কেটো
| কেটো | |
|---|---|
| সাগৰীয় দেৱী | |
 কেটো দেৱীয়ে যুদ্ধত আহত পিতৃৰ শুশ্ৰূষা কৰিছে | |
| নিবাস | সাগৰ |
| সঙ্গী | ফ′ৰ্চিছ |
| পিতৃ-মাতৃ | প'ণ্টাছ আৰু গেইয়া |
| সহোদৰ | নেৰেআছ, থাউমাছ, ফ′ৰ্চিছ আৰু ইউৰিবিয়া |
| সন্তান | গৰ্গনসকল, গ্ৰেইয়াসকল, এচিডনা, লেডন |
কেটো (/ˈsiːtoʊ/; প্ৰাচীন গ্ৰীক: Κητώ, ৰোমানীকৃত: Kētṓ, আক্ষৰিক অৰ্থ: 'সাগৰীয় দানৱ') গ্ৰীক পৌৰাণিক কাহিনী বৰ্ণিত এগৰাকী আদিম সাগৰীয় দেৱী৷ তেওঁৰ পিতৃ হৈছে প্ৰাক-অলিম্পিয়ান সাগৰ-দেৱতা প'ণ্টাছ আৰু তেওঁৰ মাতৃ পৃথিৱী দেৱী গেইয়া। পৌৰাণিক ব্যক্তিত্ব হিচাপে তেওঁক আটাইতকৈ প্ৰাচীন দেৱতা হিচাপে গণ্য কৰা হয়৷ গেইয়া আৰু প'ণ্টাছৰ আন এজন সন্তান ফ′ৰ্চিছৰ তৰফৰ পৰা তেওঁ বহুতো দানৱীয় সন্তানৰ মাতৃ হৈছিল। সৌৰজগতৰ ক্ষুদ্ৰ বস্তু ৬৫৪৮৯ কেটো তেওঁৰ নামেৰে নামকৰণ কৰা হৈছিল, আৰু ইয়াৰ উপগ্ৰহৰ নাম ফ′ৰ্চিছৰ নামেৰে ৰখা হৈছিল।
কেটোক ক্ৰেটাইছ (Cratae) আৰু ত্ৰিয়েনাছ (Trienus) আদি বিভিন্ন নামেৰেও জনা যায়, আৰু মাজে মাজেও তেওঁক দেৱী হেকেটৰ সৈতেও বিভ্ৰান্ত কৰা হৈছিল।
এই দেৱীক কেটো নামৰ ক্ষুদ্ৰ অ'চেনইডৰ (সাগৰৰ দেৱতা) সৈতে বা কেট'ছ বুলি কোৱা বিভিন্ন পৌৰাণিক সত্তাৰ সৈতে বিভ্ৰান্ত কৰা উচিত নহয়; এয়া প্ৰাচীন গ্ৰীক ভাষাত "সাগৰীয় দানৱ"ৰ বাবে ব্যৱহাৰ কৰা এটা সাধাৰণ শব্দ।[1]
পৰিয়াল
[সম্পাদনা কৰক]তেটোৰ উপৰিও গেইয়া আৰু প′ণ্টাছৰ আন চাৰিজন সন্তান আছিল, নেৰিয়াছ, থাউমাছ, ফ'ৰ্চিছ আৰু ইউৰিবিয়া।[2] হেচিঅ'ডৰ থিওগনিত (Theogony) কেটো আৰু ফ'ৰ্চিছৰ সন্তানক দুজন গ্ৰেয়া: পেমফ্ৰেডো আৰু এনো আৰু তিনিজন গৰ্গন: ষ্টেনো, ইউৰিয়াল আৰু মেডুছা হিচাপে তালিকাভুক্ত কৰা হৈছে,[3] তেওঁলোকৰ অন্তিম সন্তানটো এটা নামবিহীন সাপ (পিছলৈ ৰোডছৰ এপলনিয়াছে লাডন বুলি কোৱা হৈছে) যিয়ে সোণালী আপেলবোৰ পহৰা কৰে বুলি কোৱা হৈছে।[4] হেচিঅ'ডৰ মতে, অৰ্ধ-মহিলা, আধা সাপ ইচিডনাৰ জন্ম হৈছিল এগৰাকী "তাই"ৰ (she) পৰা যিগৰাকীক হেচিঅ'ডে সম্ভৱতঃ কেটো বুলি বুজাইছিল; কিন্তু "তাই" শব্দটোৱে হয়তো সাগৰীয় দেৱী কেলিৰ'কো বুজাব পাৰে। এথেন্সৰ পৌৰাণিক লেখক ফেৰেচিডিছে ইচিডনাক ফ'ৰ্চিছৰ কন্যা বুলি কৈছে, কিন্তু কোনো মাতৃৰ নাম উল্লেখ কৰা নাই।[5]
তথ্য সংগ্ৰহ
[সম্পাদনা কৰক]- ↑ "κῆτος" in Liddell, Henry and Robert Scott. 1996. A Greek-English Lexicon. Revised by H.S. Jones and R. McKenzie. Ninth edition, with revised supplement. Oxford: Clarendon Press.
- ↑ Hard, p. 50; Hesiod, Theogony 233–339 (Most, pp. 21–23); Apollodorus 1.2.6.
- ↑ Theogony 270–276 (Most, pp. 24, 25).
- ↑ Theogony 333–336 (Most, pp. 28, 29); Apollonius of Rhodes, 4.1396.
- ↑ Pherecydes, fr. 7 Fowler = FGrHist 3 F 7 (Fowler, p. 278); Hošek, p. 678.