আন্না
| আন্না | |
|---|---|
| পৰিচালক | লুক বেচন |
| ৰচনা | লুক বেচন |
| প্ৰযোজক |
|
| অভিনয়ত |
|
| চিত্ৰগ্ৰহণকাৰী | থিয়েৰী আৰ্বোগষ্ট |
| সম্পাদনা | জুলিয়ান ৰে’ |
| সংগীত পৰিচালক | এৰিক চেৰা |
প্ৰযোজনা কোম্পানীসমূহ |
|
| পৰিবেশক |
|
মুক্তি |
২১ জুন ২০১৯ (US) ১০ জুলাই ২০১৯ (France) |
দৈৰ্ঘ্য |
১১৯ মিনিট[1] |
| দেশসমূহ | ফ্ৰান্স আমেৰিকা যুক্তৰাষ্ট্ৰ |
| ভাষাসমূহ | ইংৰাজী[1] ৰাছিয়ান |
| বাজেট | ৩ কোটি ডলাৰ[2][3] |
| সৰ্বমুঠ আয় | ৩.১৬ কোটি ডলাৰ[4][3] |
আন্না (ইংৰাজী: ANИA হিচাপে শৈলীগতভাৱে লিখা) হৈছে ২০১৯ চনৰ এখন একচন থ্ৰিলাৰ চলচ্চিত্ৰ। লুক বেচনে এই ছবিখনৰ কাহিনী লিখাৰ লগতে ইয়াৰ প্ৰযোজনা আৰু পৰিচালনাও কৰিছে। ছবিখনত চাশা লুচে নামভূমিকাত এগৰাকী হত্যাকাৰীৰ চৰিত্ৰত অভিনয় কৰিছে আৰু তেওঁৰ সৈতে লুক ইভানচ, চিলিয়ান মাৰ্ফী, হেলেন মিৰেন আৰু আলেকজেণ্ডাৰ পেট্ৰভক দেখা পোৱা গৈছে।
এই ফৰাচী প্ৰডাকচনখন ২০১৯ চনৰ ২১ জুনত আমেৰিকা যুক্তৰাষ্ট্ৰত চামিট এণ্টাৰটেইনমেণ্টৰ দ্বাৰা আৰু ২০১৯ চনৰ ১০ জুলাইত ফ্ৰান্সত পাথে ডিষ্ট্ৰিবিউচনৰ দ্বাৰা ছবিগৃহত মুক্তি দিয়া হৈছিল। ছবিখনে সমালোচকৰ পৰা মিশ্ৰিত সঁহাৰি লাভ কৰিছিল আৰু ৩ কোটি ডলাৰৰ বাজেটেৰে বিশ্বজুৰি ৩.১ কোটি ডলাৰ উপাৰ্জন কৰিছিল।
কাহিনী
[সম্পাদনা কৰক]১৯৯০ চনত,[5] আন্না নামৰ এগৰাকী যুৱতী ৰাছিয়ান মহিলা ঘৰুৱা হিংসাৰ চিকাৰ হয় আৰু তেওঁ আৱদ্ধ হৈ থকা জীৱনটোৰ পৰা বাচি আহিবলৈ যিকোনো কাম কৰিবলৈ সাজু থাকে। কে.জি.বি.ৰ এজেণ্ট এলেক্সে আন্নাৰ দুৰ্দশাৰ কথা জানিব পাৰে আৰু তেওঁক ফিল্ড এজেণ্ট হিচাপে নিযুক্তি দিয়ে। এবছৰীয়া প্ৰশিক্ষণৰ পিছত তেওঁক কোৱা হয় যে পৰৱৰ্তী চাৰি বছৰ ধৰি তেওঁ জ্যেষ্ঠ পৰিচালক ওলগাৰ অধীনত কাম কৰিব লাগিব; মুঠ পাঁচ বছৰ সম্পূৰ্ণ হোৱাৰ পিছত তেওঁক সংস্থাটোৰ পৰা অব্যাহতি দিয়া হ’ব আৰু তেওঁ নতুনকৈ জীৱন আৰম্ভ কৰিব পাৰিব। ছোভিয়েট ইউনিয়নৰ পতনৰ পিছত নতুনকৈ নামকৰণ কৰা এছ.