উৰ্মিলা সিং
উৰ্মিলা সিং | |
|---|---|
 | |
| হিমাচল প্ৰদেশৰ ১৭ নং ৰাজ্যপাল | |
| কাৰ্যকাল ২৫ জানুৱাৰী ২০১০ – ২৮ জানুৱাৰী ২০১৫ | |
| পূৰ্বসূৰী | প্ৰভা ৰাও |
| উত্তৰসূৰী | কল্যাল সিং (additional charge) |
| মধ্যপ্ৰদেশ বিধানসভাৰ সদস্য। | |
| কাৰ্যকাল ১৯৯৩ – ২০০৩ | |
| পূৰ্বসূৰী | ঠ্কুৰ ডাল সিং |
| উত্তৰসূৰী | ৰাম গুলাম উইকে |
| সমষ্টি | ঘনচৰ[1] |
| কাৰ্যকাল ১৯৮৫ – ১৯৯০ | |
| ব্যক্তিগত তথ্য | |
| জন্ম | ০৬ আগষ্ট, ১৯৪৬ ৰাইপুৰ, মধ্য প্ৰদেশ আৰু বেৰাৰ, ব্ৰিটিছ ভাৰত। |
| মৃত্যু | ২৯ মে', ২০১৮ (৭১ বছৰ) ইন্দোৰ, মধ্য প্ৰদেশ, ভাৰত |
| ৰাষ্ট্ৰীয়তা | ভাৰতীয় |
| ৰাজনৈতিক দল | ভাৰতীয় জাতীয় কংগ্ৰেছ |
| দাম্পত্যসঙ্গী | ভাগৱত সিং |
| সন্তান | ৪ (২ জীয়াৰী ২ পুত্ৰ) |
| পিতৃ | সূৰ্যদেৱ সিং |
| শিক্ষা | বি.এ.এল.এল.বি. |
| 13 June, 2018-ৰ তথ্য উৎস: ["Biography:Singh, Urmila". Madhya Pradesh Legislative Assembly. http://mpvidhansabha.nic.in/11thvs/11-120.pdf.] | |
উৰ্মিলা সিং (ইংৰাজী: : Urmila Singh ; ৬ আগষ্ট ১৯৪৬ – ২৯ মে' ২০১৮) এগৰাকী ভাৰতীয় ৰাজনীতিবিদ যিয়ে ২০১০ চনৰ ২৫ জানুৱাৰী[2] ৰ পৰা ২০১৫ চনৰ ২৮ জানুৱাৰীলৈ হিমাচল প্ৰদেশৰ ৰাজ্যপাল হিচাপে কাৰ্যনিৰ্বাহ কৰিছিল।
প্ৰাৰম্ভিক জীৱন
[সম্পাদনা কৰক]বৰ্তমান ছত্তীশগড় ৰাজ্যত অৱস্থিত ৰায়পুৰ জিলাৰ ফিংগেশ্বৰ গাঁৱত মধ্য ভাৰতৰ মাটিৰ মালিক পৰিয়ালত উৰ্মিলা সিঙৰ জন্ম হৈছিল, য’ত স্বাধীনতা সংগ্ৰামী আৰু সমাজ সংস্কাৰকৰো জন্ম হৈছিল। উৰ্মিলাৰ প্ৰপৌত্ৰ হৰিদয়পুৰৰ ৰাজা নাটৱাৰ সিং (উৰফে লল্লা শ্বাহ) এজন স্বাধীনতা সংগ্ৰামী আছিল, তেওঁক ইংৰাজ শাসকসকলে ফাঁচী দিছিল। আন্দামান আৰু নিকোবৰ দ্বীপত শাস্তি ভুগিবলৈ পৰিয়ালৰ আন কিছু সদস্যক বিতাড়িত কৰা হয়।
উৰ্মিলা সিঙৰ কম বয়সতে ছত্তীশগড়ৰ ছেৰাইপালী ৰাজকীয় ৰাজ্যৰ ৰজা বীৰেন্দ্ৰ বাহাদুৰ সিঙৰ সৈতে বিবাহপাশত আবদ্ধ হয়। দম্পতীহালে এগৰাকী কন্যা আৰু দুজন পুত্ৰ সন্তানৰ পিতৃ-মাতৃ হোৱাৰ লগতে উৰ্মিলা সিঙে নিজৰ পৰিয়ালৰ লালন-পালনত নিজকে উৎসৰ্গা কৰে। বীৰেন্দ্ৰ বাহাদুৰ সিং কংগ্ৰেছ দলৰ এজন বিশিষ্ট ৰাজনৈতিক আৰু মধ্যপ্ৰদেশ বিধানসভাৰ সদস্য হৈ পৰে, পূৰ্বে তেওঁৰ পৰিয়ালে কেইবাটাও শতিকা ধৰি শাসন কৰা অঞ্চলসমূহৰ পৰা নিৰ্বাচিত হৈছিল। তেওঁৰ মাতৃ ৰাণী শ্যাম কুমাৰী দেৱী সংসদৰ সদস্য আছিল।
ৰাজনৈতিক কেৰিয়াৰ
[সম্পাদনা কৰক]মধ্য প্ৰদেশত
[সম্পাদনা কৰক]স্বামীৰ অসময়ত আকস্মিক মৃত্যুৰ পিছত উৰ্মিলা সিঙে পূর্বে তেওঁৰ পতিৰ হাতত থকা বিধানসভাৰ আসন খনত প্রতিদ্বন্দ্বিতা কৰিবলৈ ৰাজনৈতিক ক্ষেত্ৰত ভৰি দিয়ে ৷ পৰিয়ালৰ বৰাৰ পৰা মধ্যপ্ৰদেশ বিধানসভালৈ একেৰাহে কেইবাটাও কাৰ্যকালৰ বাবে যথাযথভাৱে নিৰ্বাচিত হৈ ১৯৮৫ চনৰ পৰা ২০০৩ চনলৈকে সদস্য হৈ থাকে।
দুগ্ধ উন্নয়নৰ ৰাজ্যিক মন্ত্ৰী হিচাপে (১৯৯৩–৯৫) আৰু সমাজ কল্যাণ আৰু জনজাতি কল্যাণৰ কেবিনেট মন্ত্ৰী হিচাপে (১৯৯৮–২০০৩) কাৰ্যনিৰ্বাহ কৰিছিল। ১৯৯৬ চনৰ পৰা ১৯৯৮ চনৰ ভিতৰত তেওঁ সাংসদ কংগ্ৰেছৰ সভানেত্ৰী হিচাপেও কাৰ্যনিৰ্বাহ কৰিছিল।[3]
ছত্তীশগড়ত
