কাছাণ্ড্ৰা
কাছাণ্ড্ৰা (/kəˈsændrə/;[1] প্ৰাচীন গ্ৰীক: Κασσάνδρα, ইংৰাজী: Cassandra বা Kassandra, কেতিয়াবা আলেকজেণ্ড্ৰা (Alexandra) বুলিও কোৱা হয়;)[2] গ্ৰীক শ্ৰুতিকথা অনুসৰি এপ'ল' দেৱতাৰ প্ৰতি উৎসৰ্গিত এগৰাকী ট্ৰ'জান পুৰোহিত আছিল তেওঁ সত্য ভৱিষ্যদ্বাণী উচ্চাৰণ কৰিছিল কিন্তু কেতিয়াও বিশ্বাস কৰা হোৱা নাছিল। আধুনিক ব্যৱহাৰত তেওঁৰ নামটোক অলংকাৰিক শব্দ হিচাপে ব্যৱহাৰ কৰা হয় যাতে এনে এজন ব্যক্তিক বুজাব পাৰি যিয়ে সাধাৰণতে আগতীয়া দুৰ্যোগ আদিৰ বিষয়ে সঠিক ভৱিষ্যদ্বাণী কৰা হয় কিন্তু বিশ্বাস কৰা নহয়।
কেছাণ্ড্ৰা আছিল ট্ৰয়ৰ ৰজা প্ৰিয়াম আৰু ৰাণী হেকুবাৰ কন্যা। তাইৰ ডাঙৰ ভাতৃ আছিল গ্ৰীক-ট্ৰজান যুদ্ধৰ নায়ক হেক্টৰ। শ্ৰুতিকথাৰ পুৰণি আৰু সাধাৰণ সংস্কৰণবোৰত কোৱা হৈছে যে তেওঁক এপ'ল' দেৱতাই প্ৰশংসা কৰিছিল, যিয়ে ভৱিষ্যত দেখা পোৱাৰ শক্তি উপহাৰৰ দি তেওঁৰ প্ৰেম লাভ কৰিবলৈ চেষ্টা কৰিছিল। ইস্কিলাছৰ মতে তেওঁ তেওঁক নিজৰ অনুগ্ৰহৰ প্ৰতিশ্ৰুতি দিছিল যদিও উপহাৰ পোৱাৰ পিছত তেওঁ পুনৰ নিজৰ কথাত আগবাঢ়িছিল। যিহেতু ক্ৰোধিত এপ’ল’ই কোনো ঐশ্বৰিক শক্তি বাতিল কৰিব নোৱাৰিলে, সেয়েহে তেওঁ ইয়াৰ লগত এই অভিশাপটোও যোগ কৰিলে যে তাইৰ ভৱিষ্যদ্বাণী কোনেও বিশ্বাস নকৰিব। হাইজিনাছ আৰু ছ্যুডো-এপল’ড’ৰাছৰ দৰে আন উৎসত কেছাণ্ড্ৰাই এপ'ল'ৰ প্ৰতি কোনো প্ৰতিশ্ৰুতি ভংগ কৰা নাছিল, বৰঞ্চ দূৰদৰ্শনৰ শক্তি তেওঁক ৰোমাণ্টিক সম্বন্ধ স্থাপনৰ প্ৰলোভন হিচাপে দিয়া হৈছিল, যেতিয়া তেওঁ দেৱতাই আকাংক্ষিত ফলাফল দিব নোৱাৰিলে তেতিয়াহে তেওঁক অভিশাপটো দিয়া হৈছিল।
ইয়াৰ বিপৰীতে পিছৰ সংস্কৰণত তেওঁ মন্দিৰত শুই পৰাৰ বৰ্ণনা কৰা হৈছে, য'ত সাপে তেওঁৰ কাণত চেলেকিছিল (বা ফুচফুচাইছিল) যাৰ ফলত তেওঁ ভৱিষ্যতৰ কথা শুনিবলৈ সক্ষম হৈছিল।[3]
তথ্য সংগ্ৰহ
[সম্পাদনা কৰক]- ↑ Avery, Catherine B. (1962). New Century Classical Handbook. প্ৰকাশক New York: Appleton-Century-Crofts. পৃষ্ঠা. 258. https://archive.org/details/newcenturyclassi00aver/page/258/mode/2up.
- ↑ Lycophron, Alexandra 30; Pausanias, 3.19, 3.26.
- ↑ A snake as a source of knowledge is a recurring theme in Greek mythology, though sometimes the snake brings understanding of the language of animals rather than an ability to know the future. Likewise, prophets without honor in their own country reflect a standard narrative trope.