অনিতা বৰ্গ

**অনিতা বৰ্গ**
অনিতা বৰ্গ
	চিত্ৰ:Anita Borg.jpg;
জন্ম	অনিতা বৰ্গ নাফ্জ; ১৭ জানুৱাৰী, ১৯৪৯; চিকাগো, ইলিনয়
মৃত্যু	৬ এপ্ৰিল, ২০০৩ (৫৪ বছৰ); চোনোমা, কেলিফোৰ্ণিয়া
ক্ষেত্ৰ	কম্পিউটিঙত নাৰী; মানুহ–কম্পিউটাৰৰ পাৰস্পৰিক ক্ৰিয়া; কম্পিউটাৰ বিজ্ঞান
কৰ্মস্থান	নিক্সফোৰ্ড কম্পিউটাৰ; ডিজিটেল ইকুইপমেণ্ট কৰ্পোৰাচন; Xerox PARC
শিক্ষানুষ্ঠান	নিউ ইয়ৰ্ক বিশ্ববিদ্যালয় (পিএইচডি)
ডক্তৰেল পৰামৰ্শদাতা	ৰবাৰ্ট দিৱাৰ; জেৰাল্ড বেলপেয়াৰ
জনা যায়	চিষ্টাৰ্চ; অনিতা বি ডট অৰ্গ; কম্পিউটিঙত মহিলাৰ গ্ৰেচ হপাৰ উদযাপন;

অনিতা বৰ্গ (জন্ম: ১৭ জানুৱাৰী, ১৯৪৯ – মৃত্যু: ৬ এপ্ৰিল, ২০০৩) মহিলাৰ প্ৰতিনিধিত্ব আৰু প্ৰযুক্তিৰ পেছাদাৰী উন্নতিৰ পোষকতা কৰাৰ বাবে পৰিচিত এগৰাকী আমেৰিকান কম্পিউটাৰ বিজ্ঞানী আছিল। তেওঁ ইনষ্টিটিউট ফৰ উইমেন এণ্ড টেকন’লজি আৰু গ্ৰেচ হপাৰ চেলিব্ৰেচন অৱ উইমেন ইন কম্পিউটিং প্ৰতিষ্ঠা কৰে।

শিক্ষা আৰু প্ৰাথমিক জীৱন

বৰ্গৰ জন্ম হৈছিল ইলিনয়ৰ চিকাগোত অনিতা বৰ্গ নাফজ নামেৰে। ইলিনয়ৰ কানেওহে, হাৱাইৰ পেলেটিনত আৰু ৱাশ্বিংটনৰ মুকিলটেওত ডাঙৰ-দীঘল হৈছিল।^[3] ১৯৬৯ চনত বৰ্গে প্ৰথম প্ৰগ্ৰেমিং চাকৰি লাভ কৰে। যদিও ডাঙৰ হৈ গণিত ভাল পাইছিল, প্ৰথমে কম্পিউটাৰ বিজ্ঞানৰ ক্ষেত্ৰখনলৈ যোৱাৰ উদ্দেশ্য নাছিল আৰু সৰু বীমা কোম্পানীত কাম কৰি নিজকে নিজে প্ৰগ্ৰেম কৰিবলৈ শিকিছিল।^[4] ৰবাৰ্ট ডেৱাৰ আৰু জেৰাল্ড বেলপেয়াৰৰ তত্ত্বাৱধানত অপাৰেটিং চিষ্টেমৰ সমন্বয় কাৰ্যক্ষমতাৰ অনুসন্ধানৰ বাবে ১৯৮১ চনত নিউয়ৰ্ক বিশ্ববিদ্যালয়ে কম্পিউটাৰ বিজ্ঞানত পি এইচ ডি ডিগ্ৰী লাভ কৰে।^[1]

২০০৩ চনৰ ৬ এপ্ৰিলত কেলিফৰ্ণিয়াৰ ছ’নোমাত মগজুৰ কৰ্কট ৰোগত আক্ৰান্ত হৈ তেওঁৰ মৃত্যু হয়।^[5]

