আলী আছগাৰী

আলী আছগাৰী
২০২৫ চনত আছগাৰী
জন্ম	২৫ জুলাই, ১৯৮২ (৪৪ বছৰ) তেহৰান, ইৰান
পেচা	চলচ্চিত্ৰ পৰিচালক, চিত্ৰনাট্যকাৰ, প্ৰযোজক

আলী আছগাৰী (ফাৰ্চী :علی عسگری; জন্ম: ২৫ জুলাই ১৯৮২) এগৰাকী ইৰানী চলচ্চিত্ৰ পৰিচালক, চিত্ৰনাট্যকাৰ আৰু প্ৰযোজক।

জীৱন আৰু কৰ্মজীৱন

তেহৰাণত জন্মগ্ৰহণ কৰা আছগাৰীয়ে ২০০৭ চনত ইছলামিক আজাদ বিশ্ববিদ্যালয়ৰ পৰা স্নাতক ডিগ্ৰী লাভ কৰাৰ পিছত ইটালীলৈ চলচ্চিত্ৰ অধ্যয়ন কৰিবলৈ যায়। কেইবাখনো চুটি ছবি পৰিচালনা কৰাৰ পিছত, তেওঁ ২০১৬ চনত ইন দ্য ছেম গাৰ্ডেন নামৰ এনথ’লজী বা সংকলিত চলচ্চিত্ৰখনৰ এটা খণ্ড পৰিচালনা কৰে।

আছগাৰীয়ে ২০১৭ চনত ডিছএপিয়াৰেন্স চলচ্চিত্ৰখনেৰে এককভাৱে পূৰ্ণদৈৰ্ঘ্য ছবিৰ পৰিচালক হিচাপে আত্মপ্ৰকাশ কৰে। এই ছবিখনৰ প্ৰথম প্ৰদৰ্শনী ৭৪ তম ভেনিছ আন্তৰ্জাতিক চলচ্চিত্ৰ উৎসৱৰ অৰিজণ্টি (হৰাইজনছ) শাখাত হৈছিল আৰু পিছলৈ ৪২ তম টৰন্টো চলচ্চিত্ৰ উৎসৱতো প্ৰদৰ্শিত হৈছিল। ২০২২ চনত তেওঁৰ পৰিচালিত আণ্টিল টুমৰো ছবিখন ৭২ তম বাৰ্লিন আন্তৰ্জাতিক চলচ্চিত্ৰ উৎসৱত প্ৰদৰ্শিত হয়। আলীৰেজা খাতামীৰ সৈতে যুটীয়াভাৱে পৰিচালনা কৰা তেওঁৰ ব্যংগাত্মক চলচ্চিত্ৰ টেৰেষ্ট্ৰিয়েল ভাৰ্চেছ ২০২৩ চনৰ কান চলচ্চিত্ৰ উৎসৱৰ আন চাৰ্টেইন ৰিগাৰ্ড শাখাত অন্তৰ্ভুক্ত হৈছিল। কিন্তু কান উৎসৱৰ পৰা ইৰাণলৈ উভতি অহাৰ পিছতে আছগাৰীৰ পাছপ’ৰ্ট সাময়িকভাৱে বাজেয়াপ্ত কৰা হয় আৰু তেওঁক আন কোনো চলচ্চিত্ৰ পৰিচালনা কৰাৰ ক্ষেত্ৰত নিষেধাজ্ঞা আৰোপ কৰা হয়।

২০২৫ চনত আছগাৰীয়ে ডিভাইন কমেডী নামৰ ছবিখন পৰিচালনা কৰে। এই ছবিখন ৮২ তম ভেনিছ চলচ্চিত্ৰ উৎসৱৰ অৰিজণ্টি প্ৰতিযোগিতাৰ বাবে নিৰ্বাচিত হৈছিল।

বাহ্যিক সংযোগ

• আলী আছগাৰী সম্পৰ্কে ইণ্টাৰনেট মুভি ডাটাবেছত থকা তথ্য।