ইনি এডো

ইনি এডো
জন্ম	ইনিঅবং এডো একিম ২৩ এপ্ৰিল, ১৯৮২ (৪৩ বছৰ) অকৱা ইবম, নাইজেৰিয়া
ৰাষ্ট্ৰীয়তা	নাইজেৰিয়ান
শিক্ষানুষ্ঠান	উয়ো বিশ্ববিদ্যালয় কালাবাৰ বিশ্ববিদ্যালয় নাইজেৰিয়াৰ ৰাষ্ট্ৰীয় মুক্ত বিশ্ববিদ্যালয়
পেচা	অভিনেত্ৰী
সক্ৰিয় হৈ থকা সময়	২০০০-বৰ্তমানলৈকে
দাম্পত্যসঙ্গী	ফিলিপ এহিআগাৱানা (২০০৮-২০১৩)(বিচ্ছেদিত)
সন্তান	১

ইনিঅবং এডো একিম(ইংৰাজী: Iniobong Edo Ekim; জন্ম: ২৩ এপ্ৰিল ১৯৮২) আকোৱা ইবোম ৰাজ্যৰ এগৰাকী প্ৰবীণ নাইজেৰিয়ান অভিনেত্ৰী। ২০০০ চনত ইনি ইডোৱে নিজৰ চলচ্চিত্ৰ কেৰিয়াৰ আৰম্ভ কৰে, আৰু এতিয়ালৈকে তেওঁ ২০০ খনতকৈও অধিক চিনেমাত অভিনয় কৰিছে৷ ২০১৩ চনত ইনি এডো মিছ ব্লেক আফ্ৰিকা ইউ কে পেজেণ্ট হিচাপে বিবেচিত হয়৷ তেওঁ ডে৯জাস্পিৰিট টেলেণ্ট হাণ্টৰ বিচাৰক আছিল। ২০১৪ চনত মিছ ইনি এডোক ৰাষ্ট্ৰসংঘই আৱাসিক যুৱ দূত হিচাপে নিযুক্তি দিয়ে।

প্ৰাৰম্ভিক জীৱন আৰু শিক্ষা

নাইজেৰিয়াৰ দক্ষিণ-দক্ষিণ অংশত অৱস্থিত আকোৱা ইবোম ৰাজ্যৰ ইবিবিঅ’ হৈছে ইনি এডো। তেওঁৰ মাক স্কুলৰ শিক্ষয়িত্ৰী আছিল, আৰু দেউতাক আছিল গীৰ্জাৰ জ্যেষ্ঠ। ইনি এডোৰ লালন-পালন কঠোৰ ধৰণেৰে হৈছিল৷ তেওঁ চাৰিটা সন্তানৰ ভিতৰত দ্বিতীয়জন আছিল৷ তেওঁলোকৰ পৰিয়ালত তিনিজনী ছোৱালী আৰু এজন ল’ৰা। নাইজেৰিয়াৰ উয়োৰ কৰ্নেলিয়া কনেলি কলেজত তেওঁ পঢ়িছিল। উয়ো বিশ্ববিদ্যালয়ৰ পৰা তেওঁ স্নাতক ডিগ্ৰী লাভ কৰেআৰু তাৰ পৰাই তেওঁ নাট্য কলাত ডিপ্লমা লাভ কৰে। ইয়াৰ উপৰিও তেওঁ কালাবাৰ বিশ্ববিদ্যালয়ত স্নাতক ডিগ্ৰী লাভ কৰে য'ত তেওঁ ইংৰাজী অধ্যয়ন কৰে। ২০১৪ চনত নাইজেৰিয়াৰ নেচনেল অ'পেন ইউনিভাৰ্চিটিত আইন অধ্যয়নৰ বাবে বৃত্তি লাভ কৰে।

কৰ্মজীৱন

২০০০ চনত থিক মেডামত অভিষেক ঘটাই তেওঁৰ অভিনয় কেৰিয়াৰ আৰম্ভ হয়৷ ইনি ইডোক তেওঁ অংশগ্ৰহণ কৰা অডিচনত এজন প্ৰযোজকে আৱিষ্কাৰ কৰিছিল। ২০০৪ চনত ৱৰ্ল্ড এপাৰ্টত অভিনয় কৰি তেওঁৰ অগ্ৰগতি লাভ কৰিছিল। ১০০ খনতকৈও অধিক ছবিত তেওঁ অভিনয় কৰিছে। "While You Slept" চিনেমাত অভিনয় কৰাৰ বাবে তেওঁ ১১ সংখ্যক আফ্ৰিকা চলচ্চিত্ৰ একাডেমী বঁটাত "শ্ৰেষ্ঠ মুখ্য অভিনেত্ৰী"ৰ মনোনয়ন লাভ কৰে

ইনি এডোৱে অৱশ্যে ২০১৭ চনত স্পষ্ট কৰি দিছিল যে কঠোৰ পৰিশ্ৰম, আনন্দ আৰু নিষ্ঠাইহে নলীউড উদ্যোগত শীৰ্ষস্থান দখল কৰিব পাৰে৷ কাৰণ ইয়াত বহুতো বিবিধতা আছে। কিন্তু তেওঁ উৎসাহিত কৰিছিল যে দৃঢ়তা থাকিলে কোনোবা তাত উপনীত হ'ব পাৰিব।

তেওঁ গণতান্ত্ৰিক প্ৰতিষ্ঠানৰ কাৰ্যকাৰিতা উন্নত কৰাৰ বাবে কাম কৰা এন জি অ' নেচনেল ডেম'ক্ৰেটিক ইনষ্টিটিউট (NDI)ক ৰাষ্ট্ৰদূত হিচাপে প্ৰতিনিধিত্ব কৰে।

২০২৩ চনত ইনি এডোৱে ২০২৩ চনৰ নাইজেৰিয়ান ক্ৰাইম থ্ৰিলাৰ শ্বেণ্টিটাউন প্ৰযোজনা কৰে৷ থ্ৰিলাৰখন ২০২৩ চনৰ ২০ জানুৱাৰীত নেটফ্লিক্সত মুক্তি হয়।

ব্যক্তিগত জীৱন

২০০৮ চনত ইনি এডোৱে আমেৰিকান ব্যৱসায়ী ফিলিপ ইহিয়াগৱিনাৰ সৈতে বিবাহপাশত আবদ্ধ হয়। ছবছৰৰ পিছত ২০১৪ চনৰ ছেপ্টেম্বৰ মাহত এই বিবাহৰ অন্ত পৰে। ২০২১ চনত ইনি এডোৰ প্ৰথম সন্তান, ছাৰোগেছিৰ জৰিয়তে এগৰাকী ছোৱালী জন্ম হয়

সমাজহিতকৰ কৰ্ম

তেখেত GEMS (Girls Empowerment Mentorship Scheme) AFRICA ৰ প্ৰতিষ্ঠাপক, যিটো বেচৰকাৰী সংস্থাই বিভিন্ন ক্ষেত্ৰত যুৱতীসকলক সহায় কৰিবলৈ নিৰ্মিত আৰু মেণ্টৰশ্বিপ, দক্ষতা আহৰণ, আৰু সহায় প্ৰদান কৰে। জেমছ আফ্ৰিকাৰ জৰিয়তে তেওঁ উদ্যোগৰ এক ব্যাপক প্ৰেক্ষাপটত লাখৰো অধিক আফ্ৰিকান ছোৱালীৰ জীৱন স্পৰ্শ কৰিবলৈ সক্ষম হৈছে।