আশা পুথলী
আশা পুথলী | |
|---|---|
_(53836760022)_(cropped).jpg) ২০২৪ চনত পুথলী | |
| পৃষ্ঠভূমি | |
| জন্ম | ৪ ফেব্ৰুৱাৰী, ১৯৪৫ (৮১ বছৰ) বোম্বাই, ব্ৰিটিছ ভাৰত (বৰ্তমান মুম্বাই, মহাৰাষ্ট্ৰ, ভাৰত) |
| সংগীতৰ ধৰণ | জাজ, পপ, ডিস্ক’, ইলেক্ট্ৰ’নিকা |
| পেচা | গায়িকা |
| সক্ৰিয়তাৰ বছৰ | ১৯৭০–বৰ্তমান |
| লেবেল | চিবিএছ/চনী, পলিগ্ৰাম, টিকে, অটোবান, টপ অৱ দ্য ৱৰ্ল্ড |
| ৱেবছাইট | theashaputhli |
আশা পুথলী (ইংৰাজী: Asha Puthli; জন্ম: ৪ ফেব্ৰুৱাৰী, ১৯৪৫) এগৰাকী ভাৰতীয় গায়িকা-গীতিকাৰ, প্ৰযোজক আৰু অভিনেত্ৰী।
পুথলীয়ে ভাৰতীয়-জাপানীজ ফিউজন গীতৰ এটা ডেমো টেপ আৰু নৃত্যৰ জলপানী লৈ মুম্বাইৰপৰা নিউয়ৰ্কলৈ গৈছিল। ১৯৭০ চনত তেওঁ চিবিএছ ৰেকৰ্ডছৰ সৈতে চুক্তিবদ্ধ হয় আৰু পৰৱৰ্তী সময়ত কেইবাখনো একক এলবাম মুক্তি দিয়ে। দ্য নিউয়ৰ্ক টাইমছ-এ তেওঁক "ফিউজনৰ অগ্ৰগামী" বুলি প্ৰশংসা কৰিছে। তেওঁৰ গীতসমূহত ব্লুজ, পপ, ৰক, চ’ল, ফংক, ডিস্ক’ আৰু টেক্ন’ সংগীতৰ সংমিশ্ৰণ দেখা যায়।[1] ইয়াৰ উপৰি তেওঁ ইছমাইল মাৰ্চেণ্ট, জেমছ আইভৰী আৰু ব্ৰুনো কৰ্বুচিয়ে নিৰ্মাণ কৰা ছবিত অভিনয় কৰিছিল। ২০২৫ চনত পুথলীক 'ৱমেন চংৰাইটাৰ্ছ হল অৱ ফেম'ত অন্তৰ্ভুক্ত কৰা হয়।[2]
প্ৰাৰম্ভিক জীৱন আৰু শিক্ষা
[সম্পাদনা কৰক]১৯৪৫ চনৰ ৪ ফেব্ৰুৱাৰীত এটা হিন্দু পৰিয়ালত পুথলীৰ জন্ম হৈছিল। তেওঁৰ পিতৃ এজন ব্যৱসায়ী আছিল আৰু মাতৃ আছিল গৃহিণী।[3] তেওঁলোকে ভাৰতৰ স্বাধীনতা আন্দোলনত অংশ লৈছিল আৰু 'বোম্বে উলিন মিলছ'ৰ গৰাকী আছিল।[4] তেওঁৰ মাহীয়েক আছিল ভাৰতীয় স্বাধীনতা সংগ্ৰামী কমলাদেৱী চট্টোপাধ্যায়।[5]
সেই সময়ৰ বহু উচ্চ-মধ্যবিত্ত হিন্দু শিশুৰ দৰেই তেওঁ ইংৰাজী মাধ্যমৰ কেথলিক স্কুলত অধ্যয়ন কৰিছিল।[6] পুথলীয়ে সৰুৰেপৰাই ভাৰতীয় শাস্ত্ৰীয় সংগীত আৰু অপেৰাৰ প্ৰশিক্ষণ লৈছিল। তেওঁ ৰেডিঅ’ত জাজ আৰু পপ সংগীত শুনিছিল, যাৰ ফলত তেওঁ 'ফিউজন'ৰ প্ৰতি আগ্ৰহী হৈ পৰিছিল।[7] তেৰ বছৰ বয়সত তেওঁ এটা প্ৰতিযোগিতাত বিজয়ী হৈছিল য’ত তেওঁ "মালাগুৱেনিয়া" গীতটো গাইছিল। এই বিজয়ে তেওঁক স্থানীয় 'টি ডান্স'বোৰত এটা জাজ বেণ্ডৰ সৈতে সংগীত পৰিৱেশন কৰিবলৈ উৎসাহিত কৰিছিল। বেদ মেহতাই তেওঁৰ 'পৰ্ট্ৰেইট অৱ ইণ্ডিয়া' নামৰ কিতাপখনত আশাৰ সংগীতৰ বৰ্ণনা দিছে। তেওঁ মুম্বাইৰ এখন বিশ্ববিদ্যালয়ত শিক্ষা গ্ৰহণ কৰিছিল।[8]
ব্যক্তিগত জীৱন
[সম্পাদনা কৰক]১৯৭০ চনত যেতিয়া তেওঁৰ আমেৰিকাৰ ছাত্ৰ ভিছাৰ ম্যাদ শেষ হ’বলৈ ধৰিছিল, পুথলীয়ে নিউয়ৰ্কৰ মিউজিয়াম অৱ মডাৰ্ন আৰ্টৰ বাহিৰত এজন ব্যক্তিক লগ পাই বিবাহৰ প্ৰস্তাৱ দিছিল। জৰ্জ ষ্টিলৱাগন নামৰ সেই বিমূৰ্ত চিত্ৰশিল্পীজন মান্তি হৈছিল, কিন্তু তেওঁ আছিল এজন "স্বীকাৰোক্তি দিয়া সমকামী," আৰু তেওঁলোকৰ বৈবাহিক সম্পৰ্ক স্থাপন হোৱা নাছিল।[9] পৰৱৰ্তী সময়ত তেওঁ মাৰ্ক গোল্ডস্মিটৰ সৈতে বিবাহপাশত আবদ্ধ হয় আৰু ১৯৮১ চনত তেওঁলোকৰ বিবাহ বিচ্ছেদ হোৱাৰ পূৰ্বে ১৯৭৫ চনৰ ফেব্ৰুৱাৰী মাহত এটি পুত্ৰ সন্তান জন্ম হয়।[4]
