কাৰিকৰী শিক্ষাত ছোৱালীৰ উন্নতিৰ বাবে সহায় প্ৰদান কৰা পদক্ষেপ বা প্ৰগতি
কাৰিকৰী শিক্ষাত ছোৱালীৰ উন্নতিৰ বাবে সহায় প্ৰদান কৰা পদক্ষেপ ইংৰাজী: Providing Assistance for Girls Advancement in Technical Education Initiative or PRAGATI হৈছে ভাৰত চৰকাৰৰ মানৱ সম্পদ উন্নয়ন মন্ত্ৰালয়ৰ 'অল ইণ্ডিয়া কাউন্সিল ফৰ টেকনিকেল এডুকেচন' (এআইচিটিই) ৰ আঁচনি যিয়ে কাৰিকৰী শিক্ষা গ্ৰহণ কৰিবলৈ বছৰি ৬ লাখতকৈ কম আয়ৰ প্ৰতিটো পৰিয়ালত এগৰাকী ছোৱালী নিৰ্বাচন কৰি সুবিধা প্ৰদান কৰে। [1]
এই আঁচনিৰ অধীনত বৃত্তিৰ ধনৰাশি ৩০,০০০ টকা বা টিউচন মাচুল আৰু ১০ মাহৰ বাবে আকস্মিক ভাট্টা প্ৰদানৰ বাবে প্ৰতিমাহে ২০০০ টকা। [2]
প্ৰগতি আঁচনিৰ অধীনত প্ৰদান কৰা সুবিধাসমূহ
[সম্পাদনা কৰক]প্ৰগতি আঁচনিখনে এআইচিটিই অনুমোদিত যিকোনো প্ৰতিষ্ঠানত তলত উল্লেখ কৰা পাঠ্যক্ৰমসমূহ গ্ৰহণৰ বাবে বছৰি মুঠ ৫,০০০ বৃত্তি প্ৰদান কৰে:
- ডিগ্ৰী পাঠ্যক্ৰম-
প্ৰথম বৰ্ষৰ ডিগ্ৰী পৰ্যায়ৰ পাঠ্যক্ৰম, বা... লেটাৰেল এণ্ট্ৰি (এল ই)ৰ জৰিয়তে দ্বিতীয় বৰ্ষৰ ডিগ্ৰী পৰ্যায়ৰ পাঠ্যক্ৰম।
- ডিপ্লমা পাঠ্যক্ৰম-
প্ৰথম বৰ্ষৰ ডিপ্লমা পৰ্যায়ৰ পাঠ্যক্ৰম, বা... লেটাৰেল এণ্ট্ৰি (এল ই)ৰ জৰিয়তে দ্বিতীয় বৰ্ষৰ ডিপ্লমা পৰ্যায়ৰ পাঠ্যক্ৰম।
যোগ্যতা
[সম্পাদনা কৰক]- আবেদনকাৰী এগৰাকী ছোৱালী ছাত্ৰী হ’ব লাগিব।
- আবেদনকাৰীয়ে হয় ডিগ্ৰী পাঠ্যক্ৰমৰ প্ৰথম বৰ্ষ বা পাৰ্শ্বীয় প্ৰৱেশৰ জৰিয়তে ডিগ্ৰী পাঠ্যক্ৰমৰ দ্বিতীয় বৰ্ষত অধ্যয়ন কৰিব লাগিব।
- চলিত বিত্তীয় বৰ্ষত পৰিয়ালটোৰ বাৰ্ষিক আয় (সকলো উৎসৰ পৰা) বছৰি ₹ ৮,০০,০০০/-তকৈ অধিক হ’ব নালাগে।
- তলত উল্লেখ কৰা ১৩ টা কেন্দ্ৰীয় শাসিত অঞ্চল আৰু উত্তৰ-পূব ৰাজ্য অৰ্থাৎ আন্দামান আৰু নিকোবৰ দ্বীপপুঞ্জ (কেন্দ্ৰীয় শাসিত অঞ্চল), জম্মু আৰু কাশ্মীৰ (কেন্দ্ৰীয় শাসিত অঞ্চল), লাডাখ (কেন্দ্ৰীয় শাসিত অঞ্চল), দাদৰা আৰু নগৰ হাভেলী আৰু দমন আৰু দিউ (কেন্দ্ৰীয় শাসিত অঞ্চল), লক্ষদ্বীপ (কেন্দ্ৰীয় শাসিত অঞ্চল), অৰুণাচল প্ৰদেশ, অসম, মণিপুৰ, মেঘালয়, মিজোৰাম, নগালেণ্ড, ছিকিম & ত্ৰিপুৰাক AICTE ৰ দ্বাৰা বৃত্তি প্ৰদান কৰা হ’ব।