কন্যাশ্ৰী প্ৰকল্প

কন্যাশ্ৰী

মিচন বিবৃতি	ড্ৰপআউটৰ হাৰ হ্ৰাস কৰা আৰু বাল্য বিবাহ ৰোধ কৰা
প্ৰকল্পৰ প্ৰকাৰ	ছোৱালীৰ বাবে বৃত্তি আঁচনি
অৱস্থান	পশ্চিমবংগ
মালিকীস্বত্ব	পশ্চিমবংগ চৰকাৰ
প্ৰতিষ্ঠাপক	মমতা বন্দ্যোপাধ্যায়
দেশ	ভাৰত (বিশেষকৈ পশ্চিমবংগ)
প্ৰতিষ্ঠা	৮ মাৰ্চ ২০১৩ (2013-03-08)
স্থিতি	সক্ৰিয়
ৱেবছাইট	www.wbkanyashree.gov.in

কন্যাশ্ৰী হৈছে পশ্চিমবংগ চৰকাৰে কম আয়ৰ পৰিয়ালক নগদ ধনেৰে সহায় কৰি কন্যাসকলৰ জীৱন আৰু মৰ্যাদা উন্নত কৰাৰ বাবে গ্ৰহণ কৰা এক পদক্ষেপ, যাতে পৰিয়ালসমূহে অৰ্থনৈতিক অসুবিধাৰ বাবে নিজৰ কন্যা সন্তানক বাধ্যতামূলক বাল্য বিবাহ কৰিবলৈ বাধ্য নকৰে। এই পদক্ষেপৰ উদ্দেশ্য হৈছে দুখীয়া পৰিয়ালৰ পৰা অহা আৰু কঠিন অৰ্থনৈতিক অৱস্থাৰ বাবে উচ্চ পঢ়াশুনা কৰিব নোৱাৰা ছোৱালীক উন্নীত কৰা। ৰাষ্ট্ৰসংঘৰ আন্তঃৰাষ্ট্ৰীয় উন্নয়ন বিভাগ আৰু ইউনিচেফে ইয়াক আন্তঃৰাষ্ট্ৰীয় পৰ্যায়ত স্বীকৃতি প্ৰদান কৰিছে। ২০১৭ চনৰ জুন মাহত ৰাষ্ট্ৰসংঘই কন্যাশ্ৰীক সৰ্বোচ্চ জনসেৱা বঁটাৰে সন্মানিত কৰে। ৬২খন দেশৰ ৫৫২খন সামাজিক খণ্ডৰ আঁচনিৰ ভিতৰত কন্যাশ্ৰীয়ে শ্ৰেষ্ঠ বঁটা লাভ কৰে।

আঁচনি

এই আঁচনিৰ তিনিটা উপাদান আছে:

1. বাৰ্ষিক বৃত্তি ১,০০০ টকা।
2. এককালীন বৃত্তি ২৫,০০০ টকা।
3. মাহিলী বৃত্তি ২,০০০-ৰ পৰা ২,৫০০ টকা।

• বাৰ্ষিক বৃত্তিৰ বাবে যোগ্যতাৰ মাপকাঠী হ’ল-

1. ছাত্ৰীৰ বয়স ১৩ বছৰৰ ওপৰৰ আৰু ২৮ বছৰৰ তলৰ হ’ব লাগিব।
2. ছাত্ৰীজনি অন্ততঃ অষ্টম শ্ৰেণীত পঢ়িব লাগিব।
3. ছাত্ৰীজনীৰ পৰিয়ালৰ আয় বছৰি এক লাখ বিশ হাজাৰ টকাতকৈ বেছি হ’ব নালাগে।
4. চৰকাৰী বা চৰকাৰী অনুমোদিত বা চৰকাৰী সাহায্যপ্ৰাপ্ত বিদ্যালয়ত অধ্যয়ন কৰা যিকোনো ছাত্ৰই এই সুযোগ পাব।
5. ছাত্ৰীজনী অবিবাহিত হ’ব লাগিব।

