অপৰাধ

অপৰাধ (ইংৰাজী: Crime, Misdemeanor, Felony) হ'ল কোনো ব্যক্তিয়ে আইনৰ বিৰুদ্ধে সংঘটিত কৰা কাৰ্য্য। কোনো দেশ বা অঞ্চলত শান্তি -শৃংখলা বজাই ৰাখিবলৈ প্ৰণয়ন কৰা আইন উলংঘা কৰা যিকোনো কামক অপৰাধ বুলি গণ্য কৰা হয়। অপৰাধ গুৰুতৰ আৰু সৰু দুয়োটা হ’ব পাৰে। অপৰাধৰ ফলস্বৰূপে এজন ব্যক্তিক জৰিমনা, কাৰাদণ্ড, বা দুয়োটা, বা কিছুমান ক্ষেত্ৰত মৃত্যুদণ্ডৰ শাস্তিও দিয়া হয়। যিকোনো ব্যক্তিয়ে অপৰাধ সংঘটিত বা অপৰাধৰ সৈতে জড়িত ব্যক্তিক অপৰাধী হিচাপে চিনাক্ত কৰা হয়। অপৰাধ নিয়ন্ত্ৰণৰ বাবে আৰক্ষী থানা, গোচৰীয়া, আৰু অন্যান্য আইন প্ৰয়োগকাৰী সংস্থা আছে। অপৰাধৰ গুৰুত্ব অনুযায়ী আদালতৰ সন্মানীয় ন্যায়াধীশে অপৰাধীক প্ৰয়োজনীয় আৰু উপযুক্ত শাস্তি দিয়ে।

বিচাৰক আৰু স্বৰ্গীয় আত্মাই প্ৰতিশোধৰ বাবে অপৰাধীজনক খেদি ফুৰে, পিয়েৰ-পল প্ৰ'ডনৰ তৈল চিত্ৰ, ১৮০৮।

সাধাৰণতে অসৎ কামত জড়িত লোকসকল অপৰাধৰ লগত জড়িত হৈ থাকে। কিন্তু সাধাৰণ জনতাই অপৰাধৰ লগতো নিজকে জড়িত কৰিব পাৰে। ইয়াৰ বিপৰীতে, আমেৰিকাৰ আইন অনুসৰি অমানৱীয় প্ৰাণীক অপৰাধত জড়িত কৰিব নোৱাৰি।

সাধাৰণ জ্ঞান অনুসৰি কোনো ব্যক্তিয়ে আন ব্যক্তি বা সমাজৰ সমস্যাৰ সৃষ্টি কৰিবলৈ কৰা যিকোনো কাম অপৰাধ। অপৰাধৰ ভিতৰত হত্যা, আঘাত, চুৰি, ডকাইতি, ধন দাবী, সন্ত্ৰাসবাদী কাৰ্য্য, ধৰ্ষণ, প্ৰৱঞ্চনা, ধন সৰবৰাহ ইত্যাদি, যিবোৰ বিশ্বৰ সকলো সভ্য দেশতে স্বীকৃতিপ্ৰাপ্ত আৰু শাস্তিযোগ্য। ইয়াৰ উপৰিও মদ, কোকেইন, হেৰ’ইন, গাঞ্জা খোৱা, আৰু নিষিদ্ধ জীৱ-জন্তুৰ মাংস খোৱাকে ধৰি অসামাজিক কাৰ্য্য সংঘটিত কৰাটো অপৰাধৰ পৰিসৰত অন্তৰ্ভুক্ত।

অপৰাধ শব্দৰ উৎপত্তি

অপৰাধৰ ইংৰাজী প্ৰতিশব্দ হৈছে crime, যিটো লেটিন শব্দ " serno" ৰ পৰা আহিছে। ইয়াৰ অৰ্থ হ'ল "মই সিদ্ধান্ত লৈছো, মই শাস্তি দিম।"

কিছুমান ধৰ্মত পাপ কাৰ্য্যত অংশগ্ৰহণ কৰাটো অপৰাধ বুলি গণ্য কৰা হয়। আদম আৰু হৱাই চয়তানৰ প্ৰৰোচনাত নিষিদ্ধ ফল খোৱাটো প্ৰকৃত পাপ বুলি গণ্য কৰা হয় শ। যুদ্ধ বা সংঘাত এটা দল বা ৰাষ্ট্ৰৰ অপৰাধ হিচাপে সংঘটিত হয়। আধুনিক সভ্যতাৰ আৰম্ভণিতে কেইবাটাও আইন প্ৰণয়ন কৰা হৈছিল।

বিখ্যাত সমাজবিজ্ঞানী ৰিচাৰ্ড কুইনীয়ে সমাজ আৰু অপৰাধৰ সম্পৰ্কৰ কথা উল্লেখ কৰিছে। তেওঁ কয়, ‘অপৰাধ হৈছে সামাজিকতাৰ দৃশ্যমান প্ৰতিফলন। ’ এই বক্তব্যৰ জৰিয়তে তেওঁ মূলতঃ দুয়োটা দিশকে বিবেচনা কৰিবলৈ কয় - অপৰাধৰ লগত ব্যক্তিৰ জড়িততাৰ প্ৰসংগ আৰু সামাজিক আদৰ্শ, ন্যায় আৰু সততাৰ জৰিয়তে জনসাধাৰণৰ সচেতনতাবোধ জাগ্ৰত কৰা।

