ইউৰেনি নোশিকা
| ইউৰেনি নোশিকা යුරේනි නොෂිකා | |
|---|---|
.jpg) ১৫ সংখ্যক ৰাইগাম টেলিছ বঁটা প্ৰদান অনুষ্ঠানত নোশিকা | |
| জন্ম | ২৯ জানুৱাৰী, ১৯৮ (১,৮২৮ বছৰ) বৰেল্লা, শ্ৰীলংকা |
| শিক্ষানুষ্ঠান | মেথডিষ্ট কলেজ |
| পেচা |
|
| সক্ৰিয় হৈ থকা সময় | ২০০৭–বৰ্তমান |
| উল্লেখযোগ্য কৰ্ম | কুম্বিয়’ |
| ৱেবছাইট | |
| www | |
ইউৰেনি নোশিকা গুণশেখৰা (জন্ম: ২৯ জানুৱাৰী ১৯৮৪) এগৰাকী শ্ৰীলংকান চলচ্চিত্ৰ আৰু টেলিভিছনৰ অভিনেত্ৰীৰ লগতে এগৰাকী গায়িকা আৰু সংবাদ মাধ্যমৰ ব্যক্তিত্ব। মিছ ৱৰ্ল্ড প্ৰতিযোগিতাৰ বাবে মিছ শ্ৰীলংকা খিতাপ জয় কৰি নোশিকাৰ কেৰিয়াৰ আৰম্ভ হৈছিল আৰু টেলিভিছন তথা চলচ্চিত্ৰ জগতত প্ৰৱেশ কৰাৰ পূৰ্বে তেওঁ বিজ্ঞাপন জগতত কাম কৰিছিল।
প্ৰাৰম্ভিক জীৱন
[সম্পাদনা কৰক]নোশিকাৰ জন্ম হৈছিল শ্ৰীলংকাৰ বৰেল্লাত। তেওঁ পৰিয়ালৰ একমাত্ৰ সন্তান আছিল। খ্ৰীষ্টান ধৰ্মৰ মাজত ডাঙৰ-দীঘল হোৱা নোশিকা কলম্বোৰ মেথডিষ্ট কলেজত অধ্যয়ন কৰিছিল। তেওঁ আইনৰ কেৰিয়াৰ অনুসৰণ কৰিবলৈ অৰ্হতা অৰ্জন কৰি আছিল যদিও অভিনয়ৰ প্ৰতি থকা দায়বদ্ধতাৰ বাবে বৰ্তমান সেইটো স্থগিত ৰাখিছে।
কেৰিয়াৰ
[সম্পাদনা কৰক]ইউৰেনি নোশিকা কেৰিয়াৰৰ আৰম্ভণিতে ডাইলগ এক্সিয়াটাত কল চেণ্টাৰ অপাৰেটৰ হিচাপে কাম কৰিছিল। নোশিকা ২০০৬ চনত দেৰাণা টিভিৰ দ্বাৰা আয়োজিত "মডেলছ অফ দ্য নিউ জেনেৰেচন" প্ৰতিযোগিতাত বিজয়ী হৈছিল আৰু পৰ্যটন বিশ্ব প্ৰতিযোগিতাত শ্ৰীলংকাক প্ৰতিনিধিত্ব কৰিছিল। অভিনয় আৰু সংগীতৰ প্ৰতি থকা তেওঁৰ সম্ভাৱনা স্পষ্ট আছিল আৰু তেওঁ আইনৰ কেৰিয়াৰ বাদ দি এই ক্ষেত্ৰত আগবাঢ়িবলৈ সিদ্ধান্ত লয়। কোকা-কোলা আৰু নেচলেৰ দৰে বহুতো টেলিভিছন বিজ্ঞাপনত অভিনয় কৰাৰ পিছত তেওঁক কিন্দুৰাংগনা নামৰ টেলিড্ৰামাত অভিনয় কৰিবলৈ নিৰ্বাচিত কৰা হয়। এইখন আছিল হিন্দী টেলিভিছন ধাৰাবাহিক কচম চেৰ শ্ৰীলংকান ৰূপান্তৰ। এইটো ভাৰতৰ বালাজী টেলিফিল্মছ আৰু শ্ৰীলংকাৰ মহাৰাজা সংস্থাৰ এক যৌথ উদ্যোগ আছিল।
পৰৱৰ্তী সময়ত তেওঁ কিন্দুৰাংগনা, চন্দা চাক্কি, অৰোৰা, চিহিনা চিণ্ড্ৰেলা, অয়াল আৰু পিংগলাদানৌৱাৰ দৰে বহুতো টেলিভিছন ধাৰাবাহিকত অভিনয় কৰিছে।[1] নোশিকা ২০০৯ চনত চলচ্চিত্ৰ জগতত প্ৰৱেশ কৰে আৰু নিনো লাইভ বোলছবিৰ অন্যতম মুখ্য চৰিত্ৰত অভিনয়ৰ সুযোগ পায়। এই ছবিখনে সমালোচকৰ প্ৰশংসা লাভ কৰাৰ লগতে ব্যৱসায়িকভাৱেও সফল হয়। ইয়াৰ উপৰিও তেওঁ ৰাইগাম টেলিছত শ্ৰেষ্ঠ সহ-অভিনেত্ৰীৰ বঁটাও লাভ কৰে।[2]
২০১৫ চনত তেওঁ চাৰী পোটৰ জৰিয়তে সংগীত জগতত প্ৰৱেশ কৰে আৰু ২০১৭ চনত তেওঁৰ দ্বিতীয়টো গীত চিইং গাম (ৱাগে কল্লো) মুক্তি দিয়ে। ইয়াৰ উপৰিও তেওঁ ৰাছ বোলছবিত অতিথি শিল্পী হিচাপে অভিনয় কৰিছিল আৰু কাচুন পথিৰানাৰ প্ৰথম ছবি নাইট ৰাইডাৰত মুখ্য চৰিত্ৰত অভিনয় কৰিছিল।[2]
তথ্যসূত্ৰ
[সম্পাদনা কৰক]- ↑ "මං සංකරත් නැහැ සංවරත් නැහැ". Sarasaviya. http://www.sarasaviya.lk/2013/11/28/?fn=sa1311281। আহৰণ কৰা হৈছে: 1 November 2017.
- 1 2 "I have no special relationship with anyone: Yureni". සරසවිය. 2022-08-11. https://www.sarasaviya.lk/interviews/2022/08/11/23648/%E0%B6%9A%E0%B7%8F-%E0%B6%91%E0%B6%9A%E0%B7%8A%E0%B6%9A%E0%B7%80%E0%B6%AD%E0%B7%8A-%E0%B6%B8%E0%B6%9C%E0%B7%9A-%E0%B7%80%E0%B7%92%E0%B7%81%E0%B7%9A%E0%B7%82-%E0%B7%83%E0%B6%B6%E0%B6%B3%E0%B6%AD%E0%B7%8F-%E0%B6%B1%E0%B7%90%E0%B7%84%E0%B7%90। আহৰণ কৰা হৈছে: 2022-08-17.
বাহ্যিক সংযোগ
[সম্পাদনা কৰক] |
ৱিকিমিডিয়া কমন্সত ইউৰেনি নোশিকা সম্পৰ্কীয় মিডিয়া ফাইল আছে। |