কেৰিয়াৰ

পি এইচ ডি লাভ কৰাৰ পাছত বৰ্গে চাৰি বছৰ ধৰি এটা ফল্ট টলাৰেন্স ইউনিক্স ভিত্তিক অপাৰেটিং চিষ্টেম নিৰ্মাণ কৰিছিল, প্ৰথমে নিউ জাৰ্চিৰ অৰেজেন চিষ্টেমছ কৰ্পৰ বাবে আৰু তাৰ পিছত জাৰ্মানীৰ নিক্সডৰ্ফ কম্পিউটাৰৰ বাবে।^[6]

১৯৮৬ চনত তেওঁ ডিজিটেল ইকুইপমেণ্ট কৰ্প’ৰেশ্যনত কাম কৰিবলৈ আৰম্ভ কৰে, য'ত তেওঁ প্ৰথমে ৱেষ্টাৰ্ণ ৰিচাৰ্চ লেবৰেটৰীত ১২ বছৰ কটায়।^[7] ডিজিটেল ইকুইপমেণ্টত থকাৰ সময়তে তেওঁ উচ্চ গতিৰ মেমৰি চিষ্টেম বিশ্লেষণ আৰু ডিজাইনৰ বাবে সম্পূৰ্ণ ঠিকনা ট্ৰেচ সৃষ্টিৰ বাবে এটা পদ্ধতি বিকশিত আৰু পেটেণ্ট লাভ কৰে। ১৯৮৭ চনত প্ৰতিষ্ঠা কৰা সদায় সম্প্ৰসাৰিত হৈ অহা চিষ্টাৰছ মেইলিং লিষ্ট চলোৱাৰ অভিজ্ঞতাই তেওঁক ইমেইল যোগাযোগৰ কাম কৰিবলৈ বাধ্য কৰাইছিল। ব্ৰায়ান ৰিডৰ অধীনত নেটৱৰ্ক চিষ্টেম লেবৰেটৰীৰ পৰামৰ্শদাতা অভিযন্তা হিচাপে তেওঁ ভাৰ্চুৱেল সম্প্ৰদায়ত যোগাযোগৰ বাবে ইমেইল আৰু ৱেব-ভিত্তিক ব্যৱস্থা MECCA বিকশিত কৰে।^[6]

১৯৯৭ চনত বৰ্গে ডিজিটেল ইকুইপমেণ্ট কৰ্প'ৰেশ্যন এৰি জেৰক্স পাৰ্কৰ মুখ্য প্ৰযুক্তি বিষয়াৰ কাৰ্যালয়ত গৱেষক হিচাপে কাম কৰিবলৈ আৰম্ভ কৰে।^[8]^[6] জেৰক্সত কাম আৰম্ভ কৰাৰ কিছুসময়ৰ পাছতে তেওঁ অনিতা বি ডট অৰ্গ প্ৰতিষ্ঠা কৰে, ইয়াৰ পূৰ্বে ১৯৯৪ চনত কম্পিউটিঙত মহিলাৰ গ্ৰেচ হপাৰ চেলিব্ৰেচন প্ৰতিষ্ঠা কৰিছিল।

কাৰিকৰী মহিলাৰ বাবে পোষকতা

বৰ্গে প্ৰযুক্তিৰ ক্ষেত্ৰত মহিলাৰ অধিক প্ৰতিনিধিত্বৰ বাবে কাম কৰাত আবেগিকভাৱে বিশ্বাস কৰিছিল। তেওঁৰ লক্ষ্য আছিল ২০২০ চনৰ ভিতৰত কম্পিউটিঙত মহিলাৰ ৫০% প্ৰতিনিধিত্ব প্ৰতিষ্ঠা কৰা।^[9] তেওঁ কাৰিকৰী ক্ষেত্ৰসমূহ এনে ঠাই হ’বলৈ চেষ্টা কৰিছিল য’ত পাইপলাইনৰ সকলো স্তৰতে মহিলাসকলক সমানে প্ৰতিনিধিত্ব কৰা হ’ব, আৰু য’ত মহিলাসকলে প্ৰযুক্তিৰ ওপৰত প্ৰভাৱ পেলাব পাৰে, আৰু ইয়াৰ পৰা লাভৱান হ’ব পাৰে।

