অৰুন্ধতী বিৰমণি
অৰুন্ধতী বিৰমণি (ইংৰাজী: Arundhati Virmani; জন্ম ১৯৫৭) এগৰাকী ভাৰতীয় ইতিহাসবিদ। ১৯৯২ চনলৈকে তেওঁ দিল্লী বিশ্ববিদ্যালয়ৰ ইতিহাস বিভাগৰ অধ্যাপক আছিল। তেওঁ মাৰ্চেইলৰ ইক’ল ডেছ হ’টছ এটুডছ এন চাইন্সেছ ছ’চিয়েলছত অধ্যাপনা কৰে। তেওঁ জিন বাউটিয়েৰৰ সৈতে বিয়েনালে ইউৰোপিয়ান ডি হিষ্ট’ৰ লোকেলৰ সহ-প্ৰতিষ্ঠাপক।
জীৱনী
[সম্পাদনা কৰক]১৯৫৭ চনৰ ২৬ জুনত নতুন দিল্লীত অৰুন্ধতী বিৰমণিৰ জন্ম। তেওঁ স্কুলীয়া শিক্ষা দিল্লীৰ লেডী ইৰউইন স্কুল আৰু কনভেণ্ট অৱ জিছুছ এণ্ড মেৰীৰ পৰা গ্ৰহণ কৰিছিল।[1] ইন্দ্ৰপ্ৰস্থ মহাবিদ্যালয়ৰ পৰা ইতিহাস বিষয়ত স্নাতক ডিগ্ৰী লাভ কৰে।[2] দিল্লী বিশ্ববিদ্যালয় ছাত্ৰ হিচাপে ১৯৮১ চনত তেওঁ পেৰিছৰ চৰবনত ফৰাচী ইতিহাসত পিএইচ.ডি.ৰ গৱেষণা-পত্ৰ প্ৰস্তুত কৰিবলৈ ফৰাচী ফেল'শ্বিপ লাভ কৰিছিল। কলেজ ডি ফ্ৰান্সৰ অধ্যাপক মৰিছ এগুলহনৰ তত্ত্বাৱধানত তেওঁ পুনৰুদ্ধাৰৰ পাছত আৰু ১৮৪৮ চনত দ্বিতীয় গণৰাজ্যৰ অধীনত পুৰুষৰ সৰ্বজনীন ভোটাধিকাৰ স্থাপনৰ পূৰ্বে ফৰাচী গ্ৰাম্য সমাজৰ ৰাজনীতিকৰণৰ বিষয়ে তেওঁ অধ্যয়ন কৰে। ১৯৮৪ চনৰ ছেপ্টেম্বৰ মাহত তেওঁ তেওঁৰ থিছিছৰ সমৰ্থনত থিয় হয়। ১৯৯১ চনত তেওঁ জিন বুটিয়েৰৰ সৈতে বিবাহপাশ আৱদ্ধ হয় আৰু ফ্ৰান্সলৈ যায়গৈ। তেওঁ মাধৱী মুদগল সৈতে ওডিছি নৃত্য অধ্যয়ন কৰিছিল।
শৈক্ষিক কেৰিয়াৰ
[সম্পাদনা কৰক]জিছুছ এণ্ড মেৰী কলেজত শিক্ষকতা আৰম্ভ কৰি পাছলৈ তেওঁ দিল্লী বিশ্ববিদ্যালয়ত অধ্যাপনা কৰে।[2] তেওঁ স্কুল অৱ কৰেস্পণ্ডেন্স কোৰ্চৰ ইতিহাস বিভাগৰ মুৰব্বী আছিল আৰু তাত তেওঁ প্ৰাপ্তবয়স্ক শিক্ষা আৰু দূৰৱৰ্তী শিক্ষাৰ পাঠদানত অংশগ্ৰহণ কৰিছিল। তাৰ পাছত তেওঁ ইতিহাস বিভাগত ইউৰোপীয় ইতিহাসৰ ৰিডাৰ হিচাপে আধুনিক ফৰাচী আৰু ইউৰোপীয় ইতিহাস বিষয়ত অধ্যাপনা কৰিছিল। মাৰ্চেইলত তেওঁ ইউনিভাৰ্চিটি পল চেজান, ইউৰোমেড-মাৰ্চাইল বিজনেছ স্কুল আৰু ইক'ল ডেছ হ'টছ ইটুডছ এন চাইন্সেছ ছ'চিয়েলেছত অধ্যাপনা কৰিছিল। তেতিয়াৰ পৰাই তেওঁৰ গৱেষণাই ভাৰতৰ ঔপনিৱেশিক যুগ বিশেষকৈ কুৰি শতিকাৰ ওপৰত গুৰুত্ব আৰোপ কৰিছিল; ভাৰতীয় সমাজৰ বৰ্তমানৰ পৰিৱৰ্তনৰ তেওঁ বিশ্লেষকও। তেওঁৰ শেহতীয়া কামে ভাৰতত একেধৰণৰ নাগৰিক সংহিতাৰ ধাৰণাটোৰ ওপৰত গুৰুত্ব আৰোপ কৰিছে। ইনষ্টিটিউট অৱ কমনৱেলথ ষ্টাডিজৰ এখন সন্মিলনত তেওঁৰ কৰ্মৰাজি উপস্থাপন কৰে।
