আজিও আহিছিল অৰণ্যখন

আজিও আহিছিল অৰণ্যখন
লেখক	সত্যজিৎ গগৈ
প্ৰচ্ছদ শিল্পী	তুচান চেনচং
দেশ	ভাৰত
ভাষা	অসমীয়া
প্ৰকাৰ	পাৰিপাৰ্শ্বিক কবিতা
প্ৰকাশক	পি ডব্লিউ এফ (PWF)
প্ৰকাশ	২੦২৪
মিডিয়া প্ৰকাৰ	ছপা গ্ৰন্থ (পকাবন্ধা)
পৃষ্ঠা সংখ্যা	৪੦
আই.এচ.বি.এন.	978-81-975772-2-2

আজিও আহিছিল অৰণ্যখন (ইংৰাজী: Ajio Ahisil Aranyakhan) অসমীয়া পাৰিপাৰ্শ্বিক কবিতাৰ এখন সংকলন৷ সংকলনখনৰ কবি সত্যজিৎ গগৈ৷

বিষয়বস্তু

সংকলনটিত মুঠ পইত্ৰিছটা পাৰিপাৰ্শ্বিক কবিতা অন্তৰ্ভুক্ত হৈছে৷ কবিতাসমূহত জলবায়ু পৰিৱৰ্তন, গোলকীয় উষ্ণতা বৃদ্ধি, বনাঞ্চল ধ্বংস আদি বিভিন্ন পাৰিপাৰ্শ্বিক সমস্যাই স্থান পাইছে৷ কবি প্ৰকল্প ৰঞ্জন ভাগৱতীয়ে সংকলনটিৰ কবিতাখিনিৰ আলোচনা প্ৰসংগত কৈছে, “এগৰাকী পৰিৱেশ সুৰক্ষা কৰ্মীৰ দৰেই তেওঁ নিজৰ চৌপাশৰ জগতখনক চায় আৰু চকুত পৰা বিসংগতিবোৰৰ বিষয়ে পাঠকক সচেতন কৰিব বিচাৰে৷”

কবিৰ পৰিচয়

সত্যজিৎ গগৈ এগৰাকী অসমীয়া কবি আৰু তথ্যচিত্ৰ নিৰ্মাতা৷ তেওঁৰ কবিতা গৰীয়সী, প্ৰান্তিক, মিউজ ইণ্ডিয়া, পয়েট্ৰী উইডাউট ফীয়াৰ আদি আলোচনীত প্ৰকাশ পাইছে৷ এইখন তেওঁৰ তৃতীয় কবিতা-সংকলন৷

প্ৰকাশন ইতিহাস

চল্লিছ পৃষ্ঠাৰ কবিতা-সংকলনটি ২੦২৪ চনত প্ৰকাশ পায়৷ প্ৰকাশক পি ডব্লিউ এফ৷

মূল্যায়ন

সংকলনটিৰ ব্লাৰ্বত ক্ৰমে সমালোচক আনন্দ বৰমুদৈ আৰু কবি নীলিম কুমাৰৰ মন্তব্য সন্নিৱিষ্ট হৈছে৷ বৰমুদৈয়ে তেওঁৰ মন্তব্যত গগৈৰ কবিতা চিত্ৰকল্পবাদী বুলি কৈছে৷ নীলিম কুমাৰে তেওঁৰ মন্তব্যত প্ৰকৃতিৰ সংকট আৰু মানুহৰ অকল্পনীয় নিৰ্দয়তাৰ বিপৰীতে গগৈৰ কবিতাক সৎ কাব্য ভাবনাৰ নিদৰ্শন বুলি কৈছে৷ চেনীৰাম গগৈয়ে সত্যজিৎ গগৈৰ কবিতাবোৰ “সহজ, থলুৱা আৰু পোনপটীয়া” বুলি কৈছে৷