চিষ্টাৰ্চ

১৯৮৭ চনত বৰ্গে প্ৰযুক্তিবিদ্যাৰ মহিলাসকলৰ বাবে প্ৰথম ইমেইল নেটৱৰ্ক চিষ্টাৰ্চ^[2] প্ৰতিষ্ঠা কৰে। চিম্পোজিয়াম অন অপাৰেটিং চিষ্টেমছ প্ৰিন্সিপলছ (এছ অ’ এছ পি)ত অংশগ্ৰহণ কৰাৰ সময়ত তেওঁ আচৰিত হৈছিল যে সন্মিলনত কিমান কম মহিলা উপস্থিত আছিল। তেওঁ আৰু আন ছয়-সাতগৰাকী মহিলাই লেডিজ ৰুমত লগ হৈ কম্পিউটিঙত মহিলা কিমান কম সেই কথা পাতিলে। সন্মিলনত অংশগ্ৰহণ কৰা ডজন মহিলাই একেলগে দুপৰীয়াৰ আহাৰ খোৱাৰ পৰিকল্পনা কৰিছিল আৰু তাতেই চিষ্টাৰ্চৰ ধাৰণাটো গঢ় লৈ উঠিছিল।^[10]

ইয়াৰ সদস্যসকলে ইনপুট বিচাৰিবলৈ আৰু তেওঁলোকৰ সাধাৰণ অভিজ্ঞতাৰ ভিত্তিত পৰামৰ্শ ভাগ-বতৰা কৰিবলৈ ব্যক্তিগত স্থান প্ৰদান কৰিবলৈ চিষ্টাৰ্চ স্থাপন কৰা হৈছিল। চিষ্টাৰ্চৰ সদস্য সংখ্যা পাকৈত কাৰিকৰী প্ৰশিক্ষণ থকা মহিলাসকলৰ মাজত সীমাবদ্ধ আছিল আৰু আলোচনা কাৰিকৰী বিষয়ৰ মাজতে কঠোৰভাৱে সীমাবদ্ধ আছিল। ২০০০ চনলৈকে বৰ্গে চিষ্টাৰ্চৰ তদাৰক কৰিছিল।^[8] চিষ্টাৰ্চে মাজে মাজে এনে সমস্যাৰ সৈতে মোকাবিলা কৰিছিল যিবোৰ অতি কাৰিকৰী নাছিল কিন্তু ইয়াৰ সদস্যসকলৰ সৈতে জড়িত আছিল। ১৯৯২ চনত যেতিয়া মেটেল ইনকৰ্পৰেশ্যনে গণিতৰ ক্লাছ কঠিন বুলি কোৱা বাৰ্বি পুতলা বিক্ৰী কৰিবলৈ আৰম্ভ কৰে, তেতিয়া চিষ্টাৰ্চ তালিকাৰ পৰা আৰম্ভ হোৱা প্ৰতিবাদৰ কণ্ঠই মেটেলে বাৰ্বিৰ মাইক্ৰ'চিপৰ পৰা সেই বাক্যাংশটো আঁতৰাই পেলোৱাত ভূমিকা পালন কৰে।^[8]

কম্পিউটিঙত মহিলাৰ গ্ৰেচ হপাৰ উদযাপন

১৯৯৪ চনত অনিতা বৰ্গ আৰু টেলে হুইটনীয়ে কম্পিউটিঙত মহিলাৰ গ্ৰেচ হপাৰ উদযাপন প্ৰতিষ্ঠা কৰে। মহিলা কম্পিউটাৰ বিজ্ঞানীসকলৰ দ্বাৰা আৰু তেওঁলোকৰ বাবে এখন সন্মিলন সৃষ্টি কৰাৰ প্ৰাৰম্ভিক ধাৰণাৰে বৰ্গ আৰু হুইটনীয়ে ৰাতিৰ আহাৰ গ্ৰহণৰ সময়ত লগ হৈছিল, এখন খালী কাগজ লৈ, সন্মিলন কেনেকৈ আৰম্ভ কৰিব লাগে তাৰ কোনো ধাৰণা নাছিল আৰু তেওঁলোকৰ দৃষ্টিভংগীৰ পৰিকল্পনা কৰিবলৈ আৰম্ভ কৰিছিল।^[10] ১৯৯৪ চনৰ জুন মাহত ৱাশ্বিংটন ডি চিত কম্পিউটিঙত মহিলাৰ প্ৰথম গ্ৰেচ হপাৰ উদযাপন অনুষ্ঠিত হয় আৰু ইয়াত ৫০০ গৰাকী কাৰিকৰী মহিলাক একত্ৰিত কৰা হয়।^[11]

