণ লাগে। ভ'লডেমর্টে হেৰীক নিজৰ আয়ত্বলৈ আনিব খোজে কিন্তু হেৰীৰ অন্তৰখন ভ'লডেমর্টে দূর্বলতা বুলি জ্ঞান কৰা প্রেমেৰ ভৰপূৰ বাবে বিফল হয়। ডাম্বলড'ৰৰ জয়ী হোৱাৰ সম্ভাৱনা দেখি ভ'লডেমর্টে পলাব খোজোতেই যাদু মন্ত্রীয়ে তেওঁক দেখা পায় আৰু ভ'লডেমর্ট উভতি অহা বুলি তেওঁ পতিয়ন যায়।

হেৰী পটাৰ এণ্ড দ্য হাফ ব্লাড প্ৰিন্স[সম্পাদনা কৰক]

হাফ ব্লাড প্রিন্সত ভলডেম'র্টক দেখা নাযায় যদিও তেওঁৰ কাম কাজ বোৰৰ উমান পোৱা যায়: তেওঁ আকৌ যুদ্ধ ঘোষণা কৰে আৰু ক্ষমতাৰ গাদী দখল কৰিবলৈ প্রয়াস চলাই। স্মৃতিপাত্রৰ জৰিয়তে কৰা স্মৃতি ৰোমন্থনৰ দ্বাৰা ৰাউলিঙে প্রকাশ কৰে যে ভলডেম'র্ট প্রকৃততে মেৰ'প গ'ন্ট নামৰ এক যাদুকৰণী আৰু টম ৰিডল নামৰ মাগোলৰ পুত্র যাৰ জন্মৰ আগতেই টমে মেৰ'পক ত্যাগ কৰে আৰু জন্মৰ কিছু সময় পিছত মেৰ'পৰ মৃত্যু হয়।[19] এক অনাথ আশ্ৰমত বাস কৰা ৰিডলক ভলডেম'র্টে হগৱাৰ্ট্ছলৈ লৈ আহে।[20] ৰিডল যদিও এক আদর্শ ছাত্র আছিল,তেওঁ অসামাজিক মানৱীয়তাসম্পন্ন আছিল আৰু নির্দোষী লোকক যাদুপ্রয়োগৰ দ্বাৰা কষ্ট দি আনন্দ পাইছিল। আৰু তেওঁক এৰি যোৱাৰ প্রতিশোধস্বৰূপে দেউতাক আৰু ককাক-আইতাকক হত্যা কৰে।[21] কিতাপখনত ৰিডলৰ "মাগোল"(যাদু নজনা মানুহ)ৰ প্রতি থকা ঘৃণা,হ'ৰক্ৰাক্সৰ প্রতি থকা আকর্ষণ, আৰু নিজ আত্মাক খণ্ডিত কৰি অমৰত্ব লাভ কৰিবলৈ থকা ইচ্ছাৰ কথা বর্ণনা কৰা হৈছে।[22] কিতাপৰ মূল কাহিনীত ভলডেম'র্টে হগৱার্ট্ছ আক্রমণ কৰি ডাম্বলড'ৰক হত্যা কৰাৰ এক পৰিকল্পনা কৰে। ইয়াৰ বাবে ড্রেকো মেলফয়ে ডেথ ইটাৰবোৰে হগৱার্ট্ছৰ সুৰক্ষা বেষ্টনী ভাঙি বিদ্যালয়ৰ ভিতৰত প্রৱেশ কৰিব পৰাকৈ এক অন্তর্হিত হব পৰা আলমাৰীৰ ব্যৱস্থা কৰে।[23] এই আলমাৰিৰ দ্বাৰা ডেথ ইটাৰবোৰে হগৱার্ট্ছত প্রৱেশ কৰে আৰু ডাম্বলড'ৰক ঘেৰি ধৰে। ড্রেকোই ডাম্বলড'ৰক হত্যা কৰিবলৈ নিজকে মান্তি কৰাব নোৱাৰাত হগৱার্ট্ছৰ শিক্ষক ছেভেৰাচ স্নেইপে তত্‍ক্ষণমৰণ মন্ত্ৰৰে ডাম্বলড'ৰক হত্যা কৰে।[23]

হেৰী পটাৰ এণ্ড দ্য ডেডলী হ’ল’জ'[সম্পাদনা কৰক]

হেৰী পটাৰ এণ্ড দ্য ডেডলী হ’ল’জ'ত ভ’লডেমৰ্টে সৰ্ববৃহত্ শক্তি আহৰণৰ প্ৰচেষ্টা চলায়। তেওঁ যাদু মন্ত্ৰণালয় দখল কৰি লয়[24] আৰু মাগোলজন্মা বোৰক যাদু “চুৰি কৰা” বুলি আটক কৰায়।[24] প্ৰায়ৰি ইনকেন্টাটেমৰ প্ৰভাৱ বিনষ্ট কৰিবলৈ লুছিয়াচ মেলফয়ৰ যাদুদণ্ড ধাৰ কৰিও হেৰীক মাৰিবলৈ ব্যৰ্থ হোৱাত[25] তেওঁ সবাতোকৈ শক্তিশালী যাদুদণ্ড মান্য দণ্ড(এল্ডাৰ ৱাণ্ড)ৰ সন্ধানত নামি পৰে। এই যাত্ৰাত তেওঁ যাদুদণ্ড নিৰ্মাতা বুঢ়া গ্ৰেগৰভিচকো হত্যাকৰে।[26] ভ’লডেমৰ্টে যাদুকৰ গেলাৰ্ট গ্ৰিণ্ডেলৱাল্ডকো হত্যা কৰে আৰু ডাম্বলডোৰৰ সমাধিৰ পৰা মান্য দণ্ডডাল চুৰি কৰি আনে।

