সমললৈ যাওক

কেট হাটন

অসমীয়া ৱিকিপিডিয়াৰ পৰা
কেট হাটন
ক্ষেত্ৰ ভূকম্পবিজ্ঞান
কৰ্মস্থান কেলিফৰ্ণিয়া ইনষ্টিটিউট অৱ টেকন’লজী
শিক্ষানুষ্ঠান পেনিছিলভেনিয়া ষ্টেট ইউনিভাৰ্চিটি (বি.এ., ১৯৭১), ইউনিভাৰ্চিটি অৱ মেৰীলেণ্ড, কলেজ পাৰ্ক (এম.এছ. ১৯৭৩, পিএইচডি ১৯৭৬)

কেট হাটন (Kate Hutton; জন্ম: ১৯৪৯), যাৰ উপনাম হ'ল আৰ্থকুৱেক লেডী (Earthquake Lady), ড° কেট, বা আৰ্থকুৱেক কেট। তেওঁ কেলিফৰ্ণিয়াৰ পাছাদেনাস্থিত কেলিফৰ্ণিয়া ইনষ্টিটিউট অৱ টেকন’লজীৰ এগৰাকী প্ৰাক্তন কৰ্মচাৰী তথা ভূকম্পবিজ্ঞানী আছিল, য’ত তেওঁ ৩৭ বছৰ ধৰি দক্ষিণ কেলিফৰ্ণিয়াৰ ভূমিকম্পৰ কাৰ্যকলাপ নিৰীক্ষণ কৰিছিল।[1]

পটভূমি

[সম্পাদনা কৰক]

হাটনে ডাঙৰ-দীঘল হৈ থকা সময়ছোৱাত তেওঁৰ পৰিয়ালটো আমেৰিকাৰ কেইবাখনো ৰাজ্যত বাস কৰিছিল আৰু তেওঁলোকে টাইৱানত ছবছৰ অতিবাহিত কৰিছিল।[2] তেওঁ সকলো ধৰণৰ প্ৰাকৃতিক বিজ্ঞানৰ প্ৰতি আগ্ৰহী আছিল আৰু শেষলৈ গণিত তথা বিজ্ঞানৰ ক্ষেত্ৰখনতে থকাৰ সিদ্ধান্ত লৈছিল।[3] কিশোৰ অৱস্থাত হাটন এগৰাকী অপেচাদাৰী জ্যোতিৰ্বিজ্ঞানী আছিল।[4]

হাটনে ১৯৭১ চনত পেনিছিলভেনিয়া ষ্টেট ইউনিভাৰ্চিটিৰ পৰা জ্যোতিৰ্বিজ্ঞানত স্নাতক ডিগ্ৰী লাভ কৰে। ইয়াৰ পিছত তেওঁ ইউনিভাৰ্চিটি অৱ মেৰীলেণ্ড, কলেজ পাৰ্কৰ পৰা ১৯৭৩ চনত স্নাতকোত্তৰ আৰু ১৯৭৬ চনত জ্যোতিৰ্বিজ্ঞানত পিএইচডি ডিগ্ৰী লাভ কৰে।

বৈজ্ঞানিক কৰ্মজীৱন

[সম্পাদনা কৰক]

পিএইচডি সম্পূৰ্ণ কৰাৰ পিছত হাটনে কৈছিল যে জ্যোতিৰ্বিজ্ঞানৰ চাকৰিৰ অভাৱ হোৱাত তেওঁ নিজৰ কেৰিয়াৰ সলনি কৰিছিল। তেওঁ জ্যোতিৰ্বিজ্ঞান আৰু ভূকম্পবিজ্ঞানক প্ৰায় একে চকুৰেই চাইছিল: "পৃথিৱীখনো আচলতে এটা গ্ৰহেই, গতিকে ওপৰলৈ চোৱাৰ সলনি তললৈ চোৱাটোৱেই ইয়াৰ মূল কথা।"[4] ১৯৭৭ চনত তেওঁ কেলটেকৰ ভূকম্পবিজ্ঞান পৰীক্ষাগাৰত এগৰাকী ডাটা এনালিষ্ট হিচাপে কাম আৰম্ভ কৰে।[4] তেওঁ পদোন্নতি লাভ কৰি জ্যেষ্ঠ ভূকম্পবিজ্ঞানী হৈছিল আৰু কেলটেকৰ ভূমিকম্প জুখিব পৰা কাৰ্যসূচী চলোৱাৰ দায়িত্বত থকাৰ লগতে গৱেষণা কাৰ্যও চলাইছিল।[2]