ইনষ্টিটিউট ফৰ উইমেন এণ্ড টেকন’লজি

১৯৯৭ চনত বৰ্গে ইনষ্টিটিউট ফৰ উইমেন এণ্ড টেকন’লজি (বৰ্তমান অনিতা বৰ্গ ইনষ্টিটিউট ফৰ উইমেন এণ্ড টেকন’লজি) প্ৰতিষ্ঠা কৰে। সংস্থাটো প্ৰতিষ্ঠা কৰাৰ আঁৰৰ দুটা গুৰুত্বপূৰ্ণ লক্ষ্য আছিল কাৰিকৰী ক্ষেত্ৰত মহিলাৰ প্ৰতিনিধিত্ব বৃদ্ধি কৰা আৰু মহিলাসকলে অধিক প্ৰযুক্তি সৃষ্টি কৰিবলৈ সক্ষম কৰা।^[7] প্ৰতিষ্ঠা হোৱাৰ সময়ত এই প্ৰতিষ্ঠানটো জেৰক্স পাৰ্কত আছিল যদিও ই এটা স্বতন্ত্ৰ অলাভজনক সংস্থা আছিল।^[7] প্ৰযুক্তিৰ ওপৰত মহিলাৰ প্ৰভাৱ বৃদ্ধি আৰু বিশ্বৰ মহিলাসকলৰ ওপৰত প্ৰযুক্তিৰ প্ৰভাৱ বৃদ্ধিৰ ওপৰত গুৰুত্ব আৰোপ কৰি পৰীক্ষামূলক অনুসন্ধান আৰু বিকাশ সংস্থা হিচাপে এই প্ৰতিষ্ঠানটো সৃষ্টি কৰা হৈছিল। ই প্ৰযুক্তিৰ ভূমিকা বৃদ্ধি, কাৰিকৰী মহিলাৰ পাইপলাইন নিৰ্মাণ আৰু মহিলাৰ কণ্ঠই প্ৰযুক্তিগত বিকাশত প্ৰভাৱ পেলোৱাটো নিশ্চিত কৰাৰ বাবে বিভিন্ন কাৰ্যসূচী চলাইছিল।^[6]

২০০২ চনত টেলে হুইটনীয়ে প্ৰতিষ্ঠানটোৰ সভাপতি আৰু মুখ্য কাৰ্যবাহী বিষয়া হিচাপে দায়িত্ব গ্ৰহণ কৰে আৰু ২০০৩ চনত বৰ্গৰ সন্মানত ইয়াৰ নাম সলনি কৰা হয়। প্ৰতিষ্ঠা হোৱাৰ পিছৰে পৰা অনিতা বৰ্গ ইনষ্টিটিউট ফৰ উইমেন এণ্ড টেকন'লজিয়ে আমেৰিকাত নিজৰ কাৰ্যসূচী বৃদ্ধি কৰিছে আৰু আন্তঃৰাষ্ট্ৰীয় পৰ্যায়ত সম্প্ৰসাৰণ কৰিছে, যাৰ আকাৰ চাৰিগুণতকৈও অধিক হৈছে।^[12]

বঁটা আৰু স্বীকৃতি

কম্পিউটাৰ বিজ্ঞানী হিচাপে কৰা সাফল্যৰ লগতে কম্পিউটিঙত মহিলাৰ হৈ কৰা কামৰ বাবেও বৰ্গক স্বীকৃতি দিয়া হৈছিল। ১৯৯৫ চনত কম্পিউটিং ক্ষেত্ৰত মহিলাৰ হৈ কৰা কামৰ বাবে এছ’চিয়েশ্যন ফৰ উইমেন ইন কম্পিউটিঙৰ পৰা অগাষ্টা আডা লাভলেছ বঁটা লাভ কৰে। ১৯৯৬ চনত এছ’চিয়েশ্যন ফৰ কম্পিউটিং মেচিনেৰীৰ ফেলো হিচাপে নিযুক্তি লাভ কৰে। ১৯৯৯ চনত ৰাষ্ট্ৰপতি বিল ক্লিণ্টনে তেওঁক বিজ্ঞান, অভিযান্ত্ৰিক আৰু প্ৰযুক্তিবিদ্যাৰ মহিলা আৰু সংখ্যালঘুৰ উন্নতিৰ ৰাষ্ট্ৰপতি আয়োগত নিযুক্তি দিয়ে। মহিলাসকলৰ বাবে অংশগ্ৰহণৰ ক্ষেত্ৰসমূহৰ বিস্তৃতি বৃদ্ধিৰ বাবে জাতিটোক কৌশলৰ পৰামৰ্শ দিয়াৰ দায়িত্ব তেওঁৰ ওপৰত আছিল।^[6]

