অনিতা হাস্যনন্দিনী

অনিতা হাস্যনন্দিনী
২০১৭ চনত হাস্যনন্দিনী
জন্ম	নাতাশা হাস্যনন্দিনী ১৪ এপ্ৰিল, ১৯৮১ (৪৫ বছৰ) বোম্বাই, মহাৰাষ্ট্ৰ, ভাৰত
অন্য নাম	অনিতা হাস্যনন্দিনী ৰেড্ডী
পেচা	অভিনেত্ৰী
সক্ৰিয় হৈ থকা সময়	১৯৯৮–বৰ্তমান
দাম্পত্যসঙ্গী	ৰোহিত ৰেড্ডী (বি. ২০১৩)
সন্তান	১

নাতাশা হাস্যনন্দিনী (জন্ম: ১৪ এপ্ৰিল ১৯৮১), যিয়ে পেছাগতভাৱে অনিতা হাস্যনন্দিনী নামেৰে পৰিচিত, এগৰাকী ভাৰতীয় অভিনেত্ৰী। তেওঁ প্ৰধানকৈ হিন্দী আৰু তেলুগু চলচ্চিত্ৰৰ লগতে হিন্দী টেলিভিছন জগতত কাম কৰে। ১৯৯৮ চনত টেলিভিছন ধাৰাবাহিক ইধৰ উধৰ-ৰ জৰিয়তে তেওঁ অভিনয় জীৱনৰ পাতনি মেলে আৰু ২০০১ চনত তেলুগু ছবি নুভ্ভু নেনু-ৰ জৰিয়তে চলচ্চিত্ৰ জগতত আত্মপ্ৰকাশ কৰে। হাস্যনন্দিনীয়ে কাব্যঞ্জলি-ত অঞ্জলি ছালভে নন্দা, কিউকি ছাছ ভী কভী বহু থী-ত সাঁচী বিৰানী, য়ে হ্যে মহব্বতেঁ-ত শগুন অৰোৰা আৰু নাগিন ৩-ত বিশাখা চৰিত্ৰত কৰা অভিনয়ৰ বাবে বিশেষ স্বীকৃতি লাভ কৰিছে। তেওঁ ভাৰতীয় টেলিভিছনৰ অন্যতম অগ্ৰণী অভিনেত্ৰী হিচাপে নিজকে প্ৰতিষ্ঠা কৰিছে আৰু অভিনয়ৰ বাবে বহুতো বঁটা লাভ কৰিছে।

প্ৰাৰম্ভিক জীৱন

হাস্যনন্দিনীৰ জন্ম ১৯৮১ চনৰ ১৪ এপ্ৰিলত বোম্বাইৰ (বৰ্তমানৰ মুম্বাই) এটা সিন্ধী হিন্দু পৰিয়ালত নাতাশা হাস্যনন্দিনী হিচাপে হৈছিল।

কৰ্মজীৱন

অনিতাই তেলুগু, তামিল, হিন্দী, কন্নড় আৰু পঞ্জাবী ভাষাৰ চলচ্চিত্ৰত অভিনয় কৰিছে। এভাৰইউথ, চানচিল্ক আৰু বোৰোপ্লাছৰ দৰে পণ্যৰ বিজ্ঞাপনত অভিনয় কৰাৰ পিছত তেওঁ ‘কাভি সৌতন কাভি সহেলি’ (২০০১) ধাৰাবাহিকৰ জৰিয়তে নিজৰ টেলিভিছন কৰ্মজীৱন আৰম্ভ কৰে। ধাৰাবাহিকখন ষ্টাৰ প্লাছ চেনেলত প্ৰচাৰিত হৈছিল।

তামিল চলচ্চিত্ৰ জগতত অনিতাই ‘ৱৰুশামেল্লাম বাসন্তম’ চলচ্চিত্ৰৰ জৰিয়তে প্ৰৱেশ কৰে। তাৰ পিছত তেওঁ খ্যাতনামা অভিনেতা বিক্ৰমৰ সৈতে ‘সমুৰাই’ (২০০২) চলচ্চিত্ৰত অভিনয় কৰে। ২০০৩ চনৰ হিন্দী চলচ্চিত্ৰ ‘কুচ তো হ্যায়’ এখন মোটামুটি সফল চলচ্চিত্ৰ আছিল, য’ত তেওঁ তুষাৰ কাপুৰৰ সৈতে অভিনয় কৰিছিল।

