অনন্যা নাগাল্লা
| অনন্যা নাগাল্লা | |
|---|---|
 ২০২৫ চনত এটা ফটোশ্বুটৰ সময়ত অনন্যা নাগাল্লা | |
| জন্ম | চাথুপল্লী, তেলেংগানা, ভাৰত |
| শিক্ষা | ৰাজা মহেন্দ্ৰ ইঞ্জিনিয়াৰিং কলেজ, ইব্ৰাহিমপট্টনম |
| পেচা | অভিনেত্ৰী |
| সক্ৰিয় হৈ থকা সময় | ২০১৯–বৰ্তমান |
অনন্যা নাগাল্লা (ইংৰাজী: Ananya Nagalla) এগৰাকী ভাৰতীয় অভিনেত্ৰী যিয়ে তেলুগু চলচ্চিত্ৰত অভিনয় কৰে। তেওঁ মাল্লেশম (২০১৯) ছবিৰ জৰিয়তে অভিনয় জগতত পদাৰ্পণ কৰিছিল আৰু ইয়াৰ পিছত প্লে বেক (২০২১) আৰু ৱাকিল চাব (২০২১) আদি ছবিত অভিনয় কৰিছে। ২০২৪ চনত মুক্তিপ্ৰাপ্ত পোট্টেল নামৰ ছবিখনত কৰা অভিনয়ৰ বাবে তেওঁ গদৰ তেলেংগানা ফিল্ম এৱাৰ্ডছ লাভ কৰিছে।
প্ৰাৰম্ভিক জীৱন
[সম্পাদনা কৰক]নাগাল্লাৰ জন্ম হৈছিল তেলেংগানাৰ (তেতিয়াৰ অন্ধ্ৰপ্ৰদেশ) খম্মম জিলাৰ চাথুপল্লীৰ এটা তেলুগু পৰিয়ালত। তেওঁৰ পিতৃৰ নাম ভেংকটেশ্বৰ ৰাও আৰু মাতৃৰ নাম বিষ্ণু প্ৰিয়া।[1][2] তেওঁৰ পিতৃ এজন ব্যৱসায়ী। অনন্যাৰ পঢ়া-শুনাৰ বাবে তেওঁলোকৰ পৰিয়ালটো হায়দৰাবাদলৈ স্থানান্তৰিত হৈছিল। তেওঁ ইব্ৰাহিমপট্টনমৰ ৰাজা মহেন্দ্ৰ কলেজ অৱ ইঞ্জিনিয়াৰিংৰপৰা বি.টেক ডিগ্ৰী লাভ কৰিছিল আৰু চলচ্চিত্ৰ জগতত প্ৰৱেশ কৰাৰ আগতে ইনফোচিছত কাম কৰিছিল।[1][2]
কৰ্মজীৱন
[সম্পাদনা কৰক]চাকৰি কৰি থকাৰ সময়তে নাগাল্লাই শাদী নামৰ এখন চুটি ছবিত অভিনয় কৰিছিল আৰু এছ.আই.আই.এম.এ চুটি ছবি বঁটাৰ শ্ৰেষ্ঠ অভিনেত্ৰীৰ বাবে মনোনীত হৈছিল। পিছলৈ তেওঁ অডিচন দি ২০১৯ চনৰ জীৱনীভিত্তিক ছবি মাল্লেশমৰ বাবে নিৰ্বাচিত হয়, য’ত তেওঁ প্ৰিয়দৰ্শীৰ বিপৰীতে অভিনয় কৰিছিল। ছবিখনত তেওঁক নিজৰ জন্ম নাম অনুষা নাগাল্লা বুলিহে কৃতিত্ব দিয়া হৈছিল।[3] চৰিত্ৰটোৰ বাবে প্ৰস্তুতি চলাবলৈ নাগাল্লাই তেওঁৰ কামৰপৰা বিৰতি লৈছিল।[4] ছবিখনৰ পৰ্যালোচনা কৰি দ্য ইণ্ডিয়ান এক্সপ্ৰেছৰ সমালোচক মুৰলী কৃষ্ণ চি.