ইণ্ডিয়ান লিটাৰেশ্যাৰ
| সম্পাদক | সৃকৃতা পল কুমাৰ |
|---|---|
| পূৰ্বৰ সম্পাদক | অন্তৰা দেৱশৰ্মা |
| প্ৰকাশক | সাহিত্য অকাদেমি |
| প্ৰথম সংখ্যা | ১ অক্টোবৰ, ১৯৫৭ |
| দেশ | ভাৰত |
| ভাষা | ইংৰাজী |
| ISSN সংখ্যা | 0019-5804 |
ইণ্ডিয়ান লিটাৰেশ্যাৰ (ইংৰাজী: Indian Literature) সাহিত্য অকাদেমিয়ে প্ৰকাশ কৰা ইংৰাজী ভাষাৰ এখন দুমহীয়া সাহিত্য আলোচনী৷[1] আলোচনীখনত ইংৰাজী ভাষাৰ মৌলিক লেখাৰ লগতে ভাৰতীয় তেইছটা ভাষাৰ কবিতা, চুটি গল্প, নাটক, প্ৰবন্ধ, ভ্ৰমণ কাহিনী, সাক্ষাৎকাৰ, উপন্যাস আৰু আত্মজীৱনীৰ অংশ আৰু গ্ৰন্থ সমালোচনাৰ ইংৰাজী অনুবাদ প্ৰকাশ পায়৷[1]
ইতিহাস
[সম্পাদনা কৰক]ইণ্ডিয়ান লিটাৰেশ্যাৰ নিয়মীয়াকৈ প্ৰকাশ পাই থকা ভাৰতৰ অন্যতম পুৰণি সাহিত্য আলোচনী৷ আলোচনীখনৰ প্ৰথম সংখ্যাটো প্ৰকাশ পাইছিল ১৯৫৭ চনৰ ১ অক্টোবৰত৷[2] প্ৰথমে আলোচনীখন ছমহীয়া আছিল৷ ১৯৬৬ চনৰপৰা আলোচনীখন তিনিমহীয়াকৈ প্ৰকাশ পাবলৈ লয়৷ ১৯৭৯ চনৰপৰাহে আলোচনীখন দুমহীয়াকৈ প্ৰকাশ পাবলৈ লয়৷ ২੦੦৭ চনত আলোচনীখনে পঞ্চাছ বছৰ সম্পূৰ্ণ কৰে৷ আলোচনীখনে ভূমুকি মৰাৰ সময়ত বাৰ্ষিক গ্ৰাহক বৰঙণিৰ পৰিমাণ আছিল ২.৫੦ টকা৷[2] প্ৰথম সম্পাদনা সমিতিখন এছ ৰাধাকৃষ্ণণ আৰু হুমায়ুন কবীৰক সদস্য আৰু কে আৰ কৃপালনিক সম্পাদক হিচাপে লৈ গঠিত হৈছিল৷ ১৯৬৫ চনৰপৰা সম্পাদনা সমিতিখনৰ উপৰি এগৰাকী ব্যক্তিক স্বতন্ত্ৰ সম্পাদকৰ দায়িত্ব প্ৰদান কৰা হয়৷ প্ৰথমগৰাকী স্বতন্ত্ৰ সম্পাদক আছিল লোকনাথ ভট্টাচাৰ্য৷[3] বৰ্তমান আলোচনীখনৰ সম্পাদক হ’ল সৃকৃতা পল কুমাৰ৷
আলোচনীখনৰ সম্পাদকসকল[1]
[সম্পাদনা কৰক]- কে আৰ কৃপালনি -- ১৯৫৭-১৯৬৫
- লোকনাথ ভট্টাচাৰ্য -- ১৯৬৫-১৯৭২
- কেশৱ মালিক – ১৯৭২-১৯৮৪
- এছ. বালু ৰাও – ১৯৮৪-১৯৮৮
- এছ প জৈন (অনাৰেৰী সম্পাদক) – ১৯৮৮
- ডি এচ ৰাও – ১৯৮৮-১৯৯১
- জে এম মহান্তি – ১৯৯১-১৯৯২
- কে সৎচিদানন্দন – ১৯৯২-১৯৯৭
- এইচ এচ শিৱপ্ৰকাশ – ১৯৯৮-২੦੦২
- নিৰ্মলকান্তি ভট্টাচাৰ্য –২੦੦২-২੦੦৭
- এ জে থমাছ – ২੦੦৭-২੦੦৮
- কে সৎচিদানন্দন (অতিথি সম্পাদক) – ২੦੦৮-২੦১੦
- সুবোধ সৰকাৰ – ২੦১੦-২੦১১
- এ জে থমাছ – ২੦১১-২੦১৩
- যশোধৰা মিশ্ৰ – ২੦১৩-২੦১৫
- সুবোধ সৰকাৰ – ২੦১৫-২੦১৬
- এ জে থমাছ (অতিথি সম্পাদক) –২੦১৬-২੦২੦
- অন্তৰা দেৱশৰ্মা – ২੦২১-২੦২১
- সুকৃতা পল কুমাৰ – ২੦২২-