সমললৈ যাওক

গে আইকন

অসমীয়া ৱিকিপিডিয়াৰ পৰা
লছ এঞ্জেলছ প্ৰাইডৰ এখন বিপণী য’ত গে আইকনসকলক প্ৰদৰ্শন কৰা হৈছে

গে আইকন (ইংৰাজী: Gay icon) হ’ল এনে এগৰাকী ৰাজহুৱা ব্যক্তি যাক এলজিবিটিকিউ সম্প্ৰদায়ৰ সদস্যসকলে এজন সাংস্কৃতিক আইকন হিচাপে গণ্য কৰে।[1] এনে ব্যক্তিসকলৰ সাধাৰণতে এলজিবিটিকিউ সম্প্ৰদায়ৰ মাজত এক উৎসৰ্গিত অনুৰাগী গোষ্ঠী থাকে আৰু তেওঁলোকে প্ৰায়ে নিজৰ কামৰ জৰিয়তে এই সম্প্ৰদায়ৰ সহযোগী (ally) হিচাপে কাম কৰে,[1] অথবা তেওঁলোকে নিজৰ গে অনুৰাগীসকলৰ প্ৰতি মুকলিকৈ শলাগ প্ৰকাশ কৰে।[2] বহুতো গে আইকনৰ এক বিশেষ 'কেম্প' নান্দনিক শৈলী থাকে, যিটো এলজিবিটিকিউ ব্যক্তিসকলৰ বাবে আকৰ্ষণৰ কেন্দ্ৰবিন্দু।[3]

আটাইতকৈ বেছি স্বীকৃতিপ্ৰাপ্ত গে আইকনসকলৰ ভিতৰত বেছিভাগেই হ’ল অভিনেত্ৰী আৰু গায়িকা যিসকলে বৃহৎ এলজিবিটিকিউ অনুৰাগী লাভ কৰিবলৈ সক্ষম হৈছে; যেনে জুডী গাৰলেণ্ড, চেৰ, মাডোনা, হুইটনী হিউষ্টন আৰু জ্যানেট জ্যাকচন। অৱশ্যে এই অভিধাটো ৰাজনীতি, ক্ৰীড়া, সাহিত্য আৰু অন্যান্য ক্ষেত্ৰৰ ব্যক্তিৰ লগতে এলজিবিটিকিউ লক্ষ্যৰ সৈতে সম্পৰ্কিত ঐতিহাসিক ব্যক্তিসকলৰ ক্ষেত্ৰতো প্ৰয়োগ কৰিব পাৰি। গে আইকন হিচাপে পৰিগণিত হোৱা বিশিষ্ট শিল্পীসকলে প্ৰায়ে তেওঁলোকৰ কামত গ্ৰহণযোগ্যতা, আত্মপ্ৰেম আৰু যৌনতাৰ বিষয়বস্তুসমূহ অন্তৰ্ভুক্ত কৰে। এলজিবিটিকিউ সম্প্ৰদায়ৰ ভিতৰত থকা বিভিন্ন অভিমুখিতাৰ গে আইকনসকলে তেওঁলোকৰ সফলতাৰ ক্ষেত্ৰত গে অনুৰাগীসকলে পালন কৰা ভূমিকাৰ কথা স্বীকাৰ কৰি আহিছে।

ভিন্নতা আৰু পৰিভাষা

[সম্পাদনা কৰক]

যুক্তি আগবঢ়োৱা হয় যে গে আইকন শব্দটো মূলতঃ সেইসকল ৰাজহুৱা ব্যক্তিৰ বাবে ব্যৱহাৰ কৰা হয় যাক বিশেষকৈ গে পুৰুষসকলে এক সাংস্কৃতিক আইকন হিচাপে গণ্য কৰে।[2] অন্যান্য শ্ৰেণীবিভাজন আৰু ভিন্নতাসমূহ হ’ল:

  • লেচবিয়ান আইকন: লেচবিয়ান আইকন (যাক চমুকৈ ডাইকণ বুলিও কোৱা হয়), হ’ল এনে এক ব্যক্তিত্ব যাক বিশেষকৈ লেচবিয়ানসকলে আইকন হিচাপে গণ্য কৰে।[2][4] এই অভিধাটো জেমছ ডীন আৰু মাৰ্লন ব্ৰাণ্ডোৰ দৰে পুৰুষৰ ক্ষেত্ৰতো প্ৰয়োগ কৰা হৈছে কিয়নো তেওঁলোকে লেচবিয়ানসকলৰ 'বাচ্চ' (butch) নান্দনিক শৈলীৰ ওপৰত প্ৰভাৱ পেলাইছিল।[4] ইয়াৰ উপৰিও চলচ্ছিত্ৰ আৰু দূৰদৰ্শনত কুইয়াৰ চৰিত্ৰত অভিনয় কৰা বিভিন্ন অভিনেত্ৰী যেনে নাতাশা লিয়ন আৰু কেট ব্লানছেটৰ ক্ষেত্ৰতো এই শব্দটো ব্যৱহাৰ কৰা হয়।[2]
  • কুইয়াৰ আইকন: ইতিহাসবিদ মাৰ্ক নুজেনটে কুইয়াৰ আইকনৰ সংজ্ঞা দি কয় যে ই হ’ল এনে এক অ-বিষমকামী প্ৰতিনিধিত্ব যিয়ে 'কুইয়াৰ' ধাৰণাটোৰ জনপ্ৰিয় গঠনসমূহক প্ৰত্যাহ্বান জনোৱাত বা স্বাভাৱিক কৰাত গুৰুত্বপূৰ্ণ মতাদৰ্শগত ভূমিকা পালন কৰে।[5]

লুই ষ্টেপলছে লিখিছে যে গে পুৰুষসকলে প্ৰায়ে সেইসকল মহিলাক পূজা কৰে যাৰ জীৱনগাথা "উদ্ধাৰ, শোষণ আৰু ট্ৰেজেডীৰে পৰিপূৰ্ণ"।[6]

ব্যংগ

[সম্পাদনা কৰক]

কিছুমান ভৌতিক কল্পকাহিনীৰ চৰিত্ৰক (যেনে মা, অ্যানাবেল, দ্য বাবডুক, M3GAN, পেনিৱাইজ আৰু চকী) ব্যংগাত্মকভাৱে ইণ্টাৰনেট মীমৰ জৰিয়তে গে আইকন হিচাপে অভিহিত কৰা হৈছে।[7][8][9][10]

প্ৰতিক্ৰিয়া

[সম্পাদনা কৰক]
২০১৩ চনত নিউয়ৰ্ক চহৰত অনুষ্ঠিত ২৪তম GLAAD মিডিয়া এৱাৰ্ডত মাডোনা। সমকামী স্কাউট আৰু স্কাউট নেতাৰ ওপৰত থকা নিষেধাজ্ঞাৰ প্ৰতিবাদত তেওঁ এজন কাব স্কাউটৰ পোছাক পৰিধান কৰিছে।

গে আইকন হিচাপে গণ্য কৰাক লৈ বহুতো চেলিব্ৰিটিয়ে ইতিবাচক সঁহাৰি জনাইছে আৰু তেওঁলোকৰ গে অনুৰাগীসকলৰ আনুগত্যৰ কথা স্বীকাৰ কৰিছে। আৰ্থা কিট আৰু চেৰে তেওঁলোকৰ কেৰিয়াৰৰ কঠিন সময়তো তেওঁলোকক উৎসাহিত কৰি ৰখাৰ বাবে গে অনুৰাগীসকলক কৃতিত্ব দিছে।[11]

মাডোনাৰ কেইবাটাও গে সম্পৰ্কীয় অনুষ্ঠানত অভিনয় কৰিছে আৰু তেওঁৰ এলজিবিটি অনুৰাগীসকলৰ প্ৰভাৱ স্বীকাৰ কৰি কৈছে: "যদি গে সম্প্ৰদায় নাথাকিলহেঁতেন তেন্তে মোৰ কেৰিয়াৰেই নহ’লহেঁতেন"।[12] তেওঁৰ কেইবাটাও গীত আৰু পৰিবেশনত এই সম্প্ৰদায়ৰ উল্লেখ পোৱা যায়। তেওঁ সাক্ষাৎকাৰত প্ৰকাশ কৰিছে যে তেওঁৰ কিছুমান ভাল বন্ধু গে আৰু তেওঁ গে লোকসকলক যথেষ্ট ভাল পায়। আনকি তেওঁ নিজকে "সকলো সময়ৰ আটাইতকৈ ডাঙৰ গে আইকন" বুলিও অভিহিত কৰিছে।[13]