প্ৰকাৰসমূহ

অপৰাধক মূলতঃ দুটা ভাগত ভাগ কৰা হয়।

1. সাধাৰণ অপৰাধ : জৰিমনা বা এবছৰতকৈ অধিক নহয় কাৰাদণ্ডৰ শাস্তি।
2. গুৰুতৰ অপৰাধ : সাধাৰণতে এবছৰতকৈ অধিক কাৰাদণ্ডৰ পৰা যাৱজ্জীৱন কাৰাদণ্ডৰ শাস্তি দিয়া হয়।

বহু দেশে অপৰাধৰ বিষয়বস্তু, প্ৰকৃতি আৰু স্তৰক মাপকাঠী হিচাপে লৈ নিজৰ দেশৰ বাবে উপযুক্ত আইন প্ৰণয়ন কৰে। এখন দেশৰ আইন আন এখন দেশৰ বাবে উপযোগী নহ’বও পাৰে। ধৰ্মীয় আৰু বিতৰ্কিত বিষয়ৰ প্ৰেক্ষাপটত ক্ষিপ্ৰতাৰে আইন প্ৰণয়ন কৰা হয়। মটৰ চাইকেলত হেলমেট নিপিন্ধা বা গাড়ীত মোবাইল ফোন ব্যৱহাৰ কৰা চালকৰ দ্বাৰা হোৱা দুৰ্ঘটনা ৰোধৰ বাবেও আইন প্ৰণয়ন কৰা হৈছে, যিয়ে যাত্ৰীৰ জীৱন আৰু সম্পত্তিৰ প্ৰতি ভাবুকি কঢ়িয়াই আনিছে।

কিতাপ, ছবি, গীত, বা ৱেব পৃষ্ঠা তৈয়াৰ কৰাৰ প্ৰসংগতো যদি মূল লেখক বা সৃষ্টিকৰ্তাৰ অনুমতি অবিহনে কৰা হয় তেন্তে কপিৰাইট আইনৰ অধীনত অপৰাধ বুলি গণ্য কৰা হয়। ইয়াৰ উপৰিও অবৈধ আৰু নিষিদ্ধ ড্ৰাগছ উৎপাদন, নিৰ্মাণ, পৰিবহণ বা বিক্ৰীক সংশ্লিষ্ট দেশৰ আইন অনুসৰি অপৰাধ বুলি গণ্য কৰা হ’ব।

শাস্তি

পৃথিৱীৰ বেছিভাগ দেশতে আইন-শৃংখলা বজাই ৰাখিবলৈ দক্ষ, প্ৰশিক্ষিত আৰক্ষী বাহিনী গঠন কৰা হৈছে। এই শক্তিৰ মূল উদ্দেশ্য হৈছে অপৰাধ বন্ধ কৰা, অপৰাধীক চিনাক্ত কৰা, তেওঁলোকক ন্যায়ৰ ওচৰলৈ অনা, বিচাৰ প্ৰক্ৰিয়া সম্পূৰ্ণ কৰা। সন্দেহত থাকিলেও যিকোনো ব্যক্তিক গ্ৰেপ্তাৰ কৰিব পৰা নিয়ম আছে। আটকাধীন ব্যক্তিজনক সোধা-পোছাৰ বাবে আনি প্ৰয়োজনীয় তথ্যৰ সহায়ত অপৰাধৰ মূল উন্মোচন কৰা হয়। আদালতৰ মুৰব্বী হিচাপে, মাননীয় ন্যায়াধীশে সংশ্লিষ্ট ব্যক্তিজন দোষী নে নহয় সিদ্ধান্ত লয়, প্ৰয়োজনীয় প্ৰমাণৰ ভিত্তিত। যদি কোনো ব্যক্তিয়ে কোনো অপৰাধ সংঘটিত কৰিছে তেন্তে তেওঁক নিৰ্দিষ্ট সময়ৰ বাবে কাৰাগাৰলৈ প্ৰেৰণ কৰা হয়, লগতে জৰিমনা আৰু কাৰাদণ্ড। নহ’লে দোষমুক্ত কৰে। যদি অপৰাধ ব্যাপক আৰু গুৰুতৰ হয় তেন্তে ইয়াৰ শাস্তি যাৱজ্জীৱন কাৰাদণ্ড বা ফাঁচীৰ শাস্তি। উন্নত দেশত মৃত্যুদণ্ডৰ পৰিৱৰ্তে যাৱজ্জীৱন কাৰাদণ্ড দিয়া হয়। এম্নেষ্টী ইণ্টাৰনেশ্যনেলৰ তথ্য অনুসৰি অৱশ্যে বহু উন্নত দেশত মৃত্যুদণ্ডৰ প্ৰচলন এতিয়াও চলি আছে।