অনাৰা গুপ্তা
| অনাৰা গুপ্তা | |
|---|---|
 | |
| জন্ম | অনাৰা গুপ্তা ২৯ আগষ্ট, ১৯৮৯ (৩৬ বছৰ) জম্মু, ভাৰত |
| 'Modeling information' | |
| Hair color | ক'লা |
| Eye color | মুগা |
অনাৰা গুপ্তা (ইংৰাজী: Anara Gupta; জন্ম: ২৯ আগষ্ট ১৯৮৯) এগৰাকী ভাৰতীয় মডেল যিয়ে ২০০১ চনত 'মিছ জম্মু' সৌন্দৰ্য প্ৰতিযোগিতাত জয়লাভ কৰিছিল। এগৰাকী ভাৰতীয় অভিনেত্ৰী, মডেল আৰু সংবাদ মাধ্যমৰ ব্যক্তিত্ব হিচাপে তেওঁ মূলতঃ ভোজপুৰী চলচ্চিত্ৰত কৰা কামৰ বাবে পৰিচিত। ইয়াৰ উপৰি তেওঁ হিন্দী, তেলুগু, তামিল আৰু অন্যান্য ভাষাৰ ছবিত অভিনয় কৰিছে। গুপ্তা ভোজপুৰী ছবিৰ এগৰাকী অত্যন্ত জনপ্ৰিয় অভিনেত্ৰী আৰু তেওঁক সৰ্বাধিক পাৰিশ্ৰমিক পোৱা ভোজপুৰী অভিনেত্ৰী বুলিও কোৱা হয়। তেওঁ বহুতো বঁটা লাভ কৰিছে।
প্ৰাৰম্ভিক জীৱন
[সম্পাদনা কৰক]১৯৮৯ চনৰ ২৯ আগষ্টত ৰাম সিং আৰু ৰাজ ৰাণীৰ ঘৰত অনাৰা গুপ্তাৰ জন্ম হৈছিল। এটা ছয়জনীয়া পৰিয়ালত জন্মগ্ৰহণ কৰা অনাৰাৰ তিনিজন ভাতৃ আছে আৰু তেওঁৰ কোনো ভগ্নী নাই। তেওঁ জম্মুৰ ডিবিএন বিদ্যা মন্দিৰ স্কুলত পঢ়া-শুনা কৰিছিল। স্কুলত পঢ়ি থকা সময়ত তেওঁ ক্ৰিকেটৰ প্ৰতি বৰ আগ্ৰহী আছিল। তেওঁ এনচিচিৰ এগৰাকী সক্ৰিয় সদস্য আছিল আৰু বিএলচি (BLC) কৰিছিল। ২০০৬ চনত তেওঁ 'মিছ জম্মু' খিতাপ অৰ্জন কৰে আৰু তাৰ পিছত কামৰ বাবে মায়ানগৰীলৈ ৰাওনা হয়।[1][2]
কেৰিয়াৰ
[সম্পাদনা কৰক]তেওঁ অসংখ্য ভোজপুৰী ছবিত অভিনয় কৰিছিল আৰু জনপ্ৰিয়তাৰ শীৰ্ষত থকা সময়ত তেওঁ ভোজপুৰী চিনেমাৰ ৰাণী হিচাপে পৰিচিত আছিল। তেওঁ 'মহুয়া টিভি'ত সম্প্ৰসাৰিত ভোজপুৰী নৃত্য ৰিয়েলিটি শ্ব' নাচ নাচিয়া ধুম মাচিয়াত অংশ লৈছিল। ইয়াৰ বিচাৰক আছিল গণেশ আচাৰ্য, সুধা চন্দ্ৰন আৰু কানু মুখাৰ্জী। তেওঁ এই অনুষ্ঠানত প্ৰথম ৰানাৰ্ছ আপ হৈছিল, যিয়ে তেওঁৰ জনপ্ৰিয়তাক আন এক মাত্ৰা প্ৰদান কৰিছিল।
তেওঁৰ প্ৰথম হিন্দী ছবি আছিল মিছ অনাৰা (Miss Aanara) আৰু ইয়াৰ পিছত তেওঁ আন কেইবাখনো ছবিত অভিনয় কৰিছিল।
২০০৫ চনৰ মে’ মাহত তেওঁ মাতৃৰ সৈতে নতুন দিল্লীলৈ গৈ ৰাষ্ট্ৰীয় মহিলা আয়োগ আৰু ৰাষ্ট্ৰীয় মানৱ অধিকাৰ আয়োগৰ বিষয়াসকলক লগ ধৰি আৰক্ষীৰ দুৰ্ব্যৱহাৰৰ অভিযোগৰ তদন্ত কৰিবলৈ অনুৰোধ জনাইছিল।[3]
