আদা খান

আদা খান
২০২০ চনত খান
জন্ম	১২ মে', ১৯৮৯ (৩৬ বছৰ) মুম্বাই, মহাৰাষ্ট্ৰ, ভাৰত
পেচা	অভিনেত্ৰী, মডেল
সক্ৰিয় হৈ থকা সময়	২০০৯—বৰ্তমান
জনা যায়	বেহেনেইন অমৃত মন্থন নাগিন ফিয়েৰ ফেক্টৰ: খতৰো কে খিলাড়ী ১০

আদা খান (জন্ম: ১২ মে' ১৯৮৯) — এগৰাকী ভাৰতীয় টেলিভিছন অভিনেত্ৰী আৰু মডেল। তেওঁ বেহেনেইনত আকাশী, অমৃত মন্থনত অমৃত আৰু নাগিনত শেষা চৰিত্ৰত অভিনয় কৰাৰ বাবে পৰিচিত। ২০২০ চনত তেওঁ ফিয়েৰ ফেক্টৰ: খতৰো কে খিলাড়ী ১০ত অংশগ্ৰহণ কৰিছিল।

প্ৰাৰম্ভিক আৰু ব্যক্তিগত জীৱন

১৯৮৯ চনৰ ১২ মে'ত বোম্বাইত (বৰ্তমানৰ মুম্বাই, মহাৰাষ্ট্ৰ) খানৰ জন্ম হৈছিল। ২০১৩ চনৰ মাৰ্চ মাহত তেওঁৰ মাতৃ পাৰৱিন খানৰ কৰ্কট ৰোগত আক্ৰান্ত হৈ মৃত্যু হয়। তেওঁৰ ইমৰান খান নামৰ এজন ভাতৃ আছে।

২০১০ চনৰ মাজভাগত অভিনেতা অংকিত গেৰাৰ সৈতে খানৰ এক দীৰ্ঘদিনীয়া সম্পৰ্ক আছিল। অংকিতৰ বিশ্বাসঘাতকতাৰ বাবে শেষত তেওঁলোকৰ বিচ্ছেদ ঘটে।

কেৰিয়াৰ

খনে এগৰাকী মডেল হিচাপে নিজৰ কেৰিয়াৰ আৰম্ভ কৰিছিল আৰু কেইবাটাও বিজ্ঞাপনত অভিনয় কৰিছিল। মডেলিং আৰু বিজ্ঞাপনত কাম কৰাৰ পাছতখনে টেলিভিছনত এগৰাকী অভিনেতা হিচাপে কেৰিয়াৰ গঢ়াৰ সিদ্ধান্ত লয়। ২০০৯ চনত চনী এণ্টাৰটেইনমেণ্ট টেলিভিছনৰ শ্ব’ পালমপুৰ এক্সপ্ৰেছত বিজয়াৰ চৰিত্ৰত অভিনয় কৰি তেওঁ হিন্দী টেলিভিছনত আত্মপ্ৰকাশ কৰে।

২০১০ চনত তেওঁ ষ্টাৰ প্লাছৰ শ্ব’ বেহেনেইনত অভিনয় কৰে। ইয়াৰ কাহিনী চাৰিগৰাকী চহকী ভগ্নীক কেন্দ্ৰ কৰি গঢ়ি উঠিছে। তেওঁক আকাশী শাস্ত্ৰী নামৰ অন্যতম মুখ্য চৰিত্ৰত অভিনয় কৰিবলৈ নিৰ্বাচন কৰা হৈছিল।

২০১২ চনতখনে ডিৰেক্টৰছ কুট প্ৰডাকচনৰ ড্ৰামা অমৃত মন্থনত ৰাজকুমাৰী অমৃত কৌৰ সোধীৰ মুখ্য চৰিত্ৰত অভিনয় কৰে, য’ত অংকিতা শৰ্মা, ডিম্পল ঝাংগিয়ানী আৰু নবী ভাংগুৱেও অভিনয় কৰিছিল।

তেওঁ য়ে হেই আশিকী, ক্ৰাইম পেট্ৰ’ল, ক’ড ৰেড আৰু সাৱধান ইণ্ডিয়া @ ১১ৰ দৰে ধাৰাবাহিকত খণ্ডভিত্তিক চৰিত্ৰত অভিনয় কৰিছিল। ইয়াৰ উপৰি তেওঁ ৰিয়েলিটি শ্ব’ ৱেলকাম – বাজী মেহমান নাৱাজী কিৰ এগৰাকী প্ৰতিযোগী আছিল।

২০১৭ চনৰ ইণ্ডিয়ান টেলিভিছন একাডেমী বঁটাত খান

২০১৫ চনতখনে নাগিনত শেষা নামৰ এজনী ইচ্ছাৰূপী নাগিনীৰ চৰিত্ৰত অভিনয় কৰি বিশেষ সফলতা লাভ কৰে। ২০১৬ চনত তেওঁ নাগিন ২ত পুনৰ শেষাৰ চৰিত্ৰত অভিনয় কৰে। ২০১৮ চনত তেওঁ অলৌকিক ধাৰাবাহিক বিষ য়া অমৃত: চিতাৰাত চিতাৰাৰ মুখ্য চৰিত্ৰত অভিনয় কৰে।

২০১৯ চনত তেওঁ নাগিন ৩ত অতিথি শিল্পী হিচাপে উপস্থিত হৈ পুনৰ শেষাৰ চৰিত্ৰত অভিনয় কৰে।

২০২০ চনত তেওঁ ফিয়েৰ ফেক্টৰ: খতৰো কে খিলাড়ী ১০ত অংশগ্ৰহণ কৰে। সেই একে বছৰতে তেওঁ নাগিন ৫ত অতিথি শিল্পী হিচাপে পুনৰবাৰ শেষাৰ চৰিত্ৰত অভিনয় কৰে।

মাধ্যমৰ ছবি

২০১৮ চনত খান

২০১৮ চনতখনে দ্য টাইমছ অৱ ইণ্ডিয়াৰ টেলিভিছনৰ আটাইতকৈ কাংক্ষিত মহিলাৰ তালিকাত দশম স্থান লাভ কৰিছিল। খান ভিভেল আৰু টাইডৰ দৰে ব্ৰেণ্ডৰ চেলিব্ৰিটি এণ্ডোৰ্চাৰ। তেওঁ নিজৰ শৈলী আৰু ফেশ্বন জ্ঞানৰ বাবেও ব্যাপকভাৱে পৰিচিত।

বাহ্যিক সংযোগ

• আদা খান সম্পৰ্কে ইণ্টাৰনেট মুভি ডাটাবেছত থকা তথ্য।
• ইনষ্টাগ্ৰামত আদা খান