গৌতমী
গৌতমী | |
|---|---|
 গৌতমী ২০১৩ চনত | |
| সৰ্বভাৰতীয় আন্না দ্ৰাবিড় মুন্নেত্ৰা কাঝগমৰ উপ-প্ৰচাৰ সচিব | |
পদাধিকাৰ | |
| কাৰ্যভাৰ গ্ৰহণ ২১ অক্টোবৰ ২০২৪ | |
| সাধাৰণ সম্পাদক | এডাপ্পাডি কে. পলানিস্বামী |
| প্ৰচাৰ সচিব | এম. থাম্বিদুৰাই |
| ব্যক্তিগত তথ্য | |
| জন্ম | গৌতমী তাদিমাল্লা ০২ জুলাই, ১৯৬৮ (৫৭ বছৰ) ইচ্ছাপুৰম, শ্ৰীকাকুলাম, অন্ধ্ৰ প্ৰদেশ, ভাৰত |
| ৰাজনৈতিক দল | সৰ্বভাৰতীয় আন্না দ্ৰাবিড় মুন্নেত্ৰা কাঝগম (২০২৪-বৰ্তমান) |
| আন ৰাজনৈতিক সম্পৰ্ক |
ভাৰতীয় জনতা পাৰ্টি (১৯৯৭–২০২৩) |
| দাম্পত্যসঙ্গী | সন্দীপ ভাটিয়া (বি. ১৯৯৮; বিবি. ১৯৯৯) |
| ঘৰুৱা সহযোগী | কমল হাসান (২০০৫–২০১৬) |
| সন্তান | ১ |
| সম্বন্ধীয় | সৌম্যা বোল্লাপ্ৰগাডা (ভতিজী) |
| শিক্ষানুষ্ঠান | গিটাম বিশ্ববিদ্যালয়, বিশাখাপত্তনম |
| পেচা |
|
| ৱেবছাইট | gautamitadimalla |
গৌতমী তাদিমাল্লা (জন্ম ২ জুলাই ১৯৬৮) এগৰাকী ভাৰতীয় অভিনেত্ৰী, সমাজসেৱিকা, ৰাজনীতিবিদ আৰু সৰ্বভাৰতীয় আন্না দ্ৰাবিড় মুন্নেত্ৰা কাঝগমৰ উপ-প্ৰচাৰ সচিব। তেওঁ মুখ্যতঃ তামিল আৰু তেলুগু চলচ্চিত্ৰ উদ্যোগত কাম কৰিছে; লগতে মালয়ালম, হিন্দী আৰু কন্নড় ভাষাৰ চলচ্চিত্ৰতো অভিনয় কৰিছে। ১৯৮৭ চনৰপৰা ১৯৯৮ চনলৈকে তেওঁ দক্ষিণ ভাৰতীয় চলচ্চিত্ৰ জগতৰ অন্যতম শীৰ্ষস্থানীয় অভিনেত্ৰী আছিল। তেওঁ এগৰাকী দূৰদৰ্শন অভিনেত্ৰী আৰু সঞ্চালিকা, “লাইফ এগেইন ফাউণ্ডেচন”ৰ প্ৰতিষ্ঠাতা আৰু চলচ্চিত্ৰত পোশাক নিৰ্মাতা হিচাপেও জনাজাত।[1][2]
চলচ্চিত্ৰ জীৱন
[সম্পাদনা কৰক]গৌতমীয়ে বিশাখাপট্টনমত অৱস্থিত গান্ধী ইনষ্টিটিউট অৱ টেকন’লজী এণ্ড মেনেজমেণ্ট (গিটাম) বিশ্ববিদ্যালয়ত ইঞ্জিনিয়াৰিং অধ্যয়ন কৰিবলৈ ভৰ্তি হৈছিল। তেওঁ তেলুগু চলচ্চিত্ৰ দয়ামায়ুডু (১৯৮৭)ৰ জৰিয়তে চলচ্চিত্ৰ জগতত প্ৰৱেশ কৰে, যিখন তেওঁৰ খুৰাতুতো ভায়ে প্ৰযোজনা কৰিছিল।[1][3] তাৰ পিছত তেওঁ গান্ধীনগৰ ৰেণ্ডাৱা ভিডি আৰু শ্ৰীনিবাস কল্যাণম (উভয়েই ১৯৮৭) আদি চলচ্চিত্ৰত অভিনয় কৰে।
তাৰ পিছত তেওঁ তামিল চলচ্চিত্ৰ জগতত গুৰু শিষ্যন (১৯৮৮)ৰ জৰিয়তে প্ৰৱেশ কৰে, যিখনত ৰজনীকান্ত আৰু প্ৰভু অভিনয় কৰিছিল।[1] ১৯৮৭ চনৰপৰা ১৯৯৮ চনলৈকে তেওঁ তামিল চলচ্চিত্ৰত আটাইতকৈ সক্ৰিয় আছিল।
