অন্নপূৰ্ণা দেৱী (ৰাজনীতিবিদ)

অন্নপূৰ্ণা দেৱী
২০২৪ চনত দেৱী
নাৰী আৰু শিশু বিকাশ মন্ত্ৰালয়
পদাধিকাৰ
কাৰ্যভাৰ গ্ৰহণ ১১ জুন ২০২৪
প্ৰধানমন্ত্ৰী	নৰেন্দ্ৰ মোদী
পূৰ্বসূৰী	স্মৃতি ইৰাণী
শিক্ষা মন্ত্ৰী (ৰাজ্যিক)
কাৰ্যকাল ৭ জুলাই ২০২১ – ১১ জুন ২০২৪
প্ৰধানমন্ত্ৰী	নৰেন্দ্ৰ মোদী
পূৰ্বসূৰী	সঞ্জয় শামৰাও ঢোতৰে
সাংসদ
পদাধিকাৰ
কাৰ্যভাৰ গ্ৰহণ ২৩ মে ২০১৯
পূৰ্বসূৰী	ৰবীন্দ্ৰ কুমাৰ ৰয়
সমষ্টি	কোদাৰমা
বিধানসভাৰ সদস্য (ঝাৰখণ্ড)
কাৰ্যকাল ১৯৯৮–২০১৪
পূৰ্বসূৰী	ৰমেশ প্ৰসাদ যাদৱ
উত্তৰসূৰী	নীৰা যাদৱ
সমষ্টি	কোদৰমা
ব্যক্তিগত তথ্য
জন্ম	০২ ফেব্ৰুৱাৰী, ১৯৭০ (৫৫ বছৰ) আজমেৰি, বিহাৰ, ভাৰত
ৰাজনৈতিক দল	ভাৰতীয় জনতা পাৰ্টী
আন ৰাজনৈতিক সম্পৰ্ক	ৰাষ্ট্ৰীয় জনতা দল
দাম্পত্যসঙ্গী	ৰমেশ প্ৰসাদ যাদৱ
বাসস্থান	কোদাৰমা
শিক্ষানুষ্ঠান	ৰাঁচী বিশ্ববিদ্যালয়

অন্নপূৰ্ণা দেৱী যাদৱ (ইংৰাজী: Annapurna Devi Yadav, জন্ম: ২ ফেব্ৰুৱাৰী ১৯৭০) এগৰাকী ভাৰতীয় ৰাজনীতিবিদ৷ তেওঁ ২০২৪ চনৰ পৰা ভাৰতৰ মহিলা আৰু শিশু উন্নয়নৰ পঞ্চম মন্ত্ৰী হিচাপে কাৰ্যনিৰ্বাহ কৰি আছে। ২০১৯ চনৰ ভাৰতীয় সাধাৰণ নিৰ্বাচনত ভাৰতীয় জনতা পাৰ্টিৰ সদস্য হিচাপে তেওঁ জয়ী হয়৷ তেওঁ ঝাৰখণ্ডৰ কোদাৰমাৰ পৰাও লোকসভাৰ সংসদৰ সদস্য।তেওঁ বিজেপিৰ এগৰাকী ৰাষ্ট্ৰীয় উপ-সভাপতি। ইয়াৰ পূৰ্বে তেওঁ কোদাৰমা (বিধান সভা সমষ্টি)ৰ পৰা ৰাষ্ট্ৰীয় জনতা দলৰ সদস্য হিচাপে ঝাৰখণ্ড বিধানসভালৈ নিৰ্বাচিত হৈছিল।

অন্নপূৰ্ণা দেৱী মোদী মন্ত্ৰীসভাত মন্ত্ৰী হৈছিল৷ তেওঁ ২০২৪ চনৰ লোকসভা নিৰ্বাচনত কোডাৰমা আসনৰ পৰা জয়ী হৈছিল।

কাৰ্যনিৰ্বাহ কৰা পদসমূহ

অন্নপূৰ্ণা দেৱী সমগ্ৰ ৰাজনৈতিক জীৱনত বিভিন্ন উল্লেখযোগ্য পদবীত অধিষ্ঠিত হৈ আহিছে। ২০২৪ চনৰ ৯ জুনৰ পৰা কেন্দ্ৰীয় কেবিনেট মহিলা আৰু শিশু উন্নয়ন মন্ত্ৰী হিচাপে তেওঁ কাৰ্যনিৰ্বাহ কৰি আহিছে। ২০২৪ চনৰ জুন মাহত ১৮ সংখ্যক লোকসভালৈ নিৰ্বাচিত হোৱা অন্নপূৰ্ণা দেৱীয়ে ২০২১ চনৰ ৭ জুলাইৰ পৰা শিক্ষা মন্ত্ৰালয়ত কেন্দ্ৰীয় ৰাজ্যিক মন্ত্ৰী হিচাপে কাৰ্যনিৰ্বাহ কৰিছে। ইয়াৰ উপৰি তেওঁ শক্তি মন্ত্ৰালয় আৰু নতুন আৰু নবীকৰণযোগ্য শক্তি মন্ত্ৰালয়ৰ পৰামৰ্শদাতা সমিতিৰ সদস্য।

তেওঁ ইয়াৰ পূৰ্বে মহিলা সবলীকৰণ সমিতিৰ সদস্য (৯ অক্টোবৰ, ২০১৯ - ৭ জুলাই, ২০২১) আৰু উদ্যোগ স্থায়ী সমিতিৰ সদস্য (১৩ ছেপ্টেম্বৰ, ২০১৯ - ৭ জুলাই, ২০২১) আছিল। ২০১৯ চনৰ মে’ মাহত তেওঁ ১৭ সংখ্যক লোকসভালৈ নিৰ্বাচিত হৈছিল।

ৰাজ্যিক পৰ্যায়ত তেওঁ ঝাৰখণ্ড চৰকাৰত জলসিঞ্চন, মহিলা আৰু শিশু কল্যাণ, আৰু পঞ্জীয়ন মন্ত্ৰালয়ৰ কেবিনেট মন্ত্ৰী হিচাপে কাৰ্যনিৰ্বাহ কৰিছিল (২০১২ - ২০১৪)। ২০০৫ চনৰ পৰা ২০০৯ চনলৈকে ঝাৰখণ্ড বিধানসভাত মহিলা আৰু শিশু কল্যাণ সমিতিৰ অধ্যক্ষ হিচাপে তেওঁ কাম কৰিছিল আৰু দুটা কাৰ্যকাল (২০০৫ - ২০১৪) ঝাৰখণ্ড বিধানসভাৰ সদস্য হিচাপে কাৰ্যনিৰ্বাহ কৰিছিল। ইয়াৰ পূৰ্বে ২০০০ চনত বিহাৰ চৰকাৰৰ খনি আৰু ভূতত্ত্ব মন্ত্ৰালয়ৰ ৰাজ্যিক মন্ত্ৰী আৰু ২০০০ চনৰ পৰা ২০০৫ চনলৈ বিহাৰ/ঝাৰখণ্ড বিধানসভা আৰু ১৯৯৮ চনৰ পৰা ২০০০ চনলৈ বিহাৰ বিধানসভাৰ সদস্য হিচাপে কাৰ্যনিৰ্বাহ কৰিছিল।