ইছাম আব্দুলহাদী
ইছাম আব্দুলহাদী (ইংৰাজী: Issam Abdulhadi, ১৯২৮–১৬ আগষ্ট ২০১৩) এগৰাকী বঁটা বিজয়ী পেলেষ্টাইনী মহিলা অধিকাৰ কৰ্মী আছিল।[1] ১৯৬৫ চনৰ জুলাই মাহত পেলেষ্টাইনী মহিলাৰ সাধাৰণ সংঘৰ সভানেত্ৰী হিচাপে নিৰ্বাচিত হয়।
প্ৰাৰম্ভিক জীৱন
[সম্পাদনা কৰক]১৯২৮ চনত নাবলুছত জন্মগ্ৰহণ কৰা তেখেতে আ’ইছিয়েহ স্কুলত আৰু পিছলৈ ৰামাল্লাৰ ফ্ৰেণ্ডছ স্কুলত শিক্ষা গ্ৰহণ কৰে।.[2][3]
কৰ্মজীৱন
[সম্পাদনা কৰক]১৯৪৯ চনত আব্দুলহাদীয়ে পশ্চিম তীৰত পেলেষ্টাইনী মহিলাৰ কাৰ্য্যকলাপৰ জৰিয়তে নিজৰ কৰ্মজীৱন আৰম্ভ কৰে। ১৯৬৪ চনৰ জুন মাহত পেলেষ্টাইনী মহিলাৰ সাধাৰণ সংঘ আনুষ্ঠানিকভাৱে প্ৰতিষ্ঠা হোৱা প্ৰথমখন পেলেষ্টাইনী ৰাষ্ট্ৰীয় পৰিষদত অংশগ্ৰহণ কৰে। ১৯৪৯ চনত নাবলাছত আৰব মহিলা সংঘৰ সচিব প্ৰধান নিৰ্বাচিত হয়। ১৯৬৫ চনৰ জুলাই মাহলৈকে তেওঁ পেলেষ্টাইনী মহিলাৰ সাধাৰণ সংঘৰ সভানেত্ৰী হিচাপে নিৰ্বাচিত হয়।[1][2]
কাৰাগাৰত
[সম্পাদনা কৰক]১৯৬৯ চনৰ এপ্ৰিল মাহত আব্দুলহাদীক ইজৰাইলী বাহিনীয়ে কাৰাগাৰত ভৰাই দিয়ে আৰু তাৰ পিছত জেৰুজালেমৰ চাৰ্চ অৱ হলি চেপুলচাৰত ধৰ্ণা আৰু অনশনৰ ব্যৱস্থা কৰাৰ পিছত কন্যা ফাইহা আব্দুল হাদীক বিতাড়িত কৰে, য'ত তেওঁ গাজাত ইজৰাইলী সেনাই কৰা মহিলা হত্যাৰ প্ৰতিবাদ কৰি আহিছিল।.[2][3]
নিৰ্বাসন
[সম্পাদনা কৰক]আব্দুলহাদীয়ে জৰ্ডানৰ আম্মানত থকা চেভ জেৰুজালেম কমিটীৰ জৰিয়তে কাম কৰিছিল। ১৯৭৪ চনৰ ভিতৰত তেওঁ পেলেষ্টাইনী কেন্দ্ৰীয় পৰিষদত নিযুক্তি লাভ কৰে, আৰু তাৰ পিছত তেওঁ লেবাননত পেলেষ্টাইনী মহিলাৰ সাধাৰণ সংঘ পুনৰ প্ৰতিষ্ঠা কৰে। ইয়াৰ পিছত তেওঁ ১৯৭৫ চনত মেক্সিকো চহৰত অনুষ্ঠিত হোৱা মহিলা সম্পৰ্কীয় প্ৰথম বিশ্ব সন্মিলনত পেলেষ্টাইনী প্ৰতিনিধি দলৰ নেতৃত্ব দিয়ে।[1][2]
১৯৮১ চনৰ ভিতৰত তেওঁ আৰব মহিলাৰ সাধাৰণ সংঘৰ সভানেত্ৰী নিৰ্বাচিত হয় আৰু তাৰ পিছত ১৯৮১–৯২ চনলৈকে আন্তৰ্জাতিক গণতান্ত্ৰিক মহিলা সংঘৰ উপ-সভানেত্ৰী নিৰ্বাচিত হয়।[2]
১৯৯৩ চনত তেওঁক আন ৩০ জন নেতাৰ সৈতে পশ্চিম পাৰলৈ উভতি যাবলৈ অনুমতি দিয়া হয়[2]।[3]
তথ্যসূত্ৰ
[সম্পাদনা কৰক]- ↑ 1.0 1.1 1.2 Alberto, Vieceli (2005), 1000 Peacewomen Across the Globe, Scalo, ISBN 3039390392
- ↑ 2.0 2.1 2.2 2.3 2.4 2.5 ABDUL HADI, ISSAM (1928–2013), Palestinian Academic Society for the Study of International Affairs, archived from the original on 27 November 2023, https://web.archive.org/web/20231127224548/http://passia.org/personalities/28, আহৰণ কৰা হৈছে: 27 November 2023
- ↑ 3.0 3.1 3.2 Eight Palestinian Women Nominated for Noble Prize 2005, MIFTAH, 2005, http://www.miftah.org/display.cfm?DocId=7831&CategoryId=5, আহৰণ কৰা হৈছে: 15 July 2018