অমৃতা চৌধুৰী
| অমৃতা চৌধুৰী | |
|---|---|
 অমৃতা চৌধুৰী | |
| জন্ম | অমৃতা আৰোৰা ২৬ জুন, ১৯৭২ জলন্ধৰ, পঞ্জাব, ভাৰত |
| মৃত্যু | ২২ অক্টোবৰ, ২০১২ (৪০ বছৰ) লুধিয়ানা |
| অন্য নাম | শীনা |
| শিক্ষা | পঞ্জাৱ কৃষি বিশ্ববিদ্যালয়, লুধিয়ানা |
অমৃতা চৌধুৰী (ইংৰাজী: Amrita Chaudhry; ২৬ জুন ১৯৭২ – ২২ অক্টোবৰ ২০১২) এগৰাকী ভাৰতীয় ছপা মাধ্যমৰ সাংবাদিক আছিল যিয়ে দ্য ইণ্ডিয়ান এক্সপ্ৰেছ কাকতত প্ৰধান সংবাদদাতা হিচাপে কাম কৰিছিল। কাকতখনৰ সৈতে দশকজোৰা কেৰিয়াৰত অমৃতাই পঞ্জাবৰ বিভিন্ন বিষয়ৰ ওপৰত বাতৰি পৰিৱেশন কৰাৰ বাবে ব্যাপক স্বীকৃতি লাভ কৰিছিল। ২০১২ চনৰ ২২ অক্টোবৰত অমৃতাৰ মৃত্যু হয়।[1]
তথ্যচিত্ৰ নিৰ্মাতা দলজিৎ আমিয়ে নিৰ্মাণ কৰা মহিলাৰ ওপৰত নিৰ্মিত তথ্যচিত্ৰ ধাৰাবাহিকৰ অংশ আছিল।[2] বিখ্যাত পাঞ্জাবী কবি সুৰজিৎ পাটাৰ আৰু স্বৰ্ণজিৎ সাৱীয়ে তেওঁৰ ওপৰত কবিতা লিখিছিল।[3] প্ৰখ্যাত শিল্পী সিদ্ধাৰ্থে অমৃতাৰ প্ৰতিকৃতি অংকন কৰে। তেওঁৰ মৃত্যুৰ পিছত কীৰ্ত্তন মৰ্যাদাৰ প্ৰতিনিধি ভাই বলদ্বীপ সিংভাই বলদ্বীপ সিঙে এটা শব্দ আবৃত্তিৰে শ্ৰদ্ধাঞ্জলি জনায়।[4] চুফী গায়িকা মদন গোপাল সিঙে তেওঁৰ স্মৃতিত সদা চালামত কনচাৰ্ট অনুষ্ঠিত কৰে।[5] সুপৰিচিত নাট্যকাৰ বলৰামে অমৃতা আৰু তেওঁৰ সংগী যতীন্দৰ প্ৰীতৰ মাজত হোৱা ইমেইলৰ আধাৰত এখন নাটক লিখিছিল, যাক জয়পী বুলিও কোৱা হয়।[6]
ব্যক্তিগত জীৱন
[সম্পাদনা কৰক]জলন্ধৰত জন্মগ্ৰহণ কৰা অমৃতাৰ পিতৃ হৰবন্স সিং অৰোৰাই ৰাজ্যিক বিদ্যুৎ ব’ৰ্ডৰ অভিযন্তা হিচাপে কাম কৰিছিল। প্ৰাৰম্ভিক স্কুলীয়া শিক্ষা হিমাচল প্ৰদেশৰ ছেক্ৰেড হাৰ্ট হাইস্কুল (সিধপুৰ)ৰ পৰা কৰিছিল। জলন্ধৰৰ ছেইণ্ট জোচেফ কনভেণ্ট স্কুলৰ পৰা মেট্ৰিক সম্পূৰ্ণ কৰিছিল। বিয়াৰ পিছত অমৃতাই লুধিয়ানাত বসতি স্থাপন কৰিছিল যদিও কিছু বছৰৰ পিছত স্বামীৰ পৰা বিচ্ছেদ হৈছিল।
মৃত্যুৰ আগলৈকে পুত্ৰ সিদ্ধাৰ্থ আৰু জয়পীৰ সৈতে পৃথকে পৃথকে থাকিছিল।[7]
কৰ্মজীৱন
[সম্পাদনা কৰক]
অমৃতাই লুধিয়ানাৰ পঞ্জাৱ কৃষি বিশ্ববিদ্যালয়ৰ গৃহ বিজ্ঞান মহাবিদ্যালয়ৰ পৰা স্নাতক ডিগ্ৰী লাভ কৰে। একেখন বিশ্ববিদ্যালয়ৰ কলেজ অৱ বেচিক ছায়েন্স এণ্ড হিউমেনিটিজৰ পৰা সাংবাদিকতা, ভাষা আৰু সংস্কৃতিত স্নাতকোত্তৰ ডিগ্ৰী লাভ কৰে। ১৯৯৭ চনত দ্য ইণ্ডিয়ান এক্সপ্ৰেছৰ লুধিয়ানা চহৰৰ পৰিপূৰক হিচাপে অৱদানকাৰী হিচাপে সাংবাদিকতা আৰম্ভ কৰে। পিছলৈ প্ৰধান সংবাদদাতা হিচাপে উন্নীত হয়।
পঞ্জাৱ ৰাজ্যৰ বিভিন্ন চহৰ আৰু নগৰত বৈচিত্ৰ্যময় বিটৰ কভাৰেজৰ বাবে অমৃতাই প্ৰশংসা লাভ কৰে। বিশেষকৈ কৃষি সম্পৰ্কীয় বিষয়সমূহৰ তীক্ষ্ণ কভাৰেজৰ বাবে তেওঁ পৰিচিত আছিল।[2] অমৃতাই পৰিৱেশ সজাগতা, বিশেষ শিশুৰ শিক্ষা আৰু শিল্প আৰু সাংস্কৃতিক ক্ষেত্ৰৰ কাম-কাজত নিয়োজিত নাগৰিক সমাজৰ গোটসমূহৰ সৈতে সক্ৰিয়ভাৱে জড়িত আছিল। শিশুৰ বাবে কৰ্মশালা পৰিচালনা কৰা, নাট্য আৰু সংগীত পৰিবেশন মঞ্চস্থ কৰা আৰু বিশিষ্ট লোকৰ বক্তৃতা প্ৰদান কৰা মিডিয়া আৰ্টিষ্ট নামৰ এটা গোট জাতিন্দৰ প্ৰীতৰ সৈতে সহযোগী প্ৰতিষ্ঠা কৰিছিল।[8]