১৯৯৯ চনৰ জুন মাহত হুইটনী হিউষ্টনে নিউয়ৰ্ক চহৰৰ লেচবিয়ান এণ্ড গে প্ৰাইড ডান্সত এক আশ্বৰ্যজনক পৰিবেশন আগবঢ়াইছিল।[14] তেওঁক যেতিয়া সোধা হৈছিল যে কিয় তেওঁ এই অনুষ্ঠানত অংশ লৈছে, তেতিয়া তেওঁ কৈছিল, "আমি সকলোৱেই ঈশ্বৰৰ সন্তান"। ২০০০ চনত তেওঁ 'আউট' আলোচনীৰ বেটুপাতত স্থান পাইছিল।[15]

কাইলী মিনোগেও নিজকে এগৰাকী গে আইকন হিচাপে গ্ৰহণ কৰিছে আৰু ছিডনী গে এণ্ড লেচবিয়ান মাৰ্ডি গ্ৰাছৰ দৰে অনুষ্ঠানত অংশ লৈছে। তেওঁ উল্লেখ কৰিছে যে তেওঁৰ গে অনুৰাগীসকলে তেওঁক আৰম্ভণিৰ পৰাই আদৰি লৈছে।[16]

২০১৬ চনত অৰলেণ্ডোত হোৱা সমকামী আক্ৰমণৰ বিৰুদ্ধে এক মৌন প্ৰতিবাদত লেডী গাগা

লেডী গাগাই তেওঁৰ কেৰিয়াৰ গঢ় দিয়াৰ বাবে গে অনুৰাগীসকলক কৃতিত্ব দি কৈছে, "যেতিয়া মই মেইনষ্ট্ৰীম কেৰিয়াৰ আৰম্ভ কৰিছিলোঁ, তেতিয়া গেসকলেই মোক ওপৰলৈ তুলিছিল"। তেওঁ নিজৰ নতুন এলবামসমূহ প্ৰায়ে গে ক্লাববোৰত মুক্তি দিছিল। গাগাই তেওঁৰ এটা 'MuchMusic Video Award' জয়ৰ লগতে 'Alejandro' মিউজিক ভিডিঅ’টো গে লোকসকললৈ উৎসৰ্গা কৰিছিল। লেডী গাগাক এগৰাকী প্ৰখ্যাত এলজিবিটি কৰ্মী হিচাপে জনা যায় আৰু তেওঁ বিভিন্ন প্ৰাইড আৰু ষ্টোনৱাল ডে’ৰ দৰে অনুষ্ঠানত অংশগ্ৰহণ কৰি আহিছে।[17][18]

