আজাদেহ ছামাদী

আজাদেহ ছামাদী
২০১৪ চনৰ ফাজৰ চলচ্চিত্ৰ মহোৎসৱত ছামাদী
স্থানীয় নাম	آزاده صمدی
জন্ম	০৭ জানুৱাৰী, ১৯৭৯ (৪৭ বছৰ) লা হিজান, গিলান, ইৰান
পেচা	অভিনেত্ৰী
সক্ৰিয় হৈ থকা সময়	২০০৬–বৰ্তমান
দাম্পত্যসঙ্গী	হৌমান ছেয়েদী (বি. ২০০৭; বিবি. ২০১৪)

আজাদেহ ছামাদী (ফাৰ্চী: آزاده صمدی; জন্ম ৭ জানুৱাৰী ১৯৭৯) এগৰাকী ইৰানী অভিনেত্ৰী। তেওঁ হাফেজ বঁটা, ক্ৰিষ্টাল চিমৰ্গ আৰু ইৰানৰ চলচ্চিত্ৰ সমালোচক তথা লেখক সংস্থাৰ বঁটাৰ বাবে লাভ কৰা মনোনয়নৰ উপৰি ফাজৰ আন্তঃৰাষ্ট্ৰীয় চলচ্চিত্ৰ মহোৎসৱৰ সন্মানীয় ডিপ্ল’মাকে ধৰি বিভিন্ন স্বীকৃতি লাভ কৰিছে।

প্ৰাৰম্ভিক জীৱন

আজাদেহ ছামাদীৰ জন্ম ১৯৭৯ চনৰ ৮ ছেপ্টেম্বৰত লা হিজানত হৈছিল। সূৰে বিশ্ববিদ্যালয়ৰপৰা থিয়েটাৰ বিষয়ত স্নাতক শিক্ষা সম্পূৰ্ণ কৰাৰ পাছত তেওঁ অভিনয়ৰ এটা পাঠ্যক্ৰম (পাৰভিজ পাৰাষ্টুৰ তত্ত্বাৱধানত) সম্পূৰ্ণ কৰে। তেওঁ "বেহিৰ এণ্ড চুগাৰ" নামৰ থিয়েটাৰ প্ৰযোজনাত অভিনয় কৰিছিল আৰু কিছুসময়ৰ পাছত হোমায়ুন আছাদিয়ানৰ পৰিচালনাত নিৰ্মিত টিভি ধাৰাবাহিক "দ্য এণ্ডলেচ ৱে"-ত অভিনয় কৰিবলৈ নিৰ্বাচিত হয়। তেওঁ হুমেন ছেয়েদীৰ পৰিচালনাত নিৰ্মিত চুটি ছবি "৩৫ মিটাৰ ৱাটাৰ লেভেল" আৰু "ব্লু টিথ"-ৰ লগতে "নো ৱান টকিং টু এনিৱান"-তো অভিনয় কৰিছে।

আজাদেহ ছামাদীয়ে ২০০৬ চনত হৌমান ছেয়েদীৰ সৈতে বিবাহপাশত আবদ্ধ হয়। কিন্তু ২০১৩ চনত এই বিবাহ বিচ্ছেদৰ জৰিয়তে অন্ত পৰে। আজাদেহ ছামাদী ২০০৯ চনৰ ৰাষ্ট্ৰপতি নিৰ্বাচনৰ সময়ত মীৰ-হোছেইন মৌছাভীক সমৰ্থন কৰা অন্যতম শিল্পী আছিল।

ৰাছিয়াত অনুষ্ঠিত ২০১৮ চনৰ ফিফা বিশ্বকাপৰ সময়ত আইঅ’ ইণ্টাৰনেট নেটৱৰ্কত সম্প্ৰচাৰিত হোৱা 'জাবিৱাকা' অনুষ্ঠানটোৰ আঁতধৰিছিল ছামাদীয়ে। পৰৱৰ্তী সময়ত তেওঁৰ স্থানত বেহৰাং আলাভীয়ে এই অনুষ্ঠানটো পৰিচালনাৰ দায়িত্ব লয়। অনুষ্ঠানটোৰ ঘনিষ্ঠ কৰ্মকৰ্তাসকলৰ মতে, আজাদেহ ছামাদীয়েই এই অনুষ্ঠানৰ আঁতধৰোঁতা হোৱাৰ কথা আছিল যদিও ৰেডিঅ’ এণ্ড টেলিভিছনে আপত্তি দৰ্শায়। ইয়াৰ পৰিণতিত তেওঁক সলনি কৰাৰ সিদ্ধান্ত লোৱা হয়।

