আইদা এল-কাছেফ

আইদা এল-কাছেফ
জন্ম	১৯৮৮ (বয়স ৩৬–৩৭) কাইৰো, ইজিপ্ত
পেচা	স্বাধীন চলচ্চিত্ৰ নিৰ্মাতা, সাংবাদিক actress

আইদা এল-কাছেফ (ইংৰাজী: Amruta Subhash ) এগৰাকী নাৰীবাদী, ইজিপ্তৰ চলচ্চিত্ৰ নিৰ্মাতা আৰু অভিনেত্ৰী। তেওঁৰ অভিনয় কৃতিত্বৰ ভিতৰত আছে “শ্বিপ অৱ থিছিয়াছ” আৰু “ৱালাড ডব্লিউ বেণ্ট”। তেওঁ “এ টিন টেল” আৰু “ৰেপচ'ডী ইন অটম” নামৰ চুটিছবিও পৰিচালনা কৰিছে।

এল কাছেফ তাহৰিৰ স্কোয়েৰত হোৱা প্ৰতিবাদৰ সৈতে জড়িত আছিল। তেওঁ আৰব স্প্ৰীঙৰ ঘটনাবোৰ ঘটি থকাৰ সময়তে চিত্ৰগ্ৰহণ কৰিছিল। তেওঁ তাহৰিৰ দখল কৰা প্ৰথম প্ৰতিবাদকাৰীসকলৰ ভিতৰত অন্যতম আছিল আৰু তাত তেওঁ এটা তম্বু স্থাপন কৰিছিল। প্ৰতিবাদৰ সময়ত সংঘটিত হোৱা "মহিলাৰ ওপৰত হোৱা আক্ৰমণ"ৰ নথিকৰণ কৰিছিল; যাৰবাবে প্ৰায়ে তেওঁ নিজৰ ব্যক্তিগত সুৰক্ষা বিপদগ্ৰস্থ হৈছিল। এল-কাছেফৰ মহিলাৰ ওপৰত পুৰুষৰ যৌন নিৰ্যাতন সম্পৰ্কীয় ছবিসমূহ বিশ্বজুৰি প্ৰদৰ্শিত হৈছিল। ন' মিলিটাৰী ট্ৰায়েলছ ফৰ চিভিলিয়ানছ প্ৰতিবাদত অংশগ্ৰহণ কৰাৰ বাবে তেওঁক গ্ৰেপ্তাৰ কৰি হেফাজতত লোৱা হয়। প্ৰতিবাদৰ আন এটা দিশ আছিল কায়ৰোৰ জীনহোম মৰ্গত প্ৰবেশ কৰা পৰিয়ালৰ সদস্যসকলৰ দুখজনক মুহূৰ্তৰ চিত্ৰগ্ৰহণৰ সৈতে তেওঁ জড়িত হোৱাটো।

২০১৪ চনত এল-কাছেফে আবুধাবি চলচ্চিত্ৰ মহোৎসৱৰ উন্নয়ন আৰু পোষ্ট-প্ৰডাকচন পুঁজি ছানাডৰ পৰা ৱাৰ্ড নাম্বাৰ ৩ৰ বাবে অনুদান লাভ কৰে।

ইয়াৰ উপৰিও ২০১৪ চনত এল-কাছেফে শ্বিপ অৱ থিছিয়াছ ছবিত অভিনয় কৰি শ্ৰেষ্ঠ সহযোগী অভিনেত্ৰীৰ সন্মান ভাৰতৰ ৰাষ্ট্ৰীয় চলচ্চিত্ৰ বঁটা লাভ কৰে। ২০১২ চনত এই ছবিখনত কৰা অভিনয়ৰ বাবে ডুবাই আন্তঃৰাষ্ট্ৰীয় চলচ্চিত্ৰ মহোৎসৱত মুহৰ এছিয়া আফ্ৰিকা ফিচাৰ শাখাৰ বাবেও তেওঁ শ্ৰেষ্ঠ অভিনেত্ৰীৰ সন্মান লাভ কৰিছিল।

বাহ্যিক সংযোগ

• আইদা এল-কাছেফ সম্পৰ্কে ইণ্টাৰনেট মুভি ডাটাবেছত থকা তথ্য।