তথ্যসূত্ৰ
[সম্পাদনা কৰক]- ↑ Powers, Ann (April 30, 2001). "Critic's Notebook; From India, Many Sounds, All Pulling Inward". The New York Times. https://www.nytimes.com/2001/04/30/arts/critic-s-notebook-from-india-many-sounds-all-pulling-inward.html। আহৰণ কৰা হৈছে: 4 August 2018.
- ↑ Grein, Paul (2025-06-18). "Janis Ian, Brenda Russell, Vicki Peterson & More to Be Honored by Women Songwriters Hall of Fame" (en-US ভাষাত). Billboard. https://www.billboard.com/music/awards/women-songwriters-hall-of-fame-2025-ceremony-janis-ian-1236003007/। আহৰণ কৰা হৈছে: 2025-06-22.
- ↑ Khurana, Suanshu (10 February 2019). "Asha Puthli: Lady sings the blues". The Indian Express. https://indianexpress.com/article/express-sunday-eye/lady-sings-the-blues-5574449/.
- 1 2 Kappal, Bhanuj (2024-06-27). "At 79, musician Asha Puthli is gearing up to hit the road for her first world tour in 40 years" (en-IN ভাষাত). GQ India. https://www.gqindia.com/content/at-79-musician-asha-puthli-is-gearing-up-to-hit-the-road-for-her-first-world-tour-in-40-years। আহৰণ কৰা হৈছে: 2025-06-21.
- ↑ Kothari, Sunil (29 October 2018). "Asha Puthli: jazz legend comes to Mumbai to spellbind music lovers". The Asian Age. https://www.pressreader.com/india/the-asian-age/20181029/281852939564547.
- ↑ Montague, Joe. "Asha Puthli Is In The Studio Recording Once Again". Riveting Riffs. http://www.rivetingriffs.com/Asha%20Puthli.html। আহৰণ কৰা হৈছে: 19 March 2021.
- ↑ Marmorstein, Gary (2007). The label: The story of Columbia Records. Thunder's Mouth Press. ISBN 978-1-56025-707-3.
- ↑ Murchison, Gayle (2015). "Puthli, Asha" (en ভাষাত). Grove Music Online. doi:10.1093/gmo/9781561592630.article.A2276309. ISBN 978-1-56159-263-0. https://www.oxfordmusiconline.com/grovemusic/view/10.1093/gmo/9781561592630.001.0001/omo-9781561592630-e-1002276309। আহৰণ কৰা হৈছে: 2021-05-18.
- ↑ Short, Don (1973-06-05). "Love, life and all that jazz". Daily Mirror: পৃষ্ঠা 10. https://www.newspapers.com/article/daily-mirror-asha-puthli-love-life-and/175598851/.
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত Asha Puthli সম্পৰ্কীয় মিডিয়া ফাইল আছে। |