ইলোজী

ইলোজী (ইলোবা)
গ্ৰামদেৱতা
ইলোজীৰ মূৰ্তি
প্ৰতীকসমুহ	দীঘলীয়া যৌনাঙ্গ
উৎসৱ	হোলী

ইলোজী বা ইলোবা (ইংৰাজী: Eloji) হৈছে এগৰাকী গ্ৰাম-দেৱতা (গাঁৱৰ দেৱতা) বা লোকদেৱতা৷ ৰাজস্থানৰ গাঁৱে গাঁৱে ইলোজীৰ মূৰ্তি দেখিবলৈ পোৱা যায়৷ তেওঁক হিৰণ্যকশিপুৰ ভগ্নী হোলিকাৰ প্ৰেমিক বুলি কোৱা হয়৷ তেওঁক গোঁফ থকা এজন বলৱান পুৰুষ হিচাপে দেখুওৱা হয়; যিয়ে যিকোনো চক বা ধনীৰ কেন্দ্ৰত তেওঁৰ দীঘলীয়া যৌনাঙ্গ প্ৰদৰ্শন কৰাৰ লগতে মুখত গৌৰৱৰ চাৱনি এটা লৈ আৰামত বহি আছে। পবিত্ৰ দিনবোৰত, গাওঁবাসীয়ে ঢোলৰ দৰে লোক বাদ্যযন্ত্ৰ বজোৱাৰ লগতে (গৈৰ নৃত্য নামেৰে জনাজাত) ইলোজীৰ যৌন শক্তিৰ প্ৰশংসাত বহুতো গীত গায়।

আচাৰ-অনুষ্ঠান

পুৰুষসকলে তেওঁক যৌন শক্তি লাভৰ বাঞ্ছাৰে পূজা কৰে আৰু মহিলাসকলে তেওঁক পুত্ৰ সন্তান লাভ কৰাৰ বাঞ্ছাৰে পূজা কৰে। হোলীৰ দিনা যেতিয়া পুৰুষসকলে ফাগ নামেৰে জনাজাত, হোলী গীতবোৰ গায় যিবোৰ তেওঁলোকৰ যৌন সাফল্যৰ বৰ্ণনা কৰা গীত, তেতিয়া বিবাহিতা মহিলাসকলে ইলোজীৰ ওচৰলৈ যায়, তেওঁক প্ৰণাম কৰে, তেওঁৰ দীঘলীয়া যৌনাঙ্গটো ভয়তে স্পৰ্শ কৰে আৰু ইজনীয়ে সিজনীক জোকায়, হাঁহি-ধেমালি কৰে। ই এক আনন্দদায়ক আৰু উল্লাসজনক পৰম্পৰা।

নৱবিবাহিত দম্পতীয়ে ইলোজীক শ্ৰদ্ধা নিবেদন কৰে। কইনাই ইলোজীক সাৱটি ধৰে কাৰণ প্ৰতিগৰাকী মহিলাৰ ওপৰত তেওঁৰ প্ৰথম অধিকাৰ আছে। প্ৰতিগৰাকী কইনাৰ বাবে তেওঁ শ্ৰেষ্ঠ পুৰুষ।

ইয়াৰ উপৰিও, ই ব্ৰহ্মাণ্ডক নিয়ন্ত্ৰণ কৰা যৌন শক্তিক সন্মান জনোৱাৰ এক উপায়৷

হোলী

হোলী হৈছে পশু প্ৰবৃত্তি পৰিত্যাগ আৰু স্বীকৃতিৰ উৎসৱ। ভাৰতীয় সমাজত যৌনতা সাধাৰণতে নিষিদ্ধ; প্ৰেম বা যৌন ইচ্ছাৰ ৰাজহুৱা অভিব্যক্তিৰ নিন্দা কৰা হয়। তথাপিও খাজুৰাহো আৰু তন্ত্ৰৰ দৰে পৰম্পৰাই যৌনতাক ব্যক্তিৰ আধ্যাত্মিক যাত্ৰাত আত্ম-বাস্তৱায়নৰ আহিলা হিচাপে প্ৰতিষ্ঠিত। পৰম্পৰাগত লোককথাত ইলোজী আৰু হোলিকাৰ প্ৰেম কাহিনী বিখ্যাত।