সামূহিক গ্ৰন্থ আৰু বৈজ্ঞানিক আলোচনীত (ইংলেণ্ড, ফ্ৰান্স আৰু ইটালী) কেইবাখনো কিতাপ আৰু বহুতো গৱেষণা পত্ৰ প্ৰকাশ কৰিছে। )। তেওঁ বিভিন্ন বিশ্ববিদ্যালয় আৰু শৈক্ষিক প্ৰতিষ্ঠানত (পেৰিছ, ইথাকা (আমেৰিকা), লণ্ডন, বাৰ্লিন, ব'ল'গনা, ফ্ল'ৰেন্স, নতুন দিল্লী, নিউয়ৰ্ক ইত্যাদিত) ঔপনিৱেশিক ভাৰতীয় ইতিহাসৰ বিষয়ে বক্তৃতা প্ৰদান কৰিছে।[3][4] )। তেওঁ মাৰ্চেইৰ চেণ্টাৰ নৰবাৰ্ট এলিয়াছৰ গৱেষণা সহযোগী।[2]
বিৰমণি ২০০০ চনৰ পৰা ভাৰত-ফৰাচী আন্তঃসাংস্কৃতিক প্ৰশিক্ষণৰ বিশেষজ্ঞতাৰে পৰামৰ্শদাতাৰ কামত নিয়োজিত হৈ আছে। তেওঁ "এছ'চিয়েশ্যন পোৰ লে প্ৰগ্ৰেছ ডু মেনেজমেণ্ট"ৰ এগৰাকী স্বীকৃত বিশেষজ্ঞ। তেওঁ ভাৰতীয় দৃষ্টিকোণৰ পৰা কৰ্পৰেট সামাজিক দায়ৱদ্ধতা (চিএছআৰ)ৰ প্ৰতি আগ্ৰহী।[5]
তথ্যসূত্ৰ
[সম্পাদনা কৰক]- ↑ "Arundhati Virmani - PaperBackSwap". PaperBackSwap. http://www.paperbackswap.com/Arundhati-Virmani/author/.
- ↑ 2.0 2.1 2.2 "Mapping India down the ages". Deccan Herald. 1 October 2012. http://www.deccanherald.com/content/282339/F.
- ↑ . Archived from the original on 23 July 2011. https://web.archive.org/web/20110723193636/http://www.machiavellicenter.net/2009/02/university-of-florence-prof-arundhati-virmani-a-national-flag-for-india/.
- ↑ bardgradcenter (7 November 2013). "Seminar Series: Arundhati Virmani, Indian Wedding Cards: Publicizing the Intimate". Archived from the original on 9 April 2023. https://web.archive.org/web/20230409124929/https://www.youtube.com/watch?v=Fd5vNK1pDTM&gl=US&hl=en। আহৰণ কৰা হৈছে: 6 May 2018.
- ↑ "আৰ্কাইভ কপি". Archived from the original on 2009-09-24. https://web.archive.org/web/20090924194221/http://www.journaldunet.com/management/0612/0612164-chat-jean-jacques-rose.shtml.