অমৃতা হাস্পতাল, কোচি
| অমৃতা হাস্পতাল (അമൃത ആശുപത്രി) | |
| অমৃত বিশ্ব বিদ্যাপীথাম | |
|---|---|
 | |
| মূল ব্লক | |
| ভৌগলিক | |
| অৱস্থান | কেৰেলা, এডাপল্লী, কোচি।, কেৰেলা, ভাৰত |
| স্থানাংক | 10°01′58″N 76°17′35″E / 10.0328°N 76.2930°Eস্থানাংক: 10°01′58″N 76°17′35″E / 10.0328°N 76.2930°E |
| সংস্থান | |
| Care system | তৃতীয় পৰ্যায়ৰ |
| বিত্ত যোগান | অলাভজনক |
| চিকিৎসালয়ৰ প্ৰকাৰ | ছুপাৰ-স্পেচিয়েলিটি |
| Affiliated university | অমৃত বিশ্ব বিদ্যাপীঠম |
| Patron | মাতা অমৃতানন্দমায়। |
| Network | অমৃত বিশ্ববিদ্যালয় ৰ অংশ। |
| সেৱাসমূহ | |
| জৰুৰীকালিন বিভাগ | আছে |
| বিচনা | ১৪৫০ |
| ইতিহাস | |
| প্ৰতিষ্ঠা | ১৯৯৮ চনৰ ১৭ মে’ |
| সংযোগসমূহ | |
| ৱেবছাইট | www |
| তালিকা | |
অমৃতা হাস্পতাল, যাক পূৰ্বে অমৃতা ইনষ্টিটিউট অৱ মেডিকেল চাইন্সেছ (AIMS) বুলি জনা গৈছিল, হৈছে ভাৰতৰ কোচিত অৱস্থিত এখন বহুমুখী চিকিৎসা সুবিধা প্ৰদানকাৰী টাৰ্চিয়াৰী কেয়াৰ হাস্পতাল। এই হাস্পতালখন অমৃতা বিশ্ব বিদ্যাপীঠমৰ চিকিৎসা মহাবিদ্যালয়ৰ সৈতে সংলগ্ন আৰু ১২৫ একৰ মাটিত বিস্তৃত ৩৩.৩ লাখ বৰ্গফুটতকৈও অধিক নিৰ্মিত এলেকাৰে ই ভাৰতৰ অন্যতম বৃহত্তম চিকিৎসা প্ৰতিষ্ঠান।[1]
১,৪৫০খন বিছনাযুক্ত এই হাস্পতালখনে বছৰি প্ৰায় ৮,০০,০০০ বহিৰ্বিভাগীয় ৰোগী (outpatients) আৰু ৫০,০০০ অন্তৰ্বিভাগীয় ৰোগী (inpatients)-ক চিকিৎসা সেৱা প্ৰদান কৰে। মাতা অমৃতানন্দময়ীয়ে প্ৰতিষ্ঠা কৰা এই হাস্পতালখন ১৯৯৮ চনৰ ১৭ মে’ত তৎকালীন প্ৰধানমন্ত্ৰী অটল বিহাৰী বাজপেয়ীয়ে উদ্বোধন কৰিছিল। মাতা অমৃতানন্দময়ী মঠ হৈছে ইয়াৰ মূল মাতৃ-প্ৰতিষ্ঠান। এই কেম্পাছটোত অমৃতা বিশ্ব বিদ্যাপীঠমৰ চিকিৎসা মহাবিদ্যালয়, দন্ত চিকিৎসা, নাৰ্চিং, স্বাস্থ্য বিজ্ঞান, ফাৰ্মাচী মহাবিদ্যালয় আৰু নেন’চাইন্সেছ এণ্ড মলিকিউলাৰ মেডিচিন শাখা অৱস্থিত।[1]
