আড়াই
আড়াই (অৰ্থ: পোছাক) হৈছে ৰত্না কুমাৰৰদ্বাৰা ৰচিত আৰু পৰিচালিত, আৰু ভি ষ্টুডিঅ'ৰদ্বাৰা প্ৰযোজিত ২০১৯ চনৰ ভাৰতীয় তামিল ভাষাৰ থ্ৰিলাৰ ছবি। ছবিখনত অনন্যা ৰামপ্ৰসাদ, বিবেক প্ৰসন্ন, আৰু ৰাম্য সুব্ৰমণিয়ামৰ সৈতে মুখ্য চৰিত্ৰত অভিনয় কৰিছে অমলা পলে। প্ৰদীপ কুমাৰে ছবিখনৰ চাউণ্ডট্ৰেক ৰচনা কৰিছিল উৰ্কা বেণ্ডৰ সৈতে, যিয়ে এই ছবিখনৰ জৰিয়তে আত্মপ্ৰকাশ কৰিছিল। চিনেমাট’গ্ৰাফী আৰু সম্পাদনাৰ কাম চম্ভালিছিল ক্ৰমে বিজয় কাৰ্তিক কান্নান আৰু ছফিক মহম্মদ আলীয়ে। ১৯ জুলাই ২০১৯ তাৰিখে ছবিখনে মুক্তি লাভ কৰিছিল।
কাহিনী
[সম্পাদনা কৰক]কামিনী এগৰাকী সংবাদ চেনেলৰ এংকৰ, যি অত্যন্ত স্বতঃস্ফূৰ্ত, নিৰ্ভীক আৰু নাৰীবাদী মনোভাবৰ। দেউতাকৰ মৃত্যু পিছত মাকে তেওঁক ডাঙৰ-দীঘল কৰে। মাকৰ ৰক্ষণশীল চিন্তাধাৰা আৰু কামিনীৰ আধুনিক দৃষ্টিভংগীৰ মাজত প্ৰায়ে মতানৈক্য দেখা যায়। কামিনী বন্ধু জেনিফাৰ আৰু আন দুজন সহকৰ্মীৰ সৈতে এটা ডিজিটেল চেনেলত কাম কৰে, য’ত তেওঁলোকে সামাজিক মাধ্যমত ভাইৰেল হোৱাৰ উদ্দেশ্যে সন্দেহহীন লোকৰ ওপৰত বিপজ্জনক প্ৰেংক কৰে।
কামিনীৰ জন্মদিনৰদিনাই চেনেলটোৰ পুৰণি অট্টালিকাৰপৰা শেষ সম্প্ৰচাৰ হয়। লাইভ বাতৰি সম্প্ৰচাৰৰ ঠিক আগমুহূৰ্তত জেনিফাৰ নিৰুদ্দেশ হয় আৰু বাধ্য হৈ কামিনীয়ে বাতৰি পঢ়ে। অপ্ৰত্যাশিতভাৱে তেওঁ এই দায়িত্ব সফলভাৱে পালন কৰে। পিছত জেনিফাৰ শৌচাগাৰত আবদ্ধ হৈ আছিল বুলি জানিব পৰা যায় আৰু দিনটোৰ শেষত অট্টালিকাটো খালী কৰি থোৱা হয়।
সন্ধিয়ালৈ কামিনী আৰু বন্ধু-বান্ধৱীয়ে খালী অট্টালিকাটোতেই জন্মদিন উদ্যাপন কৰে। মাদকদ্ৰব্যযুক্ত পানীয় সেৱনৰ ফলত তেওঁলোকে অচেতন অৱস্থাত পৰে। পাছদিনা কামিনী এখন খালী অফিচত উলংগ অৱস্থাত সাৰ পায়। মোবাইল ফোন আৰু কাপোৰ নোহোৱাত তেওঁ সম্পূৰ্ণ অসহায় হৈ পৰে। সহায় বিচাৰিবলৈ চেষ্টা কৰোঁতে নানা বিপদৰ সন্মুখীন হয়, আনকি এগৰাকী খাদ্য ডেলিভাৰী কৰ্মীকো ভুল বুজা-বুজিত আক্ৰমণ কৰে।
পিছলৈ প্ৰকাশ পায় যে ডেলিভাৰী গৰাকীৰ নাম নাংগেলী। তেওঁ এজনী মেধাৱী ছোৱালী আছিল যিয়ে ইউপিএছচি পৰীক্ষাৰ বাবে প্ৰস্তুতি লৈছিল। পূৰ্বতে কামিনীৰ বন্ধুসকলে কৰা এটা চিকিৎসাজনিত প্ৰেংকৰ বাবে নাংগেলীৰ জীৱন সম্পূৰ্ণৰূপে বিঘ্নিত হৈছিল। সেই অপমান আৰু ক্ষোভৰ ফলতেই নাংগেলীয়ে কামিনীৰ ওপৰত এই ঘটনাসমূহৰ ব্যৱস্থা কৰিছিল।