মালয়ালম চলচ্চিত্ৰত তেওঁৰ উল্লেখযোগ্য অভিনয়সমূহ হ’ল হিজ হাইনেছ আব্দুল্লাহ (১৯৯০)ত মোহনলালৰ সৈতে, ডেডি (১৯৯২)ত অৰবিন্দ স্বামীৰ সৈতে, ধ্ৰুৱম (১৯৯৩)ত মাম্মুট্টিৰ সৈতে আৰু আয়ালাথে আধেহম (১৯৯৩)ত জয়ৰামৰ সৈতে। সুকৃতম (১৯৯৪) চলচ্চিত্ৰত তেওঁৰ ভূমিকাটো সাহিত্যিক এম. টি. বাসুদেৱন নাইৰে লিখিছিল। তেওঁ কানাড়া চলচ্চিত্ৰ এলু সুট্টিনা কোটে (১৯৮৭), চিক্কেজামানৰু (১৯৯২), চেলুভা (১৯৯৭) আৰু হিন্দী চলচ্চিত্ৰ প্যাৰ হুৱা চোৰি চোৰি (১৯৯১), আদমি (১৯৯৩), জনতা কি আদালত (১৯৯৪), ত্ৰিমূৰ্তি (১৯৯৫), ঢাল (১৯৯৭) আৰু হৈৱান (১৯৯৮)তো অভিনয় কৰিছে।
তেওঁৰ উল্লেখযোগ্য তামিল চলচ্চিত্ৰসমূহ হ’ল অপূৰ্ব সগোধৰাৰ্গল (১৯৮৯), ৰাজা চিন্না ৰোজা (১৯৮৯), পানাক্কাৰণ (১৯৯০), ঊৰু ভিত্তু ঊৰু বান্থু (১৯৯০), নাম্মা ঊৰু পুভাথা (১৯৯০), ধৰ্ম দূৰাই (১৯৯১), নী পাথি নান পাথি (১৯৯১), ৰিক্সা মামা (১৯৯২), থেৱৰ মগন (১৯৯২), হনেষ্ট ৰাজ (১৯৯৪), নাম্মাভৰ (১৯৯৪), কুৰুথিপ্পুনাল (১৯৯৫) আৰু ইৰুৱৰ (১৯৯৭)।
তেওঁ ১৯৯৩ চনৰ জেণ্টলমেন চলচ্চিত্ৰৰ “চিক্কু বুক্কু ৰেলু” শীৰ্ষক গীতত প্ৰভু দেৱাৰ সৈতে বিশেষ উপস্থিতি আগবঢ়াইছিল।[1] তেওঁৰ সাসনম চলচ্চিত্ৰ, যিখনত অৰবিন্দ স্বামী অভিনয় কৰিছিল, ২০০৬ চনত মুক্তি পায় যদিও ইয়াক ১৯৯৬ চনত চিত্ৰগ্ৰহণ কৰা হৈছিল।[4] তেওঁ তামিল ধাৰাবাহিক ইন্দিৰাত মুখ্য ভূমিকাত অভিনয় কৰিছিল। লগতে তেওঁ ছান টিভিত প্ৰচাৰিত অনবুদান শীৰ্ষক এখন আলোচনামূলক অনুষ্ঠান সঞ্চালনা কৰিছিল।[3] তেওঁ কালাইঞ্জাৰ টিভিত প্ৰচাৰিত আবিৰামি ধাৰাবাহিকতো অভিনয় কৰিছিল।[5]
২০০০ দশকৰ শেষভাগত তেওঁ পুনৰ চলচ্চিত্ৰ উদ্যোগলৈ উভতি আহে, এইবাৰ তেওঁৰ সংগী কমল হাসান অভিনীত চলচ্চিত্ৰসমূহত পোষাক-নক্সাকাৰ হিচাপে কাম কৰি। তেওঁ বিশ্বৰূপম (২০১৩) আৰু উত্তম ভিলেন (২০১৫) আদি চলচ্চিত্ৰতো পোষাক-নক্সা কৰিছিল।
ষোল বছৰৰ পাছত তেওঁ পুনৰ অভিনয়লৈ উভতি আহি তামিল চলচ্চিত্ৰ পাপনাসম (২০১৫)ত অভিনয় কৰে, যিখনত তেওঁ তেওঁৰ সংগী কমল হাসানৰ সৈতে অভিনয় কৰিছিল। এইখন মূল মালয়ালম চলচ্চিত্ৰ দৃশ্যমৰ পুনৰ্নিৰ্মাণ আছিল।[6] তেওঁ ১৪ বছৰৰ পাছত মালয়ালম চলচ্চিত্ৰত পুনৰ প্ৰৱেশ কৰে ভয়ানক থ্ৰিলাৰ ই (২০১৭)ৰ জৰিয়তে, য’ত তেওঁ মুখ্য ভূমিকাত অভিনয় কৰিছিল।[7][8]