প্ৰেম নায়াৰ এই প্ৰতিষ্ঠানটোৰ মেডিকেল ডাইৰেক্টৰ (চিকিৎসা সঞ্চালক)। ড° গিৰীশ কুমাৰ কে.পি. অমৃতা স্কুল অৱ মেডিচিনৰ অধ্যক্ষ/ডীন। হাস্পতালখনে ইয়াৰ পৰীক্ষাগাৰসমূহৰ (laboratories) বাবে ‘নেচনেল এক্ৰেডিটেচন ব’ৰ্ড ফৰ টেষ্টিং এণ্ড কেলিব্ৰেচন লেবৰটৰীজ’ (NABL) আৰু সমগ্ৰ হাস্পতালখনৰ বাবে ‘নেচনেল এক্ৰেডিটেচন ব’ৰ্ড ফৰ হস্পিটেলছ এণ্ড হেল্থকেয়াৰ প্ৰভাইডাৰ্ছ’ (NABH)-ৰ স্বীকৃতি লাভ কৰিছে। ২০২২ চনত মানৱ সম্পদ উন্নয়ন মন্ত্ৰ্যালয়ৰ বাৰ্ষিক NIRF ৰেঙ্কিং অনুসৰি অমৃতা স্কুল অৱ মেডিচিনে ভাৰতৰ অষ্টম শ্ৰেষ্ঠ চিকিৎসা মহাবিদ্যালয়ৰ স্থান লাভ কৰিছিল।[2]
সম্যক পৰিচয়
[সম্পাদনা কৰক]কোচীত থকা অমৃতা হাস্পতালত ৩১টা আধুনিক অস্ত্ৰোপচাৰ গৃহ, ২৭৫খন সুসজ্জিত নিবিড় পৰিচৰ্যা বিছনা, সম্পূৰ্ণ কম্পিউটাৰাইজড আৰু নেটৱৰ্কযুক্ত হস্পিটেল ইনফৰ্মেচন চিষ্টেম, এটা সম্পূৰ্ণ ডিজিটেল ৰেডিঅ'লজী বিভাগ, ২৪/৭ টেলেমেডিচিন সেৱা আৰু এটা ক্লিনিকেল পৰীক্ষাগাৰৰ সুবিধা আছে। চিকিৎসা মহাবিদ্যালয়খনৰ লগতে এই স্বাস্থ্যসেৱা আন্তঃগাঁথনিৰ নিৰ্মিত এলেকা ৩৩.৩ লাখ বৰ্গফুট আৰু ই ১২৫ একৰ মাটিত বিস্তাৰিত হৈ আছে। অমৃতা বিশ্ববিদ্যালয় চিকিৎসা মহাবিদ্যালয়ত ৬৭০ গৰাকী শিক্ষক-শিক্ষয়িত্ৰী আৰু ৪,০০০ গৰাকী সহায়ক কৰ্মীৰ সহায়ত ১৭টা উৎকৃষ্টতা কেন্দ্ৰ আৰু ২৯টা বিশেষ বিভাগ আছে।
দিল্লী ৰাষ্ট্ৰীয় ৰাজধানী অঞ্চলত (NCR) সেৱা আগবঢ়োৱাৰ উদ্দেশ্যে ২০১৬ চনৰ ৯ মে’ত হাৰিয়ানাৰ ফৰিদাবাদত দ্বিতীয়খন অমৃতা হাস্পতালৰ আধাৰশিলা স্থাপন কৰা হৈছিল। ২,৪০০খন বিছনা আৰু ৮১টা বিশেষ বিভাগ থকা এই হাস্পতালখন ভাৰতৰ আটাইতকৈ ডাঙৰ ব্যক্তিগত হাস্পতাল। ২০২২ চনৰ ২৪ আগষ্টত ভাৰতৰ প্ৰধানমন্ত্ৰী নৰেন্দ্ৰ মোদীয়ে এই নতুন সুবিধাটো উদ্বোধন কৰে।[3][4]
গৱেষণা আৰু বিকাশ
[সম্পাদনা কৰক]ঔষধ-প্ৰতিৰোধী ক্ৰকৰোগ ধ্বংস কৰিব পৰা নেনো-মেডিচিনৰ বিকাশ