শেষত নাংগেলীয়ে কামিনীক উপলব্ধি কৰায় যে স্বাধীনতা আৰু মজা কৰাৰ নামত আনক আঘাত দিয়া অন্যায়। কামিনী নিজৰ ভুল বুজি পায় আৰু জীৱনৰ দৃষ্টিভংগী সলনি কৰে। ছবিখনৰ অন্তত কামিনীয়ে দায়িত্বশীল সাংবাদিকতা আৰম্ভ কৰা দেখা যায়, আৰু নাংগেলীয়েও পুনৰ নিজৰ লক্ষ্যৰ দিশে আগবঢ়ে।
অভিনয় শিল্পী
[সম্পাদনা কৰক]- সুধন্ধিৰা কোডী / কামিনীৰ চৰিত্ৰত অমলা পল
- নাংগেলী / খাদ্য ডেলিভাৰী গাৰ্লৰ চৰিত্ৰত অনন্যা ৰামপ্ৰসাদ
- গৌৰীৰ চৰিত্ৰত বিবেক প্ৰসন্ন
- জেনিফাৰৰ চৰিত্ৰত ৰাম্য সুব্ৰমণিয়াম
- সুকুমাৰৰ চৰিত্ৰত সৰিথিৰণ
- আকাশৰ চৰিত্ৰত ৰোহিত নন্দকুমাৰ
- দীপকৰ চৰিত্ৰত কিশোৰ দেৱ
- কামিনীৰ মাতৃ লক্ষ্মীৰ চৰিত্ৰত শ্ৰীৰঞ্জনী
- চেন্থিল (চেঞ্জ ছাৰ)ৰ চৰিত্ৰত টি. এম. কাৰ্তিক
- টি এছ আৰ শ্ৰীনিবাসন
- আৰক্ষী বিষয়াৰ চৰিত্ৰত বিজিলী ৰমেশ
- উমা পদ্মনাভন
- আৰক্ষী পৰিদৰ্শকৰ চৰিত্ৰত কৰুপ্পু নাম্বিয়াৰ
- অৰুবি বালা
- মাধৱন নাইৰৰ চৰিত্ৰত চিটিজেন মণি
- গোপী GPR
ছবিখনৰ আৰম্ভণিতে কণ্ঠস্বৰ প্ৰদান কৰিছে অৰ্চনা চান্দোকে।
প্ৰযোজনা
[সম্পাদনা কৰক]এটা সাক্ষাৎকাৰত অমলা পলে কৈছিল যে পৰিচালকে ছবিখনৰ উলংগ দৃশ্যসমূহৰ সময়ত তেখেতক বিশেষ ধৰণৰ পোছাক পৰিধান কৰাৰ বিকল্প দিছিল। কিন্তু অমলা পলে কয় যে তেওঁ পৰ্দাত কোনো উলংগতা স্পষ্টকৈ দেখুওৱা নহ’লেও প্ৰায় ১৫ জনীয়া কৰ্মীদলৰ সন্মুখত সম্পূৰ্ণ উলংগ অৱস্থাতেই দৃশ্যসমূহত অভিনয় কৰিবলৈ নিজে সিদ্ধান্ত লৈছিল। অৱশ্যে কিছুমান দৰ্শকে কিছুমান দৃশ্য ভালকৈ লক্ষ্য কৰিলে দেখা যায় যে তেওঁ ছালৰ ৰঙৰ সৈতে মিল থকা পোছাক পিন্ধি আছিল বুলি মত প্ৰকাশ কৰিছিল।[1]
খবৰ অনুসাৰে, ২০১৮ চনৰ ২০ নৱেম্বৰলৈকে অমলা পল ছবিখনৰ শ্বুটিঙত ব্যস্ত আছিল।[2]
মুক্তি আৰু সমালোচনা
[সম্পাদনা কৰক]আড়াই ছবিখন ২০১৯ চনৰ ১৯ জুলাইত মুক্তি লাভ কৰে।[3]
দ্য টাইমছ অৱ ইণ্ডিয়াৰ থিংকল মেননে ছবিখনক ৫ৰ ভিতৰত ৩.৫ তাৰকা প্ৰদান কৰে। তেওঁ মন্তব্য কৰিছিল যে, “অভিনেত্ৰীৰ বিশ্বাসযোগ্য অভিনয়ৰ সৈতে ছবিখনৰ তীব্ৰ নিৰ্মাণশৈলীয়ে দৰ্শকক আসনৰ আগভাগত বহাই ৰাখে।” তেওঁ উপসংহাৰত কৈছিল যে আদাই এখন “কিছুমান ধাৰণা ভাঙি দিয়া আৰু মনোগ্ৰাহী অভিজ্ঞতা আগবঢ়োৱা শক্তিশালী ছবি”।[4]
দ্য হিন্দুৰ প্ৰদীপ কুমাৰে কাহিনীভাগ দুৰ্বল বুলি উল্লেখ কৰি লিখিছিল, “অমলা পলে সকলোকে আৰু সকলো বিষয়কে আচ্ছাদিত কৰে, যিটো ভাল যদিও নায়কসকলে নিজৰ ছবিত সকলো বিষয় ঢাকি পেলোৱা প্ৰবণতাৰ সৈতে আশ্চৰ্যজনকভাৱে মিল আছে। এইটো সমালোচনা নহয়, বৰঞ্চ এক চিন্তা।”[5]
