সমললৈ যাওক

কুইণ্টা ব্ৰানছন

অসমীয়া ৱিকিপিডিয়াৰ পৰা
কুইণ্টা ব্ৰানছন

২০২৩ চনত ব্ৰানছন
জন্ম ২১ ডিচেম্বৰ, ১৯৮৯ (৩৬ বছৰ)
ফিলাডেলফিয়া, পেঞ্চিলভেনিয়া, আমেৰিকা যুক্তৰাষ্ট্ৰ
শিক্ষা টেম্পল ইউনিভাৰ্ছিটি
পেচা অভিনেত্ৰী, কৌতুক অভিনেতা, লেখিকা, প্ৰযোজক
সক্ৰিয় হৈ থকা সময় ২০১৪–বৰ্তমান
উল্লেখযোগ্য কৰ্ম এৰট এলিমেণ্টৰী
দাম্পত্যসঙ্গী কেলভিন জয় অনিক (বিবাহ ২০২১; বিচ্ছেদ ২০২৫)

কুইণ্টা ব্ৰানছন (জন্ম: ২১ ডিচেম্বৰ ১৯৮৯)[1] এগৰাকী আমেৰিকান অভিনেত্ৰী, কৌতুক অভিনেতা, লেখিকা আৰু প্ৰযোজক। তেওঁ এবিচি কমেডী ধাৰাবাহিক এৰট এলিমেণ্টৰী (২০২১–বৰ্তমান)-ৰ স্ৰষ্টা, কাৰ্যবাহী প্ৰযোজক আৰু সহ-লেখিকা। এই ধাৰাবাহিকখনত তেওঁ দ্বিতীয় শ্ৰেণীৰ শিক্ষয়িত্ৰী জেনিন টিগছৰ চৰিত্ৰত অভিনয় কৰিছে। ২০১৪ চনত নিজৰ প্ৰযোজনাত নিৰ্মিত ইনষ্টাগ্ৰাম ধাৰাবাহিক গাৰ্ল হু হেজ নেভাৰ বিন অন এ নাইচ ডেট-ৰ জৰিয়তে ব্ৰানছনে বিশেষ পৰিচিতি লাভ কৰে। ইয়াৰ পিছত তেওঁ বাজফিড ভিডিঅ’ৰ বাবে ভিডিঅ’ প্ৰস্তুত আৰু অভিনয় কৰাৰ লগতে বাজফিড মচন পিকচাৰ্ছৰ সৈতে দুখন ষ্ট্ৰীমিং ধাৰাবাহিক বিকশিত কৰে।[2]

৭৪সংখ্যক প্ৰাইমটাইম এমি বঁটাত তেওঁ কমেডী শাখাত একেলগে তিনিবাৰকৈ মনোনীত হোৱা প্ৰথমগৰাকী কৃষ্ণাংগ মহিলা হিচাপে পৰিগণিত হয়।[3] তেওঁ কমেডী ধাৰাবাহিকৰ শ্ৰেষ্ঠ লিখনী (যিটোত তেওঁ জয়ী হয়), শ্ৰেষ্ঠ কমেডী ধাৰাবাহিক (কাৰ্যবাহী প্ৰযোজক হিচাপে) আৰু শ্ৰেষ্ঠ মুখ্য অভিনেত্ৰীৰ শ্ৰেণীত মনোনয়ন লাভ কৰিছিল। ৭৫সংখ্যক প্ৰাইমটাইম এমি বঁটাত তেওঁ বিগত ৪০ বছৰৰ ভিতৰত কমেডীৰ শ্ৰেষ্ঠ মুখ্য অভিনেত্ৰীৰ বঁটা লাভ কৰা প্ৰথমগৰাকী কৃষ্ণাংগ মহিলা হিচাপে পৰিগণিত হয়।[4] ব্ৰানছনক তেওঁৰ ধাৰাবাহিক এৰট এলিমেণ্টৰী-ৰ বাবে ২০২২ চনৰ পিবডী বঁটাৰে সন্মানিত কৰা হয়। ইয়াৰ উপৰি তেওঁ ২০২২ চনৰ টাইম ১০০ গৰাকী আটাইতকৈ প্ৰভাৱশালী ব্যক্তিৰ তালিকাত স্থান লাভ কৰিছিল।[5][6][7][8]

ব্ৰানছনে আইজম্বী, চিংগল পেৰেণ্টছ আৰু মিৰাকল ৱৰ্কাৰ্ছ ধাৰাবাহিকত অভিনয় কৰিছে; লেজাৰ উল্ফ আৰু মেজিকেল গাৰ্ল ফ্ৰেণ্ডশ্বিপ স্কোয়াড-ত কণ্ঠদান কৰিছে; আৰু এইচবিঅ’ স্কেচ কমেডী ধাৰাবাহিক এ ব্লেক লেডী স্কেচ শ্ব’-ৰ প্ৰথম ছিজনত অভিনয় কৰিছে।

