আলীৰেজা গাছেমী

আলীৰেজা গাছেমী
স্থানীয় নাম	علیرضا قاسمی
জন্ম	২৯ অক্টোবৰ, ১৯৯০ (৩৫ বছৰ) তেহৰাণ, ইৰান
শিক্ষা	তেহৰাণ কলা বিশ্ববিদ্যালয়
পেচা	চলচ্চিত্ৰ নিৰ্মাতা

আলীৰেজা গাছেমী (জন্ম: ১৯৯০) এগৰাকী ইৰানীয় চিত্ৰনাট্যকাৰ, চলচ্চিত্ৰ পৰিচালক আৰু প্ৰযোজক। তেওঁ মূলতঃ ইন দা লেণ্ড অৱ ব্ৰাদাৰ্ছ চলচ্চিত্ৰখন পৰিচালনা কৰাৰ বাবে পৰিচিত, যাৰ বাবে তেওঁ ছাণ্ডান্স চলচ্চিত্ৰ মহোৎসৱত পৰিচালনাৰ বঁটা লাভ কৰিছিল।

প্ৰাৰম্ভিক জীৱন আৰু শিক্ষা

গাছেমীয়ে তেহৰাণ কলা বিশ্ববিদ্যালয়ৰপৰা স্নাতক ডিগ্ৰী লাভ কৰে, য’ত তেওঁ চলচ্চিত্ৰ বিষয়ত অধ্যয়ন কৰিছিল। পৰৱৰ্তী সময়ত তেওঁ জাৰ্মানীৰ ফিল্ম একাডেমী বাডেন-ৱুৰ্টেমবাৰ্গত অধ্যয়ন কৰে। ইয়াৰ উপৰি তেওঁ কান চিনেমা ডি ডেমেইন (২০১৮) আৰু বাৰ্লিনেল টেলেণ্টছ (২০২২)-ৰ এজন প্ৰাক্তন ছাত্ৰ।

কৰ্মজীৱন

গাছেমীয়ে প্ৰথমবাৰৰ বাবে তেওঁৰ হ্ৰস্বদৈৰ্ঘ্য চলচ্চিত্ৰ লাঞ্চ টাইম (২০১৭)-ৰ জৰিয়তে আন্তঃৰাষ্ট্ৰীয় স্বীকৃতি লাভ কৰে, যিখন ৭০সংখ্যক কান চলচ্চিত্ৰ মহোৎসৱত হ্ৰস্বদৈৰ্ঘ্য চলচ্চিত্ৰৰ পাম ডি অ’ৰ বঁটাৰ বাবে মনোনীত হৈছিল। পিছলৈ তেওঁ কেইবাখনো হ্ৰস্বদৈৰ্ঘ্য চলচ্চিত্ৰ পৰিচালনা আৰু সহ-লেখন কৰে, যাৰ ভিতৰত আছিল বেটাৰ দেন নীল আৰ্মষ্ট্ৰং (২০১৯), এক্সট্ৰা চচ (২০২০) আৰু ছলাৰ ইক্লিপ্স (২০২১)। এই কৰ্মৰাজি বহুতো চলচ্চিত্ৰ মহোৎসৱত প্ৰদৰ্শিত হৈছিল আৰু ইয়াৰ অভিনৱ কাহিনীভাগ আৰু বিষয়-বস্তুৰ গভীৰতাৰ বাবে সমালোচকৰ প্ৰশংসা লাভ কৰিছিল।

চলচ্চিত্ৰ নিৰ্মাণৰ উপৰি গাছেমী চলচ্চিত্ৰ মহোৎসৱৰ আয়োজনৰ সৈতেও সক্ৰিয়ভাৱে জড়িত আছিল। তেওঁ ২০১৪ চনত ১১সংখ্যক নাহাল আন্তঃৰাষ্ট্ৰীয় হ্ৰস্বদৈৰ্ঘ্য চলচ্চিত্ৰ মহোৎসৱৰ পৰিচালক হিচাপে কাৰ্যনিৰ্বাহ কৰিছিল আৰু ২০১৫ চনত গ্ল’ব আন্তঃৰাষ্ট্ৰীয় নিৰ্বাক চলচ্চিত্ৰ মহোৎসৱ প্ৰতিষ্ঠা কৰিছিল। ২০২১ চনত তেওঁক ইৰানীয় হ্ৰস্বদৈৰ্ঘ্য চলচ্চিত্ৰ একাডেমী বঁটা (আইএছএফএ বঁটা)-ৰ পৰিচালক হিচাপে নিযুক্ত কৰা হয়, যিয়ে ইৰানত হ্ৰস্বদৈৰ্ঘ্য চলচ্চিত্ৰ আৰু চলচ্চিত্ৰ নিৰ্মাতাসকলৰ স্বীকৃতিৰ ক্ষেত্ৰত অধিক অৱদান যোগায়।

তেওঁৰ প্ৰথম পূৰ্ণদৈৰ্ঘ্য চলচ্চিত্ৰ ইন দা লেণ্ড অৱ ব্ৰাদাৰ্ছ (২০২৪) ছাণ্ডান্স চলচ্চিত্ৰ মহোৎসৱত প্ৰদৰ্শিত হয় আৰু ৱৰ্ল্ড চিনেমা প্ৰতিযোগিতা শাখাত শ্ৰেষ্ঠ পৰিচালনাৰ বঁটা লাভ কৰে।

বাহ্যিক সংযোগ

• Alireza Ghasemi সম্পৰ্কে ইণ্টাৰনেট মুভি ডাটাবেছত থকা তথ্য।