ফিল্ম কম্পেনিয়নৰ হৈ লিখা ভৰদ্বাজ ৰঙ্গনেও কাহিনীভাগৰ সমালোচনা কৰিছিল যদিও অমলা পলৰ অভিনয়ৰ প্ৰশংসা কৰিছিল।[6]
তথ্যসূত্ৰ
[সম্পাদনা কৰক]- ↑ "Amala Paul opens up on filming nude scene in 'Aadai', says 'I was anxious'" (en ভাষাত). The Times of India. ৯ জুলাই ২০১৯. https://timesofindia.indiatimes.com/videos/entertainment/regional/tamil/amala-paul-opens-up-on-filming-nude-scene-in-aadai-says-i-was-anxious/videoshow/70140712.cms। আহৰণ কৰা হৈছে: ৯ জুলাই ২০১৯.
- ↑ Lakshmi, V (২০ নৱেম্বৰ ২০১৮). "Amala Paul gets stuck in a jungle in 'Adho Andha Paravai Pola'" (en ভাষাত). The Times of India. https://timesofindia.indiatimes.com/entertainment/tamil/movies/news/amala-paul-gets-stuck-in-a-jungle-in-adho-andha-paravai-pola/articleshow/66693774.cms। আহৰণ কৰা হৈছে: ১২ ডিচেম্বৰ ২০১৮.
- ↑ "Amala Paul's Aadai to release on 19th July" (en ভাষাত). The Times of India. ২০১৯-০৬-২৯. https://timesofindia.indiatimes.com/entertainment/tamil/movies/news/amala-pauls-aadai-to-release-on-19th-july/articleshow/70000982.cms.
- ↑ Menon, Thinkal (২০ জুলাই ২০১৯). "Aadai Movie Review" (en ভাষাত). The Times of India. https://timesofindia.indiatimes.com/entertainment/tamil/movie-reviews/aadai/movie-review/70301467.cms.
- ↑ Kumar, Pradeep (২০ জুলাই ২০১৯). "'Aadai' review: Amala Paul elevates a weakly-scripted film" (en ভাষাত). The Hindu. https://www.thehindu.com/entertainment/movies/aadai-review-amala-paul-elevates-a-weakly-scripted-film/article61593533.ece.
- ↑ Rangan, Baradwaj (২৪ জুলাই ২০১৯). "Aadai Movie Review: A Sensational Amala Paul Headlines A Talky But Effective Message Movie About Freedom" (en ভাষাত). Film Companion. https://www.filmcompanion.in/reviews/aadai-movie-review-a-sensational-amala-paul-headlines-a-talky-but-effective-message-movie-about-freedom। আহৰণ কৰা হৈছে: ২৬ অক্টোবৰ ২০২৩.
বাহ্যিক সংযোগ
[সম্পাদনা কৰক]- আড়াই সম্পৰ্কে ইণ্টাৰনেট মুভি ডাটাবেছত থকা তথ্য।