তেওঁৰ মৃত্যুৰ পিছত তেওঁৰ প্ৰিয় কাম-কাজ অব্যাহত ৰাখিবলৈ স্পিৰিট অৱ অমৃতা ফাউণ্ডেশ্যন গঠন কৰা হৈছে। ফাউণ্ডেচনে চণ্ডীগড়, লুধিয়ানা, লেহৰাগাগা আৰু পাটিয়ালাত অমৃতা আৰু জয়পীৰ মাজত হোৱা ইমেইল কথোপকথনৰ আধাৰত ইট’ছ নট এফেয়াৰ নাটকৰ শ্ব’ মঞ্চস্থ কৰিছিল।[9] ২০১৩ চনৰ ৩ মে'ত লুধিয়ানাত তেওঁক স্মৰণ কৰিবলৈ চৰকাৰী বিদ্যালয়ৰ ছাত্ৰ-ছাত্ৰীৰ বাবে এখন চিত্ৰকলা প্ৰতিযোগিতাও আয়োজন কৰা হৈছিল।[10] ফাউণ্ডেচনে লুধিয়ানাত শীতকালত আৰ্তজনৰ বাবে গৰম কাপোৰ সংগ্ৰহৰ অভিযান চলাই আহিছে।[11]
তথ্য সংগ্ৰহ
[সম্পাদনা কৰক]- ↑ "Indian Express staffer Amrita Chaudhary expires in road accident". City Air News. 2013-10-22. Archived from the original on 2014-08-03. https://web.archive.org/web/20140803204326/http://cityairnews.com/content/shocking-news-indian-express-staffer-amrita-chaudhary-expires-road-accident.
- ↑ 2.0 2.1 "Amrita Chaudhary". YouTube. https://www.youtube.com/watch?v=waBGdmae1ms.
- ↑ "Man, Woman and Child". Wordpress. 5 March 2014. http://rememberingamrita.wordpress.com/poetry/.
- ↑ "City remembers Amrita". Financial Express. 2012-11-04. http://archive.financialexpress.com/news/city-remembers-amrita/1026379.
- ↑ "Sada Salamat". Soundcloud. https://soundcloud.com/journojp/sets/madan-gopal-singh-in-concert-1.
- ↑ "It's Not An Affair". Calameo. http://www.calameo.com/books/002089231751632be88ab.
- ↑ Neelkamal Puri (2012-10-27). "A doting mother, friend and journalist". Sunday Guardian. Archived from the original on 4 March 2016. https://web.archive.org/web/20160304060428/http://www.sunday-guardian.com/news/a-doting-mother-friend-and-journalist.
- ↑ "Ludhiana Theatre Culture". Ludhiana District. Archived from the original on 2015-12-29. https://web.archive.org/web/20151229035244/http://www.ludhianadistrict.com/ludhiana-theatre-culture.php.
- ↑ "Play to be staged today". Hindustan Times. 2013-05-04. Archived from the original on 2014-06-08. https://web.archive.org/web/20140608140626/http://paper.hindustantimes.com/epaper/viewer.aspx.
- ↑ "Children's Mela held in memory of Amrita". Indian Express. 2013-05-03. http://archive.indianexpress.com/news/childrens-mela-held-in-memory-of-amrita/1110681/.
- ↑ "'Spread the warmth' campaign begins". Indian Express. 2015-01-03. http://indianexpress.com/article/cities/ludhiana/spread-the-warmth-campaign-begins/.