[সম্পাদনা কৰক]২০০০ চনত মধ্যপ্ৰদেশৰ পৰা খোদিত কৰা নতুন ৰাজ্য ছত্তীশগড়, আৰু উৰ্মিলাৰ সমষ্টি এতিয়া নতুন ৰাজ্যৰ অংশত পৰিল। সেয়েহে ২০০০ চনৰ পৰা ২০০৩ চনৰ ভিতৰত ছত্তীশগড়ৰ প্ৰথমখন বিধানসভাৰ সদস্য স্বয়ংক্ৰিয়ভাৱে উৰ্মিলা সিং আছিল।২০০৩ চনৰ বিধানসভা নিৰ্বাচনত দুয়োখন ৰাজ্যতে কংগ্ৰেছ দলৰ পৰাজয়ৰ সন্মুখীন হৈছিল আৰু ইয়াৰ ভিতৰত উৰ্মিলা সিংও আছিল। তেওঁ ২০০৮ চনতো নিৰ্বাচনত পৰাস্ত হৈছিল।
ৰাজ্যপাল হিচাপে
[সম্পাদনা কৰক]কংগ্ৰেছ দলৰ প্ৰতি তেওঁৰ সেৱাৰ স্বীকৃতি স্বৰূপে কংগ্ৰেছ নেতৃত্বাধীন কেন্দ্ৰীয় চৰকাৰে ২০১০ চনত তেওঁক হিমাচল প্ৰদেশৰ গৱৰ্ণৰ নিযুক্তি দিয়ে।[4] ২০১০ চনৰ ২৫ জানুৱাৰীত তেওঁ কাৰ্যভাৰ গ্ৰহণ কৰে আৰু ২০১৫ চনৰ ২৪ জানুৱাৰীত কাৰ্যকাল সম্পূৰ্ণ কৰে,[5] হিমাচলৰ প্ৰথমগৰাকী মহিলা গৱৰ্ণৰ হিচাপে কাৰ্যনিৰ্বাহ কৰে।[6]
মৃত্যু
[সম্পাদনা কৰক]২০১৮ চনৰ ২৯ মে’ত ৭১ বছৰ বয়সত মৃত্যু হয় উৰ্মিলা সিংৰ পৰিয়ালৰ সূত্ৰ অনুসৰি মগজুৰ লগত জড়িত জটিলতাত ভুগি আহিছিল উৰ্মিলা সিং। তেওঁক ব্যক্তিগত চিকিৎসালয়ত ভৰ্তি কৰোৱা হৈছিল আৰু শৰীৰ অৱস্থা বেয়াৰ ফালে গতি কৰে। মৃত্যুৰ সময়ত তেওঁ দুজন পুত্ৰ আৰু এগৰাকী কন্যাক এৰি থৈ যায়।[7]
তথ্যসূত্ৰ
[সম্পাদনা কৰক]- ↑ "মধ্যাত ঘনচৰ বিধানসভা নিৰ্বাচনৰ ফলাফল প্ৰদেশ". https://elections.traceall.in/vidhan-sabha-assembly-election-results/ঘনচৰ-ইন-মধ্যা-প্ৰদেশ.[সংযোগবিহীন উৎস]]]
- ↑ "Governor House, Himachal Pradesh, India - Her Excellency The Governor". himachalrajbhavan.nic.in. http://himachalrajbhavan.nic.in/Governor.html। আহৰণ কৰা হৈছে: 12 May 2010.
- ↑ "Urmila Singh takes over as Himachal Governor". The Indian Express. 26 January 2010. http://www.indianexpress.com/news/urmila-singh-takes-over-as-himachal-governor/571738/.
- ↑ "Urmila Singh appointed Governor of Himachal Pradesh". The Hindu. PTI. 16 January 2010. https://www.thehindu.com/incoming/Urmila-Singh-appointed-Governor-of-Himachal-Pradesh/article16837877.ece.
- ↑ Correspondent, HT (27 January 2015). "Urmila Singh demits office as HP governor, Kalyan Singh takes additional charge". Hindustan Times. https://www.hindustantimes.com/punjab/urmila-singh-demits-office-as-hp-governor-kalyan-singh-takes-additional-charge/story-GQ48umcItmd7ldlHBwVbKP.html.
- ↑ Bodh, Anand (20 January 2015). "Urmila Singh first woman HP governor to complete her term". The Times of India. TNN. https://timesofindia.indiatimes.com/city/chandigarh/Urmila-Singh-first-woman-HP-governor-to-complete-her-term/articleshow/45948914.cms.
- ↑ "Former Himachal Pradesh governor Urmila Singh dies at 71". New Indian Express. 2018-05-29. https://www.newindianexpress.com/nation/2018/may/30/former-himachal-pradesh-governor-urmila-singh-dies-at-71-1821149.html। আহৰণ কৰা হৈছে: September 2, 2019.