ব্যক্তিগত জীৱন
[সম্পাদনা কৰক]
গৌতমীৰ জন্ম অন্ধ্ৰ প্ৰদেশৰ শ্ৰীকাকুলামৰ এটা তেলুগু পৰিয়ালত হৈছিল। তেওঁৰ পিতৃ টি. আৰ. শেষাগিৰি ৰাও আৰু মাতৃ বসুন্ধৰা দেৱী। তেওঁৰ পিতৃজন ৰেডিয়েচন অংক’লজিষ্ট আছিল আৰু মাতৃজন পেথ’লজিষ্ট আৰু ডায়াগ্ন’ষ্টিছিয়ান আছিল। তেওঁ বেংগালুৰুস্থিত বিশপ কটন গাৰ্লছ’ স্কুলত অধ্যয়ন কৰিছিল। শৈশৱকালত তেওঁ বিশাখাপত্তনম আৰু কেৰালাতো বসবাস কৰিছিল।[9]
গৌতমীয়ে ১৯৯৮ চনত ব্যৱসায়ী সন্দীপ ভাটিয়াক বিবাহ কৰে আৰু তেওঁলোকৰ কন্যা সুব্বলক্ষ্মীৰ জন্ম ১৯৯৯ চনত হয়। তেওঁলোক ১৯৯৯ চনত বিবাহ-বিচ্ছেদ কৰে।
গৌতমী ২০০৫ চনৰপৰা ২০১৬ চনলৈকে অভিনেতা কমল হাসানৰ সৈতে সম্পৰ্কত আছিল। ২০১৬ চনত তেওঁ নিজৰ ব্লগত এই সম্পৰ্কৰ অৱসান ঘটোৱা বুলি ঘোষণা কৰে।[10] গৌতমীয়ে নিজৰ ব্লগত লিখিছিল: “আজি মোক এইটো ক’বলগীয়া হৈছে যে মই আৰু মি. হাসান একেলগে নাই। প্ৰায় ১৩ বছৰ একেলগে থকাৰ পিছত, মোৰ জীৱনত ল’বলগীয়া আটাইতকৈ কষ্টদায়ক সিদ্ধান্তসমূহৰ ভিতৰত এইটো এটা।”[11]
৩৫ বছৰ বয়সত তেওঁ স্তন কেঞ্চাৰত আক্ৰান্ত হৈছিল,[12] কিন্তু পিছলৈ সুস্থ হৈ উঠে।[13][14][15]
দাতব্য কাম
[সম্পাদনা কৰক]গৌতমীয়ে কৰ্কট ৰোগীসকলক সহায় কৰাৰ উদ্দেশ্যে লাইফ এগেইন ফাউণ্ডেচন (এলএএফ) প্ৰতিষ্ঠা কৰে।[16] লাইফ এগেইন ফাউণ্ডেচনে কৰ্কট ৰোগীসকলৰ বাবে ৩৬০ৰো অধিক প্ৰেৰণা শিবিৰ, কৰ্কট সজাগতা অভিযান আৰু খাদ্য বিতৰণ কাৰ্যসূচী অনুষ্ঠিত কৰিছে। সংস্থাটোৱে যোগ আৰু বিকল্প চিকিৎসা কাৰ্যসূচীও আয়োজন কৰে। লগতে ই সময়ে সময়ে স্বাস্থ্য শিবিৰ অনুষ্ঠিত কৰি কৰ্কট ৰোগ আৰু সামগ্ৰিক স্বাস্থ্য পৰীক্ষাৰ ব্যৱস্থা কৰে।[17] এলএএফে দুটা চলন্ত চিকিৎসালয়ো চলাই আছে।[16] ইয়াৰ উপৰি সংস্থাটোৱে আৰ্থিকভাৱে দুৰ্বল শিক্ষাৰ্থীসকলক উচ্চ শিক্ষাৰ বাবে পৃষ্ঠপোষকতা কৰে।[17] লগতে ই সম্পূৰক শিক্ষা কেন্দ্ৰ আৰু বৃত্তিমূলক প্ৰশিক্ষণ কেন্দ্ৰসমূহো চলাই আছে।[17]
তথ্যসূত্ৰ
[সম্পাদনা কৰক]- ↑ 1.0 1.1 1.2 1.3 Rediff On The NeT, Movies: An interview with Gauthami Archived 14 August 2017 at the Wayback Machine. Rediff.com (1999-06-12). Retrieved on 2012-07-11.