পিছত অনিতাই ছলমান খানৰ ভাই সোহেল খান অভিনীত ‘কৃষ্ণ কটেজ’ (২০০৪) আৰু আফতাব শিবদাসানীৰ সৈতে ‘কোই আপ সা’ (২০০৫) চলচ্চিত্ৰত অভিনয় কৰে।

তাৰ পিছত তেওঁ ষ্টাৰ প্লাছ চেনেলৰ ‘কাভ্যাঞ্জলি’ ধাৰাবাহিকত মুখ্য চৰিত্ৰত অভিনয় কৰে। এই ধাৰাবাহিকখন এখন মধ্যবিত্ত পৰিয়ালৰ ছোৱালীৰ জীৱনৰ কাহিনীৰ ওপৰত আধাৰিত, যি এজন ধনী ল’ৰাৰ সৈতে বিবাহ বন্ধনত আবদ্ধ হয়।

তামিল আৰু হিন্দী চলচ্চিত্ৰৰ লগতে হিন্দী টেলিভিছনত অভিনয় কৰাৰ উপৰিও অনিতাই সফল তেলুগু চলচ্চিত্ৰ ‘নেনু পেল্লিকি ৰেডি’ (২০০৩), ‘টোত্তি গ্যাং’ (২০০২) আৰু ‘নুভভু নেনু’ (২০০১)ত অভিনয় কৰে। ‘নুভভু নেনু’ চলচ্চিত্ৰখন হিন্দীত ‘য়ে দিল’ (২০০৩) নামে পুনৰ নিৰ্মাণ কৰা হৈছিল, আৰু অনিতাই তাতো অভিনয় কৰিছিল।

২০১৩ চনত তেওঁ ষ্টাৰ প্লাছৰ ‘য়ে হ্যায় মোহব্বতেঁ’ ধাৰাবাহিকত শাগুন চৰিত্ৰত অভিনয় কৰে। তেওঁ নৃত্য ৰিয়েলিটি শ্ব’ ‘ঝলক দিখলাজা’ (চিজন ৮)তো অংশগ্ৰহণ কৰিছিল।

২০১৮ চনৰ জুনৰ পৰা ২০১৯ চনৰ মে’লৈকে তেওঁ একতা কাপুৰৰ টেলিভিছন ধাৰাবাহিক ‘নাগিন ৩’ত (যি কালাৰ্ছ টিভিত প্ৰচাৰিত হৈছিল) বিশাখা খান্না চৰিত্ৰত অভিনয় কৰে।

ব্যক্তিগত জীৱন

একতা কাপুৰৰ দীপাৱলীৰ পাৰ্টিত হাস্যনন্দিনী আৰু তেওঁৰ স্বামী ৰোহিত ৰেড্ডী।

হাস্যনন্দিনীয়ে ২০১৩ চনৰ ১৪ অক্টোবৰত গোৱাত কৰ্পোৰেট পেছাদাৰী ৰোহিত ৰেড্ডীৰ সৈতে বিবাহপাশত আবদ্ধ হয়। ২০২০ চনৰ ১০ অক্টোবৰত তেওঁ এটা ইনষ্টাগ্ৰাম ভিডিঅ’ৰ জৰিয়তে নিজৰ গৰ্ভধাৰণৰ কথা ঘোষণা কৰিছিল। ২০২১ চনৰ ৯ ফেব্ৰুৱাৰীত দম্পতীহালৰ এটি পুত্ৰ সন্তান জন্ম হয়। তেওঁলোকে পুত্ৰৰ নাম আৰভ ৰেড্ডী ৰাখিছে।

বাহ্যিক সংযোগ

• Anita Hassanandani at IMDb
• অনিতা হাস্যনন্দিনী সম্পৰ্কে বলিউড হাংগামাত থকা তথ্য
• ইনষ্টাগ্ৰামত অনিতা হাস্যনন্দিনী