ভূকম্পবিজ্ঞানৰ ক্ষেত্ৰত হাটনৰ শৈক্ষিক গৱেষণাৰ বিষয়সমূহৰ ভিতৰত আছিল প্ৰাবল্যৰ জোখ-মাখ,[5] চিচম’টেকটনিক্স,[6] আৰু ছাউদাৰ্ণ কেলিফৰ্ণিয়া চিচমিক নেটৱৰ্কৰ বিকাশ।[7]

হাটনে "আৰ্থকুৱেক কেটালগ"ৰ ধাৰাবাহিকতা উন্নত কৰাৰ বাবে এটা প্ৰকল্পত কাম কৰিছিল, যিখন ১৯৩২ চনৰ পৰা দক্ষিণ কেলিফৰ্ণিয়াত ৰেকৰ্ড কৰা ৪ লাখতকৈও অধিক ভূমিকম্পৰ এখন তালিকা।[3] তেওঁ ভূমিকম্পৰ সুৰক্ষা কাৰ্যসূচীসমূহৰ বিকাশৰ ক্ষেত্ৰতো কাম কৰিছিল, যেনে ৰাজ্যজুৰি আৰম্ভ হোৱা আৰ্থকুৱেক আৰ্লি ৱাৰ্নিং চিষ্টেম। এই ব্যৱস্থাই ভূমিকম্পৰ আগতীয়াকৈ জাননী প্ৰদান কৰি হতাহত আৰু ক্ষয়-ক্ষতি হ্ৰাস কৰাত সহায় কৰে।[8][9]

হাটনে ২০১৫ চনৰ ৩০ জানুৱাৰীত কেলটেকৰ পৰা অৱসৰ গ্ৰহণ কৰে।[10][11]

ব্যক্তিগত জীৱন

[সম্পাদনা কৰক]

হাটন এগৰাকী অনুজ্ঞাপত্ৰপ্ৰাপ্ত এমেচাৰ ৰেডিঅ’ (ham radio) অপাৰেটৰ আৰু তেওঁ পাম স্প্ৰিংছ হেমফেষ্টৰ সৈতে জড়িত আছিল।[1][12] ইয়াৰ উপৰিও তেওঁ আমেৰিকান ৰেডিঅ’ ৰিলে লীগৰ লছ এঞ্জেলছ শাখাৰ ছেকচন ট্ৰাফিক মেনেজাৰ, যিটো সংস্থা নিজকে "এমেচাৰ ৰেডিঅ’ৰ ৰাষ্ট্ৰীয় সংস্থা" বুলি পৰিচয় দিয়ে।[13][14]

হাটনে ১৯৮৪ চনৰ পৰাই এগৰাকী মুকলি লেচবিয়ান আৰু তেওঁক প্ৰায়ে এক "লেচবিয়ান আইকন" হিচাপে তালিকাভুক্ত কৰা হয়।[4] তেওঁ লছ এঞ্জেলছৰ গে এণ্ড লেচবিয়ান চাইণ্টিষ্ট গোটৰ বাবে কেলটেকৰ ভূকম্পবিজ্ঞান পৰীক্ষাগাৰ ভ্ৰমণৰো আয়োজন কৰিছিল।[15]

হাটনে ১৯৯০ চনৰ কেভিন বেকন অভিনীত জনপ্ৰিয় ভৌতিক ছবি ট্ৰেমাৰ্ছত এগৰাকী পৰামৰ্শদাতা ভূকম্পবিজ্ঞানী হিচাপে কাম কৰিছিল।[16] তেওঁ ১৯৮১ চনৰ ন’ষ্ট্ৰাডামাছৰ ওপৰত আধাৰিত তথ্যচিত্ৰ-চলচ্চিত্ৰ দ্য মেন হু ছ’ টুমৰোতো অভিনয় কৰিছিল।

জনসম্পৰ্ক

[সম্পাদনা কৰক]

