কেথ্ৰিন মুয়েগে
| কেথ্ৰিন মুয়েগে | |
|---|---|
 | |
| ক্ষেত্ৰ | আণৱিক জীৱবিজ্ঞান, এপিজেনেটিক্স, কেন্সাৰ গৱেষণা |
| কৰ্মস্থান | ফ্ৰেডেৰিক নেচনেল লেবৰেটৰী ফৰ কেন্সাৰ ৰিচাৰ্চ |
| শিক্ষানুষ্ঠান | হানোভাৰ মেডিকেল স্কুল (এমডি) |
কেথ্ৰিন মুয়েগে এগৰাকী জাৰ্মান চিকিৎসক আৰু আণৱিক জীৱবিজ্ঞানীৰূপে কৰ্মৰত, যিয়ে ভ্ৰূণৰ বিকাশৰ সময়ত আৰু টিউমাৰৰ অগ্ৰগতিৰ সময়ত ক্ৰ’মেটিন সংগঠনৰ ওপৰত গৱেষণা কৰি আছে। তেওঁ ফ্ৰেডেৰিক নেচনেল লেবৰেটৰী ফৰ কেন্সাৰ ৰিচাৰ্চৰ এগৰাকী জ্যেষ্ঠ অনুসন্ধানকাৰী বিষয়া আৰু এপিজেনেটিক্স বিভাগৰ মুৰব্বী।
শিক্ষা
[সম্পাদনা কৰক]কেথ্ৰিন মুয়েগে হানোভাৰ মেডিকেল স্কুলৰপৰা এম ডি ডিগ্ৰী লাভ কৰে। পোষ্ট ডক্টৰেট গৱেষক হিচাপে তেওঁ নেচনেল কেন্সাৰ ইনষ্টিটিউট (এনচিআই) লেবৰেটৰী অৱ মলিকুলাৰ ইমিউন’ৰেগুলেচন অৱ জুষ্ট জে অপেনহাইম [ডি] আৰু স্কট কে ডুৰামত চাইট’কাইন আৰু টি কোষৰ বিকাশৰ কাম কৰিছিল।[1]
কেৰিয়াৰ আৰু গৱেষণা
[সম্পাদনা কৰক]ফ্ৰেডেৰিক নেচনেল লেবৰেটৰী ফৰ কেন্সাৰ ৰিচাৰ্চৰ এগৰাকী প্ৰধান অনুসন্ধানকাৰী বিষয়া হিচাপে তেওঁ ভ্ৰূণৰ বিকাশৰ সময়ত আৰু টিউমাৰৰ অগ্ৰগতিৰ সময়ত ক্ৰ’মেটিন সংগঠনৰ লেবৰেটৰী অৱ কেন্সাৰ প্ৰিভেনচনত অনুসন্ধানৰ কাম কৰে।[1] মাউছ কেন্সাৰ জেনেটিক্স প্ৰগ্ৰেমৰ জ্যেষ্ঠ অনুসন্ধানকাৰী বিষয়া আৰু এপিজেনেটিক্স বিভাগৰ মুৰব্বী আছিল তেওঁ।
মুয়েগে আণৱিক ব্যৱস্থাৰ অধ্যয়ন কৰে যিয়ে মাউৰিনৰ বিকাশৰ সময়ত ক্ৰ’মেটিনৰ গঠন আৰু কাৰ্য্যকলাপ সলনি কৰে। নিউক্লিঅ’জ’মেল ৰিমডেলিং আৰু ডি এন এ মিথাইলেচনকে ধৰি ক্ৰ’মেটিন মডিফায়াৰৰ মাজত কেইবাটাও সম্পৰ্ক আৱিষ্কাৰ কৰিছিল। এই কামটোৱে স্বাভাৱিক কোষীয় পাৰ্থক্যৰ সময়ত আৰু নিউক্লিয়াৰ পুনৰ প্ৰগ্ৰেমিঙৰ বিপৰীত প্ৰক্ৰিয়াৰ সময়ত ক্ৰ’মেটিনৰ পৰিৱৰ্তনৰ ওপৰত গুৰুত্ব আৰোপ কৰে। তেওঁৰ অধ্যয়নে জিন প্ৰকাশ কেনেকৈ সুস্থিৰ হয়, কোষে কেনেকৈ সঠিক ফেন’টাইপ বজাই ৰাখে আৰু কেন্সাৰকে ধৰি ৰোগজনিত অৱস্থাত এই প্ৰক্ৰিয়া কেনেকৈ বিঘ্নিত হ’ব পাৰে, সেই বিষয়ে অন্তৰ্দৃষ্টি প্ৰদান কৰে।[1]
তথ্যসূত্ৰ
[সম্পাদনা কৰক]- 1 2 3 "Kathrin Muegge, M.D." (en ভাষাত). Center for Cancer Research. 2014-08-12. https://ccr.cancer.gov/mouse-cancer-genetics-program/kathrin-muegge। আহৰণ কৰা হৈছে: 2020-05-09.
এই প্ৰবন্ধত এই উৎসৰ পৰা পাঠ অন্তৰ্ভুক্ত কৰা হৈছে, যি ৰাজহুৱা ক্ষেত্ৰত আছে।