• এককালীন বৃত্তিৰ বাবে যোগ্যতাৰ মাপকাঠী হ’ল-

1. আবেদনৰ দিনা ছাত্ৰীজনীৰ বয়স ২৮ বছৰৰ ওপৰত আৰু ১৯ বছৰৰ তলৰ হ’ব নালাগিব।
2. ছাত্ৰীজনী মাধ্যমিক, উচ্চতৰ মাধ্যমিক, কাৰিকৰী, বৃত্তিমূলক, ক্ৰীড়া আদি যিকোনো বিষয়ত পঞ্জীয়নভুক্ত প্ৰতিষ্ঠানত অধ্যয়ন কৰা হ’ব লাগিব।

• মাহেকীয়া বৃত্তিৰ বাবে যোগ্যতাৰ মাপকাঠী হ’ল-

1. আবেদনকাৰীজন স্নাতক হ’ব লাগিব।
2. স্নাতক পৰীক্ষাত কমেও ৪৫% নম্বৰ লাভ কৰিব লাগিব।
3. বিজ্ঞান অধ্যয়ন কৰা ছোৱালীক প্ৰতিমাহে ২,৫০০ টকা দিয়া হ’ব।
4. বাণিজ্য আৰু কলা বিভাগৰ ছাত্ৰ-ছাত্ৰীক মাহিলী ২,০০০ টকা দিয়া হ'ব।
5. এই বৃত্তিৰ বয়সৰ কোনো উচ্চ সীমা নাই।

কন্যাশ্ৰী দিৱস

সমগ্ৰ পশ্চিমবংগ ৰাজ্যত এই প্ৰকল্পৰ প্ৰচাৰৰ বাবে ১৪ আগষ্টক কন্যাশ্ৰী দিৱস হিচাপে পালন কৰা হয়। ২০১৩ চনৰ ১৪ আগষ্টত এই প্ৰকল্পৰ প্ৰচাৰৰ বাবে ৰাজ্যব্যাপী অনুষ্ঠান অনুষ্ঠিত কৰা হয়। কলকাতাত অনুষ্ঠিত এই অনুষ্ঠানৰ সভাপতিত্ব কৰে পশ্চিমবংগৰ মুখ্যমন্ত্ৰী মমতা বেনাৰ্জীয়ে। জিলা সমূহত চৰকাৰৰ উদ্যোগত সজাগতা অভিযানৰ আয়োজন কৰা হয়।

কন্যাশ্ৰী ক্লাব

কন্যাশ্ৰী ক্লাব কন্যাশ্ৰী প্ৰকল্পৰ অন্যতম গুৰুত্বপূৰ্ণ অংশ। স্কুল ক্লাব গঠন কৰি কন্যাশ্ৰী প্ৰকল্পৰ অন্তৰ্গত কিশোৰী ছোৱালীক গোট গঠন আৰু ভাৱনাৰ আদান-প্ৰদানৰ সুযোগ দিয়া হয়। তাত শিক্ষাই হওক, সমাজেই হওক, শৰীৰৰেই হওক, নিজৰ বিভিন্ন বিষয়ৰ ওপৰত আলোচনা কৰি তেওঁলোকৰ কৌতুহল থকা প্ৰতিটো বিষয়তে প্ৰশ্ন কৰাৰ মঞ্চ আছে।

কন্যাশ্ৰী প্ৰকল্পৰ সফলতা

২০১৯ চনৰ ১৪ আগষ্টত কন্যাশ্ৰী প্ৰকল্পৰ সফলতাই ৬ষ্ঠ বছৰ অতিক্ৰম কৰিলে, আৰু পশ্চিমবংগ ৰাজ্যৰ সকলো জিলাতে কন্যাশ্ৰী প্ৰকল্পৰ সফলতা দিৱস উদযাপন কৰা হয়।