আশু দেৱ

আশু দেৱ (১৯১৭-১৯৮৩): এগৰাকী প্ৰখ্যাত চিত্ৰশিল্পী। অসমৰ শিল্প চৰ্চাত গুৰুত্বপূৰ্ণ ভূমিকা আগবঢ়াই থৈ গৈছে। আশু দেৱ এজন চিত্ৰকৰ, ভাস্কৰ্য আৰু এজন কলা শিক্ষাবিদ আছিল। তেখেতে বাংলাদেশৰ জেছৌৰ আত আৰু খুলনাৰ কেইবাটাও কটন মিলত, আহমেদাবাদত, ইনষ্টিটিউট গুৱাহাটীত বস্ত্ৰ ডিজাইনাৰ হিচাপে কাম কৰিছিল।

প্ৰাৰম্ভিক জীৱন

আশু দেৱৰ জন্ম হৈছিল ১৯১৭ চনৰ ১৩ ডিচেম্বৰত ধুবুৰীত I পিতৃৰ নাম আছিল উমেশ চন্দ্ৰ দেৱ আত আৰু মাতৃৰ নাম আছিল কদম্বিনী দেৱ। পিতৃ উমেশ চন্দ্ৰ দেৱে গুৱাহাটীৰ কটন কলেজিয়েট এইচ এছ স্কুলত অধ্যয়ন কৰি পাছলৈ বাংলাদেশ আৰু ভাৰতৰ বিভিন্ন মিলত বস্ত্ৰ ডিজাইনাৰ কাম কৰাৰ লগতে গুৱাহাটীৰ আসম বস্ত্ৰ প্ৰতিষ্ঠানত যোগদান দিয়ে।

কৰ্মজীৱন

• জীৱেশ্বৰ বৰুৱাৰ দৰে অসমৰ শিল্পচৰ্চাৰ পৰিৱেশ ৰচনাত সক্ৰিয় ভূমিকা লোৱা আশু দেৱ ১৯৭৬ চনত স্থাপিত গুৱাহাটী আৰ্টিষ্ট গীল্ডৰ প্ৰতিষ্ঠাপক সভাপতি আছিল।
• পাণবজাৰত স্থাপিত গুৱাহাটী আৰ্ট স্কুলৰ এগৰাকী শিক্ষক আছিল।

প্ৰকাশিত কাম

আশুদেৱে স্থানীয় নাট্যদলৰ সৈতে মঞ্চ নাটতো অভিনয় কৰিছিল। তেওঁৰ নাটকসমূহ আছিল 'তাশ্বেৰ দেশ', 'মাষ্টাৰ মোছাই'।

প্ৰদৰ্শনী অনুষ্ঠান

1. ১৯৫২ চনৰ এপ্ৰিল মাহ : সৰ্বেশ্বৰ চক্ৰৱৰ্তীৰ উদ্যোগত গুৱাহাটী, ন্যায়াধীশ হলীৰাম ডেকাৰ উদ্বোধনী আৰু ড° বি বৰুৱাৰ সভাপতিত্বত, কামৰূপ একাডেমী প্ৰেক্ষাগৃহ, গুৱাহাটী।
2. ১৯৫৮ চনৰ ছেপ্টেম্বৰত : শিলচৰত পত্নী শ্ৰীমতী বেলা দেৱৰ সৈতে যৌথভাৱে শিলচৰ ৰটাৰী ক্লাবৰ উদ্যোগত আৰু স্থানীয় হিন্দুস্তান ষ্টেণ্ডাৰ্ড চৌহদত, অসমৰ মুখ্যমন্ত্ৰী বিমলা প্ৰসাদ চলিহাই উদ্বোধন কৰে।
3. ১৯৬৫ চনৰ ডিচেম্বৰ: ভাৰত - ছোভিয়েট কালচাৰেল ছ'চাইটি, অসমৰ উদ্যোগত আৰু ৰাজ্যিক কেন্দ্ৰীয় পুথিভঁৰালত অসম আৰু নাগালেণ্ডৰ গৱৰ্ণৰ বিষ্ণু সহায়ৰ উদ্বোধনী দ্য ষ্টেট চেণ্ট্ৰেল লাইব্ৰেৰী,শ্বিলঙ্ত।
4. নৱেম্বৰ ১৯৬৭: গুৱাহাটী আৰ্টিষ্ট গিল্ডৰ সহযোগত আয়োজন কৰা আৰু অসমৰ গুৱাহাটী ভাগৱতী প্ৰসাদ বৰুৱা ভৱনৰ ষ্টেট আৰ্ট গেলেৰীত কমল নাৰায়ণ চৌধুৰীয়ে উদ্বোধন কৰে।
5. ১৯৬৯ চনৰ ফেব্ৰুৱাৰী: ISCUS ইণ্ডো ছোভিয়েট কালচাৰেল ছ'চাইটি, অসমৰ উদ্যোগত, শিৱসাগৰ।
6. ১৯৬৯ চনৰ এপ্ৰিল: অইল ইণ্ডিয়াৰ অধ্যক্ষ শ্ৰী দেৱকান্ত বৰুৱাই উদ্বোধন কৰে, দুলীয়াজান ক্লাব হাউচ, দুলীয়াজান I
7. ডিচেম্বৰ ১৯৭৭ : গুৱাহাটী আৰ্টিষ্ট গিল্ডৰ সহযোগত আৰু অসমৰ গুৱাহাটী ভাগৱতী প্ৰসাদ বৰুৱা ভৱনৰ ষ্টেট আৰ্ট গেলেৰীত কমল নাৰায়ণ চৌধুৰীয়ে উদ্বোধন কৰে।
8. ১৯৭৯ চনৰ মে মাহত হাউচ অৱ ছোভিয়েট কালছাৰৰ উদ্যোগত অল ইণ্ডিয়া ফাইন আৰ্টছ এণ্ড ক্ৰাফ্টছ ছ'চাইটিৰ সহযোগত, নতুন দিল্লী I

মৃত্যু

আশু দেৱক বুকুৰ বিষৰ অভিযোগত ১৯৮৩ চনৰ ৫ ফেব্ৰুৱাৰীৰ নিশা ৯ বজাত গুৱাহাটী নাৰ্চিং হোমত ভৰ্তি কৰোৱা হয়। ১৯৮৩ চনৰ ৬ ফেব্ৰুৱাৰীৰ পুৱা ৬:৩৬ বজাত হঠাৎ আশু দেৱৰ মৃত্যু হয়।