[সম্পাদনা কৰক]২০১২ চনৰ ১৬ অক্টোবৰত AIMS-য়ে ঘোষণা কৰে যে ই লিউকেমিয়াৰ (তেজৰ কৰ্কট ৰোগ) ঔষধ-প্ৰতিৰোধী কৰ্কট কোষসমূহৰ চিকিৎসাৰ বাবে এটা নেনো-মেডিচিন প্ৰস্তুত কৰি উলিয়াইছে।[5]
বঁটা
[সম্পাদনা কৰক]
ৰাষ্ট্ৰীয় স্বাস্থ্যসেৱা উৎকৃষ্টতা বঁটা ২০১৩
[সম্পাদনা কৰক]২০১৩ চনৰ ডিচেম্বৰ মাহত ফ ফেডাৰেচন অৱ ইণ্ডিয়ান চেম্বাৰ্ছ অৱ কমাৰ্চ এণ্ড ইণ্ডাষ্ট্ৰীয়ে (FICCI) দেশৰ শ্ৰেষ্ঠ হাস্পতাল হিচাপে AIMS-ক ‘নেচনেল হেল্থকেয়াৰ এক্সেলেন্স এৱাৰ্ড ২০১৩’ প্ৰদান কৰে। "স্বাস্থ্যসেৱাৰ উন্নতি" আৰু ইয়াৰ দক্ষতাপূৰ্ণ তথা সময়োপযোগী সেৱাৰ দিশত হাস্পতালখনৰ অসামান্য অৱদানৰ স্বীকৃতিস্বৰূপে এই বঁটা আগবঢ়োৱা হয়।[6]
ৰাষ্ট্ৰীয় স্বাস্থ্যসেৱা উৎকৃষ্টতা বঁটা ২০১৬
[সম্পাদনা কৰক]২০১৬ চনৰ ছেপ্টেম্বৰ মাহত ফ ফেডাৰেচন অৱ ইণ্ডিয়ান চেম্বাৰ্ছ অৱ কমাৰ্চ এণ্ড ইণ্ডাষ্ট্ৰীয়ে (FICCI) AIMS-ক দুটাকৈ ‘নেচনেল হেল্থকেয়াৰ এক্সেলেন্স এৱাৰ্ড’ প্ৰদান কৰে। AIMS-য়ে ‘ৰোগীৰ সুৰক্ষা’ (Patient Safety) আৰু ‘চিকিৎসা প্ৰযুক্তিত উদ্ভাৱন’ (Innovation in Medical Technology) কেটেগৰীত এই বঁটা লাভ কৰে। জন্মগত হৃদৰোগৰ অস্ত্ৰোপচাৰত এটা ৩-ডি (3D) প্ৰিণ্টিং আৰ্হি প্ৰস্তুত কৰাৰ বাবে ড° মহেশ কাপ্পানাইলে ‘চিকিৎসা প্ৰযুক্তিত উদ্ভাৱন’ বঁটাটো গ্ৰহণ কৰে। আনহাতে, ৰোগীৰ সুৰক্ষা আৰু এণ্টিবায়োটিকৰ সঠিক প্ৰয়োগৰ (antibiotic stewardship) ক্ষেত্ৰত আগবঢ়োৱা অৱদানৰ বাবে ড° সঞ্জীৱ সিঙে ‘ৰোগীৰ সুৰক্ষা’ বঁটাটো গ্ৰহণ কৰে।[7]
বিতৰ্ক
[সম্পাদনা কৰক]মজুৰি বৃদ্ধিৰ দাবীত নাৰ্ছৰ ধৰ্মঘট
[সম্পাদনা কৰক]২০১১ চনৰ ডিচেম্বৰ মাহত দৰমহা বৃদ্ধিৰ দাবীত অমৃতা ইনষ্টিটিউট অৱ মেডিকেল চাইন্সেছ এণ্ড ৰিচাৰ্ছ চেণ্টাৰৰ নাৰ্ছসকলে হাস্পতাল কৰ্তৃপক্ষৰ বিৰুদ্ধে ধৰ্মঘট কাৰ্যসূচী ৰূপায়ণ কৰে। ই আছিল সমগ্ৰ কেৰালাজুৰি নাৰ্ছসকলে চলোৱা ধাৰাবাহিক প্ৰতিবাদৰ এক অংশ। ইউনাইটেড নাৰ্ছেছ এছ’চিয়েচনৰ (United Nurses' Association) নেতাসকলে হাস্পতালৰ কৰ্মচাৰীৰদ্বাৰা আক্ৰান্ত হোৱা বুলি দাবী কৰাৰ পাছত এই ধৰ্মঘটৰ আহ্বান জনোৱা হৈছিল। পৰৱৰ্তী সময়ত, প্ৰতিবাদ ৰোধ কৰিবলৈ আৰক্ষীক মতা হয় আৰু তেওঁলোকে প্ৰতিবাদকাৰীসকলক ছত্ৰভঙ্গ কৰিবলৈ লাঠি চালনা কৰে।[8]
কৰ্তৃপক্ষই দাবী কৰিছিল যে নাৰ্ছসকলে অনিৰ্দিষ্টকালীন ধৰ্মঘট অব্যাহত ৰাখিলেও হাস্পতালৰ সেৱাত কোনো প্ৰভাৱ নপৰে। তেওঁলোকে উল্লেখ কৰিছিল যে মাতা অমৃতানন্দময়ীৰ ভক্ত শতাধিক নাৰ্চিং স্নাতক হাস্পতালখনত ৰোগীক সেৱা আগবঢ়াবলৈ সাজু হৈ আছে।[9]অৱশেষত, হাস্পতাল কৰ্তৃপক্ষ আৰু প্ৰতিবাদকাৰীসকলৰ মাজত এক বুজা-বুজিলৈ অহা হয়, য’ত প্ৰতিবাদকাৰীসকলৰ বিৰুদ্ধে হাস্পতাল কৰ্তৃপক্ষই তৰা গোচৰসমূহ প্ৰত্যাহাৰ কৰিব আৰু তেওঁলোকৰ দৰমহা বৃদ্ধিৰ দাবীটো বিবেচনা কৰিব বুলি সন্মত হয়।[10][11]
অবৈধ ড্ৰাগছৰ বিচাৰৰ অভিযোগ
[সম্পাদনা কৰক]২০১২ চনৰ আগষ্ট মাহত ইণ্ডিয়াভিছন টেলিভিছন চেনেলে প্ৰকাশ কৰিছিল যে অমৃতা ইনষ্টিটিউট অৱ মেডিকেল ছায়েন্স এণ্ড ৰিচাৰ্চ চেণ্টাৰ আৰু কেৰালাৰ বহু চিকিৎসালয়ত বিনামূলীয়া চিকিৎসা শিবিৰৰ জৰিয়তে নিৰ্বাচিত ৰোগীৰ ওপৰত নতুন ঔষধ পৰীক্ষা কৰি আছে। কেৰালাৰ স্বাস্থ্য মন্ত্ৰী ভি এছ শিৱকুমাৰে এই ঘটনাৰ তদন্ত কৰা হ’ব বুলিও কয়। পৰৱৰ্তী সময়ত চিকিৎসালয়খনৰ বিৰুদ্ধে উত্থাপিত অভিযোগ মিছা বুলি প্ৰমাণিত হয়।
ৰূপান্তৰ চিকিৎসা
[সম্পাদনা কৰক]অভিযোগ অনুসৰি চিকিৎসালয়খনে এগৰাকী ট্ৰেন্স-মহিলাক কনভাৰ্চন থেৰাপী কৰিবলৈ বাধ্য কৰাইছিল, যিটো অবৈজ্ঞানিক আৰু ক্ষতিকাৰক পদ্ধতি ভাৰতত ৰাষ্ট্ৰীয় চিকিৎসা আয়োগে নিষিদ্ধ কৰিছিল।[12]
লগতে চাওক
[সম্পাদনা কৰক]তথ্যসূত্ৰ
[সম্পাদনা কৰক]- 1 2 "About Amrita Hospital". http://www.amritahospitals.org/SubPages/About-Amrita-Hospital। আহৰণ কৰা হৈছে: 30 January 2019.