প্ৰাৰম্ভিক জীৱন আৰু শিক্ষা

[সম্পাদনা কৰক]

ব্ৰানছনৰ জন্ম আৰু শৈশৱ পশ্চিম ফিলাডেলফিয়াত অতিবাহিত হৈছিল।[9] তেওঁ কব্ছ ক্ৰিক অঞ্চলৰ হেৰিটি এলিমেণ্টৰী স্কুলত অধ্যয়ন কৰিছিল।[10] তেওঁৰ নামৰ অৰ্থ স্পেনিছ ভাষাত "পঞ্চম", যিয়ে বুজায় যে তেওঁ পাঁচটা সন্তানৰ ভিতৰত আটাইতকৈ সৰু।[11] তেওঁৰ মাতৃ নৰ্মা জিনে কিণ্ডাৰগাৰ্টেনত পঢ়ুৱাইছিল আৰু পিতৃ ৰিকে পাৰ্কিং লট পৰিচালনা কৰিছিল। তেওঁ এজন যিহোৱাৰ সাক্ষী হিচাপে ডাঙৰ-দীঘল হৈছিল যদিও ২১ বছৰ বয়সত ধৰ্ম ত্যাগ কৰে।[12]

ফিলাডেলফিয়াৰ চাৰ্টাৰ হাইস্কুল ফৰ আৰ্কিটেকচাৰ এণ্ড ডিজাইনত পঢ়ি থকাৰ সময়ৰেপৰাই তেওঁ কৌতুকৰ প্ৰতি আসক্ত আছিল বুলি উল্লেখ কৰিছে,[13] আৰু ইমপ্ৰুভ শ্ৰেণীত অংশ লৈ নিজৰ এই আগ্ৰহক আগবঢ়াই নিছিল।[14] ব্ৰানছনে টেম্পল ইউনিভাৰ্ছিটীত অধ্যয়ন কৰিছিল আৰু দ্বিতীয় বৰ্ষত চিকাগোৰ ছেকেণ্ড চিটিত পাঠ গ্ৰহণ কৰিছিল। ইয়াৰ কিছুসময়ৰ পাছতে তেওঁ পঢ়া-শুনা আধাতে এৰি কৌতুক অভিনেতা হিচাপে কেৰিয়াৰ গঢ়িবলৈ লছ এঞ্জেলছলৈ গুচি আহে।[15][12] তেওঁ ২০২৪ চনত টেম্পল ইউনিভাৰ্ছিটীৰপৰা চাৰুকলাৰ সন্মানীয় ডিগ্ৰী লাভ কৰে।[16]

ব্যক্তিগত জীৱন

[সম্পাদনা কৰক]

ব্ৰানছন কেভিন জয় অনিকৰ সৈতে বিবাহপাশত আবদ্ধ হৈছিল। অনিক কেলিফৰ্ণিয়াৰ আইনীভাৱে স্বীকৃত গঞ্জিকা (cannabis) উদ্যোগৰ সৈতে জড়িত। তেওঁলোকে ছান ফাৰ্নাণ্ডো ভেলীত বাস কৰিছিল।[12] ব্ৰানছনে ২০২০ চনত তেওঁৰ বাগদানৰ আঙঠিৰ এটা ফটো পোষ্ট কৰিছিল যদিও ২০২২ চনৰ এমি বঁটাৰ ভাষণত অনিকক স্বামী বুলি সম্বোধন নকৰালৈকে তেওঁলোকৰ বিবাহৰ কথা ৰাজহুৱাকৈ নিশ্চিত কৰা নাছিল।[17] ২০২৫ চনৰ ২০ মাৰ্চত ব্ৰানছনে "অমিলিত পাৰ্থক্য"ৰ (irreconcilable differences) দোহাই দি বিবাহ বিচ্ছেদৰ বাবে আৱেদন কৰা বুলি ঘোষণা কৰে।[18]