২০০৫ চনৰ আগষ্ট মাহত অশোক পণ্ডিতৰ প্ৰযোজনাত তেওঁৰ কেৰিয়াৰ আৰু অগ্নিপৰীক্ষাৰ ওপৰত আধাৰিত এখন ছবিত অভিনয় কৰি থকা বুলি খবৰ ওলাইছিল।[4] ইয়াৰ উপৰি তেওঁ সুলগতী ৰাহেঁ টিভি ধাৰাবাহিকত অভিনয় কৰিছিল। ২০০৬ চনৰ মাৰ্চ মাহত খবৰ ওলাইছিল যে কে কে যাদৱ আৰু আদিত্য কুলশ্ৰেষ্ঠৰ প্ৰযোজনাত তেওঁৰ জীৱনৰ ওপৰত নিৰ্মিত এখন বলীউড ছবিত অভিনয় কৰিবলৈ তেওঁ মুম্বাইলৈ স্থানান্তৰিত হৈছে।[5] ২০০৭ চনৰ জুন মাহত মুক্তি পোৱা মিছ অনাৰা নামৰ ছবিখনে দৰ্শকৰপৰা আশানুৰূপ সঁহাৰি লাভ কৰা নাছিল। ছবিখনত অভিযোগ কৰা হৈছিল যে অনাৰা কাৰাগাৰত থকাৰ সময়ত এজন আৰক্ষী বিষয়াই গোপন কেমেৰা ব্যৱহাৰ কৰি তেওঁক যৌন নিৰ্যাতন কৰিবলৈ এখন অশ্লীল ছবি নিৰ্মাণ কৰিছিল।[6][7]
২০০৫ চনৰ ডিচেম্বৰ মাহত জম্মু-কাশ্মীৰ উচ্চ ন্যায়ালয়ে অনাৰা গুপ্তাৰ বিৰুদ্ধে কোনো অভিযোগ অবিহনে গোচৰটো বন্ধ কৰি দিছিল। সামাজিক কৰ্মী অমিত চৌহানে গোচৰটো পুনৰ মুকলি কৰাৰ বাবে হেঁচা দিছিল। কাৰণ তেওঁ চিন্তিত আছিল যে যুৱতী আৰু উচ্চপদস্থ ৰাজনীতিবিদ জড়িত থকা এটা চক্ৰৰ তথ্য প্ৰমাণ গাপ দিয়া হৈছে।[8][9]
২০০৬ চনৰ আগষ্ট মাহত জম্মু-কাশ্মীৰ উচ্চ ন্যায়ালয়ৰ নিৰ্দেশত এই গোচৰৰ পুনৰ তদন্ত আৰম্ভ কৰা হয়।[10]
তথ্যসূত্ৰ
[সম্পাদনা কৰক]- ↑ 'First he raped me, then played on my body and ambitions' Archived 24 October 2006 at the Wayback Machine Hindustan Times, 10 November 2004.
- ↑ He forced me into porn movies, The Times of India, 9 November 2004
- ↑ Anara Gupta looks to NCW for justice, The Times of India, 7 May 2005
- ↑ Anara Gupta hospitalised Archived 23 October 2006 at the Wayback Machine, Hindustan Times, 4 August 2005.
- ↑ Anara Gupta to try luck at B'wood, The Times of India, 5 March 2006
- ↑ Real to reel in Miss Anara, The Times of India, 22 June 2007
- ↑ Miss Anara Archived 13 October 2007 at the Wayback Machine, SmasHits.com movie review
- ↑ Court orders fresh probe into Anara case, The Times of India, 22 January 2006
- ↑ Reopen Anara case, demands social activist Archived 19 February 2007 at the Wayback Machine, The Tribune, 3 July 2006
- ↑ J&K govt orders fresh probe into Anara case Archived 4 April 2007 at the Wayback Machine, Hindustan Times, 15 August 2006