আদম আৰু ইভ
আদম আৰু ইভ | |
|---|---|
| ব্যক্তিগত | |
| ধৰ্ম | ইহুদী ধৰ্ম, খ্ৰীষ্টান ধৰ্ম, ইছলাম |
| দাম্পত্যসংগী | আদম — ইভ |
| সন্তান | কাইন, এবেল, ছেথ |
| জনা যায় | আব্ৰাহামিক ধৰ্মসমূহৰ মতে মানৱজাতিৰ প্ৰথম পুৰুষ আৰু মহিলা |
আদম আৰু ইভ, আব্ৰাহামিক ধৰ্মসমূহৰ সৃষ্টি কাহিনীৰ মতে,[1][2] প্ৰথম পুৰুষ আৰু প্ৰথম মহিলা বুলি ধৰা হয়। তেওঁলোক মানৱজাতি মূলতঃ এটা পৰিয়াল আৰু সকলো মানুহ একেটা আদিপুৰুষৰ যোৰৰ পৰা উৎপত্তি হোৱা বুলি বিশ্বাসৰ কেন্দ্ৰবিন্দু।[3] তেওঁলোকৰ কাহিনীয়ে মানুহৰ পতন আৰু আদি পাপ নামৰ মতবাদৰ ভিত্তি প্ৰদান কৰে, যিবোৰ খ্ৰীষ্টান ধৰ্মত গুৰুত্বপূৰ্ণ যদিও ইহুদী ধৰ্ম বা ইছলামত এই মতবাদসমূহ গ্ৰহণ কৰা নহয়।[4]
হিব্ৰু বাইবেলৰ আদিপুস্তকত প্ৰথমৰ পৰা পঞ্চম অধ্যায়লৈকে দুটা পৃথক সৃষ্টি কাহিনী দেখা যায়। প্ৰথম কাহিনীত আদম আৰু ইভৰ নাম উল্লেখ কৰা হোৱা নাই। ইয়াৰ পৰিৱৰ্তে ঈশ্বৰে নিজৰ প্ৰতিমূৰ্তিত মানৱজাতি সৃষ্টি কৰে আৰু তেওঁলোকক বংশবৃদ্ধি কৰিবলৈ আৰু ঈশ্বৰে সৃষ্টি কৰা সকলো বস্তুৰ ওপৰত তত্ত্বাবধান কৰিবলৈ নিৰ্দেশ দিয়ে। দ্বিতীয় কাহিনীত ঈশ্বৰে মাটিৰ ধূলিৰ পৰা আদমক সৃষ্টি কৰি তেওঁক এডেন বাগিচাত ৰাখে। আদমক কোৱা হয় যে তেওঁ বাগিচাৰ সকলো গছৰ ফল খাই পাৰে, কিন্তু ভাল আৰু বেয়াৰ জ্ঞানৰ গছৰ ফল খোৱা নিষিদ্ধ।
পাছত ঈশ্বৰে আদমৰ এটা পাঁজৰৰ পৰা ইভক সৃষ্টি কৰে যাতে তেওঁ আদমৰ সংগী হয়। আৰম্ভণিতে তেওঁলোক দুয়ো নিৰ্দোষ আছিল আৰু নিজৰ উলংগ অৱস্থাৰ বাবে লজ্জিত নহয়। কিন্তু এটা সাপ ইভক নিষিদ্ধ গছৰ ফল খাবলৈ প্ৰলোভিত কৰে আৰু ইভে সেই ফল আদমকো দিয়ে। ইয়াৰ ফলত তেওঁলোকৰ মাজত নতুন জ্ঞান জন্মে আৰু লাজ, বেয়া আদি ধাৰণা উপলব্ধি কৰিবলৈ সক্ষম হয়। তাৰ পিছত ঈশ্বৰে সাপক আৰু মাটিক অভিশাপ দিয়ে আৰু শেষত আদম আৰু ইভক এডেন বাগিচাৰ পৰা বহিষ্কাৰ কৰে।
হিব্ৰু শাস্ত্ৰৰ আন অংশত আদম বা ইভৰ উল্লেখ প্ৰায় দেখা নাযায়; মাত্ৰ এটা বংশতালিকাত আদমৰ নাম উল্লেখ আছে (১ বংশাৱলি ১:১)।ইয়াৰ পৰা অনুমান কৰা হয় যে যদিও এই কাহিনীটো পিছত ইহুদী কাহিনীৰ আৰম্ভণিত সংযোজন কৰা হৈছিল, তথাপিও ইয়াৰ সৈতে মূল কাহিনীৰ সম্পৰ্ক কম। পিছৰ আব্ৰাহামিক পৰম্পৰাসমূহত এই কাহিনী অধিক বিস্তৃত কৰা হয় আৰু আধুনিক বাইবেল গৱেষকসকলেও ইয়াক বহুলভাৱে বিশ্লেষণ কৰিছে। বিভিন্ন ধৰ্ম আৰু ধৰ্মীয় গোটে আদম আৰু ইভৰ কাহিনী ভিন্নভাৱে ব্যাখ্যা কৰে; উদাহৰণস্বৰূপে, ইছলামিক ব্যাখ্যাত আদম আৰু ইভ দুয়ো সমানভাৱে দায়ী বুলি ধৰা হয়, যেতিয়া কিছুমান খ্ৰীষ্টান ব্যাখ্যাত ইভক প্ৰথমে প্ৰলোভিত হোৱা বুলি ধৰা হয়। আদম আৰু ইভৰ কাহিনী শিল্প, সাহিত্য আৰু কবিতাতো বহুলভাৱে প্ৰতিফলিত হৈছে।