এইচে তেওঁৰ প্ৰশংসা কৰি কয় যে, "মাল্লেশমৰ পত্নী পদ্মাৰ চৰিত্ৰত অনন্যা নাগাল্লা জিলিকি উঠিছে। তেওঁৰ সহজাত সৰলতা তেওঁৰ অভিনয়ত ফুটি উঠিছে।" [5] দ্য নিউজ মিনিটৰ এজন পৰ্যালোচকে কৈছিল: "অনন্যাৰ অভিনয় মৰমলগা আৰু তেওঁ আৱেগ প্ৰকাশৰ বাবে যথেষ্ট সুযোগ পাইছে।" [6] দ্য হিন্দুৰ সংগীতা দেৱী দুন্দুৱেও অনুৰূপ মন্তব্য কৰি লিখিছিল: "অনন্যায় তেওঁৰ অংশটোৰ বাবে প্ৰয়োজনীয় নিৰ্দোষতা কঢ়িয়াই আনিছে আৰু এক আশাব্যঞ্জক অভিষেক ঘটাইছে।" [7]
২০২১ চনত নাগাল্লাক বিজ্ঞানভিত্তিক কল্পকাহিনীমূলক ছবি প্লে বেকত দেখা গৈছিল। জি চিনেমাৰ এজন পৰ্যালোচকে অনুভৱ কৰিছিল যে অভিনেতাসকলৰ ভিতৰত নাগাল্লাৰ অভিনয়েই আছিল আটাইতকৈ উন্নত। তেওঁলোকে লগতে কয়, "অনন্যাৰ অভিনয় শালীন আছিল যদিও আন কোনো অভিনেতাই নিজৰ চৰিত্ৰৰ প্ৰতি ন্যায় কৰিব নোৱাৰিলে।" [8] একে বছৰতে তেওঁ পৱন কল্যাণৰ অভিনীত ৱাকিল চাবতো অভিনয় কৰিছিল, যিখন হিন্দী ছবি পিংকৰ ৰিমেক।[9] পৰিচালক বেণু শ্ৰীৰামে মাল্লেশমত তেওঁৰ চৰিত্ৰটো চাই তেওঁক এই ছবিখনৰ বাবে নিৰ্বাচিত কৰিছিল।[10] সংগীতা দেৱীয়ে তেওঁৰ পৰ্যালোচনাত তেওঁৰ অভিনয়ৰ শলাগ লৈ কয়: "মহিলাসকল — নিভেথা, অঞ্জলি আৰু অনন্যা — আটাইকেইগৰাকীয়েই উল্লেখযোগ্য। বিশেষকৈ নিভেথা আৰু অনন্যায় সাহস, ভয় আৰু হতাশাৰ মিশ্ৰিত অনুভূতি ফলপ্ৰসূভাৱে প্ৰকাশ কৰিছে।" [11] ডেক্কান ক্ৰনিকলৰ এজন সমালোচকে লিখিছিল: "নিভেথা থমাছ, অঞ্জলি আৰু অনন্যায় নিজ নিজ অংশত উৎকৃষ্ট প্ৰদৰ্শন কৰিছে আৰু ছবিখনত তেওঁলোকৰ উপস্থিতিক সম্পূৰ্ণ ন্যায় কৰিছে।" [12]
২০২৪ চনত নাগাল্লাই তন্ত্ৰ নামৰ ছবিখনত মুখ্য চৰিত্ৰত অভিনয় কৰিছিল। ছবিখনত তেওঁৰ অভিনয়ৰ কথা উল্লেখ কৰি টাইমছ নাওৰ এজন পৰ্যালোচকে লিখিছে, "অনন্যা নাগাল্লা মুখ্য চৰিত্ৰত জিলিকি উঠিছে আৰু তেওঁৰ আকৰ্ষণীয় স্ক্ৰীণ প্ৰেজেঞ্চৰ জৰিয়তে চৰিত্ৰটোৰ যাত্ৰা অনায়াসে ফুটাই তুলিছে।" [13]
তথ্যসূত্ৰ
[সম্পাদনা কৰক]- 1 2 "మేం తక్కువేం కాదు [We are no less]" (te ভাষাত). Namasthe Telangana. 2021-04-17. https://www.ntnews.com/sunday/bathukamma-18042021-59190/। আহৰণ কৰা হৈছে: 8 September 2021.