২০০২ চনত তেওঁক প্ৰযুক্তি, অৰ্থনীতি আৰু নিয়োগৰ বাবে অষ্টম বাৰ্ষিক হাইঞ্জ বঁটাৰে সন্মানিত কৰা হয়।^[13] লগতে ২০০২ চনত বৰ্গে কাৰ্নেগী মেলন বিশ্ববিদ্যালয়ৰ পৰা বিজ্ঞান আৰু প্ৰযুক্তিৰ সন্মানীয় ডক্টৰেট ডিগ্ৰী লাভ কৰে

বৰ্গে ইলেক্ট্ৰনিক ফ্ৰন্টিয়াৰ ফাউণ্ডেশ্যনৰ পৰা ই এফ এফ পাইয়নিয়াৰ বঁটা লাভ কৰে আৰু আমেৰিকাৰ গাৰ্ল স্কাউটৰ দ্বাৰা স্বীকৃতি পোৱাৰ লগতে অ’পেন কম্পিউটিং মেগাজিনৰ কম্পিউটিঙৰ শীৰ্ষ ১০০ গৰাকী মহিলাৰ তালিকাত অন্তৰ্ভুক্ত হয়। বৰ্গ কম্পিউটিং ৰিচাৰ্চ এছ’চিয়েশ্যনৰ পৰিচালনা সমিতিৰ সদস্যও আছিল আৰু নেশ্যনেল ৰিচাৰ্চ কাউন্সিলৰ বিজ্ঞান আৰু অভিযান্ত্ৰিকীত মহিলা সমিতিৰ সদস্য হিচাপেও কাৰ্যনিৰ্বাহ কৰিছিল।

তথ্যসূত্ৰ

↑ ^1.0 ^1.1 Borg, Anita (1981). Synchronization Efficiency (PhD thesis). New York University. সাঁচ:ProQuest. OCLC 15102657.
↑ ^2.0 ^2.1 "Systers.org". www.systers.org. http://www.systers.org/.
↑ "The Google Anita Borg Memorial Scholarship: Asia-Pacific". https://www.google.com/anitaborg/apac/। আহৰণ কৰা হৈছে: October 17, 2013.
↑ "Girl Geeks Chat: Anita Borg, Researcher, Xerox Park; Founder, IWT". WITI. Girl Geeks. http://www.girlgeeks.org/chat/borg.shtml। আহৰণ কৰা হৈছে: June 22, 2011.
↑ Hafner, Katie (April 10, 2003). "Anita Borg, 54, Trailblazer For Women in Computer Field". https://www.nytimes.com/2003/04/10/us/anita-borg-54-trailblazer-for-women-in-computer-field.html#:~:text=Anita%20Borg%2C%20a%20computer%20scientist,said%20her%20husband%2C%20Winfried%20Wilcke..
↑ ^6.0 ^6.1 ^6.2 ^6.3 ^6.4 "WITI Hall of Fame: Dr. Anita Borg". WITI. 1998. http://www.witi.com/center/witimuseum/halloffame/1998/aborg.php। আহৰণ কৰা হৈছে: June 24, 2011.
↑ ^7.0 ^7.1 ^7.2 Gilbert, Alorie (April 8, 2003). "Computer scientist Anita Borg dies". CNET News. CNET. http://news.cnet.com/2100-1032-996015.html। আহৰণ কৰা হৈছে: March 29, 2011.
↑ ^8.0 ^8.1 ^8.2 Hafner, Katie (April 10, 2003). "Anita Borg, 54, Trailblazer For Women in Computer Field". The New York Times. https://www.nytimes.com/2003/04/10/us/anita-borg-54-trailblazer-for-women-in-computer-field.html.
↑ "Dr. Anita Borg: 50/50 by 2020". Anita Borg Institute for Women and Technology. YouTube. April 10, 2007. https://www.youtube.com/abiwt#p/c/71607DB3B12823E9/4/3nImg8vPUe4। আহৰণ কৰা হৈছে: June 22, 2011.
↑ ^10.0 ^10.1 "Anita Borg Celebration: Changing the World for Women and Technology". Anita Borg Institute for Women and Technology. YouTube. June 14, 2011. https://www.youtube.com/abiwt#p/c/71607DB3B12823E9/2/resEXQgcaJo। আহৰণ কৰা হৈছে: June 22, 2011.
↑ "History of the Conference". Anita Borg Institute for Women and Technology. http://gracehopper.org/2011/about/history-of-the-conference/। আহৰণ কৰা হৈছে: June 22, 2011.
↑ "About Us: History". Anita Borg Institute for Women and Technology. Archived from the original on June 29, 2011. https://web.archive.org/web/20110629044845/http://anitaborg.org/about/history/। আহৰণ কৰা হৈছে: June 23, 2011.
↑ "The Heinz Awards, Anita Borg profile". Heinz Awards. http://www.heinzawards.net/recipients/anita-borg। আহৰণ কৰা হৈছে: June 23, 2011.