ভি.আৰ.-আৰ.এফ.ৰ সঞ্চালক ভাচিলিয়েভে মূল চুক্তিখন মানি ল’বলৈ অস্বীকাৰ কৰে; কাৰণ তেওঁ বিশ্বাস কৰে যে অৱসৰৰ একমাত্ৰ পথ হ’ল মৃত্যু।
আন্নাই এগৰাকী ফেশ্বন মডেলৰ পৰিচয় লৈ পেৰিছত পেছাদাৰী জীৱন আৰম্ভ কৰে আৰু একে সময়তে বিভিন্ন অভিযান আৰু হত্যাকাণ্ডৰ কাম সম্পূৰ্ণ কৰে। সন্দেহ দূৰ কৰিবলৈ ওলগাৰ অনুমতি সাপেক্ষে তেওঁ সহযোগী মডেল মডৰ সৈতে এক লেচবিয়ান সম্পৰ্কত আৱদ্ধ হয়। যেতিয়া চি.আই.এ.-এ তেওঁৰ প্ৰকৃত পৰিচয় বিচাৰি পায়, তেতিয়া তেওঁ ৰাজনৈতিক আশ্ৰয় আৰু হাৱাইত নতুন জীৱনৰ প্ৰতিশ্ৰুতিৰ বিনিময়ত এজেণ্ট লিঅ’নাৰ্ড মিলাৰৰ অধীনত এগৰাকী ডাবল এজেণ্ট হিচাপে কাম কৰিবলৈ সন্মত হয়। মিলাৰে তেওঁক আমেৰিকা বিৰোধী ভাচিলিয়েভক হত্যা কৰাৰ দায়িত্ব দিয়ে, কাৰণ চি.আই.এ.-এ বিশ্বাস কৰে যে যিয়েই তেওঁৰ উত্তৰাধিকাৰী হ’ব তেওঁ আমেৰিকা-ৰাছিয়াৰ সম্পৰ্ক উন্নত কৰিব। আন্নাই দবা খেলি থকা অৱস্থাতে ভাচিলিয়েভক হত্যা কৰে আৰু লুবিয়াংকা ভৱনৰ পৰা গুলীচালনা কৰি বাহিৰলৈ ওলাই আহে।
ইয়াৰ পিছত তেওঁ এলেক্স আৰু মিলাৰ উভয়ৰে সৈতে এক বৈঠকৰ আয়োজন কৰে। তেওঁ পূৰ্বে চুৰি কৰা তথ্যসমূহ প্ৰত্যেককে ওভতাই দিয়ে যদিও ইংগিত দিয়ে যে তথ্যৰ এটা কপি তেওঁৰ ওচৰত আছে আৰু তেওঁৰ কিবা অনিষ্ট হ’লে সেয়া ৰাজহুৱা কৰি দিয়া হ’ব। এলেক্সে তেওঁক কয় যে তথ্যবোৰ ৬ মাহৰ পিছত পুৰণি আৰু মূল্যহীন হৈ পৰিব, কিন্তু আন্নাই উত্তৰ দিয়ে যে ৬ মাহৰ স্বাধীনতাই তেওঁৰ বাবে জীৱনৰ আটাইতকৈ ডাঙৰ অভিজ্ঞতা হ’ব। মিলাৰ আৰু এলেক্স দুয়ো নিজৰ তথ্য গ্ৰহণ কৰিবলৈ মান্তি হয় আৰু মিলাৰে আন্নাক যিমান দিন পাৰে সিমান দিনৰ বাবে অন্তৰ্ধান হ’বলৈ অনুমতি দিয়ে, যদিও এলেক্স কিছু অনিচ্ছুক আছিল। সভাৰ এলেকাটো নিৰীক্ষণত