পিছত হেৰীয়ে হ’ৰক্ৰাক্স বোৰ বিচাৰি বিচাৰি ধ্বংস কৰি থকা কথা গম পায় ভ’লডেমৰ্টে এক বিৰাট যুদ্ধবাহিনী লৈ হগৱাৰ্ট্ছ আক্ৰমণ কৰে।[27] যিহেতু স্নেইপে এল্ডাৰ ৱাণ্ডৰ আগৰ গৰাকী ডাম্বলড’ৰক হত্যাকৰিছিল সেয়েহে ভ’লডেমৰ্টে পোহনীয়া সাপ নাগিনীৰ হতুৱাই স্নেইপক হত্যা কৰে আৰু নিজকে এল্ডাৰ ৱাণ্ডৰ গৰাকী বুলি ভাবি লয়।[28] তাৰ পিছত তেওঁ এঘন্টীয়া যুদ্ধ বিৰতি ঘোষণা কৰে আৰু হেৰীক তেওঁৰ হাতত গটাই দিবলৈ আহ্বান কৰে।[29] যেতিয়া হেৰীয়ে নিষিদ্ধঅৰণ্যত ভ’লডেমৰ্টৰ ওচৰত আত্মসমৰ্পণ কৰে,ভ’লডেমৰ্টে মান্যদণ্ডৰে তাক আক্ৰমণ কৰে।[29] কিন্তু ওলোটাই হেৰীৰ গাত সোমাই থকা ভ’লডেমৰ্টৰ আত্মাৰ এটা অংশহে ধ্বংসপ্ৰাপ্ত হয়। শেষত হেৰীয়ে ব্যাখ্যা কৰে যে ডাম্বলড’ৰক নিৰস্ত্ৰ কৰি ড্ৰেকো মান্যদণ্ডৰ গৰাকী হয় আৰু ড্ৰেকোক নিৰস্ত্ৰ কৰাৰ পিছত হেৰী মান্যদণ্ডৰ মালিক হৈ পৰে। ভ’লডেমৰ্টে মান্যদণ্ডৰে হেৰীক মৃত্যুশাপ দিয়ে যদিও দণ্ডডালে নিজ মালিকৰ ক্ষতি সাধন নকৰাত সেই শাপ উলটি ভ’লডেমৰ্টৰ গাত লাগে আৰু ভ’লডেমৰ্টৰ মৃত্যু হয়। যুদ্ধৰ শেষত তেওঁক আনৰ পৰা বেলেগে এটা কোঠাত অকলে সমাধিস্থ কৰা হয়।[30]

চলচ্চিত্ৰত ৰূপায়ণ[সম্পাদনা কৰক]

হেৰী পটাৰ চলচ্চিত্ৰ শৃংখলাৰ সাতখন চলচ্চিত্ৰতে ভ'লডেমৰ্টৰ উপস্থিতি ঘটে। এইকেইখন হৈছে -

  1. হেৰী পটাৰ এণ্ড দ্য ফিল'ছফাৰ্ছ ষ্ট'ন
  2. হেৰী পটাৰ এণ্ড দ্য চেম্বাৰ অফ ছিক্ৰেটছ
  3. হেৰী পটাৰ এণ্ড দ্য গব্লেট অফ ফায়াৰ
  4. হেৰী পটাৰ এণ্ড দ্য অৰ্ডাৰ অফ দ্য ফিনিক্স
  5. হেৰী পটাৰ এণ্ড দ্য হাফ-ব্লাড প্ৰিন্স
  6. হেৰী পটাৰ এণ্ড দ্য ডেথ্লী হেল'জ - পাৰ্ট ১ আৰু
  7. হেৰী পটাৰ এণ্ড দ্য ডেথ্লী হেল'জ - পাৰ্ট ২।

তেওঁৰ বিভিন্ন আবিৰ্ভাব আৰু বয়সত পাঁচগৰাকী অভিনেতাই তেওঁক ৰূপায়িত কৰিছে।

হেৰী পটাৰ এণ্ড দ্য ফিল'ছফাৰ্ছ ষ্ট'নত ভ'লডেমৰ্টক কুইৰেলৰ মূৰৰ পিছফালে এখন মুখ হিচাপে কম্পিউটাৰৰ সহায়ত প্ৰস্তুত কৰা ছবিৰে দেখুওৱা হৈছিল। একেখন ছবিতে কুইৰেলৰ চৰিত্ৰ ৰূপায়ন কৰা ইয়ান হাৰ্টে ইয়াৰ বাবে কণ্ঠ আৰু মুখমণ্ডলৰ সূত্ৰ দিছিল। নিষিদ্ধ অৰণ্যত ইউনিকৰ্ন এটাৰ তেজ পি খাই থাকোঁতেও ভ'লডেমৰ্টৰ আবিৰ্ভাব ঘটিছে। এই ছবিখনত এক স্মৃতিৰ দৃশ্যত জেমছ আৰু লিলি পটাৰক হত্যা কৰিবলৈ তেওঁলোকৰ ঘৰত উপস্থিত হওঁতে ভ'লডেমৰ্টক পুনৰ দেখুওৱা হৈছে। এই দৃশ্যটোত মুখমণ্ডল নেদেখিলেও ৰিচাৰ্ড ব্ৰেমাৰে ক'লা যাদুকৰজনক ৰূপায়িত কৰিছে।[31] হেৰী পটাৰ এণ্ড দ্য চেম্বাৰ অফ ছিক্ৰেটছত ১৬ বছৰীয়া টম মাৰ্ভ'ল' ৰিডলৰ (ক্ৰিষ্টিয়ান ক'লছন) ৰূপত তেওঁৰ পৰৱৰ্তী আবিৰ্ভাব ঘটিছে।

ৰালফ ফিয়েনছে portrays Voldemort from গব্লেট অফ ফায়াৰৰ পৰা ডেথ্লী হেল'জ - পাৰ্ট ২লৈ ভ'লডেমৰ্টৰ চৰিত্ৰ ৰূপায়ন কৰিছে।

