আডি

আডি (সংস্কৃত: आडि) মৎস্য পুৰাণত উল্লেখ থকা পৌৰাণিক কাহিনীৰ এক অসুৰ। এওঁ শিৱই বধ কৰা অন্ধকাসুৰৰ পুত্ৰ।

কাহিনী

পাৰ্বতীয়ে অৰণ্যত তপস্যা কৰি আছে বুলি জনাৰ পিছত তেওঁ শিৱৰ হাতত পিতৃৰ মৃত্যুৰ কথা মনত পেলালে। দেৱতাৰ লগত তেওঁৰ কোনো তুলনা নহয় বুলি জানিও তেওঁ শিৱক হত্যা কৰি পিতৃৰ প্ৰতিশোধ লোৱাৰ সিদ্ধান্ত ল’লে।

পিতৃৰ মৃত্যুৰ সময়ত আডিয়ে ব্ৰহ্মাক সন্তুষ্ট কৰিবলৈ তপস্যা কৰিছিল যিয়ে তেওঁৰ সম্মুখত উপস্থিত হৈ তেওঁৰ কি কামনা সুধিছিল। আডিয়ে উত্তৰ দিলে যে তেওঁ অমৰত্ব বিচাৰিছে, যাৰ উত্তৰত ব্ৰহ্মাই স্পষ্ট কৰি দিলে যে সকলো জীৱই অৱশেষত মৃত্যুবৰণ কৰিব লাগিব। আডিয়ে নিজৰ অনুৰোধ স্পষ্ট কৰি কয় যে তেওঁৰ ৰূপ সলনি হ’লেহে যাতে তেওঁৰ মৃত্যু হয়। এই চালাকিৰ সুযোগ লৈ ব্ৰহ্মাই তেওঁক ৰূপ ৰূপান্তৰৰ শক্তি প্ৰদান কৰিলে।

আডি শিৱৰ মুখামুখি হ’বলৈ সাজু হৈছিল। ব্ৰহ্মাৰ পৰা পোৱা এই নতুন শক্তিৰে সজ্জিত হৈ তেওঁ শিৱৰ পৰিচাৰক বীৰভদ্ৰৰ প্ৰহৰী পৰিহাৰ কৰি সাপৰ বেশত শিৱৰ ব্যক্তিগত স্থানত প্ৰৱেশ কৰে। পাৰ্বতীৰ বেশত শিৱৰ কাষ চাপিবলৈ চেষ্টা কৰিলে শিৱই মৰমেৰে সম্ভাষণ জনালে। অৱশ্যে তেওঁ অতি সোনকালেই সন্দেহবশতঃ আৰু যোগৰ জৰিয়তে তেওঁৰ প্ৰকৃত ৰূপটো শিৱই চিনি পালে।

অসুৰৰ প্ৰকৃত স্বৰূপ উপলব্ধি কৰি শিৱই তেওঁক বজ্ৰৰে তেওঁৰ যৌনাংগত আঘাত কৰিলে, যাৰ ফলত তেওঁ নিমিষতে মৃত্যু হ’ল।

আন এটা সংস্কৰণ

কাহিনীটোৰ আন এটা সংস্কৰণত কোৱা হৈছে যে ব্ৰহ্মাই তেওঁক আন এক বৰদান দিছিল যে তেওঁ শিৱৰ অধীনত যুদ্ধ শিকিব পাৰে। আডিয়ে শিৱৰ অধীনত প্ৰশিক্ষণ ল’বলৈ আৰম্ভ কৰিলে। অৱশ্যে কেইবছৰমানৰ পাছত তেওঁ কৈলাশ পৰ্বতৰ বাসিন্দাসকলক অশান্তি দিবলৈ ধৰিলে। আডিয়ে শিৱৰ সন্মুখত পাৰ্বতী হিচাপে উপস্থিত হৈ আৰু এটা সুযোগ বিচাৰিছিল। যি কি নহওক শিৱই এইজন আদি বুলি উপলব্ধি কৰি নিজৰ ত্ৰিশূলেৰে তেওঁক হত্যা কৰিলে। আডিয়ে ক্ষমা বিচাৰিলে আৰু শিৱই তেওঁক মোক্ষ দিলে।^{[উদ্ধৃতিৰ প্ৰয়োজন]}

ওপৰত উল্লেখ কৰা কাহিনীটো গ্ৰন্থত উল্লেখ কৰা হোৱা নাই আনহাতে পূৰ্বৰ কাহিনীটো সকলোৱে জানে।

চাব পাৰে

• অসুৰৰ তালিকা