আছিল আৰু ওলগাই বৈঠকখন চাই আছিল। আন্নাই বৈঠক ত্যাগ কৰাৰ কিছু সময়ৰ পিছতে ওলগাই তেওঁক ধৰি পেলায় আৰু ৰাছিয়ান ফেডাৰেচনৰ সৈতে বিশ্বাসঘাতকতা কৰাৰ বাবে গুলীয়াই হত্যা কৰে। মিলাৰ আৰু এলেক্সে ইজনে সিজনক লক্ষ্য কৰি বন্দুক টোঁৱাই থাকে আৰু এলেক্সে মিলাৰক আন্নাক সহায় কৰিবলৈ বাধা দিয়ে। তাৰ পিছত মিলাৰে আন্না জীয়াই থকাৰ ভিডিঅ’ প্ৰমাণ ল’বলৈ চেষ্টা কৰে যদিও তেওঁ কৰাৰ আগতেই চিকিৎসা কৰ্মীয়ে তেওঁৰ মৃতদেহটো লৈ যায়। অৱশ্যে দেখা যায় যে সেই "আন্না" গৰাকী আচলতে এগৰাকী ডাবল (একে চেহেৰাৰ আন এজন ব্যক্তি) আছিল; প্ৰকৃত আন্নাই নৰ্দমাৰ পাইপেৰে সোমাই নিজৰ কাপোৰ সলায় আৰু মুণ্ডিত মূৰৰ পৰা উইগটো সোলোকাই আন্ধাৰত হেৰাই যায়।
পিছত প্ৰকাশ পায় যে ওলগাই আগতেই আন্নাক জনাইছিল যে চি.আই.এ.-এ ভাচিলিয়েভক হত্যা কৰাৰ পৰিকল্পনা কৰিছে। ওলগাই ভাচিলিয়েভৰ স্থান ল’ব বিচৰা বাবে দুয়োগৰাকী মহিলাই চি.আই.এ.-ৰ পৰিকল্পনা অনুসৰি কাম কৰিবলৈ ষড়যন্ত্ৰ কৰিছিল। যেতিয়া ওলগাই ভাচিলিয়েভৰ পুৰণি কাৰ্যালয়ত প্ৰৱেশ কৰে, তেতিয়া তেওঁ আন্নাই থৈ যোৱা এটা ৰেকৰ্ড কৰা বাৰ্তা দেখে। আন্নাই ওলগাৰ প্ৰতি কৃতজ্ঞতা প্ৰকাশ কৰে যদিও লগতে কয় যে ওলগাই যদি কেতিয়াবা তেওঁলোকৰ চুক্তি ভংগ কৰে, তাৰ বাবে তেওঁ ভাচিলিয়েভৰ হত্যাকাণ্ডত ওলগাৰ জড়িত থকাৰ প্ৰমাণ হাতত ৰাখিছে। ওলগাই প্ৰশংসাৰ হাঁহি মাৰে আৰু এছ.ভি.আৰ.-ৰ চৰকাৰী ফাইলৰ পৰা আন্নাৰ তথ্যসমূহ ডিলিট কৰি দিয়ে।
অভিনয় শিল্পী
[সম্পাদনা কৰক]- চাশা লুচ: আন্না পোলিয়াটোভা[6]
- হেলেন মিৰেন: ওলগা[6]
- লুক ইভানচ: আলেকজেণ্ডাৰ "এলেক্স" চেনকভ[6]
- চিলিয়ান মাৰ্ফী: লিঅ’নাৰ্ড মিলাৰ[6]
- লেৰা আবোভা: মড
- আলেকজেণ্ডাৰ পেট্ৰভ: পিঅ’টৰ
- নিকিতা পাভলেঙ্কো: ভ্লাদ
- আন্না ক্ৰিপ্পা: নিকা
- আলেকসেই মাচলডুডভ: জিমী
- এৰিক গোডন: ভাচিলিয়েভ[6]
