কণী ভূৰ্জী
 | |
| অন্য নাম | আণ্ডা ভূৰ্জী, আণ্ডে কা খাগিনা |
|---|---|
| উৎপত্তিৰ স্থান | ভাৰতীয় উপহাদেশ |
| মুখ্য উপাদান | কণী, পিয়াঁজ, জলকীয়া, মচলা |
কণী ভূৰ্জী, যাক আণ্ডা ভূৰ্জী বা আণ্ডে কা খগিনা বুলিও কোৱা হয়, ই হৈছে ৰাজপথৰ খাদ্য আৰু ব্ৰেকফাষ্ট, দুপৰীয়া বা ৰাতিৰ আহাৰ গ্ৰহণৰ জনপ্ৰিয় ৰেচিপি। ভাৰত উপমহাদেশৰ পৰা উৎপত্তি হোৱা এই খাদ্যক কেতিয়াবা পাৰ্চী খাদ্য আকুৰিৰ সৈতে তুলনা কৰা হয়। পাৰ্চী ব্যঞ্জন আকুৰি বা আকুৰী ডিম ভূৰজীৰ লগত প্ৰায় মিল আছে যদিও কিছু সামান্য পাৰ্থক্য আছে। ভূৰজীৰ দৰে আকুৰিও যথেষ্ট টেঙা আৰু আদা, পিয়াজ, আৰু অন্যান্য মছলাৰে ভৰাই থোৱা হয়। কিন্তু কণী শুকান হোৱালৈকে ভূৰ্জী ৰান্ধি থাকে, আনহাতে আকুৰি কমকৈ সিজোৱা হয়, আনহাতে কণীবোৰ তৰল হৈ থাকে। পাৰ্থক্যটো হ’ল ইয়াৰ প্ৰস্তুতি আৰু ভাজি কটা পিঁয়াজ, জলকীয়া, আৰু ঐচ্ছিক মছলা যোগ কৰা।[1]
সমগ্ৰ ভাৰতবৰ্ষৰ পথৰ কাষৰ জিৰণি ঠাই আৰু ৰাজপথৰ খাদ্যৰ ষ্টলত ভূৰ্জী পোৱা যায়, কেতিয়াবা বগা ৰুটিৰ টুকুৰাৰ সৈতেও পৰিবেশন কৰা হয়।[2] বিলাহী, জলকীয়া, পিয়াঁজ, আৰু সুগন্ধি মচলাৰে ভৰপূৰ এই পোচড কণীৰ ৰেচিপিটোৱে মিনিটৰ ভিতৰতে যথেষ্ট আৰু সন্তুষ্টিদায়ক খাদ্য তৈয়াৰ কৰে। গৰম চাপতি, পৰঠা, ডিনাৰ ৰোল, বা মাখনৰ সৈতে টোষ্টৰ লগত কণী ভূৰ্জী ভালদৰে মিলি যায়। কণী ভূৰ্জী আৰু স্ক্ৰেম্বল্ড এগছৰ মূল পাৰ্থক্যটো হ’ল কণী ভূৰ্জী ৰন্ধনত কণীবোৰ অলপ বেছিকৈ সিজাই শুকান টেক্সচাৰ সৃষ্টি কৰে, যিয়ে সকলো অতিৰিক্ত সোৱাদ শোষণ কৰাত সহায় কৰে।[3]
গেলাৰী
[সম্পাদনা কৰক]
তথ্যসূত্ৰ
[সম্পাদনা কৰক]- ↑ Egg bhurji, BBC GoodFood, http://www.bbcgoodfood.com/recipes/8575/
- ↑ Griffin Shea. "Best 23 cities for street food from Miami to Tokyo" (en ভাষাত). CNN. https://www.cnn.com/travel/article/best-cities-street-food/index.html। আহৰণ কৰা হৈছে: 2021-08-11.
- ↑ Cooking, Amara’s (2016-06-10). "Amara's Cooking: Guddu Porutu/Egg Bhurji Andhra Style". Amara's Cooking. https://amaracooking.blogspot.com/2016/06/guddu-porutuegg-bhurji-andhra-style.html। আহৰণ কৰা হৈছে: 2024-04-08.