[borgphd-1] 1.0 ^1.1 Borg, Anita (1981). Synchronization Efficiency (PhD thesis). New York University. সাঁচ:ProQuest. OCLC 15102657.

[systers-2] 2.0 ^2.1 "Systers.org". www.systers.org. http://www.systers.org/.

[3] "The Google Anita Borg Memorial Scholarship: Asia-Pacific". https://www.google.com/anitaborg/apac/। আহৰণ কৰা হৈছে: October 17, 2013.

[4] "Girl Geeks Chat: Anita Borg, Researcher, Xerox Park; Founder, IWT". WITI. Girl Geeks. http://www.girlgeeks.org/chat/borg.shtml। আহৰণ কৰা হৈছে: June 22, 2011.

[5] Hafner, Katie (April 10, 2003). "Anita Borg, 54, Trailblazer For Women in Computer Field". https://www.nytimes.com/2003/04/10/us/anita-borg-54-trailblazer-for-women-in-computer-field.html#:~:text=Anita%20Borg%2C%20a%20computer%20scientist,said%20her%20husband%2C%20Winfried%20Wilcke..

[WITI-6] 6.0 ^6.1 ^6.2 ^6.3 ^6.4 "WITI Hall of Fame: Dr. Anita Borg". WITI. 1998. http://www.witi.com/center/witimuseum/halloffame/1998/aborg.php। আহৰণ কৰা হৈছে: June 24, 2011.

[CNET-7] 7.0 ^7.1 ^7.2 Gilbert, Alorie (April 8, 2003). "Computer scientist Anita Borg dies". CNET News. CNET. http://news.cnet.com/2100-1032-996015.html। আহৰণ কৰা হৈছে: March 29, 2011.

[NYT-8] 8.0 ^8.1 ^8.2 Hafner, Katie (April 10, 2003). "Anita Borg, 54, Trailblazer For Women in Computer Field". The New York Times. https://www.nytimes.com/2003/04/10/us/anita-borg-54-trailblazer-for-women-in-computer-field.html.

[9] "Dr. Anita Borg: 50/50 by 2020". Anita Borg Institute for Women and Technology. YouTube. April 10, 2007. https://www.youtube.com/abiwt#p/c/71607DB3B12823E9/4/3nImg8vPUe4। আহৰণ কৰা হৈছে: June 22, 2011.

[biogvid-10] 10.0 ^10.1 "Anita Borg Celebration: Changing the World for Women and Technology". Anita Borg Institute for Women and Technology. YouTube. June 14, 2011. https://www.youtube.com/abiwt#p/c/71607DB3B12823E9/2/resEXQgcaJo। আহৰণ কৰা হৈছে: June 22, 2011.

[ghchist-11] "History of the Conference". Anita Borg Institute for Women and Technology. http://gracehopper.org/2011/about/history-of-the-conference/। আহৰণ কৰা হৈছে: June 22, 2011.

[abihist-12] "About Us: History". Anita Borg Institute for Women and Technology. Archived from the original on June 29, 2011. https://web.archive.org/web/20110629044845/http://anitaborg.org/about/history/। আহৰণ কৰা হৈছে: June 23, 2011.

[13] "The Heinz Awards, Anita Borg profile". Heinz Awards. http://www.heinzawards.net/recipients/anita-borg। আহৰণ কৰা হৈছে: June 23, 2011.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]