- ইভান ফ্ৰাভেক: মোচান
- জিন-বেপ্টিষ্ট পুৱেচ: চাম্মী
- নাস্তিয়া ষ্টেন: ভুৱা আন্না
- এণ্ড্ৰু হাৱাৰ্ড: ওলেগ ফিলেনকভ
নিৰ্মাণ
[সম্পাদনা কৰক]২০১৭ চনৰ ৯ অক্টোবৰত বাতৰি ওলাইছিল যে লুক বেচনৰ পৰৱৰ্তী ছবি হ’ব আন্না, য’ত নৱাগতা চাশা লুচৰ লগতে হেলেন মিৰেন, লুক ইভানচ আৰু চিলিয়ান মাৰ্ফীয়ে অভিনয় কৰিব। ইউৰোপাকৰ্পে ছবিখন প্ৰযোজনা কৰিছিল আৰু লায়ন্সগেটে তেওঁলোকৰ চামিট এণ্টাৰটেইনমেণ্ট লেবেলৰ অধীনত বিতৰণৰ কাম চম্ভালিছিল।[6]
২০১৭ চনৰ নৱেম্বৰৰ আৰম্ভণিতে বেলগ্ৰেডত ছবিখনৰ মূল চিত্ৰগ্ৰহণ আৰম্ভ হয়। ছবিখনৰ অন্যান্য দৃশ্যগ্ৰহণৰ স্থানসমূহ আছিল পেৰিছ, মস্কো,[7][8][9] মিলান আৰু গুয়াডেলোপ।
সংগীত
[সম্পাদনা কৰক]২০১৯ চনৰ ১৯ জুলাইত চামিট এণ্টাৰটেইনমেণ্টে এৰিক চেৰাই ৰচনা কৰা মূল চাউণ্ডট্ৰেক মুকলি কৰে।[10] চাউণ্ডট্ৰেকত অন্তৰ্ভুক্ত নোহোৱা অতিৰিক্ত সংগীতকো ছবিখনত ব্যৱহাৰ কৰা হৈছে।[11]
মুক্তি
[সম্পাদনা কৰক]ছবিখন ২০১৯ চনৰ ২১ জুনত আমেৰিকা যুক্তৰাষ্ট্ৰত মুক্তি দিয়া হৈছিল।[12] ২০১৯ চনৰ ১০ ছেপ্টেম্বৰত ই ডিজিটেল এইছ.ডি.-ত আৰু ২০১৯ চনৰ ২৪ ছেপ্টেম্বৰত ডি.ভি.ডি., ব্লু-ৰে’ আৰু আল্ট্ৰা এইছ.ডি. ব্লু-ৰে’ত মুক্তি পায়।[13]
সঁহাৰি
[সম্পাদনা কৰক]বক্স অফিচ
[সম্পাদনা কৰক]আন্না-ই আমেৰিকা যুক্তৰাষ্ট্ৰ আৰু কানাডাত ৭৭ লাখ ডলাৰ আৰু অন্যান্য অঞ্চলত ২ কোটি ৩৯ লাখ ডলাৰ উপাৰ্জন কৰি বিশ্বজুৰি মুঠ ৩ কোটি ১৬ লাখ ডলাৰ সংগ্ৰহ কৰে।[4]
আমেৰিকা যুক্তৰাষ্ট্ৰ আৰু কানাডাত ছবিখন চাইল্ডচ প্লে আৰু টয় ষ্ট’ৰী ৪-ৰ সৈতে একেলগে মুক্তি পাইছিল আৰু ইয়াৰ প্ৰথম সপ্তাহত ২,১৫০ টা ছবিগৃহৰ পৰা ২০-৪০ লাখ ডলাৰ উপাৰ্জন কৰাৰ আশা কৰা হৈছিল।[2] ছবিখনে প্ৰথম দিনাই ১৪ লাখ ডলাৰ উপাৰ্জন কৰিছিল। ই প্ৰথম সপ্তাহান্তত মুঠ ৩৫ লাখ ডলাৰ সংগ্ৰহ কৰি বক্স অফিচত ১১ নম্বৰ স্থানত আছিল।[14][15]
