ইন্দিৰা অনন্ত মায়দেও

ইন্দিৰা অনন্ত মায়দেও
প্ৰথম লোকসভাৰ সদস্য, পুণে দক্ষিণ
কাৰ্যকাল ১৯৫১ – ১৯৫৭
পূৰ্বসূৰী	নতুন সমষ্টি
উত্তৰসূৰী	নাৰায়ণ গণেশ গোৰে
ব্যক্তিগত তথ্য
জন্ম	৭ ছেপ্টেম্বৰ, ১৯০৩
ৰাজনৈতিক দল	ভাৰতীয় জাতীয় কংগ্ৰেছ

ইন্দিৰা অনন্ত মায়দেও (ইংৰাজী: Indira Anant Maydeo) ভাৰতীয় জাতীয় কংগ্ৰেছৰ সদস্য হিচাপে প্ৰথম লোকসভাত পুনে-দক্ষিণক প্ৰতিনিধিত্ব কৰা এগৰাকী ভাৰতীয় সংসদ সদস্য আছিল।

প্ৰাৰম্ভিক জীৱন

১৯০৩ চনৰ ৭ ছেপ্টেম্বৰত জন্মগ্ৰহণ কৰা মায়দেৱে ফাৰ্গুচন কলেজত পঢ়িছিল আৰু তাৰ পৰাই তেওঁ বিজ্ঞান শাখাত স্নাতক ডিগ্ৰী ডিগ্ৰী লাভ কৰিছিল।

কৰ্মজীৱন

ভাৰতৰ স্বাধীনতা আন্দোলনৰ লগত মায়দেও সক্ৰিয়ভাৱে জড়িত আছিল। ভাৰতীয় জাতীয় কংগ্ৰেছ (আইএনচি)ৰ তেওঁ সদস্য আছিল। ১৯৩৩ চনত তেওঁ হৰিজন সেৱক সংঘৰ মহাৰাষ্ট্ৰ বিভাগত যোগদান কৰে। ইন্দিৰা মায়দেও সেইসময়ত পুনেত (তেতিয়াৰ বম্বেত) দলটোৰ আটাইতকৈ বিশিষ্ট মহিলা সদস্য আছিল৷ স্বাধীন ভাৰতৰ প্ৰথম সাধাৰণ নিৰ্বাচন অনুষ্ঠিত হোৱাৰ সময়ত কংগ্ৰেছে তেওঁক পুনে দক্ষিণ সমষ্টিৰ আনুষ্ঠানিক প্ৰাৰ্থী হিচাপে গ্ৰহণ কৰিছিল। তেওঁ প্ৰায় ৬৪% ভোট লাভ কৰি সমাজবাদী পাৰ্টিৰ প্ৰাৰ্থী শ্ৰীধৰ লিমায়েক পৰাস্ত কৰি সদনত পুনেৰ প্ৰথমগৰাকী মহিলা প্ৰতিনিধি হিচাপে পৰিগণিত হয়। সেইটো অভিলেখ এতিয়াও তেওঁৰ দখলতে আছে৷ সংসদৰ সদস্য হিচাপে তেওঁ লোকসভাত বিবাহ বিচ্ছেদ সম্পৰ্কে এখন বিধেয়ক আনিছিল যদিও সেইখনৰ বিষয়ে আলোচনা নহ’ল আৰু শেষত ম্যাদ উকলি গ’ল। ১৯৫২ চনত মায়দেও ভাৰতীয় ৰাষ্ট্ৰীয় ছাত্ৰ সংঘৰ সভাপতি হয়।

ব্যক্তিগত জীৱন

১৯২৭ চনত ইন্দিৰা মায়দেৱে অনন্ত গোবিন্দ মায়দেওৰ সৈতে বিবাহপাশত আবদ্ধ হয়৷ তেওঁলোকৰ এজন পুত্ৰ আৰু তিনিগৰাকী কন্যা সন্তান জন্ম হয়।