তথ্যসূত্ৰ

[সম্পাদনা কৰক]
  1. ↑ "Quinta Brunson". TV Insider. https://www.tvinsider.com/people/quinta-brunson/। আহৰণ কৰা হৈছে: 2022-06-17.
  2. ↑ Gardner, Chris (2023-03-11). "Quinta Brunson Thanks "Under-Appreciated" 'Abbott Elementary' Publicists: "I Know I Annoy Them"". The Hollywood Reporter. https://www.hollywoodreporter.com/news/general-news/quinta-brunson-abbott-elementary-awards-jerry-bruckheimer-top-gun-publicists-guild-awards-2023-1235348171/। আহৰণ কৰা হৈছে: 2023-04-19.
  3. ↑ Dellatto, Marisa. "2022 Emmys Nominations: Selena Gomez Snubbed, Dave Chappelle Nominated". Forbes. https://www.forbes.com/sites/marisadellatto/2022/07/12/2022-emmys-nominations-selena-gomez-snubbed-dave-chappelle-nominated/। আহৰণ কৰা হৈছে: 2022-07-13.
  4. ↑ Calvario, Liz (2024-01-16). "Quinta Brunson Becomes 1st Black Woman to Win Best Actress in a Comedy in Over 40 Years". www.today.com. https://www.today.com/popculture/awards/quinta-brunson-first-black-woman-win-best-actress-comedy-40-years-rcna134033। আহৰণ কৰা হৈছে: 2024-01-16.
  5. ↑ Searles, Jourdain (2019-08-02). "Robin Thede Is Changing the Game With A Black Lady Sketch Show". www.vulture.com. https://www.vulture.com/2019/08/robin-thede-a-black-lady-sketch-show-hbo-interview.html। আহৰণ কৰা হৈছে: 2019-08-03.
  6. ↑ "Quinta Brunson". Forbes. https://www.forbes.com/profile/quinta-brunson/। আহৰণ কৰা হৈছে: 2018-12-06.
  7. ↑ Andreeva, Nellie (2018-02-21). "'The End Of The World As We Know It': Quinta Brunson To Star In CW Pilot". Deadline. https://deadline.com/2018/02/the-end-of-the-world-as-we-know-it-quinta-brunson-star-cw-pilot-1202298357/। আহৰণ কৰা হৈছে: 2018-12-06.
  8. ↑ Otterson, Joe (2018-10-04). "Jermaine Fowler, Quinta Brunson, Larry Wilmore Team for Multi-Cam Comedy at CBS". Variety. https://variety.com/2018/tv/news/jermaine-fowler-quinta-brunson-larry-wilmore-cbs-comedy-1202968912/। আহৰণ কৰা হৈছে: 2018-12-06.
  9. ↑ Williams, Dee (2016-10-11). "JET Chats It Up With Comedian Quinta Brunson". Jet. https://www.jetmag.com/entertainment/quinta-brunson-jet-interview/। আহৰণ কৰা হৈছে: 2018-12-06.
  10. ↑ "Snatch Game, The queens impersonate celebrities in the classic quick-fire comedy game show. Global All Stars winner Alyssa Edwards drops by the werkroom; actress and comedian Quinta Brunson (Abbott Elementary)". MTV. Archived from the original on February 7, 2025. https://web.archive.org/web/20250207215505/https://www.mtv.com/fan-hub/drag-race। আহৰণ কৰা হৈছে: February 16, 2025.
  11. ↑ Brunson, Quinta (2021). She memes well. প্ৰকাশক Boston: Houghton Mifflin Harcourt. ISBN 978-1-328-638984. OCLC 1228914151.
  12. 1 2 3 Fischer, Molly (2024-03-18). "How Quinta Brunson Hacked the Sitcom" (en-US ভাষাত). The New Yorker. ISSN 0028-792X. https://www.newyorker.com/magazine/2024/03/25/quinta-brunson-profile। আহৰণ কৰা হৈছে: 2024-05-10.
  13. ↑ Cineas, Fabiola (October 28, 2018). "Quinta Brunson on Becoming an Internet Comedy Star — and Getting Paid". Philly Magazine. https://www.phillymag.com/business/2018/10/27/quinta-brunson-buzzfeed-television-comedy/। আহৰণ কৰা হৈছে: 23 October 2020.
  14. ↑ "You Can't Put Quinta Brunson in a Box" (en-us ভাষাত). Vulture. 2020-10-19. https://www.vulture.com/article/quinta-brunson-interview-comedians-you-should-know-2020.html। আহৰণ কৰা হৈছে: 2020-10-23.
  15. ↑ "Quinta Brunson explains it all". espnW. February 7, 2018. http://www.espn.com/espnw/culture/article/22359210/quinta-brunson-explains-all। আহৰণ কৰা হৈছে: 2018-12-06.
  16. ↑ "Quinta Brunson receives honorary degree from Temple University". May 8, 2024. https://www.audacy.com/kywnewsradio/news/local/quinta-brunson-receives-honorary-degree-temple-university। আহৰণ কৰা হৈছে: August 28, 2024.
  17. ↑ Gibson, Kelsie (February 8, 2024). "Who Is Quinta Brunson's Husband? All About Kevin Jay Anik" (en ভাষাত). Peoplemag. https://people.com/tv/who-is-kevin-jay-anik-quinta-brunson/। আহৰণ কৰা হৈছে: 2024-05-10.
  18. ↑ Esquibias, Liza (March 20, 2025). "Quinta Brunson Files For Divorce From Husband Kevin Jay Anik After 3 Years Of Marriage". https://people.com/quinta-brunson-files-for-divorce-from-husband-kevin-jay-anik-11700754। আহৰণ কৰা হৈছে: March 20, 2025.

বাহ্যিক সংযোগ

[সম্পাদনা কৰক]
"https://as.wikipedia.org/w/index.php?title=কুইণ্টা_ব্ৰানছন&oldid=603302"ৰ পৰা অনা হৈছে