সমালোচকৰ সঁহাৰি
[সম্পাদনা কৰক]ৰটেন টমেটোজত ছবিখনে সমালোচকৰ পৰা মিশ্ৰিত সঁহাৰি লাভ কৰিছে। চাইটটোৰ সমালোচনাত্মক সহমতত কোৱা হৈছে যে, "আন্না-ত কাহিনীকাৰ-পৰিচালক লুক বেচনক তেওঁৰ পৰিচিত শৈলীত দেখা গৈছে, কিন্তু এই ধৰণৰ একচন ছবিৰ অনুৰাগীসকলে এই সকলোবোৰ আগতেও দেখিছে - আৰু ইয়াতকৈ উন্নত ৰূপত দেখিছে।"[16] মেটাক্ৰিটিকত ছবিখনে ১০০-ৰ ভিতৰত ৪০ স্ক’ৰ লাভ কৰিছে, যিটোৱে "মিশ্ৰিত বা গড়" সঁহাৰিক সূচায়।[17] চিনেমা-স্ক’ৰৰ সমীক্ষাত দৰ্শকে ছবিখনক এ-প্লাচৰ পৰা এফ-ৰ স্কেলত "বি-প্লাচ" গ্ৰেড দিছে।[14]
ভেৰাইটি-ৰ পিটাৰ ডিব্ৰুজে লিখিছে, "আন্না-ই প্ৰমাণ কৰে যে বেচন ২০ বছৰ আগতে যি এজন চলচ্চিত্ৰ নিৰ্মাতা আছিল, আজিও তেওঁ সেয়াই হৈ আছে। তেওঁৰ চৰিত্ৰটোৰ বিপৰীতে, যিয়ে যিকোনো পৰিস্থিতিৰ লগত খাপ খাই পৰে, বেচনে একে ধৰণৰ কাহিনীকে বাৰে বাৰে কৈ আহিছে।"[18]
দ্য গ্ল’ব এণ্ড মেইল-ৰ ব্ৰেড হুইলাৰে ছবিখনক "এক প্ৰায়-পেৰডী নন-থ্ৰিলাৰ" বুলি অভিহিত কৰিছে আৰু ইয়াৰ কাহিনীৰ গাঁথনিৰ সমালোচনা কৰি কৈছে: "আন্না এক টাইম-চিফটিং গাঁথনিৰ ওপৰত নিৰ্ভৰশীল যিটো অত্যন্ত ক্লান্তিকৰ।"[19]
মুভি নেচনৰ সমালোচক ৰজাৰ মুৰে ছবিখনক চাৰিটা তৰাৰ ভিতৰত ডেৰটা তৰা দি লিখিছে: "বেচনৰ এই শেহতীয়া ছবিত বহুত বিৰক্তিকৰ আৰু দুৰ্বল দিশ আছে যিবোৰে ছবিখন নষ্ট কৰি পেলাইছে।"
তথ্যসূত্ৰ
[সম্পাদনা কৰক]- 1 2 "Anna (15) - BBFC". British Board of Film Classification. 4 June 2019. https://www.bbfc.co.uk/release/anna-film-qxnzzxq6vlgtote1nduz। আহৰণ কৰা হৈছে: 8 November 2020.
- 1 2 D'Alessandro, Anthony; Tartaglione, Nancy (18 June 2019). "'Toy Story 4' Will Cure Summer Sequelitis With $260M Global Infinity-And-Beyond Bow". Deadline Hollywood. https://deadline.com। আহৰণ কৰা হৈছে: 18 June 2019.