১৯৮০ আৰু ১৯৯০ চনৰ দশকৰ পৰা হাটনে নিয়মিতভাৱে সংবাদ মাধ্যমত অকলে আৰু কেতিয়াবা তেওঁৰ আমেৰিকা যুক্তৰাষ্ট্ৰৰ ভূতাত্ত্বিক জৰীপৰ সহকৰ্মী ড° লুচি জোনছৰ সৈতে দক্ষিণ কেলিফৰ্ণিয়া আৰু বিদেশৰ শেহতীয়া ভূমিকম্পৰ বিষয়ে জনসাধাৰণক অৱগত কৰিবলৈ উপস্থিত হৈছিল।[2][17][18][19][20] জটিল বিষয়সমূহ জনসাধাৰণৰ ওচৰত স্পষ্ট আৰু সঠিকভাৱে বাখ্যা কৰিব পৰা ক্ষমতাৰ বাবে হাটন কেলটেকত "অতিকৈ সফল আৰু উচ্চ প্ৰমূল্যৰ" আছিল।[2] ভূমিকম্পৰ বিশ্লেষণৰ বাবে জাপান, কোৰিয়া, চুইডেন আৰু ফ্ৰান্সৰ আন্তঃৰাষ্ট্ৰীয় সংবাদ সংস্থাসমূহেও হাটনৰ সহায় বিচাৰিছিল।[2] এল.এ. উইকলিৰ মতে, দৰ্শকক ভূমিকম্প বিজ্ঞানৰ বিষয়ে বুজাই দিওঁতে "হাটনে শান্তি আৰু সতৰ্কতাৰ মাজত এক সঠিক ভাৰসাম্য ৰক্ষা কৰিছিল।"[21]