'হেৰী পটাৰ এণ্ড দ্য গব্লেট অফ ফায়াৰৰ প্ৰথমছোৱাত ভ'লডেমৰ্টৰ তীক্ষ্ন আৰু দুৰ্বল মাতটোহে মাত্ৰ শুনিবলৈ পোৱা গৈছিল। হ'লেও, ছবিখনৰ শেষৰফালে প্ৰথমবাৰৰ বাবে শৰীৰি ৰূপত তেওঁ দেখা দিছিল যাক ৰূপায়িত কৰিছিল ৰালফ ফিয়েনছে। কিতাপকেইখনৰ দৰেই ভ'লডেমৰ্টক ক'লা সাঁজ পিন্ধা, ওখ আৰু কৃশকায়, চুলিবিহীন আৰু হালধীয়া দাঁতৰ গৰাকী হিচাপে দেখুওৱা হৈছে। তেওঁৰ যাদুদণ্ডডালত এক বগা ঠাঁচ আছে আৰু ইয়াৰ মুঠিয়াটো হাড়ৰদ্বাৰা নিৰ্মিত যেন দেখায়। তেওঁৰ আঙুলিৰ নখবোৰ দীঘল আৰু শেঁতা নীলা। কিতাপকেইখনৰ দৰে তেওঁৰ চকুৰ মণি সাপৰ দৰে নহয় আৰু তেওঁৰ চকুকেইটা নীলা, কাৰণ পৰিচালক [[ডেভিদ হেইমেন|ডেভিদ হেইমেনে]] অনুভৱ কৰে যে তেওঁৰ অশুভ শক্তিটো দেখা পোৱা নাযাব আৰু দৰ্শকে ভয় নাখাব (মানুহৰ ৰূপ লোৱাৰ পিছত যেতিয়া তেওঁ চকু মেলে তেতিয়া তেওঁৰ চকুকেইটাই পলকৰ বাবে সাপৰ দৰে এক ৰূপ লয় কিন্তু ক্ষণিকতে স্বাভাৱিক হৈ পৰে)। কিতাপকেইখনৰ দৰেই, ভ'লডেমৰ্টৰ চলচ্চিত্ৰ ৰূপতো তেওঁৰ সাপৰ দৰে নাকৰ ঠাইত দুটা ফুটা আছে আৰু নাকৰ মাংস চকুত পৰাকৈ পিছলৈ হেঁচ খাই আছে। ছেটত ৰালফ ফিয়েনছৰ নাকটো মেক-আপেৰে সামৰা হোৱা নাছিল, বৰঞ্চ ইয়াক নিৰ্মাণৰ পিছত ডিজিটেলি আঁতৰোৱা হয়। প্ৰথম আবিৰ্ভাবটোত ভ'লডেমৰ্টৰ এক কাঁটাৰ দৰে জিভা আছিল যদিও পিছৰ ছবিসমূহত ইয়াক গুচাই পেলোৱা হয়।

ফিয়েনছে কয় যে ডেনিয়েল ৰেডক্লিফে ৰুপায়ন কৰা হেৰীৰ সৈতে এটা দৃশ্য গ্ৰহণ কৰোঁতে তেওঁৰ দুসপ্তাহ লাগিছিল। হাঁহি এটাৰে ফিয়েনছে কয়, "মোৰ সন্দেহেই নাই যে শিশুহঁতে আগতে কৰা নাছিল যদি এতিয়া মোলৈ ভয় কৰিব।" প্ৰস্তুতিকালত তেওঁ [[হেৰী পটাৰ এণ্ড দ্য গব্লেট অফ ফায়াৰ]] উপন্যাসখন পঢ়ে, কিন্তু ধেমেলীয়াকৈ স্বীকাৰ কৰি কয়, "মই কেৱল নিজৰ দৃশ্যটোত আগ্ৰহী আছিলো, আৰু হাজাৰ হাজাৰ দৃশ্যৰ মাজেৰে যাব লগা আছিল যিটো মই কৰিছিলো, কৰ্তব্যবোধেৰে, যেতিয়ালৈকে মই মোৰ দৃশ্যটো পাইছিলোগৈ আৰু মই এইটো বহুত, বহুত, বহুত, বহুতবাৰ পঢ়িছিলো আৰু সেয়াই মোৰ গৱেষণা আছিল।"[32] ফিয়েনছে লৰ্ড ভ'লডেমৰ্ট হিচাপে হেৰী পটাৰ এণ্ড দ্য অৰ্ডাৰ অফ দ্য ফিনিক্স আৰু হেৰী পটাৰ এণ্ড দ্য ডেথ্লী হেল'জ - পাৰ্ট ১ আৰু পাৰ্ট ২ তো অভিনয় কৰে।[33]


চৰিত্ৰায়ণ[সম্পাদনা কৰক]

বাহ্যিক ৰেহ-ৰূপ[সম্পাদনা কৰক]

চতুর্থ কিতাপখনত ভলডেম'র্টে নিজৰ শৰীৰ পুনৰাহৰণ কৰাৰ পিছত ৰাউলিঙে তেওঁৰ শেতাপৰা ছাল,বগা লাওখোলাৰ দৰে মুখ, নাকৰ ঠাইত সাপৰ দৰে বিন্ধা,ৰঙা আৰু মেকুৰীমুৱা চকু,জঁকাৰ দৰে ক্ষীণ শৰীৰ,অস্বাভাৱিক দৈর্ঘ্যৰ আঙুলিৰে দীঘল দীঘল হাত থকা বুলি বর্ণনা কৰিছে।[13] সপ্তম গ্রন্থখনৰ প্রথম অধ্যায়ত কোৱাৰ দৰে তেওঁৰ চুলি আৰু ওঁঠ নাই। দ্বিতীয় আৰু ষষ্ঠ কিতাপকেইখনৰ স্মৃতি ৰোমন্থনত দেখুওৱা মতে জীৱনৰ আগভাগত টম মাৰভোলো ৰিডল শেঁতা পৰা ছাল,কলা চুলি আৰু গভীৰ চকুৰে এজন ওখ,সুদর্শন ডেকা আছিল।[20] ৰূপৰ জৰিয়তে তেওঁ বহুলোকক মুগ্ধ কৰিব পাৰিছিল। নিজ আত্মাক খণ্ড বিখণ্ড কৰি হ'ৰক্ৰাক্স নির্মাণ কৰি দিনে দিনে অমানুহ হৈ যোৱা বাবে তেওঁৰ শৰীৰে এনেকুৱা ৰূপ লোৱা বুলি ভবা হয়।[22] ছবি সমূহত ভলডেমর্ট'ক ঘূৰণীয় মণি থকা নীলা চকুৱা হিচাপে দেখুওৱা হৈছে।