- ↑ "Ernakulam AIMS among top 25 medical colleges". The Times of India. 11 April 2019. https://timesofindia.indiatimes.com/city/kochi/aims-among-top-25-med-colleges/articleshow/68822414.cms.
- ↑ "Haryana CM Manohar Lal Khattar inaugurates C20 Summit on Integrated Holistic Health at Amrita Hospital in Faridabad". The Times of India. 2023-04-08. ISSN 0971-8257. https://timesofindia.indiatimes.com/city/chandigarh/haryana-cm-manohar-lal-khattar-inaugurates-c20-summit-on-integrated-holistic-health-at-amrita-hospital-in-faridabad/articleshow/99345652.cms?from=mdr.
- ↑ "PM Modi inaugurates Amrita Hospital in Faridabad – Inauguration". The Economic Times. https://economictimes.indiatimes.com/news/india/pm-modi-inaugurates-amrita-hospital-in-faridabad/inauguration/slideshow/93750004.cms। আহৰণ কৰা হৈছে: 2023-06-10.
- ↑ "AIMS develops new drug for leukaemia". Archived from the original on 21 July 2015. https://web.archive.org/web/20150721222604/http://www.newindianexpress.com/cities/kochi/article1301441.ece। আহৰণ কৰা হৈছে: 18 October 2012.
- ↑ "AIMS Receives 'Best Hospital' Award". Archived from the original on 18 December 2013. https://web.archive.org/web/20131218145004/http://www.newindianexpress.com/cities/kochi/AIMS-Receives-Best-Hospital-Award/2013/12/10/article1937878.ece। আহৰণ কৰা হৈছে: 14 December 2013.
- ↑ Nair, Preetu. "AIMS gets FICCI healthcare excellence award". Times Of India. http://timesofindia.indiatimes.com/city/kochi/AIMS-gets-FICCI-healthcare-excellence-award/articleshow/54366355.cms?.
- ↑ "Kerala nurses' strike over pay intensifies pay spreads in". Khaleejtimes.com. 2012-02-02. http://www.khaleejtimes.com/displayarticle.asp?xfile=data/international/2012/February/international_February49.xml§ion=international&col=। আহৰণ কৰা হৈছে: 2012-08-15.
- ↑ "NATIONAL / KERALA : Nurses at Amrita on strike". The Hindu (Chennai, India). 2011-12-07. Archived from the original on 2013-11-03. https://web.archive.org/web/20131103130821/http://www.thehindu.com/todays-paper/tp-national/tp-kerala/article2693744.ece.
- ↑ "Nurses' strike at Amrita continues". The Hindu (Chennai, India). 2011-12-08. Archived from the original on 2012-07-19. https://web.archive.org/web/20120719002442/http://www.thehindu.com/news/cities/Kochi/article2697619.ece.
- ↑ "Cities / Kochi : Nurses return to work at Kolenchery medical college". The Hindu (Chennai, India). 2012-02-20. Archived from the original on 2012-02-22. https://web.archive.org/web/20120222051734/http://www.thehindu.com/news/cities/Kochi/article2912341.ece.
- ↑ "Trans woman allegedly subjected to conversion therapy at Amrita hospital, Kerala HC intervenes". https://www.thenewsminute.com/kerala/trans-woman-allegedly-subjected-to-conversion-therapy-at-amrita-hospital-kerala-hc-intervenes.