তথ্যসূত্ৰ

[সম্পাদনা কৰক]
  1. 1 2 "Dr Kate Hutton" (en-US ভাষাত). Palm Springs Hamfest. http://palmspringshamfest.com/?team=dr-kate-hutton। আহৰণ কৰা হৈছে: 2019-01-15.
  2. 1 2 3 4 5 "In Quake Role, She's Not Rattled : Caltech Seismologist in Demand to Answer Questions" (en-US ভাষাত). Los Angeles Times. 1987-10-11. https://www.latimes.com/archives/la-xpm-1987-10-11-ga-13095-story.html। আহৰণ কৰা হৈছে: 2020-05-19.
  3. 1 2 "Dr. Katherine “Kate” Hutton. The Earthquake Lady". CTA. Archived from the original on 2022-03-08. https://web.archive.org/web/20220308121815/https://ctago.org/wp-content/uploads/2016/03/Kate-Hutton.pdf। আহৰণ কৰা হৈছে: 2026-01-09.
  4. 1 2 3 4 "Kate Hutton: 'That Earthquake Lady'" (en ভাষাত). www.advocate.com. 2014-01-17. http://www.advocate.com/arts-entertainment/people/2014/01/17/kate-hutton-earthquake-lady। আহৰণ কৰা হৈছে: 2020-05-19.
  5. ↑ Uhrhammer, R. A.; Hellweg, M.; Hutton, K.; Lombard, P.; Walters, A. W.; Hauksson, E.; Oppenheimer, D. (2011-12-01). "California Integrated Seismic Network (CISN) Local Magnitude Determination in California and Vicinity". Bulletin of the Seismological Society of America খণ্ড 101 (6): 2685–2693. doi:10.1785/0120100106. ISSN 0037-1106. https://authors.library.caltech.edu/29162/1/Uhrhammer2011p17022B_Seismol_Soc_Am.pdf.
  6. ↑ Hauksson, Egill; Jones, Lucile M.; Hutton, Kate (1995-07-10). "The 1994 Northridge earthquake sequence in California: Seismological and tectonic aspects" (en ভাষাত). Journal of Geophysical Research: Solid Earth খণ্ড 100 (B7): 12335–12355. doi:10.1029/95JB00865. https://authors.library.caltech.edu/35695/1/95JB00865.pdf.
  7. ↑ Yang, Wenzheng; Hauksson, Egill (2013-04-22). "The tectonic crustal stress field and style of faulting along the Pacific North America Plate boundary in Southern California". Geophysical Journal International খণ্ড 194 (1): 100–117. doi:10.1093/gji/ggt113. ISSN 1365-246X.
  8. ↑ "Experts Warn Of Public 'Amnesia' Two Decades After Northridge Quake" (en-US ভাষাত). 2014-09-26. https://losangeles.cbslocal.com/2014/09/26/experts-warn-of-public-amnesia-two-decades-after-northridge-quake/। আহৰণ কৰা হৈছে: 2020-05-19.
  9. ↑ Nagourney, Adam (2013-03-20). "Progress Stalls in California on Earthquake Warnings" (en-US ভাষাত). The New York Times. ISSN 0362-4331. https://www.nytimes.com/2013/03/21/us/california-lags-behind-on-a-quake-warning-system.html.
  10. ↑ KNBC, Jack Noyes (2015-01-30). "It's official "Earthquake Lady" Dr. Kate Hutton, famed Caltech seismologist has retired -- today was her last day." (en ভাষাত). @jacknoyesknbc. https://twitter.com/jacknoyesknbc/status/561332749965864961?lang=en। আহৰণ কৰা হৈছে: 2019-01-15.
  11. ↑ "The Big One - Part Two". alpenhornnews.com. Archived from the original on 2015-10-17. https://web.archive.org/web/20151017134550/http://alpenhornnews.com/the-big-one-part-two-p6491-155.htm। আহৰণ কৰা হৈছে: 2020-05-19.
  12. ↑ "Speakers" (en-US ভাষাত). Palm Springs Hamfest. http://palmspringshamfest.com/speakers/। আহৰণ কৰা হৈছে: 2020-05-20.
  13. ↑ "ARRL Los Angeles Section - ARRL LAX". www.arrllax.org. Archived from the original on 2020-02-02. https://web.archive.org/web/20200202215039/http://www.arrllax.org/index.php?page=about-us। আহৰণ কৰা হৈছে: 2020-05-27.
  14. ↑ "Home". www.arrl.org. http://www.arrl.org/home। আহৰণ কৰা হৈছে: 2020-05-27.
  15. ↑ Scupham-bilton, Tony (2013-03-15). "The Queerstory Files: Earthquakes and Dinosaurs - A Tale of Two Kates". The Queerstory Files. http://queerstoryfiles.blogspot.com/2013/03/earthquakes-and-dinosaurs-tale-of-two.html। আহৰণ কৰা হৈছে: 2019-01-15.
  16. ↑ "LGBT History Month 2013 | LGBT Hero | Kate Hutton | polarimagazine.com" (en-GB ভাষাত). Polari Magazine. 2013-02-20. http://www.polarimagazine.com/lgbt-history-month/lgbt-history-month-heroes-day-20/। আহৰণ কৰা হৈছে: 2020-05-20.
  17. ↑ Mathews, Jay (1986-07-09). "Strongest Earthquake in 7 Years Strikes Southern California" (en-US ভাষাত). Washington Post. ISSN 0190-8286. https://www.washingtonpost.com/archive/politics/1986/07/09/strongest-earthquake-in-7-years-strikes-southern-california/1aaec78e-6d89-490b-9a29-da8f546322ed/.
  18. ↑ "Shaking Up Stereotypes : Caltech 'Earthquake Ladies' Give Science a Human Face" (en-US ভাষাত). Los Angeles Times. 1992-07-04. https://www.latimes.com/archives/la-xpm-1992-07-04-ca-1219-story.html। আহৰণ কৰা হৈছে: 2020-05-19.
  19. ↑ "'Quake Lady' Tries to Calm Rattled Nerves" (en-US ভাষাত). Los Angeles Times. 1994-04-30. https://www.latimes.com/archives/la-xpm-1994-04-30-me-52229-story.html। আহৰণ কৰা হৈছে: 2020-05-19.
  20. ↑ "Poor building codes, perfect-storm earthquake led to massive destruction in Haiti, experts say" (en-US ভাষাত). LA Times Blogs - L.A. NOW. 2010-01-13. https://latimesblogs.latimes.com/lanow/2010/01/poor-building-codes-perfect-storm-earthquake-led-to-massive-destruction-quake-experts-say.html। আহৰণ কৰা হৈছে: 2020-05-19.
  21. ↑ Gendy Alimurung (2006-04-19). "Epicenter of Cool: Dr. Kate Hutton". LA Weekly. http://www.laweekly.com/news/epicenter-of-cool-2142916। আহৰণ কৰা হৈছে: 2016-02-12.
"https://as.wikipedia.org/w/index.php?title=কেট_হাটন&oldid=621903"ৰ পৰা অনা হৈছে