ব্যক্তিত্ব[সম্পাদনা কৰক]

ৰাউলিঙে ভ’লডেমৰ্টক "শ শ বছৰৰ আটাইতকৈ নিৰ্দয়ী যাদুকৰ" হিচাপে বৰ্ণনা কৰিছে।[4] তেওঁ ভ’লডেমৰ্টক " কোনো মানুহৰ দুখ দেখি আন মানুহৰ হৃদয়ত ওপজা বেথা অনুভৱ নকৰা এক মানসিকভাৱে অসুস্থ ব্যক্তি" বুলি কয় যাৰ জীৱনৰ একমাত্ৰ লক্ষ্য হ’ল মহা-শক্তিমান আৰু অমৰ হৈ পৰা। তেওঁ মানুহ বিশেষকৈ মাগোলসকলক হত্যা কৰি এক পৈশাচিক আনন্দ লাভ কৰে। তেওঁৰ কোনো বোধশক্তি নাই,কোনো অনুশোচনা নাই আৰু তেওঁ নিজৰ বাহিৰে কোনো মানুহকে মানুহবুলি গণ্য নকৰে।[34] তেওঁ কোনো মানুহৰ বন্ধুত্বৰ প্ৰয়োজন অনুভৱ নকৰে আৰু প্ৰেম বা আকৰ্ষণৰ কোনো যুক্তি বিচাৰি নাপায়। তেওঁ নিজকে সৰ্বেসৰ্বা বুলি ভাৱে। ৰাউলিঙে কয় যে ভ’লডেমৰ্ট "সঁচাকৈয়ে শক্তিৰ বাবে খুবেই ভোকাতুৰ",[35] আৰু যদি তেওঁ নিজকে হেপাঁহ জিলিকা আইনাত চালেহেতেন, "নিজকে অমৰ আৰু সৰ্বশক্তিমান হিচাপে দেখিলেহেতেন। সেয়াই তেওঁৰ একমাত্ৰ ইচ্ছা"।[36]


ইতিহাসৰ আন বহুতো ঋণাত্মক চৰিত্ৰৰ দৰে অহংকাৰেই ভ’লডেমৰ্টৰ পতন মাতি আনে। তেওঁ প্ৰায়ে মৃত্যুৰ ভয়ত ভোগে যাক তেওঁ লজ্জাজনক মানৱীয় দূৰ্বলতা বুলি অভিহিত কৰে। ৰাউলিঙৰ মতে তেওঁৰ ব’গাৰ্টটো হ’ব নিজৰেই শৱদেহ।[37] ৰাউলিঙে কয় যে হেৰী আৰু ভ’লডেমৰ্টৰ মাজত এয়াই পাৰ্থক্য যে হেৰীয়ে নিজকে সাধাৰণ বুলিভাৱে আৰু সেয়েহে শেষত প্ৰতিদ্বন্দীতকৈ শক্তিশালী হিচাপে প্ৰতিপন্ন হয়।[38]

যাদুকৰী শক্তি আৰু ক্ষমতা[সম্পাদনা কৰক]

সমগ্ৰ শৃংখলাটোত ৰাউলিঙে ভ'লডেমৰ্টক এক সাংঘাটিকধৰণে শক্তিশালী, বুদ্ধিমান আৰু নিৰ্দয় ক'লা যাদুকৰ হিচাপে উপস্থাপন কৰিছে। তেওঁক পৃথিৱীৰ এজন মহানতম লেজিলিমেনছ আৰু এজন সুদক্ষ অক্লুমেনছ হিচাপে জনা যায়; তেওঁৰ আনৰ মনটো পঢ়িব পাৰে নিজৰ মনটো আনে পঢ়িব নোৱাৰাকৈ সুৰক্ষিত কৰি ৰাখিব পাৰে। ডাম্বলডোৰৰ বাহিৰে একমাত্ৰ তেওঁকেই নিঃশব্দে অন্তৰ্হিত হ'ব পৰা যাদুকৰ হিচাপে জনা যায়। ভ'লডেমৰ্টে কেৱলমাত্ৰ ডাম্বলডোৰকহে ভয় কৰে বুলি কোৱা হয়।