- ↑ "A banquet of ideas at TEDx Chennai" (en-IN ভাষাত). The Hindu. 1 October 2012. http://www.thehindu.com/news/cities/chennai/a-banquet-of-ideas-at-tedx-chennai/article3952146.ece.
- ↑ 3.0 3.1 "Friday Review Chennai / Interview : Determined to make a mark, again". The Hindu. 15 October 2007. http://www.hindu.com/fr/2007/07/20/stories/2007072051240400.htm.
- ↑ "Kamal Haasan-Gautami split: Will this mark the end of their creative collaboration as well?". 2 November 2016. https://www.firstpost.com/entertainment/kamal-haasan-gautami-split-will-this-mark-the-end-of-their-creative-collaboration-as-well-3083928.html.
- ↑ Gauthami enters small screen. Articles.timesofindia.indiatimes.com (2009-11-25). Retrieved on 2012-07-11.
- ↑ "Give timely support to good films, Kamal tells media" (en-IN ভাষাত). The Hindu. 9 July 2015. http://www.thehindu.com/news/cities/chennai/give-timely-support-to-good-films-kamal-tells-media/article7401083.ece?homepage=true&w=ma446.
- ↑ "The News Minute". https://www.thenewsminute.com/article/gauthami-s-e-horror-thriller-64009e.[সংযোগবিহীন উৎস]
- ↑ "'E' led to Gauthami's comeback to Malayalam after 14 years". The Times of India. https://timesofindia.indiatimes.com/entertainment/malayalam/movies/did-you-know/e-led-to-gauthamis-comeback-to-malayalam-after-14-years/articleshow/60142423.cms.
- ↑ Rangan, Baradwaj (11 July 2015). "Gautami talks about her milestone movies and Kamal". The Hindu. http://www.thehindu.com/features/cinema/gautami-talks-about-papanasam-kamal-haasan/article7411378.ece?homepage=true.
- ↑ Bhattacharya, Ananya (1 November 2016). "Kamal Haasan and Gautami part ways after living together for 13 years". India Today. https://www.indiatoday.in/movies/gossip/story/kamal-haasan-gautami-split-living-together-13-years-live-in-349558-2016-11-01। আহৰণ কৰা হৈছে: 1 November 2016.
- ↑ "Gautami opens up on Kamal Haasan: After 13 years together, our paths have irreversibly diverged". India.com. 2 Nov 2016. http://www.india.com/showbiz/gautami-opens-up-on-kamal-haasan-after-13-years-together-our-paths-have-irreversibly-diverged-1625151/.
- ↑ Gauthami: 'Don't feel scared of breast cancer' | startrack – Movies Archived 20 June 2012 at the Wayback Machine. ChennaiOnline (2012-03-09). Retrieved on 2012-07-11.
- ↑ Gautami narrates her experience of fighting breast cancer Archived 29 July 2010 at the Wayback Machine The Hindu
- ↑ Don't let mediocrity be the standard:Kamal The Times of India
- ↑ It's the genes at play[সংযোগবিহীন উৎস] India Today
- ↑ 16.0 16.1 "Life Again Foundation – One for one… We are there for everyone!". https://lifeagainfoundation.org/। আহৰণ কৰা হৈছে: 12 October 2020.
- ↑ 17.0 17.1 17.2 "Life Again Foundation | One for One... We are there for Everyone!". Life Again Foundation. https://www.lifeagainfoundation.org/। আহৰণ কৰা হৈছে: 5 March 2023.
বাহ্যিক সংযোগ
[সম্পাদনা কৰক]- গৌতমী সম্পৰ্কে ইণ্টাৰনেট মুভি ডাটাবেছত থকা তথ্য।