তথ্যসূত্ৰ

[সম্পাদনা কৰক]
  1. 1 2 Artavia, David (June 27, 2022). "What makes Judy Garland a gay icon? Experts explain what she and others, from Diana Ross to Madonna, have in common". Yahoo!. https://www.yahoo.com/lifestyle/judy-garland-gay-icon-experts-diana-ross-madonna-lil-nas-x-pride-queer-153829764.html। আহৰণ কৰা হৈছে: January 28, 2023.
  2. 1 2 3 4 Perry, Grace (October 24, 2019). "The Problem With Queer Thirst For Straight Celebrities". BuzzFeedBuzzFeed News. https://www.buzzfeednews.com/article/graceeperry/top-me-rachel-weisz-cate-blanchett-queer-thirst। আহৰণ কৰা হৈছে: January 28, 2023.
  3. ↑ Lenker, Maureen Lee (June 29, 2022). "How Judy Garland became a gay icon — and why she endures as one". Entertainment Weekly (Dotdash Meredith). https://ew.com/movies/why-judy-garland-endures-as-a-gay-icon/। আহৰণ কৰা হৈছে: January 28, 2023.
  4. 1 2 Jones, Daisy (September 18, 2020). "Can Men Be Lesbian Icons? An Investigation". Vice MediaVice (magazine). https://www.vice.com/en/article/can-men-be-lesbian-icons-an-investigation/। আহৰণ কৰা হৈছে: January 28, 2023.
  5. ↑ Nugent, Mark (2008). "From 'Filthy Catamite' to 'Queer Icon': Elagabalus and the Politics of Sexuality (1960–1975)". Helios খণ্ড 35 (2): 171–196. doi:10.1353/hel.0.0009. ISSN 1935-0228. https://muse.jhu.edu/pub/76/article/268398.
  6. ↑ Staples, Louis (2021-11-10). "For LGBTQ+ Fans, Free Britney Is Personal and Pivotal" (en-US ভাষাত). Vogue. https://www.vogue.com/article/britney-spears-lgbtq-fans। আহৰণ কৰা হৈছে: 2025-09-05.
  7. ↑ "The Babadook: how the horror movie monster became a gay icon" (en ভাষাত). Guardian News and Media LimitedThe Guardian. 11 June 2017. http://www.theguardian.com/film/2017/jun/11/the-babadook-how-horror-movie-monster-became-a-gay-icon। আহৰণ কৰা হৈছে: 9 December 2022.
  8. ↑ Kirkland, Justin (15 October 2022). "The Creepy Robot From 'M3GAN' Is an Instant Queer Icon" (en ভাষাত). The Daily Beast. https://www.thedailybeast.com/obsessed/m3gan-trailers-robot-is-a-queer-icon-like-the-babadook-and-ma.
  9. ↑ "The Internet Thinks Pennywise from "It" Is a Gay Icon and DATING the Babadook" (en-US ভাষাত). Teen Vogue. 13 September 2017. https://www.teenvogue.com/story/it-pennywise-gay-icon-babadook। আহৰণ কৰা হৈছে: 9 December 2022.
  10. ↑ Ryan, Gary (December 9, 2021). "How 'Chucky' cements the murderous doll's legacy as a queer ally". NME. https://www.nme.com/features/opinion/chucky-tv-series-queer-ally-3111995। আহৰণ কৰা হৈছে: January 17, 2025.
  11. ↑ Rutledge, Leigh W. (2003). The Gay Book of Lists, 3rd Edition. প্ৰকাশক Los Angeles, CA: Alyson Publications. পৃষ্ঠা. 87–88. ISBN 1-55583-740-9.
  12. ↑ Gaedeke, Emma (November 9, 2010). "Madonna: 'I Wouldn't Have a Career If It Weren't for the Gay Community'". Billboard. https://www.billboard.com/music/music-news/madonna-i-wouldnt-have-a-career-if-it-werent-for-the-gay-951396/। আহৰণ কৰা হৈছে: August 7, 2022.
  13. ↑ "Madonna: 'I hope I'm still a gay icon'". Gay.com. 26 October 2005. http://uk.gay.com/headlines/9191। আহৰণ কৰা হৈছে: 1 August 2007.
  14. ↑ "Whitney Houston Surprises Crowd at Lesbian-Gay Pride Event". MTV. June 28, 1999. Archived from the original on May 26, 2022. https://web.archive.org/web/20220526014046/https://www.mtv.com/news/1430174/whitney-houston-surprises-crowd-at-gay-lesbian-pride-event/.
  15. ↑ "Happy Birthday: Whitney Houston's 2000 'Out' Interview". https://www.out.com/entertainment/music/2012/02/13/whitney-houston-first-gay-interview-out-2000। আহৰণ কৰা হৈছে: March 15, 2025.
  16. ↑ Ives, Brian; Bottomley, C. (24 February 2004). "Kylie Minogue: Disco's Thin White Dame". VH1.com. http://www.vh1.com/artists/interview/1485255/02232004/minogue_kylie.jhtml। আহৰণ কৰা হৈছে: 21 January 2007.
  17. ↑ Nichols, James Michael (25 March 2017). "Lady Gaga: Gay Men 'Helped Me Become A Woman'". HuffPost. https://www.huffpost.com/entry/lady-gaga-gay-men-untucked_n_58d6acf5e4b03787d3591e78। আহৰণ কৰা হৈছে: 24 December 2019.
  18. ↑ "Lady Gaga: 'I Really Wouldn't Be Here Without the Gay Community'". pride.com. 10 September 2018. https://www.pride.com/ladygaga/2018/9/10/lady-gaga-i-really-wouldnt-be-here-without-gay-community। আহৰণ কৰা হৈছে: 24 December 2019.

বাহ্যিক সংযোগ

[সম্পাদনা কৰক]
"https://as.wikipedia.org/w/index.php?title=গে_আইকন&oldid=594272"ৰ পৰা অনা হৈছে