অন্তিম গ্ৰন্থখনত ভ'লডেমৰ্টে কোনো আধাৰ নোহোৱাকৈয়ে উৰে, যি কাৰ্যই প্ৰত্যক্ষদৰ্শীসকলক আচৰিত কৰি তোলে।[25] পিতৃ পৰিয়ালৰ গ'ন্টসকলৰ দৰে ভলডেম'ৰ্টো এক সৰ্পমুখীয়া যি সাপৰ সৈতে আলাপ কৰিব পাৰে। এই কৌশল তেওঁৰ পূৰ্বপুৰুষ ছালাজাৰ শ্লিদেৰিনৰপৰা প্ৰাপ্ত। গ'ন্ট পৰিয়ালে নিজৰ মাজত সৰ্পমুখীয়া ভাষাতে কথা পাতে। এই অতি শয় অগতানুগতিক বৈশিষ্ট্যটো নিজ বংশৰ মাজতে বিবাহৰদ্বাৰা জীয়াই ৰাখিব পৰা যায়, যিটো ব্যৱস্থা গ'ন্ট পৰিয়ালে নিজৰ (যাদুকৰী) তেজৰ বিশুদ্ধতা বজাই ৰাখিবলৈ গ্ৰহণ কৰিছিল। ভ'লডেমৰ্টে হেৰীক মাৰিবলৈ চেষ্টা কৰোঁতে সৰ্পমুখীয়া ক'ব পৰাৰ ক্ষমতাটো তেওঁৰ আত্মাৰ এটা সৰু অংশৰ যোগেদি হেৰীলৈ আহে। আত্মাৰ এই অংশটো ধ্বংস কৰাৰ পিছত হেৰীয়ে এই ক্ষমতা হেৰুৱায়।[39]ষষ্ঠ কিতাপখনৰ এক স্মৃতিত চাকৰিৰ এক সাক্ষাৎকাৰত ভ'লডমৰ্টে ডাম্বলডোৰক কয় যে তেওঁ "যাদুৰ পৰিসীমা সৰ্বকালতকৈ বিস্তাৰ কৰিছে।"[40]ডাম্বলডোৰে কয় যে যাদুৰ বিষয়ে ভ'লডেমৰ্টৰ জ্ঞান যিকোনো জীৱিত যাদুকৰতকৈ বিশাল[41]আৰু ভ'লডেমৰ্টে পূৰ্ণ শক্তি উলোটাই পালে আনকি ডাম্বলডোৰৰো আটাইতকৈ শক্তিশালী সুৰক্ষাত্মক যাদু আৰু মোহিনীবাণসমুহ যঠেষ্ট নহ'ব। তেওঁ ইয়াকো কয় যে হগৱাৰ্টছে এতিয়ালৈকে পোৱা ভ'লডেমৰ্টেই কিজানি আটাইতকৈ মেধাৱী ছাত্ৰ।[11]ভ'লডেমৰ্ট সুদক্ষ তথা আচৰিতধৰণে কৌশলী যদিও আটাইতকৈ শক্তিশালী যাদু প্ৰেমৰ বিষয়ে বৰ অভাৱী আৰু অদক্ষ।[40]শৃংখলাটোত ভ'লডেমৰ্টৰ আনক ভাল পাবলৈ আৰু বিশ্বাস কৰিবলৈ নোৱাৰাটোৱেই আটাইতকৈ ডাঙৰ দুৰ্বলতা হিচাপে পৰিগণিত হয়। প্ৰথমাৱস্থাত ভ'লডেমৰ্ট শংকিত আছিল যে তেওঁৰ নিজৰ যাদু আটাইতকৈ শক্তিশালী নহ'বও পাৰে,[40]কিন্তু নিজৰ শক্তি ঘূৰাই পোৱাৰ পিছত তেওঁ ডেথ্ ইটাৰসকলৰ আগত স্বীকাৰ কৰে যে তেওঁ পুৰণি আৰু শক্তিশালী যাদুটোক আওকাণ কৰিছিল যাক লিলি পটাৰে হেৰীৰ ওপৰত প্ৰয়োগ কৰিলে যি হেৰীক অনিষ্টৰ পৰা বচাই ৰাখে।[42]

নিজা ৱেবছাইটত ৰাউলিঙে লিখে যে ভ'লডেমৰ্টৰ যাদুদণ্ডডাল ইউ কাঠেৰে নিৰ্মিত, যাৰ ৰস বিষাক্ত আৰু সেয়ে ই মৃত্যুৰ প্ৰতীক।[43]যাদুদণ্ডডালে হেৰীৰ যাদুদণ্ডডালৰ সৈতে এক বৈপৰীত্য সূচায়, যিডাল হ'লী কাঠেৰে নিৰ্মিত। হ'লীয়ে অশুভ শক্তি আঁতৰাই পঠিয়াই বুলি জনা যায় বাবে ৰাউলিঙে হ'লী নিৰ্বাচন কৰে।[43]

গ্ৰন্থসমূহত ৰাউলিঙে এই কথা লিখিছে যে ভ'লডেমৰ্ট হেৰীৰ সৈতে হেৰীৰ কপালৰ কটা দাগটোৰ যোগেদি যাদুকৰীভাৱে সংযুক্ত হৈ আছে। হেৰীৰ ওপৰত প্ৰয়োগ কৰা তেওঁৰ মৃত্যুবাণে ওলোটাই আহি তেওঁৰ গাতে পৰাত তেওঁৰ শৰীৰটো ধ্বংস হয় আৰু হেৰীৰ কপালত এটা দাগ ৰৈ যায়। গ্ৰন্থকেইখনত, আৰু কিছু কম পৰিমাণে চলচ্চিত্ৰকেইখনত, হেৰীৰ কটা দাগটোৱে ভ'লডেমৰ্টৰ উপস্থিতিৰ সূচক হিচাপে কাম কৰে; আন্ধাৰৰ ৰজা কাষত থাকিলে অথবা তেওঁৰ হত্যা কৰাৰ ইচ্ছা বা উল্লাস হ'লে ই জ্বলা-পোৰা কৰে। ৰাউলিঙৰ মতে কেঁচুৱা অৱস্থাত হেৰীক আক্ৰমণ কৰি ভ'লডেমৰ্টে হেৰীক "আন কোনো যাদুকৰৰ নথকা সামগ্ৰী - কটা দাগটো আৰু ই প্ৰদান কৰা ক্ষমতা, ভ'লডেমৰ্টৰ মনটোলৈ এক যাদুকৰী খিৰিকি" দিলে।

পৰিয়াল[সম্পাদনা কৰক]

বংশবৃক্ষ[সম্পাদনা কৰক]

টোকা: থমাছ আৰু মেৰী ৰিডল নামটো চলচ্চিত্ৰৰ পৰা লোৱা হৈছে আৰু ইয়াত পটাৰ পৰিয়ালক দেখুওৱা হোৱা নাই

 
 
 
 
 
 
 
 
ছালাজাৰ শ্লিদেৰিণ
 
পেভাৰেল পৰিয়াল
 
 
 
 
 
 
 
 
 
 
 
 
 
 
 
 
 
 
 
 
 
 
 
থমাছ ৰিডল
 
মেৰী ৰিডল
 
মাৰভোলো গ'ন্ট
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
টম ৰিডল জ্যেষ্ঠ
 
মেৰোপ গ'ন্ট
 
মৰফিন গ'ন্ট
 
 
 
 
 
 
 
 
 
 
 
 
 
 
 
 
 
 
 
 
 
 
 
 
টম মাৰভোলো ৰিডল
 
 
 
 
 
 
 
 
 
 
 
 
 
 
 
 
 
 
 
 
হেৰী পটাৰ

ৰিডল পৰিয়াল[সম্পাদনা কৰক]