ব্যক্তিগত জীৱন

ইৰানী অভিনেত্ৰী আজাদেহ ছামাদীয়ে ৰাহে বি পায়ান (এণ্ডলেচ পাথ) নামৰ টিভি ধাৰাবাহিকখনত একেলগে কাম কৰাৰ পাছত সহ-অভিনেতা হুমেন ছেয়েদীৰ সৈতে বিবাহপাশত আবদ্ধ হৈছিল। অৱশ্যে কেইবছৰমান একেলগে থকাৰ পিছত তেওঁলোকৰ এই বিবাহ বিচ্ছেদৰ জৰিয়তে অন্ত পৰে।

বিতৰ্কসমূহ

জাবিৱাকা

আজাদেহ ছামাদীয়ে 'জাবিৱাকা' নামৰ অনুষ্ঠানটোৰ আঁত ধৰিছিল, যিটো ৰাছিয়াত অনুষ্ঠিত ২০১৮ চনৰ ফিফা বিশ্বকাপৰ সময়ত অনলাইন প্লেটফৰ্ম 'আইঅ’'ত সম্প্ৰচাৰিত হৈছিল। প্ৰথমটো খণ্ডৰ পিছত, ইছলামিক ৰিপাব্লিক অৱ ইৰান ব্ৰডকাষ্টিঙৰ পৰিদৰ্শকসকলে "মহিলাৰ সঁজুলি হিচাপে ব্যৱহাৰ" কৰাৰ উদ্বেগ দৰ্শাই দ্বিতীয়টো খণ্ড চলি থকাৰ সময়তে ছামাদীৰ অংশগ্ৰহণ বন্ধ কৰি দিয়ে। পৰৱৰ্তী সময়ত মজিদ য়াছেৰ আৰু আলী আনছাৰীয়ে এই অনুষ্ঠানটোৰ আঁতধৰোঁতা হিচাপে দায়িত্ব লয়।

বাধ্যতামূলক হিজাবৰ বিৰোধিতা

২০২৩ চনৰ ২১ মে’ত আজাদেহ ছামাদীয়ে ইৰানৰ বাধ্যতামূলক হিজাব নীতি অনুসৰণ নকৰাকৈয়ে ৰেজা হাদ্দাদৰ শেষকৃত্যত অংশগ্ৰহণ কৰিছিল। তেওঁৰ এই পদক্ষেপক ছচিয়েল মিডিয়া ব্যৱহাৰকাৰীসকলে ব্যাপকভাৱে প্ৰশংসা কৰিছিল। এই ঘটনাৰ পিছত, তেহৰাণৰ সংস্কৃতি আৰু মিডিয়া আদালতৰ চৰকাৰী অধিবক্তাই ছামাদীৰ বিৰুদ্ধে অভিযোগনামা দাখিলৰ নিৰ্দেশ দিয়ে। বাধ্যতামূলক হিজাব উলংঘা কৰাৰ বাবে তেওঁৰ বিৰুদ্ধে ৰাজহুৱা নৈতিকতা আৰু ভদ্ৰতা ভংগ কৰাৰ অভিযোগ অনা হয়। পৰৱৰ্তী সময়ত ছামাদী দোষী সাব্যস্ত হয় আৰু তেওঁক প্ৰত্যক্ষ বা পৰোক্ষভাৱে ছচিয়েল মিডিয়াৰ কাৰ্যকলাপত অংশ লোৱাৰপৰা ছমাহৰ বাবে নিষিদ্ধ কৰা হয়। ইয়াৰ উপৰি, আদালতে বৰ্ণনা কৰা "অসামাজিক ব্যক্তিত্বৰ বিকাৰ"ৰ চিকিৎসাৰ বাবে তেওঁক এটা চৰকাৰী মানসিক কেন্দ্ৰত পষেকত এবাৰকৈ অংশগ্ৰহণ কৰিবলৈ বাধ্য কৰা হয় আৰু চিকিৎসাৰ শেষত মানসিক স্বাস্থ্যৰ প্ৰমাণ-পত্ৰ দাখিল কৰাৰ নিৰ্দেশ দিয়া হয়।

ভ্ৰমণ নিষেধাজ্ঞা

২০২৩ চনৰ নৱেম্বৰ মাহৰ শেষৰফালে, ভাৰতৰ গোৱাত অনুষ্ঠিত ৫৪সংখ্যক আন্তঃৰাষ্ট্ৰীয় চলচ্চিত্ৰ মহোৎসবলৈ যাত্ৰা কৰাৰ সময়ত আজাদেহ ছামাদীক ইৰান এৰি যোৱাত নিষেধাজ্ঞা আৰোপ কৰা হয়।

বাহ্যিক সংযোগ

• আজাদেহ ছামাদী সম্পৰ্কে ইণ্টাৰনেট মুভি ডাটাবেছত থকা তথ্য।
• Azadeh Samadi on Instagram