- 1 2 "Anna (2019)". The Numbers. https://www.the-numbers.com/movie/Anna-(France)-(2019)#tab=summary। আহৰণ কৰা হৈছে: 1 November 2019.
- 1 2 "Anna (2019)". IMDbBox Office Mojo. https://www.boxofficemojo.com/movies/?id=anna2019.htm। আহৰণ কৰা হৈছে: 20 July 2020.
- ↑ "Anna movie review & film summary (2019)". rogerebert.com. June 21, 2019. https://www.rogerebert.com/reviews/anna-2019। আহৰণ কৰা হৈছে: December 17, 2021.
- 1 2 3 4 5 6 Justin Kroll; Elsa Keslassy (9 October 2017). "Luc Besson Sets Next Film Anna With Helen Mirren, Luke Evans (EXCLUSIVE)". Variety. https://variety.com.
- ↑ "Luc Besson Debuts the First Anna Photo from the Set". ComingSoon.net. 5 November 2017. http://www.comingsoon.net.
- ↑ "'When Nikita meets Leon': Luke Besson starts filming 'Anna'". The Malay Mail Online. 7 November 2017. http://www.themalaymailonline.com.
- ↑ "JURNJAVA PO BEOGRADSKIM ULICAMA: Pogledajte scenu koju je Lik Beson snimio u glavnom gradu Srbije" (sr ভাষাত). 29 November 2017. https://www.telegraf.rs.
- ↑ "Anna (Original Motion Picture Soundtrack)". iTunes. https://music.apple.com। আহৰণ কৰা হৈছে: 18 September 2019.
- ↑ "Anna (2019) Soundtrack". Soundtrack.net. https://www.soundtrack.net। আহৰণ কৰা হৈছে: 18 September 2019.
- ↑ McClintock, Pamela (10 April 2019). "Lionsgate Dates Luc Besson's 'Anna' for High-Profile Summer Release". The Hollywood Reporter. https://www.hollywoodreporter.com। আহৰণ কৰা হৈছে: 10 April 2019.
- ↑ McCrae, Phil (27 August 2019). "Anna Release Date". DVDs Release Dates. https://www.dvdsreleasedates.com। আহৰণ কৰা হৈছে: 27 August 2019.
- 1 2 D'Alessandro, Anthony (23 June 2019). "'Toy Story 4': Disney Leaves Money On The Table Stateside With $118M Debut, But Grabs $238M Global Opening Record For Animated Pic". Deadline Hollywood. https://deadline.com। আহৰণ কৰা হৈছে: 24 June 2019.
- ↑ Keslassy, Elsa (25 July 2019). "Luc Besson's 'Anna' Flops at French Box Office, Adding to Pressure on EuropaCorp". Variety. https://variety.com.
- ↑ "Anna (2019)". Fandango MediaRotten Tomatoes. 21 June 2019. https://www.rottentomatoes.com। আহৰণ কৰা হৈছে: সাঁচ:RT data.
- ↑ "Anna (2019) Reviews". CBS InteractiveMetacritic. https://www.metacritic.com। আহৰণ কৰা হৈছে: 27 June 2019.
- ↑ Debruge, Peter (21 June 2019). "'Anna' Review: Sasha Luss's Big Shot Overshadowed by Controversy". Variety. https://variety.com। আহৰণ কৰা হৈছে: 23 June 2019.
- ↑ Brad Wheeler (June 20, 2019). "Review: Luc Besson's spy slop Anna shows the true mark of an unprofessional". প্ৰকাশক Toronto: The Globe and Mail. https://www.theglobeandmail.com। আহৰণ কৰা হৈছে: August 18, 2019.
বাহ্যিক সংযোগ
[সম্পাদনা কৰক]- আন্না সম্পৰ্কে ইণ্টাৰনেট মুভি ডাটাবেছত থকা তথ্য।