ৰিডল পৰিয়ালৰ প্ৰধান সদস্য তিনিজন হ’ল বৃদ্ধ শ্ৰী আৰু শ্ৰীমতী ৰিডল আৰু তেওঁলোকৰ পুত্ৰ,ভ’লডেমৰ্টৰ পিতৃ টম ৰিডল। লিটল হেংগলটন বিয়পি থকা উপত্যকাটোৰ প্ৰায় আধাখিনিৰ গৰাকী আছিল ৰিডল পৰিয়াল আৰু থমাছ আছিল চহৰখনৰ আটাইতকৈ প্ৰতিপত্তিশালী মানুহ। বা-বাগিচাৰে সৈতে এক বৃহত্ গৃহত তেওঁলোকে বাস কৰিছিল আৰু তেওঁলোকৰ মইবৰ ভাবৰ বাবে স্থানীয়ভাৱে অপ্ৰিয় আছিল। বিশেষকৈ থমাছ আৰু মেৰীৰ একমাত্ৰ সন্তান টমে উচ্চ খাপৰ জীৱন-যাপন কৰি ভাল পাইছিল আৰু সমাজত থকা তেওঁৰ প্ৰভাৱ উপভোগ কৰিছিল।

হেৰী পটাৰ এণ্ড দ্য হাফ ব্লাড প্ৰিন্সত ৰাউলিঙে প্ৰকাশ কৰে যে মেৰ’প গ’ন্টে টমৰ ওচৰ চাপিবলৈ যাথাসাধ্যে চেষ্টা কৰিছিল। মৰ্ফিনে টমৰ প্ৰতি ভনীয়েক আকৰ্ষিত হোৱা দেখি টমক শাপগ্ৰস্ত কৰাত মাৰভোলো আৰু মৰ্ফিনে যাদুবিশ্বৰ আইন অনুসৰি আজকাবানত বন্দী হৈ থাকে। ডাম্বলড’ৰৰ মতে এবাৰ মেৰ’পে টমৰ ওপৰত চৰবতত মোহিনী ঔষধ মিহলাই প্ৰেমবাণ প্ৰয়োগ কৰে আৰু দুয়ো ঘৰৰ পৰা পলাই যায়। কিছুমাহ পিছত মেৰ’প গৰ্ভৱতী হয়। মেৰ’পে টম সঁচাকৈয়ে তাইৰ প্ৰেমত পৰা বুলি ঔষধ দিয়াটো বন্ধ কৰে কিন্তু টমে তাইক গৰ্ভৱতী অৱস্থাত এৰি ঘৰলৈ গুচি যায়।[19] 31 ডিচেম্বৰত টম মাৰভোলো ৰিডলে জন্ম লাভ কৰে[44] আৰু অতি সোনকালে মেৰ’পৰ মৃত্যু হোৱাত সি এক অনাথ আশ্ৰমত ডাঙৰদীঘল হ’বলৈ লয়।

হেৰী পটাৰ এণ্ড দ্য গবলেট অৱ ফায়াৰত পাঠকে গম পায় যে টম ৰিডল আৰু তেওঁৰ মাক-দেউতাকক টম মাৰভোলো ৰিডলে হত্যা কৰে। মাগোলবিশ্বত তেওঁলোকৰ মালী ফ্ৰেংক ব্ৰাইছক হত্যাকাৰী বুলি ভবা হয়[15] আৰু যাদুবিশ্বত মৰ্ফিন গ’ন্টক হত্যাকাৰী বুলিভবা হয় [21] যাৰ আজকাবানত মৃত্যু হয়।

গ’ন্ট পৰিয়াল[সম্পাদনা কৰক]

গ’ন্ট পৰিয়ালৰ অধিকাংশ তথ্য হেৰী পটাৰ এণ্ড দ্য হাফ ব্লাড প্ৰিন্সত ডাম্বলড’ৰৰ স্মৃতিপাত্ৰৰ জৰিয়তে উন্মোচিত কৰা হয়। এসময়ত গ’ন্টসকল শক্তিশালী আৰু প্ৰভাৱশালী আছিল আৰু তেওঁলোকেই চালাজাৰ শ্লিদেৰিণৰ শেষ বংশধৰ।.[19]

গ’ন্ট পৰিয়ালৰ শেষ বংশধৰ মাৰভ’ল’ গ’ন্ট আৰু পুত্ৰক যাদু মন্ত্ৰালয়ৰ বিষয়ববীয়াক আক্ৰমণ কৰা হেতুকে আজকাবানত বন্দী কৰি থোৱা হয়। জেলৰ পৰা ওলোৱাকিছুদিন পিছতে তেওঁৰ মৃত্যু ঘটে আৰু তেওঁৰ আঙুঠিটো মৰ্ফিন গ’ন্টে পায় যি টম ৰিডলআৰু তেওঁৰ পিতৃ-মাতৃক হত্যাৰ অপৰাধত আজকাবানত বন্দী হয়,যিটো অপৰাধ আচলতে কৰিছিল তেওঁৰ ভতিজাকে।[21] মৰ্ফিনৰ মৃতুৰ লগতেই গ’ন্ট বংশৰ সমাপ্তি ঘটে।

মেৰ’পি গ’ন্ট (/mɛˈrp/) আছিল মাৰভ’ল’ৰ জী আৰু মৰ্ফিনৰ ভগ্নী। তাইক দেখি হেৰীৰ এনে লাগিছিল যে তাই “পৃথিৱীৰ আটাইতকৈ বেছি পৰাজয়ৰ সন্মুখীন হোৱা ব্যক্তি”।[19] টম ৰিডলে এৰি যোৱাৰ পিছত এক অনাথ আশ্ৰমত এটী পুত্ৰ সন্তান জন্ম দি মেৰ’পি মৃত্যু মুখত পৰে।

আৰু এনেকৈয়ে গ’ন্ট সকল,ভ’লডেমৰ্ট, হেৰীৰ দূৰ সম্পৰ্কীয আত্মীয় কাৰণ সিহঁত পেভাৰেল ভ্ৰাতৃত্ৰয়ৰ বংশধৰ।[45]

সঁহাৰি[সম্পাদনা কৰক]