তথ্যসূত্ৰ
[সম্পাদনা কৰক]- ↑ Womack, Mari (2005). Symbols and Meaning: A Concise Introduction. প্ৰকাশক Walnut Creek ... [et al.]: Altamira Press. পৃষ্ঠা. 81. ISBN 978-0759103221. https://books.google.com/books?id=MQi5x7_-eksC&pg=PA81। আহৰণ কৰা হৈছে: 16 August 2013. "Creation myths are symbolic stories describing how the universe and its inhabitants came to be. Creation myths develop through oral traditions and therefore typically have multiple versions."
- ↑ Leeming, David (2010). Creation Myths of the World: Parts I-II. পৃষ্ঠা. 303. https://archive.org/details/creationmythswor00phdd.
- ↑ Azra, Azyumardi (2009). "Chapter 14. Trialogue of Abrahamic Faiths: Towards an Alliance of Civilizations". In Ma'oz, Moshe. The Meeting of Civilizations: Muslim, Christian, and Jewish. প্ৰকাশক Eastbourne: Sussex Academic Press. পৃষ্ঠা. 220–229. ISBN 978-1-845-19395-9. https://books.google.com/books?id=o6YuXfFUwBgC&pg=PA220.
- ↑ Kolatch, Alfred J. (1985). The Second Jewish Book of Why (2nd, revised সম্পাদনা). প্ৰকাশক New York City: Jonathan David Publishers. পৃষ্ঠা. 64. ISBN 978-0-824-60305-2. https://archive.org/details/secondjewishbook00kola/page/.
বাহ্যিক সংযোগ
[সম্পাদনা কৰক] |
ৱিকিউদ্ধৃতিত আদম আৰু ইভ বিষয় সংক্ৰান্তত উদ্ধৃতি আছে। |
 |
মুক্ত অভিধান ৱিক্সনেৰীত আদম আৰু ইভ শব্দৰ অৰ্থ চাওক। |
 |
ৱিকিমিডিয়া কমন্সত আদম আৰু ইভ সম্পৰ্কীয় মিডিয়া ফাইল আছে। |
- First Human Beings (Library of Congress)
- The Story of Lilith in The Alphabet of Ben Sira Archived 1997-02-22 at the Wayback Machine
- Islamic view of the fall of Adam (audio)
- 98 classical images of Adam and Eve Archived 2019-01-03 at the Wayback Machine
- The Book of Jubilees
- Adam and Eve in Medieval Reliefs, Capitals, Frescoes, Roof Bosses and Mosaics Cynistory and Phantamangas of Finceland
- "Adam and Eve" at the Christian Iconography website
- Translation of Grimm's Fairy Tale No. 180, Eve's Unequal Children, a German Fairy Tale about Adam and Eve
- Jewish Encyclopedia