এলছা পাটাকি

এলছা পাটাকি
পাটাকি, ২০০৭ চনত
জন্ম	এলছা লাফুয়েণ্টে মিডিয়ানু ১৮ জুলাই, ১৯৭৬ (৪৯ বছৰ) মাদ্ৰিদ, স্পেইন
শিক্ষানুষ্ঠান	ইউনিভাৰ্চিদাদ চিইইউ ছান পাবলো
পেচা	মডেল অভিনেত্ৰী
সক্ৰিয় হৈ থকা সময়	১৯৯৭–বৰ্তমান
দাম্পত্যসঙ্গী	ক্ৰীছ হেমছৱৰ্থ (বি. ২০১০)
সন্তান	৩, ইণ্ডিয়া ৰোজ হেমছৱৰ্থকে ধৰি

এলছা লাফুয়েণ্টে মিডিয়ানু (স্পেনীছ: [ˈelsa laˈfwente meˈðjanu]; জন্ম ১৮ জুলাই ১৯৭৬) পেছাগতভাৱে এলছা পাটাকি নামেৰে পৰিচিত, এগৰাকী স্পেনীছ মডেল আৰু অভিনেত্ৰী। তেওঁ স্পেনিছ কিশোৰ নাটক আল ছালিৰ ডে ক্লাজ (১৯৯৭–২০০২)ত ৰাকেল আলোনছোৰ মুখ্য চৰিত্ৰত অভিনয় কৰাৰ বাবে পৰিচিত। পিছত ফাষ্ট এণ্ড ফিউৰিয়াছ চলচ্চিত্ৰ শৃংখলাত এলেনা নেভেছৰ চৰিত্ৰত অভিনয় কৰি আন্তঃৰাষ্ট্ৰীয় স্বীকৃতি লাভ কৰে।

তেওঁ স্নেকছ অন এ প্লেন (২০০৬), জিয়ালো (২০০৯), আৰু গিভ 'এম হেল, মেল'ন (২০০৯) চলচ্চিত্ৰত অভিনয় কৰিছে। ইয়াৰ উপৰিও তেওঁ স্পেনিছ চলচ্চিত্ৰ ডি ডি হলিউড (২০১০)ত অভিনয় কৰিছিল আৰু ফুৰিঅ'ছা: এ মেড মেক্স ছাগা (২০২৪) চলচ্চিত্ৰত দ্বৈত চৰিত্ৰত অভিনয় কৰিছিল।

প্ৰাথমিক জীৱন

পাটাকিৰ জন্ম হৈছিল স্পেইনৰ মাদ্ৰিদত। তেওঁৰ পিতৃ জোচে ফ্ৰান্সিস্কো লাফুয়েণ্টে এগৰাকী স্পেনিছ জৈৱ ৰসায়নবিদ আৰু মাতৃ ক্ৰীষ্টিনা মিডিয়ানু পাটাকি এগৰাকী ৰোমানিয়ান প্ৰচাৰক আছিল।

তেওঁ ইউনিভাৰ্চিদাদ চিইইউ ছান পাবলোত সাংবাদিকতা অধ্যয়ন কৰিছিল আৰু লগতে অভিনয়ৰ শিক্ষা গ্ৰহণ কৰিছিল। স্পেনিছ আৰু ৰোমানিয়ান ভাষাৰ উপৰিও তেওঁ ইংৰাজী, ইটালীয়ান, পৰ্তুগীজ আৰু ফৰাচী ভাষাত দক্ষ।

কেৰিয়াৰ

পাটাকি মাদ্ৰিদৰ থিয়েটাৰ কোম্পানী টিয়েট্ৰ’ কামাৰা ডে এঞ্জেল গুটিয়েৰেজৰ সদস্য আছিল। পিছত তেওঁ টেলিভিছন ধাৰাবাহিক আল ছালিৰ ডে ক্লাজত অভিনয় কৰি অভিনয় জীৱন আৰম্ভ কৰে।

তেওঁ কুইন অৱ ছৱৰ্ডছ (২০০০) ধাৰাবাহিকত চেনোৰা ভেৰা হিডালগোৰ চৰিত্ৰত অভিনয় কৰিছিল। ইয়াৰ উপৰিও লছ চেৰানো ধাৰাবাহিকতো অভিনয় কৰিছিল।

তেওঁ ১০খনতকৈ অধিক স্পেনীছ চলচ্চিত্ৰত অভিনয় কৰিছে আৰু ফৰাচী চলচ্চিত্ৰ ইজন’গ’ড (২০০৪)ত সহ-অভিনেত্ৰী আছিল। তেওঁ ফাষ্ট ফাইভ চলচ্চিত্ৰত এলেনা নেভেছৰ চৰিত্ৰত অভিনয় কৰিছিল।

পাটাকিয়ে ফাষ্ট এণ্ড ফিউৰিয়াছ ৬ (২০১৩), ফিউৰিয়েছ ৭ (২০১৫), আৰু দ্য ফেট অৱ দ্য ফিউৰিয়াছ (২০১৭) চলচ্চিত্ৰত এলেনা নেভেছৰ চৰিত্ৰত পুনৰ অভিনয় কৰে।

২০১৮ চনত তেওঁ টাইডলেণ্ডছ ৱেব ধাৰাবাহিকত অভিনয় কৰিছিল, যি নেটফ্লিক্সত মুক্তি পাইছিল।

২০২২ চনত মুক্তি পোৱা ইন্টাৰচেপ্টৰ চলচ্চিত্ৰত তেওঁ মুখ্য চৰিত্ৰত অভিনয় কৰিছিল।

ব্যক্তিগত জীৱন

পাটাকিয়ে ২০১০ চনত অষ্ট্ৰেলিয়ান অভিনেতা ক্ৰীছ হেমছৱৰ্থৰ সৈতে বিবাহ কৰে। তেওঁলোকৰ তিনিটা সন্তান আছে, যাৰ ভিতৰত ইণ্ডিয়া ৰোজ হেমছৱৰ্থ অন্যতম।

২০১৫ চনত তেওঁলোকৰ পৰিয়াল লছ এঞ্জেলছৰ পৰা অষ্ট্ৰেলিয়াৰ বাইৰন বেলৈ গুচি যায়।

২০১২ চনত স্পেইনৰ উচ্চতম ন্যায়ালয়ে প্ৰকাশন গোট জিটা সংস্কৰণসমূহৰ বিৰুদ্ধে ৰায়দান কৰি পাটাকীক ৩১০,০০০ ইউৰো ক্ষতিপূৰণ দিয়ে, কাৰণ আলোচনী ইণ্টাৰভিউত তেওঁৰ অনুমতি নোহোৱাকৈ ফটো প্ৰকাশ কৰা হৈছিল।

বাহ্যিক সংযোগ

• আধিকাৰিক ৱেবছাইট
• এলছা পাটাকি সম্পৰ্কে ইণ্টাৰনেট মুভি ডাটাবেছত থকা তথ্য।