বহুতো মানুহে লৰ্ড ভ'লডেমৰ্ট আৰু বিভিন্ন ৰাজনৈতিক নেতাৰ মাজত সাদৃশ্য থকা বুলি মতপোষণ কৰে। ৰাউলিঙে কয় যে ভ'লডেমৰ্ট অলপ এডল্ফ হিটলাৰৰ দৰে,আৰু তেওঁৰ কিতাপতো নাজীবাদৰ কিছু প্ৰভাৱ আছে।[46][47] ৰাউলিঙে তেওঁক জোছেফ ষ্টেলিনৰ লগতো তুলনা কৰিছে।[48] শৃংখলাৰ তৃতীয় ছবিখনৰ নিৰ্দেশক এলফন্স' কিউৰণে ভ'লডেমৰ্টক জৰ্জ ডব্লিউ বুশ্ব আৰু ছাদ্দাম হুছেইনৰ লগত তুলনা কৰি কয় কাৰণ দুয়ো "...স্বাৰ্থপৰ আৰু ক্ষমতালোভী। তেওঁলোক পৰিৱেশপ্ৰেমী নহয়আৰু মানুহক প্ৰৰোচিত কৰি ভাল পায়।"[49]

ভ'লডেমৰ্টক আন বহুতো কাল্পনিক চৰিত্ৰ,যেনে দ্য লৰ্ড অৱ দ্য ৰিংছৰ ছ'উৰণ আদিৰ লগতো তুলনা কৰা হৈছে।[50]

আইজিএনে ভ'লডেমৰ্টক সঁচাকৈয়ে ভয়ানক আখ্যা দি তেওঁলোকৰ সপ্তম প্ৰিয় হেৰী পটাৰ চৰিত্ৰ বুলি অভিহিত কৰে।[51]


তথ্যসূত্ৰ[সম্পাদনা কৰক]

