গোবিন্দ্ৰচন্দ্ৰ পৈৰা
| গোবিন্দ্ৰচন্দ্ৰ পৈৰা | |
|---|---|
| জন্ম | ২৩ ফেব্ৰুৱাৰী, ১৯১৭ |
| মৃত্যু | ৫ জানুৱাৰী, ১৯৯৯ |
| পেচা | গল্পকাৰ, ঔপন্যাসিক |
| ভাষা | নেপালী, অসমীয়া |
| ৰাষ্ট্ৰীয়তা | ভাৰতীয় |
| উল্লেখনীয় কৰ্মৰাজি | সপোন আৰু স্মৃতি (১৯৮৮) |
গোবিন্দ্ৰচন্দ্ৰ পৈৰা (১৯১৭-১৯৯৯) (ইংৰাজী: Govindra Chandra Poira) জন্মসূত্ৰে নেপালীভাষী এগৰাকী অসমীয়া গল্পকাৰ আৰু ঔপন্যাসিক৷ আৱাহন, জয়ন্তী আদি আলোচনীত তেওঁৰ গল্প প্ৰকাশ পাইছিল৷[1]
জন্ম আৰু শিক্ষা
[সম্পাদনা কৰক]১৯১৭ চনৰ ২৩ ফেব্ৰুৱাৰী তাৰিখে গোবিন্দ্ৰচন্দ্ৰ পৈৰাৰ জন্ম৷ তেওঁ প্ৰৱেশিকা পৰ্যন্ত শিক্ষা লাভ কৰে৷[1]
কৰ্মজীৱন
[সম্পাদনা কৰক]গোবিন্দ্ৰচন্দ্ৰ পৈৰাই কেইবছৰমান কহিমা এম ই স্কুলত শিক্ষকতা কৰি পিছত স্বাধীন ব্যৱসায়ত হাত দিয়ে৷ ১৯৬৯-৭৪ সময়ছোৱাত তেওঁ নাগালেণ্ড বিধানসভাৰ সদস্য হিচাপে নিৰ্বাচিত হৈছিল৷ তেওঁ অসম সাহিত্য সভাৰ উপ-সভাপতি হিচাপে ক্ৰমে ১৯৭৮-৭৯ আৰু ১৯৮৫-৮৬ দুটা কাৰ্যকাল কাৰ্যনিৰ্বাহ কৰিছিল৷ কহিমা সাহিত্য সভাৰ তেওঁ সভাপতি আছিল৷ তেওঁ কহিমা সমাজ কল্যাণ পৰিষদৰ প্ৰতিষ্ঠাতা আছিল৷[2]
সৃষ্টিকৰ্ম
[সম্পাদনা কৰক]গোবিন্দ্ৰচন্দ্ৰ পৈৰাৰ একমাত্ৰ গল্পসংকলনখন হ’ল সপোন আৰু স্মৃতি (১৯৮৮)৷ সংকলনটি যোগেশ দাসৰ সম্পাদনাত প্ৰকাশ পায়৷ তেওঁৰ একমাত্ৰ উপন্যাসখন প্ৰেম আৰু পৃথিৱীৰ ১৯৮৮ চনত প্ৰকাশ পায়৷[1]
মৃত্যু
[সম্পাদনা কৰক]১৯৯৯ চনৰ ৫ জানুৱাৰী তাৰিখে তেওঁৰ মৃত্যু ঘটে৷[1]