- 1 2 "గ్లామర్ రంగంలో అందరి సంగతేమో కానీ.. నా విషయంలో జరిగింది ఇదే – Namasthe Telangana" (te ভাষাত). Namasthe Telangana. 2021-07-18. https://www.ntnews.com/sunday/vakeelsaab-actress-ananya-nagalla-tells-about-her-job-before-movies-and-are-film-struggles-146889/.
- ↑ "Padma Shri winner Chintakindi Mallesham biopic 'Mallesham' starring Priyadarshi and Anusha Nagalla released the trailer of the film today." (en ভাষাত). The Times of India. 2019-05-29. https://timesofindia.indiatimes.com। আহৰণ কৰা হৈছে: 2021-10-26.
- ↑ Chowdhary, Y. Sunita (2019-07-10). "Ananya Nagalla talks about her role in 'Mallesham'". The Hindu. ISSN 0971-751X. https://www.thehindu.com.
- ↑ "Mallesham movie review: Priyadarshi shines in this no-frills biopic". The Indian Express. 2019-06-26. https://indianexpress.com। আহৰণ কৰা হৈছে: 8 September 2021.
- ↑ "'Mallesham' review: A charming biopic on the man who transformed weaving". The News Minute. 2019-06-20. https://www.thenewsminute.com। আহৰণ কৰা হৈছে: 8 September 2021.
- ↑ Dundoo, Sangeetha Devi (2019-06-20). "'Mallesham' review: A biopic that spells hope". The Hindu. ISSN 0971-751X. https://www.thehindu.com.
- ↑ "Movie Review – 'ప్లే బ్యాక్'" (te ভাষাত). Zee Cinemalu. 5 March 2021. Archived from the original on 28 September 2021. https://web.archive.org/web/20210928205114/http://www.zeecinemalu.com/। আহৰণ কৰা হৈছে: 8 September 2021.
- ↑ "Ananya Nagalla on a new high". Deccan Chronicle. 2021-06-13. https://www.deccanchronicle.com। আহৰণ কৰা হৈছে: 8 September 2021.
- ↑ "Ananya Nagalla revels in her upcoming fan-girl moment". Deccan Chronicle. 2019-12-21. https://www.deccanchronicle.com। আহৰণ কৰা হৈছে: 8 September 2021.
- ↑ Dundoo, Sangeetha Devi (2021-04-09). "'Vakeel Saab' movie review: Pawan Kalyan amplifies 'no means no' in a masala-laced adaptation". The Hindu. ISSN 0971-751X. https://www.thehindu.com.
- ↑ "Vakeel Saab movie review". Deccan Chronicle. 2021-04-09. https://www.deccanchronicle.com। আহৰণ কৰা হৈছে: 8 September 2021.
- ↑ "Tantra Review: Scares You Stiff With Rituals And Tantric Teachings" (en ভাষাত). Times Now. 2024-03-15. https://www.timesnownews.com। আহৰণ কৰা হৈছে: 2024-10-21.
বাহ্যিক সংযোগ
[সম্পাদনা কৰক]- অনন্যা নাগাল্লা সম্পৰ্কে ইণ্টাৰনেট মুভি ডাটাবেছত থকা তথ্য।
- এক্সত অনন্যা নাগাল্লা
 |
ৱিকিমিডিয়া কমন্সত অনন্যা নাগাল্লা সম্পৰ্কীয় মিডিয়া ফাইল আছে। |