  1. "Enchanted with Potter Literature: Fans line up for hours to get their books signed". The Orange County Register. প্ৰকাশক Santa Ana, CA. 26 October 1999. http://www.accio-quote.org/articles/1999/1099-orangecounty-takahama.html। আহৰণ কৰা হৈছে: 28 December 2006. 
  2. HPL: Lord Voldemort: Quick facts
  3. Rowling, J. K. (1998). Harry Potter and the Chamber of Secrets. Bloomsbury. ISBN 0747538492. [পৃষ্ঠাৰ নংৰ প্ৰয়োজন]; Rowling, J. K. (2005). Harry Potter and the Half-Blood Prince. Bloomsbury. ISBN 0747581088. [পৃষ্ঠাৰ নংৰ প্ৰয়োজন]
  4. 4.0 4.1 "J.K. Rowling on The Diane Rehm Show". WAMU Radio Washington, D.C.. 20 October 1999. http://www.accio-quote.org/articles/1999/1299-wamu-rehm.htm। আহৰণ কৰা হৈছে: 15 August 2007. 
  5. Jensen, Jeff. (7 September 2000"). "'Fire' Storm". Entertainment Weekly. http://www.accio-quote.org/articles/2000/0900-ew-jensen.htm. 
  6. "JK Rowling's World Book Day Chat". 4 March 2004. http://www.accio-quote.org/articles/2004/0304-wbd.htm. 
  7. Anelli, Melissa and Emerson Spartz (16 July 2005). "The Leaky Cauldron and MuggleNet interview Joanne Kathleen Rowling: Part Two". The Leaky Cauldron. http://www.accio-quote.org/articles/2005/0705-tlc_mugglenet-anelli-2.htm. 
  8. Lydon, Christopher (12 October 1999). "J.K. Rowling interview transcript". The Connection (WBUR Radio). http://www.accio-quote.org/articles/1999/1099-connectiontransc2.htm. 
  9. Nel, Philip (2001). Continuum International Publishing Group. ed. J.K. Rowling's Harry Potter Novels: A Reader's Guide (illustrated সম্পাদনা). পৃষ্ঠা. 16. ISBN 0-8264-5232-9. http://books.google.com/?id=qQYfoV62d30C&printsec=frontcover&dq=J.K.+Rowling%27s+Harry+Potter+novels#PPA16,M1. 
  10. Alleen Pace Nilsen, Don L.F. Nilsen (November 2002). "Lessons in the teaching of vocabulary from September 11 and Harry Potter" (PDF). Journal of Adolescent & Adult Literacy খণ্ড 46 (3): 254–260. http://www.sfu.ca/media-lab/archive/2007/426/Resources/Readings/readings%20kidcult/HarryPotterLiteracy.pdf. 
  11. 11.0 11.1 11.2 11.3 Rowling, J. K. (1998). "The Heir of Slytherin". Harry Potter and the Chamber of Secrets. Bloomsbury. ISBN 0747538492. 
  12. Rowling, J. K. (1999). "Professor Trelawney's Prediction". Harry Potter and the Prisoner of Azkaban. Bloomsbury. ISBN 0747542155. 
  13. 13.0 13.1 13.2 13.3 সাঁচ:HP4, chapters 32 to 35
  14. Rowling, J. K. (2000). Harry Potter and the Goblet of Fire. Bloomsbury. ISBN 074754624X. 
  15. 15.0 15.1 Rowling, J. K. (2000). "The Riddle House". Harry Potter and the Goblet of Fire. Bloomsbury. ISBN 074754624X. 
  16. Rowling, J. K. (2000). "The Parting of the Ways". Harry Potter and the Goblet of Fire. Bloomsbury. ISBN 074754624X. 
  17. Rowling, J. K. (2003). "Beyond the Veil". Harry Potter and the Order of the Phoenix. Bloomsbury. ISBN 0747551006. 
  18. "Living With Harry Potter". http://www.accio-quote.org/articles/2005/1205-bbc-fry.html। আহৰণ কৰা হৈছে: 15 August 2007. 
  19. 19.0 19.1 19.2 19.3 Rowling, J. K. (2005). "The House of Gaunt". Harry Potter and the Half-Blood Prince. Bloomsbury. ISBN 0747581088. 
  20. 20.0 20.1 Rowling, J. K. (2007). "The Muggle-Born Registration Commission". Harry Potter and the Deathly Hallows. Bloomsbury. ISBN 1551929767. 
  21. 21.0 21.1 21.2 Rowling, J. K. (2005). "A Sluggish Memory". Harry Potter and the Half-Blood Prince. Bloomsbury. ISBN 0747581088. 
  22. 22.0 22.1 Rowling, J. K. (2005). "Horcruxes". Harry Potter and the Half-Blood Prince. Bloomsbury. ISBN 0747581088. 
  23. 23.0 23.1 Rowling, J. K. (2005). "The Lightning-Struck Tower". Harry Potter and the Half-Blood Prince. Bloomsbury. ISBN 0747581088. 
  24. 24.0 24.1 Rowling, J. K. (2007). Harry Potter and the Deathly Hallows. Bloomsbury. ISBN 1551929767. [পৃষ্ঠাৰ নংৰ প্ৰয়োজন]
  25. 25.0 25.1 Rowling, J. K. (2007). "The Seven Potters". Harry Potter and the Deathly Hallows. Bloomsbury. ISBN 1551929767. 
  26. Rowling, J. K. (2007). "The Thief". Harry Potter and the Deathly Hallows. Bloomsbury. ISBN 1551929767. 
  27. Rowling, J. K. (2007). "The Battle of Hogwarts". Harry Potter and the Deathly Hallows. Bloomsbury. ISBN 1551929767. 
  28. Rowling, J. K. (2007). "The Elder Wand". Harry Potter and the Deathly Hallows. Bloomsbury. ISBN 1551929767. 
  29. 29.0 29.1 Rowling, J. K. (2007). "The Forest Again". Harry Potter and the Deathly Hallows. Bloomsbury. ISBN 1551929767. 
  30. Rowling, J. K. (2007). "The Flaw in the Plan". Harry Potter and the Deathly Hallows. Bloomsbury. ISBN 1551929767. 
  31. "Credit Confusion". MuggleNet. http://www.mugglenet.com/castpages/credits.shtml। আহৰণ কৰা হৈছে: 7 January 2007. 
  32. Fischer, Paul. "Ralph Fiennes for "White Countess" and "Harry Potter and the Goblet of Fire"". http://www.darkhorizons.com/news05/fiennes.php। আহৰণ কৰা হৈছে: 7 January 2007. [সংযোগবিহীন উৎস]
  33. "Helena Bonham Carter Joins the All-Star Cast and Nicholas Hooper Signs on to Compose the Score of Warner Bros. Pictures' Harry Potter and the Order of the Phoenix". Warner Bros.. 2 August 2006. http://www.prnewswire.co.uk/cgi/news/release?id=176487। আহৰণ কৰা হৈছে: 23 December 2006. 
  34. Jeff Jensen (7 September 2000). "Fire Storm". Entertainment Weekly. http://www.accio-quote.org/articles/2000/0900-ew-jensen.htm। আহৰণ কৰা হৈছে: 20 April 2008. 
  35. A Good Scare. 30 October 2000. Archived from the original on 9 November 2000. http://web.archive.org/web/20001109051300/http://www.time.com/time/pacific/magazine/20001030/potter.html। আহৰণ কৰা হৈছে: 3 November 2008. [সংযোগবিহীন উৎস]
  36. "What Jo says about...Lord Voldemort, aka Tom Marvolo Riddle". http://www.accio-quote.org/themes/voldemort.htm। আহৰণ কৰা হৈছে: 3 November 2008. 
  37. ""Anelli, Melissa and Emerson Spartz. "The Leaky Cauldron and MuggleNet interview Joanne Kathleen Rowling: Part Two," The Leaky Cauldron". 16 July 2005". http://www.accio-quote.org/articles/2005/0705-tlc_mugglenet-anelli-2.htm. 
  38. উদ্ধৃতি ত্ৰুটি: অবৈধ <ref> টেগ; AfterBook7 নামৰ refৰ বাবে কোনো পাঠ্য প্ৰদান কৰা হোৱা নাই
  39. "JK Rowling web chat transcript". 30 July 2007. http://the-leaky-cauldron.org/2007/7/30/j-k-rowling-web-chat-transcript. 
  40. 40.0 40.1 40.2 Rowling, J. K. (2005). "Lord Voldemort's Request". Harry Potter and the Half-Blood Prince. Bloomsbury. ISBN 0747581088. 
  41. Rowling, J. K. (2003). Harry Potter and the Order of the Phoenix. Bloomsbury. ISBN 0747551006. [পৃষ্ঠাৰ নংৰ প্ৰয়োজন]
  42. Rowling, J. K. (2000). "The Death Eaters". Harry Potter and the Goblet of Fire. Bloomsbury. ISBN 074754624X. 
  43. 43.0 43.1 "Section: Extra Stuff WANDS". http://www.jkrowling.com/textonly/en/extrastuff_view.cfm?id=18। আহৰণ কৰা হৈছে: 15 August 2007. [সংযোগবিহীন উৎস]
  44. F.A.Q[সংযোগবিহীন উৎস]
  45. "TIME Person of The Year Runner-up: J.K. Rowling". Time Magazine. 23 December 2007. http://www.time.com/time/specials/2007/personoftheyear/article/0,28804,1690753_1695388_1695569,00.html। আহৰণ কৰা হৈছে: 23 December 2007. 
  46. "New Interview with J.K. Rowling for Release of Dutch Edition of "Deathly Hallows"". The Volkskrant. 19 November 2007. http://www.the-leaky-cauldron.org/2007/11/19/new-interview-with-j-k-rowling-for-release-of-dutch-edition-of-deathly-hallows। আহৰণ কৰা হৈছে: 6 March 2008. 
  47. J.K. Rowling outs Dumbledore! | PopWatch Blog |work=Entertainment Weekly
  48. New Interview with J.K. Rowling for Release of Dutch Edition of "Deathly Hallows" – The Leaky Cauldron
  49. Monroe, Caroline. "How Much Was Rowling Inspired by Tolkien?". GreenBooks. TheOneRing.net. http://greenbooks.theonering.net/guest/files/050102.html। আহৰণ কৰা হৈছে: 21 May 2006. 
  50. Brian Linder, Phil Pirrello, Eric Goldman, Matt Fowler (14 July 2009). "Top 25 Harry Potter Characters". IGN. http://uk.movies.ign.com/articles/100/1002569p4.html। আহৰণ কৰা হৈছে: 3 April 2011. 

বাহ্যিক সংযোগ[সম্পাদনা কৰক]